Apocalipsis 2:7 - Sinia' Jlamtis 1994

⁷ “¡Siunie jik'iot tiojwa'l po', k'iuyi siunie iyo janak Sinia' jikimet ti 'es ti ijwijla'm napok Sinia' jilis! Jlampet siunie jant'an pijia'm nak jawinajamna'a pet siunie jantojw jla' janaka a'la' ti i'wasankiye tajle yiji ni Sinia' jiwasok ti 'es.”

Apocalipsis 2:7 Iomraidhean Croise

Mateo 11:15

¡Jane'yi pa siunie jik'iot tiojwa'l po', jipe'yaye!

Mateo 13:43

Ts'ijiye jlampa inekiena'a 'nijiye naka, siunapo i'nio' jawoyi siunie I'nio' Jlas iyo kawoyi, napoka napo jawo'ate ni kilie' jla'al, ti janses ts'ijiye yi'i ti iyo anechiyasa'. “¡Siunie ka jik'iot tiojwa'l po', k'iuyi!”

Mateo 13:9

“¡Siunie ti jik'iot tiojwa'l po', k'iuyi!”

Marcos 4:9

'Yina yinayi'iji ape'e 'yina iyo'ate: —¡Siunapo jik'iot tiojwa'l po', k'iuyeyi!

Marcos 7:15

Siuniwa tal kisie'e ti ijiojwa'm ni i'nio', je niwaka ka inkajyi'n ni i'nio' ka je 'esie jitieyi'i ni Sinia'. Jla'm ijiate jla'm siuniwa tajla'm ni jlosik ni i'nio' ti 'yakajyi'n.

Lucas 23:43

Jesús isiujlie ti iyo'ate: —Ijiatk'i siu'nie jayo'naja ti siu'nie jloma je ijiat ka je a'ijiap ka yitana'a ji'wete siupa 'es pa Inia'.

Lucas 8:8

Siupuwa ijniuj'li pa ajnat ti 'ejts'i, tekil'ne puwaka jlam yamjli pijia'm, paj ti yiyeyi ti iyo jlaye, iyot'iyipi japa yiyi japa cien puwa jlo', ti ijwienjli japa inseliaki tajla'm. Kiak iyo kiwa Jesús yamtiyi, yine ape'e ti 'yakets'iyejap ti iyo'ate: —¡I'nio' ni jik'iot tiojwa'l po', kank'iuyeyijna'a!

Juan 16:33

“Wikie'eyi siuniwa ajwe'lase'm jant'eminajna'a ka akamankiye atajlayiji ti je sakakiuye. Ja ke jlasiye ni asjlak'ali ape'e 'ni ajnat. 'Yina ke ajlasatayijna'a isia'm siunie jiwoyeyi, 'yina pajk'i ti 'a'n ape'e ki iyo ni yi'i 'ni ajnat.”

1 Corintios 2:10

'Niwaka'ne siuniwa ti Sinia' iyo ka kastant'ieje, 'yina ijiatjliyi kastant'ieje'ne. Lapakawo ti po' siojona jikimet janaka'ne ti i'ye'en niwaka, wikie'eyi niwa wask'i'nelaja, 'wanjliyi ka kia'iwo ka poye siunie yiyi ni Sinia' ka ijiatayi ka instayiji.

1 Jn 2:13

Asa'am ti inkijliyejyi'n, i'lij atate'ase ti pajk'i ti intant'iejayi siunie i'nio' po'o ta'a ti 'nelanjie'e, je wakaljli'ijyi niwa wask'i'nelaja yi' ape'e 'ni ajnat. Asa'am ti jwemik'iase'm, kia'iyojliyi atate'ase ni i'lij ti asa'am pajk'i ti jinilanayi ni imosik 'yina jitieyeyi.

