Apocalipsis 2:3 - Sinia' Jlamtis 1994

³ Jlampet siunie ti jinia'm ijyik'i je jlase' siunie ti jinilayiti, 'yina je wojliyi wek ka intasite, siu'neje ti ataj je lie'ne wek.

Apocalipsis 2:3 Iomraidhean Croise

Marcos 15:21

Yit'i'yipe siojo 'nayiji ti isiutieyisi siojo i'nio' jle' iyo'ate Simón, Cirene jlele, Alejandro siu'neje pa Rufo jiniayis, ti k'iejli yapitie tal 'lajna'm, 'yina tokis t'as'ne k'iye ti ijliuye ka ink'iuyeje jlaja jika cruz ja Jesús ka intejlia.

Lucas 14:27

Siunie i'nio' ja ke intejlia jana jika cruz, ka ina'm ijyik'i, kia'iyojliyi nak ja ke ikajli ka inwo 'yiyasanikie'.

Lucas 18:1

Jesús yamtiyi siu'nie ti jla'm i'yejnap jiwek, ti 'yiyasajne'n japo t'eyasajnas ka je inleyisi ka inwoyis'ni t'ajlayeja'.

Lucas 21:19

¡Jwajla'a paka woyeyi 'nakayeyijna'a ka 'yakana siojona jla'm ijiate jla'am ti as'wasankiyeja'!

Lucas 5:5

Simón iyo'ne 'ate ti isiujlie: —Inka'neyasajnawo, atejwaja'm ki ajnaj ti awokietaj'ni, lajk'iyi pa ka i'wina. 'Esijyi ti a'am ti jijliuyijk'i'm, jatietajam'ne 'niwa ika'nijia tio'.

Lucas 8:15

Jlam'ne pet siupuwa inseliaki ijniuj'li pa ajnat ti 'ejts'i, napoka siunapo i'nio' ti ijiate ti 'es ti isi'm ilia'm jla'yi ti iyoyi niwa Sinia' jlamtis, jla'yi ti its'iuyeje ni iyo. Jlam sek iniujliye'e pet siunie 'es ti iyo jlaye, siupapo tajla'm.

Juan 15:21

Niwaka siuniwa janwo'nase napo i'nio', lapawo ti ya'am ti jat'imi'nase, ti je itiant'iejesi ni Siunie sijliu'.

Romanos 12:12

'Esiji ka nikanitie'yi ilia'm siunie asnejejwijiye ti yi'ase. Siuti jane'yase ni aswet'ia, 'esiji ka akat 'okiejak'iye. Ja ke paja ka leyeyi ni asts'ajlaye ti jawoyeyi.

Romanos 16:12

Atejwile jlaja Trifena, siu'neje jlaja Trifosa, napo asejnia ti ijiate ti isima niwa Saka'niona jlamtis, siu'neje jlaja sikiecha ti wuj ti kasts'amaja Pérsida, ti kia'iyo wuj ti iniuyeje pa Saka'niona.

Romanos 2:7

Sek jane'yi siojona ji'wasankiye ti laj jlaja, napok janwejna'm pet siunapo iyojyi'n, jla'yi ti yamjliyi pet ti iyoyi ni siunie ti 'es, jla'yi ti iyoyisijyi'n siunie inwunitieye ti tajle ni Sinia'.

Romanos 8:25

Siunie anejejwiyejen k'iye naka pet ni siunie ti sitiete je i'winjli'ijyi naka ni siunie 'yu'we ka je ilikiape ka inijijwiyejen k'iye.

1 Corintios 13:7

Siunie ti jlemijnaye po' 'yakajli ti ijiate ti inilayiti pet wikie'eyi niwa wask'i'nelaja. Je paj ka inleyi siunie iyo ti jitienkiujnieye po', kia'iyojliyi ti jlomas ti jinijijwijie po', jla'yi ti je inip'elisin'ni k'iye paka k'iejliyeyi.

