Apocalipsis 2:14 - Sinia' Jlamtis 1994

¹⁴ “'Yina po'neje ni siuniwa ti atajlata'm, naka ni siunie ti jle'najap siunapo ti yame pet siunie Balaam jika'neyasajnaye iyo, ti ijliut'iyipe pet pa Balac ka intajnap'ni ni siunie je 'es, ti ijwijla'm siunapo Israel jika kia'lis ti ijwil ka 'esieyiji ka titiuwa siuniwa ti pajk'i ti titimaja ti tiwok inlakijnieye ape'e puwaka siu'niwa ti tiwoki diosisa', ja 'nakayeyi pet ti janejia'm ni siunie inke', siu'neje na ti 'yakama ape'e siunie jota iwo napo siunie ayinie, siu'neje jana asejnia ti jlosik ijyiwiteje.

Apocalipsis 2:14 Iomraidhean Croise

Mateo 18:7

¡Wuj ti je 'es siuti poyeta niwaka ti ik'ajlinit napo i'nio' ti iyo ni jike'! Ja ke paja ka inetia'n aska kiowe'e niwaka 'yina awo'ate, ¡naka ni siunie ti jank'ajlinit ni jikiecha ti ja woyi ni jike' ja wujwa ni jiwet'iaye ti ja poye!

Hechos 15:29

Siunie t'isie'n, siuniwa k'iejliyi, ti pajk'i ti wakal ti t'otata k'iye siuniwa je ijiat ka diosisa', ká atowa. Kia'iyojliyi ni ji'woyis ni k'iejliyi ti 'yal ta'a pakaja. Ká akima siunie wuj ti je 'es, siunie iyo na ayinie jla'yi jana asejnia, ti 'yaka'm ape'e siunie iyoyi. Siuti ja ke akinieyi niwaka, ijiate ja 'nesieyiji'n. “'Nak nojwaja'm 'niwa samtis. 'Esiji ka Sinia' ine'yasap.”

Hechos 21:25

“Siunapo je Judíojos ti pajk'i ti ininekiajlisi pa Jesús, pajk'i ti sip'esinik atatajaja, ti ajwelaja'm siu'nie awonaja. Ti je 'esiji ka intowis siunie 'nisie'n ti wakal ti t'otata ti tekiajlaja niwa diosis jiniliaja. Siu'neje ni 'woyis, ni'ne ka nakaye siuniwa ti pajk'i ti 'yajle'n pakaja. Je 'esiji ka woyisi siunie iyo ni i'nio' jla'yi jana i'nioki ti 'yakama ape'e siunie 'esk'i ka tiwoki.”

Romanos 11:9

David iyo 'neje pet 'ate: “Siuniwa jiliakijnieyejes'ni 'esiji ka inikajyi'n ka wo'ate siuniwa inkatsalayis, 'yina ka inoyisi'ni jla'am ts'iji janeyi siunie jawo ni Sinia' ti jan'ye'en napo i'nio'.

Romanos 14:13

'Esiji ka ilik'i ti alakik napo si'lijwas. 'Yina akiojwa'l wonayi'ate, “Ja ke iyoyi pi k'iejliyi ka pakaye ka int'emina pa isiecha ka ileyi ni 'es ti iyoyi.”

Romanos 14:21

Ijiatjliyi, siuti nak it'imina ti iliyi ni jitienkiujnieye ti 'es ni akiecha, 'esiji ka je atojw pa t'isie'n paka k'iejliyeyi, ni'ne ka nakaye ni at'es. 'Esiji ka je k'iejliyeyi paka atojw, ka pakaye ka int'emijne'n.

Romanos 9:32

¿Yot'iyi'ni? Kajeyepa ti ijwilis ka nakaye ka 'esieyisi siuniwa jikijmaye ti iyoyi ka t'emina ka Sinia' inlesajne'n, jlam'ne siunie ti jitienkiujnieye ti it'imina je jnanjliyi. It'imina ti t'opits'i'ni isia'm ti t'asis kiajwe siojona sisaj

1 Corintios 1:23

jlampet ti sa'am awoki samtikie' naka ni siunie Injwajieti ti Sinia' jijliujwanik ti tena'a pijia'm japa cruz. Naka'ne ti siunapo Judíojos ti ijwi'il ikajyi'n ni jitienkiujnieye ti 'es, siunapo ijia i'nio' iyoyits'i 'ate, “Ijiat ti jiniliaki naka.”

