Apocalipsis 20:11 - Sinia' Jlamtis 1994

¹¹ Jakayi'ne ti a'we'en siujlieja ji'wet ni anechiyas lemi, siujlieja ti jlamt'iyiji, siu'neje ja yi'iji'n. Sekyi'i siunie ajnat siu'neje na poli jlam sek netiana'a jitieyi'i, 'yina ka kia'iwo ka ti'wena paka inejyi wata'a.

Apocalipsis 20:11 Iomraidhean Croise

Mateo 11:22

Awo'ate asa'm ja ijiatayiji ka inetiejenie'e siojona jloma ti ja ti'yena napo i'nio' siunie iyo, niwa ti ja titiajlataja, janka'm ape'e siupa tiwonat'iyipi papo i'nio' yiji japa Tiro siu'neje japa Sidón.

Mateo 24:35

Siunie poli siu'neje 'ni ajnat janetia'n, 'yina jlampet niwa yamtis ja ke paja ka inetia'n jla'am.

Mateo 25:31

Jesús je iliyi ti tamti ti iyo'ate: —Siunie I'nio' Jlas ti ja'nes, janejyi siunie iyo ni jijweye, jla'yi ti ja jla'yisa' napo jijliujwajnas poli jlele, jane'yiji'n siojona ji'wet ti 'es ti jlam ti anechiyas.

Romanos 2:5

'Yina siuti a'm ti je injlana'ni ti int'o'n ti je wo ka wo ajosik ink'ieye, ijiatjliyi am am ti jitio'n atepe'e siunie jiliayeja' pet ni i'nio' ti ja tisiejek'i ka Sinia' in'yenta na jitis iyo, ti jlam ti tijnajyi siunie jawoyi,

2 Pedro 3:7

Siunie poli, siu'neje 'ni ajnat, ti je tetitiejli'ijyi ka tinitiajnataja'n. 'Yina ti jla'am pi Sinia' ti ji'lij ka kiak iwo ti itiejietape, ka 'yenta napo i'nio' ni jitis iyo ti jankiene ni jwat napoka siunapo ti 'yakakiu pi Sinia'.

Apocalipsis 12:8

'Yina siojo ajliutietiok siu'neje japo jikawos je itie, jak je iyoyi ka ji'wet poyeyi ts'iji poliyi.

Apocalipsis 16:20

Jak je iyoyiji siuniwa ajnatis i'niat tijwajiape'n, siu'neje niwa tikijnakiyis netia'n.

Apocalipsis 19:11

Sekyi'i ti a'wena ni poli ti inilajna'm, 'yakaja 'ni a'lenta lemits'i, jle' iyo'ate siojo i'nio' yi' ape'e ‘Ijiatk'i jla'yi ti Je Tak'emisie'n’, kajeyepa ti tijnajyi siunie ti 'yakajanit'i ape'e ni i'nio', siu'neje ti inila'an.

Apocalipsis 20:2

Sekyi'i injlojwanik poli jlele isime ti ilie'nit'ne jaka siojo ajliutietiok, naka'neje 'ni injlatiok ti 'nelanjie'e t'ipi, naka Imosik siu'neje ti Sitiejiejwa. Ilie'niti siojo itiun'ni wikijnies, sekyi'i ti 'yumajak'i isia'm siujlieja kiawe ti je ti'wena k'ioyi, sekyi'i ip'ionayi ti 'yite ape'e ti 'yilina ape'e siojo je ik'asinit'i ape'e, kajeyepa ti ja ke inets'e paka inkajli ka i'najlinit'i ape'e jajnok'i'ni paj ka mílana'a niwa najkapis ni siuniwa tenaje. Jak je iyoyiji jankama'ne napo i'nio' yi' ape'e 'ni ajnat, ti ja lajak'i'ne paka ink'emijietk'i paj ka ineyek'ina'a siuniwa tenaje. Janek 'niji niwaka ka jiwekie'ajana'a ka tiwejnana kiu wat kisie'e, 'yina ja ke paja kisie'e.

Apocalipsis 21:1

Yam'niji kiaka, sekyi'i a'wena ja poli ink'ie', ajnat 'neje ink'ie'. Kajeyepa ti siupa poli ti paj, siu'neje pa ajnat paj, i'niat lajlik'i ti kia'iyo paj, lajk'i puwa, netia'n.

Apocalipsis 21:5

Sekyi'i siojo yijijyi'n jlajak in'wet ti 'es iyo'ne 'ate: —'Ye'en, awojwa'n ink'iejyisa' wikie'eyi niwa wask'i'nelaja. 'Yina iyonk'i 'neje 'ate: —'Ete'e 'niwaka, 'yina jla'm ijiate wek jla'am ka je inkakiuni napo i'nio', kajeyepa ti je tak'emisie'n.

Apocalipsis 4:2

Jakayi'ne ti kia'iyo siojopa Sinia' jikimet ti 'es ti ayet'ijyipi, sekyi'i ti a'wena siujlie'e anechiyas ji'wet ts'iji poliyi, jaka 'neje jla'am siojo yijijyi'n.

Apocalipsis 6:14

Jlampet siunie poli a'yejnap pet siunie imp'esinik ti takapajlatak'i ti je tiliatak'i siuti yapilietaja'm jla'am, ti netia'n. 'Yina siuniwa tikijnaki siu'neje niwa ajnatis ti i'niat tijwajiape'n wikie'eyi ti titiajlina, je yiye'ek'i siuniwa ji'wetis pet.