1 Corintios 16:16

Naka'ne ni siunie ajwel, ka kiak aniwonayiji ka ijiatayiji ka je atonitie napoka ti kiak iyo, siu'neje ti jak'iuyeyi siunie ijwilis siunapo ti isimk'iji'n, siu'neje napo jlosik po' ti iniuyeje napo ijia, ti iniuyeje pi Sinia' iyo ni jikijmaye.

2 Corintios 10:15

Siuti kiak awoki ti já akama ape'e siunie Sinia' kasse'ne pet jak je iyoyi je aniwunitieje siunie jikijmaye napo 'wenayi, ka ijwila ka sama ka sikijmayeja'. 'Yina awotajank'iye ka ijiatayiji pet siunie astankiujnieye ti 'es kapoye, jak je iyoyiji janeyi ts'ijiye janjlas pet pijia'm siunie sikijmaye siunie Sinia' iwints'e'm ni yi'ase.

2 Corintios 11:23

Sijwajieti jikawos napoka, 'yina kia'awo pit. Ya'm ijiatayi ya'am ti aka'm ape'e, ejlowek siukia awoyi ti ajwe'el 'yiniye pa ti itiej je 'es. 'Yina siunie isijmaye 'yaka'm ape'e ni jikijmaye iyo. Je ijwienjliyi ka je iyi'ni insat jiweje, 'yina kia'iyojliyi naka aka'm ape'e. Siunie tiwonak'i siuti sak'ajak'ni je ijniujliji; siukia tiwonak'i je ijwienjli ka je ijlien'n ajnata'm.

2 Corintios 4:1

Tempi it'imina ti jla'm ani'netiejli, kajeyepa ti kasts'ajane pa awonaja ni jikap'ijliuskiye iyo ni Sinia' ti yikialts'e siunie sikijmaye iyo.

2 Corintios 4:16

Jak je iyoyiji ka ijliasataja isia'm siu'nie awoki, jla'm ani'netiejlik'i. Ijiatata wek 'ni ts'isie'n ti iyo 'yusieja', 'yina siuniwa sosikis yamjli pet niwa jlomas ti yapi jwemik'i.

2 Corintios 5:9

Jak je iyoyiji, 'wanjliyi ka je itiajlaja, ni'ne ka je iwieki siu'nie ts'isie'n, 'yina ajalasa ape'e ka ikanitieje'ni pa Saka'niona.

2 Corintios 6:5

siu'neje na ti kask'ajakietaja'n, siu'neje ti kasts'otiejatak'i a'laja'm, siu'neje ti ti'yikisanajatats'e, siu'neje ni sikijmaye ti kiojieti, siunie ti ijnieti anilankinaja, naka 'neje ni nel'lia.

Gálatas 6:2

Ká ajwankite ni akiecha ti po' pi yiyi. Noyeje ja inkiajatajak'i'ni ti kiak jawoyeyi. Siuti kiak jawoyi, ijiate nak jawoyeyi ni jika'neyasajnaye ni Sijwajieti.

Gálatas 6:9

Nak it'imina ti kia' awoyi, ti awo'ate ja 'yakatataja ti janaja ni siunie 'es. Kajeyepa ti siuti jwajla'a jayoki, ja akajlajyi siunie 'es ti tajla'm siunie sikijmaye, ka netieje janak jloma.

Filipenses 2:16

ti jijwelajia'm niwak Sinia' jlamtis ti janak in'wasankiye. Siuti jakinieyi naka, yam wuj ti jati'mase, ka 'nesta pi Sijwajieti, kajeyepa ti ja 'nakaj ti jlam je askiujni'n jiwek, jla'yi ti jlam je akijme'n jiwek.

Filipenses 4:3

Siupet ti a'am, a'm ti je paj ka sitionit ti inkayank'i pet ti awoyetaja siunie sikijmaye, yot'iyi'ni ka je anoyeje japo ti napok si'lijwas, napoka ti t'as yi'pe ti 'ekiyejayi ni siunie sikijmaye ti awoyi yamtikie' siuniwa Sinia' jlamtis ti isis. Siu'neje ja sikiecha Clemente, je ijwienjli japoka 'neje japo ya'yispe ti akimak'iji'n. Wikie'eyi ti jleyis yi'i ni siunie imp'esinik, yi'i napoka ji'wasankiye laj jlaja po'.

