Apocalipsis 18:3 - Sinia' Jlamtis 1994

³ Naka ti ijiume wikie'eyi napo i'nio' yijits'i niwa ajnatis ni siunie jloski'la ti iyoyi; 'yina siunapo anechiyasas yi' ape'e 'ni ajnat iniuyeyisieje siunie jloski'la ti iyoyi, sekyi'i 'yuyisi'ni'ne. Jak je iyoyiji siunapo inak jiwos ti yi' ape'e 'ni ajnat inkasaje ka lajak'i ti jla'am siunie iyo ti je ilisaniji siunie i'winta'ni ti je inilesaniji.”

Apocalipsis 18:3 Iomraidhean Croise

Lucas 7:25

¿Nakat'e siunie i'nio' siunie ji'wuye isis? 'Najanayi siunapo i'nio' ji'wuye isis najata pet ti iyoyisi ti iyoyis'ni jiliakijnieyeja', yi' kiajwe niwa anechiyasas ji'wuki'l ti isis.

1 Timoteo 5:11

Jlampet siunapo jlosie 'wanjlijyits'i ti kia'iyo ask'ilieki napok ja ke ajwane, kajeyepa ti yiyetaja ni t'ajka ni iyo ti ijiuski'lan'ni, janak je paja wat ti iyoye'ijyi kanjwa'yi, 'yina iliyek'i siunie iyo ti ijia'an pi Sijwajieti.

Apocalipsis 14:8

Siojo injlojwanik poli jlele 'neje ja tomik'i ja jikiecha jlampa timesie japo 'nes'ni iyo pet 'ate: —¡Je k'iejeyik'i'ni ti netiajne'n, netia'n siojokia isi' ti wuj Babilonia; siunapo i'nio' yiyits'i niwa ajnatis ijiume naka ni jloski'la ti ijiate ti je 'es!

Apocalipsis 17:2

Ti siunapo anechiyasas yi' ape'e 'ni ajnat no'we ti 'yuyisi'ni, siu'neje ti siunapo i'nio' yi' ape'e 'ni ajnat ijiumisi ni siunie jloski'la iyo.

Apocalipsis 18:19

Sekyi'i ajnat ijiosayis'ni jitipe'e, ti yapaja'm ti inip'elisijne'n, 'yina iyoyeyits'i 'ate: “¡P'ijliusie, p'ijliusie jakia isi' wuj, isi' ti 'esi wikie'eyi napo i'nio' ti jika kasejkanayis po' ti isimk'iji'n ti yiji naka i'niat lajlik'i, it'imina ti jwajla'a i'winisi! ¡Jlam nesi'lieyi ti netia'n!”

Apocalipsis 18:23

Ka kia'iwo'nina'a ka 'nakaje japa katesa' ka ti'wenaja'ni kanla'na ti a'm; siu'neje ti tijwa'yiyetak'iji'n napo i'nio' ti kijlamiyija'm ti iyo jiliakijnieyeja' ti to'ma; kiak ja ke iwo'ni ka tipe'yaki'ni. 'Wanjliyi kiak iyoyetaja pit napoka inak jiwos yi' ape'e 'ni ajnat ti jwajla'a iyoyetajats'i'ni pet, 'yina je wojliyi ti jiliaki 'yina ti jika'm ape'e, kajeyepa ti aye'wukia'm.”

Apocalipsis 18:7

¡Wenajia'm ni siunie jijliak'ali siu'neje ni ka inilayiti jnojlietak'i ni siunie iyo ti jiwunitieye po' siunie iyo ti iniwunit, siu'neje ni iyo ti pa itiliaja ka iwo pak iyoyeyi! Kajeyepa ti siunie jikiowe iyone iyo'ate, “Siu'nie a'yijin'ni, lapakawo ti anechiyaskik'i'm, je askiliekik'i'm, laj ijliak'aliye.”

Apocalipsis 18:9

'Yina siunapo anechiyasas yi' ape'e 'ni ajnat, siunapo ti ininekiajlisi ti iyoyi siunie jloski'la, siu'neje ni iyo ti je ilisaniji siunie jikimet yiyi, ja wojoyeyija'm ti janapisk'i, jla'yi ti ja ke injweyijits'i ka kia' iwo inwentajasi ni tosie ti tajle siunie jwat jantojwa'm.