Apocalipsis 2:16 - Sinia' Jlamtis 1994

¹⁶ Tempi it'imina ti awo'ate, wats'ilati siunie ajosik iyo, 'lojwinie'e ka iyik, 'yina ja lajak'ipa ka sijwatani'ni ti jajio'wa, siunie itisajnat jitiok siunie tal isiwitk'i nak jasie'nase ti janila'nase.

Apocalipsis 2:16 Iomraidhean Croise

Efesios 6:17

Siojona asjwajieti, janak woye pet aska wontaja, ti ja jip'ota pet jana asetik. Jlampet siuniwa Sinia' jlamtis, nak jawoye pet astesajnat jitiokie', ti siojona Sinia' jikimet ti 'es iwi'nase'm.

2 Tesalonicenses 2:8

Jiwekie'ejana'a ka 'nakaja nak i'nio', ja ke pajayi ka 'nesana'a pet ni Saka'niona Jesús ti janla'an jankiene ni jiyel, je lajk'ipa siupi jlaj ti a'tiejak'i, pak janetiajnat.

Apocalipsis 1:16

Ijwienjli sikio' itij'we times tom'niji niwa katese'l siuniwa yi' poliyi yijni kiojyi, ti itiujmat 'nijiye siunie jikio' jijweyeje, sekyi'i siunie jitisajnat jitiok ti jikiwitawa timesi ti 'yakajlamk'i itiajlat jikiwitk'i. Jlampet siojo jitiokio' iyot'e pet 'ate siunie kilie' ti ijiat ti 'esi', ti lajk'ipa kanp'one.

Apocalipsis 16:9

'Yina wuj ti a'tiek'i siukia iyo ti 'yojwits'i. 'Yina ka kiakaye'etieje ka inwoyis jlosikis ink'iejyisa', ka pakaye 'neje wek ka inwunitis pi Sinia', 'wenajliyi siunie iyoyisi ti tak'ekiasane ni Sinia', ni siunie ti lajk'ipa ka ijnojliji, ti jla'am ti isia'yi ape'e niwaka ti jiwet'ia iyo.

Apocalipsis 19:15

Siojo iniajne'n k'iye japo jika ijiawos, siojo jitisajnat jitiok ti 'yakajla'm itiajlat jikiwitk'i, ti jankiene napo i'nio' yi' ape'e 'ni ajnat ti ja'netamk'i, siu'neje ti jawo anechiyasa' k'iye, je lajk'i ki jijweyeja' ti je jlase'. 'Yina siunie jawoyi ti jan'ye'en napo i'nio' jawo'ate siunie i'nio' 'yak'asajamk'i ti ikajwonits'i niwa ts'ejnietio' ti tiwok t'eye, ti jant'asi'ni. Kajeyepa ti siunie janwone, jan'yayijni siunie at'es siunie Sinia' ti lajk'ipa kajnojliji, jiwak siunie ti ijiate ti a'tiejek'i.

Apocalipsis 19:21

Jlampet siukiapo ijia, jaka pet siojo i'nio' jiliajwa ja a'lenta lemits'i ti itij'we ti iliajne'n ti isiene siojo jitisajnat jitiok ti tal jikiwitk'i. 'Yina wikie'eyi siojowa ajwejnas ti itiuj'we'n na insoti yip'isi ki t'isie'n kiapo i'nio mases.

Apocalipsis 2:12

'Yina kia'iyoyejyi'iji 'ate: —'Ete'e kiu'ujwe siu'nie ti jatajiete ni jijliujwanik napok Sinia' jilis yiji jana isi' Pérgamo: “Iyo ni siunie i'nio' ni jitisajnat tiok ni jikiwitawa timesi ti 'yakajlamk'i.

Apocalipsis 2:5

It'imina ti awo'ate, ataj wunitk'i siupa jle'yi ti inoyeyiji'n,, 'yina wo ajosik ink'ieye, woyi siu'ujwe siukia jiniwone ti 'nelanjie'e. Siuti ja ke awoyiyi, jijwel ka je ijio'wa, ti ja'yikisa'na, sek jane'yi ka ijiala'ajna'a siojona aka katese'l ji'wet ti jatiajla'ne ni yi'i, siuti kiak jawoyi ja ke inkajlaja ka wats'ilati siunie jiwoyi.

Apocalipsis 22:20

Siu'nie 'yakajanit'i ape'e 'niwaka iyo'ate: —Ijiate, ja ke paja its'ioye ti jayapimet. Amén. Kets'ijyi'n, Ika'niona Jesús.

Apocalipsis 22:7

Iyo'ate, “¡Ja ke paja its'ioye! ¡Ikap'ijliuskiye yiyi siunie ti its'iuye ni inka'niye ti yiji siu'nie imp'esinik!”

Apocalipsis 3:19

“Awo jlosikisie' siu'neje ti isio' e'ne wikie'eyi siunapo ti ts'amaja. 'Yina siuti kia'iyo jwajla'aja pakawo, wo ajosik ink'ieye.