1 Corintios 7:2

'Yina ti po' siunie iyo napo i'nio' ti 'yuyi'ni napo ijiajwa'yis ti yi' ape'e 'ni ajnat, naka'ne ti it'imina ti awo'ate, 'esiji ka injwa'yi ni i'nio', jla'yi ka injwankit jana asejnia siojona janeyi. Siojona asejnia kiak jawo, janjwankit siunie ayinie.

Hebreos 13:4

Apejlanit'i astepe'e ti awo'ate ká awoye aslakikie siunie injwa'ajieyi; ká akajyine siojona ask'iemjla siunie aske' ti jit'iuye'ni. 'Yina Sinia' jan'ye'en siunapo kiak iniwone ni jitis, siu'neje napo iliyik'i napo jijwa'yis.

1 Pedro 2:8

“Janaka siojona sisaj ti ja ke piniye siunapo ti jant'as kiajwe ja'nopijietk'i isia'm.” Siuti kiak jawo, ti jant'opik'i isia'm, 'yina lapakawo ti jlamayis jla'am ti je its'iuyisie niwa Sinia' jlamtis; lapakawo ti jlam titiejietajape ti 'nelanjie'e.

2 Pedro 2:15

Ikajyi'n, kajeyepa ti iliyi ki iyo ni 'es, 'nayi ti tijnajyi. Yame siupa iyot'iyipi pa Beor jlas, injwejlanik jiwo Balaam, ti ijiate ti itiliaja japa wikiniet'aj ti tajleje siunie je 'es.

Judas 1:11

¡Jiwet'ia japoye napoka siunapo ti yame pet siunie ji'niayi iyot'iyipi pa Caín! Siojona wikiniet'aj janak 'yakajmank'iji'n kajeyepa ti jikiowe yijni, iyo'ate pak Balaam t'ipi. Inilajnen'ni iyoye'ate pa Coré t'ipi, siu'neje pa jiwet'ia iyo ti no'we papo i'niot'ipi ti 'yajle'n.

Apocalipsis 2:20

“'Yina ijwienjliyeta siunie atajlata'm ti awoyi atesa': naka ti jlena 'ate ti iyoyi na je 'es janaka asejnia Jezabel, ti ijwil ka intal Siniayi siunie iniwone, 'yina ik'emijiet napo ikawos siu'neje ti 'yakajmaneje'n siunie iyo niwa jika'neyasajnayejes. Sekyi'i ni siunie ti ijiat ti je 'es ti iliaki siunie jijwa'ajiye, siu'neje ti itiujw siunie titiejietajape pet siuniwa tiwoki diosisa' ti tonitiejata.

Apocalipsis 2:4

“'Yina ijwienjliyetaja siunie atajlat'a'm ti awoyi atesa', naka ti jiliyi siunie emijnaye ti yi'a ti jiwoyi ti 'nelanjie'e.

Apocalipsis 21:8

Jlampet siunapo ti t'otale je t'ojni'n, siu'neje napo kakiujnietas, siunapo ti ijiat ti 'yakama ape'e niwa jikeyis ti je isis; siunapo i'nio' kalankijietas siu'neje napo ijia jwa'yis jiwos, siu'neje napo ti iniwojwa'n aye'wulisie', siu'neje napo ti jitiej iyoma niwa k'iejliyi ti iyoyi jika diosisa'; siunapo ti sintijyis, 'yina wikie'eyi napoka ti jajnoyi siunie jwat ti isa ape'e ti iyo'ate ni tewuk iliyi ti yat'e azufre. Naka jana 'najlati ti tomik'i siojona inia'an.

Apocalipsis 22:15

Jlampet siunapo ti ijiate ti je isisi ti iyoyi ni siunie je 'es, ja 'wanjliyek'i kisie'e, siu'neje napo ti iniwojwa'n aye'wulisie', siu'neje napo ijia jwa'yis jiwos, siunapo kalankijietas, siu'neje napo ti jitiej iyoma siuniwa iyo jika diosisa', wikie'eyi 'neje siunapo ti yimi'n ti ik'emijietk'i napo ijia.