Colosenses 1:11

'Ajlajanayi'ni pi Sinia' ka impejlanit'i aswa'm pet ni jijweye ti je jlase', ja 'nakayeyi ti ja asjweye japoye pet. 'Yina ja ke injlak'alajyi'n, 'wenajliyi ti ja akamaja.

1 Tesalonicenses 1:3

Siuti ijiate ti jikimayi ni astankiujnieye ti 'es, je pini' siuniwa askijmayejes ti isis niwa jitiajlayija'm. 'Yina siuti jikimayi ni asemijnaye, wuj ti jinilankinieyi ni askijmaye. Siuti ijiate ti jikajanitie ni jinijijwiyejyink'iye pi Saka'niona Jesús ti Sijwajieti, ijiate nak it'imina ti jini'netieyi, ejlowek ti wuj ti jinilayitieyi pi k'iejli ti aswet'iayeta. Ti a jitieyi'i pa Sinia', je paj ka sikiwaliyi'i niwak siuniwa isis ti jiwoyeyi.

1 Tesalonicenses 2:9

I'lijwas, astaj wujk'i siukia awoki ti akimak'iji'n, ti jloma ajnaj kia'iyojliyi, paj ti je kasts'isisieyi ti akimak'iji'n ti awokijyi'n pi sak lajaye. Jak je iyoyi ka poye pa ka intajli'i ka jwesiejayiji'n paka k'iejliyeyi ka kasts'isisi ti awokietaja ni sikijmaye, ti awok samtikie' ti ajwela niwa Sinia' jlamtis ti isis.

1 Tesalonicenses 5:12

I'lijwas, anip'elisi'niase ka k'iuyek'i'm siunie jayo: 'esiji ka woye lajaye, k'iuyeyi siunapo yi' aska kiowe'e ti isimk'iji'n, siu'neje napo i'yena napo ijia Sinia' jilis, ti 'neyasanayi niwa Saka'niona jlamtis.

2 Tesalonicenses 3:13

Ijiatjliyi, napo i'lijwas, ke ink'ijliaye'ni ti jiwoyeyi ni siunie 'es.

2 Tesalonicenses 3:5

'Esiji ka Saka'niona 'wenki'nase'm pet siunie iniwoneje ti jlam ti tajle ki iyo ni jlemijnaye ti po', jla'yi ka iwoye asjweyeja' ti jiwayeyetaja ni asjlak'ali ti wuj ti jinilayitieyi iyot'iyipi jla'am ti iniane ti inilayiti.

2 Tesalonicenses 3:8

Jak je iyoyiji siukia atowa akinieje, kajeyepa ti laja po' kiwa jlomas ajnajas ti akimak'iji'n, paj ti je kasts'isisieyi. Jak je iyoyiji ka poye paka inila'ne ka ink'ipi'ni sajap ka wojyi'n paka itiuwa.

1 Timoteo 4:10

Nak it'imina ti awok sikijmayeja' jla'yi ti anilanajan'ni ape'e, 'yina ti jlam pajk'i ti ena'a ni sinijijwiye pi Sinia' ti jlam ti je paj ka netia'n. Siunie Sijwajieti, jla'yi wikie'eyi napo i'nio' ti Jijwajietiyis 'esi siunapo ti je 'yakakiuyis.

1 Timoteo 5:17

Siunapo ti paj, ti 'es ti isimk'iji'n ti iniuyeje napo ijia ti Sinia' jilis, jlama ijiatayi jla'am ka 'esie ka'yenayi siojona jikaja ja 'etsakajak'i'ni. 'Yina janak tejeye napoka, siunapo ti taka'neyasane niwa Sinia' jlamtis napok je tolsinieja'm.

Hebreos 10:36

Siuti jinilayitieyi siuniwa ijio'wase'ni, 'yina wuj ti jisitiana siunie ast'oni 'nakayi ti jawoyeyi siunie Sinia' iyo kawo, siu'neje ti jataja' siunie ijwi'lase'm.

