Apocalipsis 20:2 - Sinia' Jlamtis 1994

^2-3 Sekyi'i injlojwanik poli jlele isime ti ilie'nit'ne jaka siojo ajliutietiok, naka'neje 'ni injlatiok ti 'nelanjie'e t'ipi, naka Imosik siu'neje ti Sitiejiejwa. Ilie'niti siojo itiun'ni wikijnies, sekyi'i ti 'yumajak'i isia'm siujlieja kiawe ti je ti'wena k'ioyi, sekyi'i ip'ionayi ti 'yite ape'e ti 'yilina ape'e siojo je ik'asinit'i ape'e, kajeyepa ti ja ke inets'e paka inkajli ka i'najlinit'i ape'e jajnok'i'ni paj ka mílana'a niwa najkapis ni siuniwa tenaje. Jak je iyoyiji jankama'ne napo i'nio' yi' ape'e 'ni ajnat, ti ja lajak'i'ne paka ink'emijietk'i paj ka ineyek'ina'a siuniwa tenaje. Janek 'niji niwaka ka jiwekie'ajana'a ka tiwejnana kiu wat kisie'e, 'yina ja ke paja kisie'e.

Apocalipsis 20:2 Iomraidhean Croise

Mateo 19:29

Siunie na'm ijyik'i, ti sek iliyik'i'ni japa ji'wuk, siunapo ji'niayi ijwienjliyi, ni'ne ka jiniaye pa, ni'ne ka jleta japa, ni'ne ka jilisa', ni'ne ka jika ajnata pa, jajwi'lase'm ti je ijiat ka je inkama ape'e niwak siuniwa initiajnatayi, janamek'i siojona ji'wasankiye ti laj jlaja, ti jan'we'en ni i'nio'.

Mateo 8:29

Ti yiyet'iyisipi ja Jesús, kiak t'ipa iyoyeyisipi ti tank'i wita'm: —Sinia' jlas, ¿yot'iyi'ni ti je kasse'nate? ¿Jiwot'iyimi ka poye ta'a paka wonts'e, ti ji'nis 'yina ti je yijliyi'ijyi siojona jlomaye?

Marcos 4:15

Po' siunapo iyo'ate jana inseliaki siojona ijniujlia'm siupa 'nayi: 'yina ipi'ya ni inamtik napoka, tal 'niji ni imosik ti sitiejiejwa, sekyi'i ijialayi siunie ti yintajets'i niwa jlosikis.

Marcos 5:7

Iyonayi 'ate ti tajwijyi'n: —¡Ká 'ok'inie'e Jesús, Sinia' ti lajk'ipa ka ijnojliji jlajts'a'm! ¡Anip'elisi'najapeje pa Sinia', ka je k'iejliyijna'a paka awonk'i!

Juan 12:31

'Nak ja ti'yena 'ni ajnat. Siunie i'nio' tijniejieta'a, ti i'yena ni ajnat, ja totie kisie'e.

Juan 16:11

Jlam pet siunie ti Sinia' jan'ye'en napo i'nio' siupi jitis iyo, naka pet ti siunie i'nio' ti isie'e 'ni ajnat, ja 'nakaj ti pajk'i ti tisiejek'i.

Romanos 16:20

'Nakayi ti jla'm iwonayijna'a 'ate siunie, siunie Sinia' ti tajle ni inkamankiye, ka 'neti'nits'e ni sitiejiejwa imosik, sek jane'yi ka inenana'a assatis kiajwe. 'Esiji ka Saka'niona Jesús imp'elisinape.

Hebreos 2:14

Siuti kia'iyo ti si'niayi ijwienjliyik'i, 'yina Jesús kiak iniwone pet 'ate iyo awoki ti sa'am ti i'niolts'e'm. Jak je iyoyiji 'yuye'e, 'esieyiji ti 'ya'al, jak je iyo siojokia t'ajlati iyo itiete'ne isia'am ki imosik. Sekyi'i initiajnati siukia jijweye iyo, ti isiene'ni napo i'nio' ti iliajne'n.

1 Pedro 5:8

'Esiji ka wujwa ka 'yena siunie jiwoyeyi. Joskiyeyi, asosik enitiejyits'i'ni, kajeyepa siunie astajiejwa imosik iyo'ate ni k'iwajla ti jwesieta, ti inijijwijyink'iye ni i'nio' ka insojmayi ka inla'an.

2 Pedro 2:4

Siupapo injlojwajnas poli jlele ti kia'iyo siupi je 'es, Sinia' je najwi'yite. Itieteje siupi imosik ji'wet pet ti wikijnies ilie'niti yi'i pa ajnatiok, ti itiejiete siojopa jloma ka Sinia' i'yenta napo i'nio' ni jitis iyo.

