Apocalipsis 19:12 - Sinia' Jlamtis 1994

¹² Siojowa jitiete iyot'e 'ate ni jla'al ni jwat ti yat'e, 'loj siojowa tena jletik'i siujlie'e 'yakajanit ti t'an pijia'm pa'a. Poyeta ja jle' ti yi' ape'e, 'yina lapakawo ti lajk'ipa ka 'najane siupi iyoyi, ijwienjli jla'am ti 'yijene pi iyone.

Apocalipsis 19:12 Iomraidhean Croise

Mateo 11:27

Yiyik'i ti kia'iyo, sekyi'i iyo'ne 'ate: —Inia' yikialk'i wikie'eyi niwak wask'i'nelaja. Lajk'ipa ka nets'e ka ijiatayiji ka intant'ieje ni Jlas, ijwienjli jla'am ni Jinia' ti 'yijene pi iyone. Jla'yi ti lajk'ipa ka intant'ieje ni Jinia', najataja jla'am ni Jlas ti itiant'ieje, siu'neje napo iyo ni Jlas ka intant'iejeniti.

Mateo 21:5

“Jwelajia'm napo i'nio' yiji jana Sión. Wonayi 'ate: 'Yena'yi ilia'm ni aska anechiyas ti ijio'wase, je initonit, yi' ape'e ni malekiat'io jlas, jlet jana inlajwa ti titilki'ni.”

Mateo 28:18

Sekyi'i Jesús ijliasayi, iyo'ne 'ate: —Inia' yikialk'i ka iyo anechiyasa' ape'e wikie'eyi siuniwa yi' poliyi, siu'neje niwa yi' ajnat'e.

Lucas 10:22

Yiyik'i ti kiak iyoyi sekyi'i iyo'ne 'ate: —Inia' yikialk'i wikie'eyi niwa wask'i'nelaja. Lajk'ipa ka 'najane paka wone siunie jlas, ijwienjli jla'am siunie Jinia' ti 'yijene pi iyone. Siunie Jinia' kia'iyojliyi, lajk'ipa ka 'najane paka iwone, ijwienjli jla'am ni jlas ti 'yijene pi iyone, siu'neje napo iyo ni jlas ka intant'ieje.

Juan 17:11

“Ti ya'am jayapi'lia, 'nak ja ke yi'i 'ne ajnat'e, jlajma ijiatayi ti jlamis ja ke intajlis 'ne ajnat'e. Inia' ti i'nes, 'esiji ka 'yena, ki iyo ni ajweye siunie ti jiwenk'impe, 'nakayeyijna'a ka injwanjli ino'we, ka iwoyena'a 'ate awoki ti sa'am.

Juan 17:12

Ti je ataljlijiap kiu'ujwe, wuj ti a'yena jla'yi ti anoyeje, 'yina ka lajak'i ni ajweye ti tajle ni e'e, siunie ine'e ti jlekialk'i. 'Yina ti jlamis lajk'ipa ka injwanjli ka netiane ijwienjliye jla'm siunie ti pajk'i ta'a ni jawo ti janetia'n, iyo niwa inamtis t'ipi.

Efesios 1:21

Yikiajlayi ka jlama ka inkie' ape'e niwaka jijweye iyot'iyi siupapo yi' poliyi. Siunie ji'wet pet ni i'nio' ti anechiyas wikie'eyi ti tekiajlaja. Je nakata ka jijweye poye ape'e siu'nie ajnat siuniwa jlomas, kia'iyo jijweye po' ape'e siunie ajnat ink'ieye ti jana'am.

Hebreos 2:9

Jlam pet pi Jesús a'wena ni siunie Sinia' iyone ti jwajla'a ti ijliasat isia'm, jak je iyoyiji siunapo injlojwajnas poli jlele t'ana wat ape'e. 'Yina ts'ijiye initojmat jla'm ape'e napo i'nio' ti ijioyi ni jiliaye. Ka lajk'i na jikap'ijliuskiye ti yints'e'm, nak it'imina ti 'ya'al pa Jesús. Jak je iyoyiji siuti kiak iyoyi ki inilayiti, sekyi'i Sinia' yin'ne ape'e siunie jiwunitieyi siu'neje ti iyojwa'n anechiyasa'.

Apocalipsis 1:14

Lemi'yi jli jletik 'ate iyo jla'a 'wole po' ti lemits'i siuniwa ji'wole, iyot'i 'neje siunie wi'yit ni k'iejliyi. Siuniwa jitiete iyot'e pet 'ate siunie jwat ti yat'e.

Apocalipsis 12:3

Sekyi'i ti 'yakajayi'iji ni jikiecha siunie iniank'iye ti japoye; po' ni pinitiok wuj ti iyo'ate ni ajliutie kejlikiamt'e insatk'i, ijwienjli sikio' itij'we times tom'niji niwa jlete'l, 'yina siuniwa jik'iulis jla'am itijwa'm 'niwa sikioye, 'yina siojowa tena jlete'le iyo'ate siojona tena jletik'i na anechiyas.

Apocalipsis 13:1

Sekyi'i ti a'wenayi ja pinitiok i'niat lajlik'i jlele ti 'nes pijia'm, ijwienjli sikio' itij'we times tom'niji jawa jlete'l, 'yina itijwa'm niwa sikioye ja nojwa'm jawa jik'iulis, 'yina ijwienjlijamk'i'ni siuniwa tena jleti'le napo anechiyasas jawa jik'iulis. 'Yina siojowa jlete'l kia'iyo jleyis ijwienjlijamk'i'ni tekiajla'ak'i siunie tiwonaja ni Sinia' ti tiliakik, siu'neje ti titieye ilia'm.

Apocalipsis 19:16

Po' niwa inamtis yi'i ja ji'wu', yi'neje ts'e jlekijna'a jawa ijia, ti iyo'ate, JIKA ANECHIYAS NAPO ANECHIYASAS SIU'NEJE JIKA'NIONA NAPO INKA'NIONAS.

Apocalipsis 3:12

Siunie i'nio' itiete isia'm ni teje'yi ilia'm, 'yina nak jayo pet Inia' ji'wuk ji'wukijieteye'; etiejna'aja ka ine'yik'i, ja ke paja ka titiajlina ni yi'i. Sekjane'yi ka ip'isina'ajk'ina'a ti jayi'ne ni jle' ni Inia', siu'neje ni jle' janak Inia' ji'wet siojona jle' iyo'ate Jerusalén ink'ie', ti ja ke 'wenaye paka jantajle naka ni Inia' pet ti yi' poliyi. 'Yina kiak jayo'ojyi pet siunie yi' ti ink'ie' jayi'nik'iji pet.

Apocalipsis 6:2

'Yina ti a'yenayi, a'wenayi ja a'lenta lemits'i. Jlampet siojo yi' ape'e jiliusie ni losie a'la'. Sekyi'i tiwenajaja'm siujlie'e tiwenajam'ni siu'nie t'an pijia'm ti tena jletik'i, siuti yama 'yakajayi'i'ni ti jlam ti pajk'i ti t'an pijia'm ti jantatek'i isia'm papo jitiejiejwas.