Apocalipsis 13:9

Siunie i'nio' jik'iot tiojwa'l po' kank'iuyeyinie'e siu'nie:

Apocalipsis 14:13

Jakayi'ne ti ape'yayeyi pa ina'lap tom poliyi, ti iyonk'i 'ate, ti ijliuyijk'i'm: —'Ete'e siu'nie: 'Nakayi, jajnok'i'ni ti kiak jawoyi ti Sinia' jikap'ijliuskiye janeyi napoka ti 'yajlap ni Sinia'. 'Yina siojona Sinia' jikimet ti 'es iyo'ate: —Ijiate, lapakawo ti niwaka jla'am niwa iyoyisi ti je niliaja, 'yina niwaka'ne ti jant'emina ti janinop'itisi ni jikijmaye.

Apocalipsis 15:2

'Yina a'we'en ja siojo iyo'ate ni i'niat lajlik'i ti ijiat ti 'esi' ti intaj jlal tijwayiji'ni siojo ti jwat ijlijni'ni. Jlam'ne pet siojopo ti pajk'i ti itietisi isia'm jak pinitiok, jaka 'neje jla'am ni jipe'el titewitanajak'i, siu'neje jlaja jijwukis ni jle', takasitk'i ape'e jaka siojo i'niat lajlik'i ji'woso'l siojowa t'aka 'lojk'iji'n ijwienjlijamk'i ti pajk'it'ipe ti Sinia' yikiajle.

Apocalipsis 2:11

“¡Siunie jik'iot tiojwa'l po', k'iuyi siunie iyo janak Sinia' jikimet ti 'es ti ijwijla'm napo Sinia' jilis! Jlampet siunie jantate isia'm ni siunie jitiejiejwa, nak ja ke inekiajle'eje ka 'na'al.”

Apocalipsis 2:17

“¡Siunie jik'iot tiojwa'l po', k'iuyi siunie Sinia' jikimet ti 'es iyone napo Sinia' jilis ti ijwijla'm! Siunie i'nio' ni jant'an pijia'm ti jantate isia'm ni jitiejiejwa, nak ja'yakojniene jana maná ti je takajanitie, sek jane'yi ka iwinajamna'a siojona sisaj lemi'ni ti yi'i siunie ine'e ink'ie' ti t'etaja'a, siunie ti je yits'e paka 'najane pa ka iwone 'yina 'wenajliyi jla'am siunie tena jikiojyi ti 'yijene pi iyone.”

Apocalipsis 21:7

Siunie ti jantate isia'm niwaka ti teje'yi ilia'm naka janeyena'a jikiojyi wikie'eyi siuniwa ti jla'am ti jikijmatis. 'Yina ya'am ti ja Jiniayek'i'm, jlampet ti jla'am ja yasa'.

Apocalipsis 22:14

Sinia' jikap'ijliuskiye yiyi siunapo ti itime ti iliji'n niwa ji'wuye, 'nakayi ja ke tenaja'm ka intojw siuniwa jla' janak a'la' ti in'wasankiye, ja 'esiena'a k'iye ka 'noyi siuniwa jika 'wuk kiwitawa jana isi'.

Apocalipsis 22:17

Siojona Sinia' jikimet ti 'es, siu'neje napo Sinia' jilis ti ti'yenajap japa i'nioki ti janeyi siunie 'wolepo 'woma, iyoyits'i 'ate: —¡Jomet! Siunie jampe'ya, ka kiak iwoyenie'e pet 'ate: —¡Jomet! Siunie ti janki'im, ka inamayinie'e siunie i'niat ti i'wasankiye, sekjane'yi ka i'yayejenie'e, 'yina ja ke tiwok lajaye.

Apocalipsis 22:2

Iniu kiowik'i siojo jika'wu siojo jlameje jlajaka isi'. Jikiusk'i jak tewuk kia'iyojliyi ja tojmi 'wechaja, sek 'yita'ak'i siujlieja a'la' ti i'wasankiye. Wikie'eyi niwa najkapis, wikie'eyi niwa we'lajas ti iyo jlaye; siunapo i'nio' yi' ape'e 'ni ajnat 'esi niwa ji'wole ti iyoyisi jikakieye it'iminayi'iji ti isis.