Judas 1:6

Pojon'nejepe papo injlojwajnas poli jlele ti ijliasate'n siupa Sinia', iyontaja ti yinta'ak'i siupa jikijmaye iyone, je 'esiji jla'm ti taj'lik'i siupuwa ji'wetis. Papoka ti Sinia' ilie'niti puwa wikijnies ti jajnok'i'ni ti ja inkipijnasa', sekyi'i itiete jikiowe'e ni ajnatiok jajnok'i'ni paj ka ineyeyinie'e siojona jloma ti ja ke jwajla'aja, janaka siojona ja tenajaja ti ja ti'yena napo i'nio' pi jitis iyo.

Apocalipsis 12:13

Siojo ajliutietiok i'wi'in ti t'ojmak'i ajnat'e, sektajla'a pet ti ijian'ni siujlieja ti k'iejli jlas yiji'n.

Apocalipsis 12:15

'Yina siojo injlatiok ta'a ti isienataja ni i'niat ti iyojta tewukie, ti itiajlat jikiwitk'i, ti iyotaja ka i'niat inekk'i.

Apocalipsis 12:17

Sekyi'i'ne siojo ajliutietiok kat'ajayi ti a'tiejam'ni jlajak i'nioki. Sekyi'i ti yamayi ti jiwak yikiaj'le siunapo jilis jlajak i'nioki ti t'ekijiam'ni, napoka siunapo i'nio' iyoyi niwa Sinia' jlamtis, siu'neje napo i'nio' ti je paj ka inleyi ti ijwi'il ni Jesús.

Apocalipsis 12:3

Sekyi'i ti 'yakajayi'iji ni jikiecha siunie iniank'iye ti japoye; po' ni pinitiok wuj ti iyo'ate ni ajliutie kejlikiamt'e insatk'i, ijwienjli sikio' itij'we times tom'niji niwa jlete'l, 'yina siuniwa jik'iulis jla'am itijwa'm 'niwa sikioye, 'yina siojowa tena jlete'le iyo'ate siojona tena jletik'i na anechiyas.

Apocalipsis 12:4

Jikias itietajap ts'iji niwa katese'l ijliena kajnewita'm jikiowe'e kiwa itijwk'i, sekyi'i ti itietayi ajnat'e. Jitieyi'i jlajak asejnia ti jlas yokie, sek yajapa'aja'n ti i'ye'en ka ine wek kisie'e ja kia'le ti iyota ka intojw.

Apocalipsis 12:9

Sekyi'i ti totieja kisie'e ni ajliutietiok, siojo ti 'nelanjie'e iyot'ipi injlatiokie'; Imosik, jle' 'neje ni iyo'ate Sitiejiejwa, siunie ti ik'emijiet wikie'eyi napo i'nio' yi' ape'e 'ni ajnat. Tijwanaja'a papo jikawos injlojwajnas poli jlelejimpe ti 'nelanjie'e, ti titietajak'i isia'm ajnat'e.

Apocalipsis 13:2

Jaka ja a'we'en pinitiok, siojo k'iejliyi iyo'ate ni kiunie, jlampet jawa jisietis iyo'ate jana so'olie niwa jisietis, siojo jikiwet iyo pet 'ate ni k'iwajla ni jikiwet. Sekyi'i siojo ajliutietiok jijweye iwijna'm pet siojo i'niat lajlik'i jlele, siu'neje ti ijniejiet'e ti isie' ape'e puwa ajnatis, siu'neje ti yikiajle pi jle' iyo ti iyo anechiyasa'.

Apocalipsis 13:4

'Yina ijiunitieyis ja ajliutietiok kajeyepa ti jla'am jijweye iwijna'm siojo pinitiok i'niat lajlik'i jlele. Sekyi'i ijiunitieyis ts'iji jaka ti iyoyits'i 'ate: —¿Tempa ka wo'ate iyo siu'nie pinitiok? ¿Tempa jantayi kajwe'el ka int'ekiye?

Apocalipsis 20:10

Jlajmiliet siojo imosik, ti ik'emijietk'i napo i'nio', titietajayija'm ni jwat siunie ti isa ape'e iyo ni i'niat lajlik'i, siu'neje na azufre, siunie ti kia'iyo ti titietaja'm ja pinitiok siuti jiliaye iniuj wita'm ja injwejlanik jiwo, ti je tal Siniayi. Jlomas ajnajas ti janejyi ni jijliak'ali 'yina jajnok'i'ni ti kiak jawo.

Apocalipsis 20:7

Janek 'niji siuniwa mil najkapis, ka jiwekie'ejana'a ka t'ajlinitieje ni imosik ti inkio' ja tiliena'a ti tiwoki inkipinikie'.

Apocalipsis 9:11

Siunie jika anechiyas naka injlojwanik poli jlele ni siunie ji'wet pet siunie kiawe ti je ti'wena isia'm pi jik'ioyi, ti 'najlati 'wet, jle' iyo'ate ti Hebreo ji'lij Abadón. Jlampet ti griégojos ji'lij iyo'ate Apolión, ti awonaja pet 'ate Kalankijieta.