Hebreos 12:1

Jak je iyoyiji siuti 'yiniye ka iwiek jikiowe'e napoka i'nio' t'ipi ti 'loj ti inikajaniti siunie jitienkiujnieye ti 'es ti je 'yakakiu pa Sinia', 'esiji ka ijiutie kiu wat ts'ijiye siuniwa wask'i'nelaja kast'ajaniti'n, siu'neje ni sake' ti akapajlaja'ni. 'Esiji ka je inilakik siunie awoki ti 'osiye'ni ni atayeje.

Hebreos 13:13

Siuti sa'am 'yiniye ka kiak iyoki, ti awaki japak isi', sekyi'i ka inaja'ni ti atajlaja'm japaka ti ajoki pa Jesús. 'Yina wuj ti anilayitieje siunie ti tiwet'ianats'e tiwonat'iyijipi pet.

Hebreos 6:10

Kajeyepa ti siunie Sinia' je ka je ijnajyi, ja ke inkiwaliyi'i siunie jiwoyeyi, siu'neje ni asts'amankiye ti jlena'yi. 'Yina pajk'i ti jinikajanitieyi siunie asemijnaye ti jiniuyeyeje siunapo jika kia'lis, jikiniejliyi ti kiak jiwoyeyi.

Hebreos 6:12

Ká anoyeyeje siunapo i'nio' jiniliaja ti 'netaja'n, 'yina 'yena jla'am siunapo ti je tajli siunie jitienkiujnieye ti 'es ti iyoyi, siunapo ti pajk'i ti yi' kiojyi janaka Sinia' ijwilt'ijiampe, napok jla'm ijiate jla'am ka ni'yenajiap.

Hebreos 6:15

Abraham yi'i jiwekie'e ti inijijwijyink'iye paj ti jiwekie'aja t'ipi ti yi' jikiojyi siupa Sinia' ijwilt'ijiampe.

2 Pedro 1:6

'Yina siuti ja akajlajyi naka ka intant'iejayi ni iyo ni Sinia', sekjane'yi ka ajalasanie'eje ape'e ka akajlajyi ka atoma'yi ilia'm siuniwa je isis tajle pit ni iyo niwa 'asienis. Siuti ja akajlajyi naka ka atoma'yi ilia'm siuniwa je isis tajle ni iyo niwa 'asienis, sekjane'yi ka ajalasanie'eje ape'e ka akajlajyi ka anilayitieyi siunie asjlak'ali sek jane'yi jakamajayepe. Siuti ja akajlajyi ka anilayitieyi pi iyo pi asjlak'ali, 'yina ja akamaja, sekjane'yi ka ajalasanie'eje ape'e ka akajlajyi ka 'wena je anoye'yi siunie iniu'we ni Sinia' ji'niayi ti tijnajyi.

Apocalipsis 1:9

Ya'am Juank'i'm siunie askiecha, lapakawo pet siuti ani'nopijieteje ni Jesús 'yina si'wet ijwienjlajam'ne siunie Sinia' jika anechijiayas, siu'neje ti siliaye iniuk'i wita'm ti siwet'ia poyeta, 'yina majejli naka 'neje siunie sijweye pet ti ani'netiejeta pet ilia'm niwaka. Sena 'ne yi'i jlaja ajnat siujlie'e i'niat tijwajiape'n jle' iyo'ate Patmos, 'yina je 'wena paka int'emink'i naka jla'am ti awoyi yamtikie' niwak Sinia' jlamtis, siu'neje na ijiatk'i ti Jesús iyo jika'niyeja'.

Apocalipsis 3:10

'Yina siuti jik'iuk'i'm siunie awo ka woyi, siu'neje ti je liyi, nak jant'emina pet ti ja'ye'na'm ka inetiejenie'e siojona jloma siunie ti ja wujwa ti ja a'tiejak'i ape'e 'ni ajnat ti jajnejlit napo i'nio'.