Apocalipsis 17:3 - Sinia' Jlamtis 1994

³ 'Yina siuti je atajli siupi jijweye japaka Sinia' jikimet ti 'es, siojo injlojwanik poli jlele soyiji ni ajnat ti laj i'nioye'e. 'Yina a'wena ja pinitiok isiatk'i ijwienjli sikio' itij'we times tom'niji jawa jlete'l, jlampet siojowa jik'iulis itijwa'm 'niwa sik'ioye ja nojwa'm, 'yina itijwk'i ti t'etajak'i jawa ineyis siunie tiwonaja ni Sinia' ti je 'esk'i siunie tiwonaja. Asejnia jlaja yi' ape'e,

Apocalipsis 17:3 Iomraidhean Croise

Mateo 27:28

Sekyi'i ti ilienayisi ki ji'wu', its'iuyitis ape'e kia jikiecha ti isiat.

Hechos 8:39

'Yina ti tajlat'iyisiampe pa i'niat, Sinia' jikimet yame'ne ja Felipe. Sekyi'i pakatajayijk'i ti i'wi'in siupa Etiopía jlele. Yama jla'am siupa Etiopía jlele siupa tejejyi, wuj ti inkaj'ni.

2 Tesalonicenses 2:4

Naka'ne ni siunie ti janta'yi ilia'm wikie'eyi siuniwa Sinia' jle' yiyi, siu'neje niwa ijnonitieye tena'a. Ja ke t'ajwejliye pa, ti janejyi'n kiajwe jana Sinia' ji'wuk, ti janijwe'el ka jlama kapakaye Sinia', jawoyena'a 'ate, “Ya'am ti anechiyask'i'm.”

Apocalipsis 1:10

Siojokia jloma ti Saka'niona jika jloma, 'yina siojopa Sinia' jikimet ti 'es ti yi' itipe'e, sekyi'i ti ape'yayeyi siojo jla'lap siupa i'yask'i ti to'm i'niajk'i, 'yina ijiok'i'ni siojo jla'lap iyo, iyo'ate siujlie'e wakiak'iu' ti tipajwukk'i,

Apocalipsis 12:14

'Yina lapakawo ti tiwok ta'a pet jijwesisa' jlajak i'nioki, siunie ajwejnas jikie' wuj jijwesis niwa tiwenaja'm ti je lis, 'nakayi ti janjwe'ya pet ti jantajla siojo injlatiok ka injwe'yayi siojo ji'wet laj i'nioye'e, jika najkapis najapeja ijwienjli jla'a ijyiwita'm ja yi'i 'yina nel'lia je inope kajeyepa ti takojniena.

Apocalipsis 12:3

Sekyi'i ti 'yakajayi'iji ni jikiecha siunie iniank'iye ti japoye; po' ni pinitiok wuj ti iyo'ate ni ajliutie kejlikiamt'e insatk'i, ijwienjli sikio' itij'we times tom'niji niwa jlete'l, 'yina siuniwa jik'iulis jla'am itijwa'm 'niwa sikioye, 'yina siojowa tena jlete'le iyo'ate siojona tena jletik'i na anechiyas.

Apocalipsis 12:6

Sekyi'i yama pet jlaja i'nioki ti i'yiltane ni ajnat laj i'nioye'e siunie ti Sinia' pajk'i ti iwiakajlanit k'iye. Mil doscientos sesenta puwa jlomas yijni ti sek yi'i, je lajk'i jla'am ti 'yakojnie'n.

Apocalipsis 17:18

Siujlieja asejnia ji'we'en, janak pet siojona isi' wuj ti iyo jika wosa' siunapo anechiyasas yi' ape'e 'ni ajnat.

Apocalipsis 17:4

ji'wu' ja lasa'ni wat ape'e siu'neje ja isiat. Siuti inilesa'n wikinie maja ti 'najliyeyik'i jawa jikijmatis, siojowa t'ijyi'l jawaka pet siojowa sisajas siuniwa isis ti laja po'. 'Yina isi'me siujlieja inat jiwe ti kia'iyo wikinie maja ti 'najli tipoyi siojowa yiji niwaka siuniwa iyoyi ti wuj ti je isis insot ti tajle ni siunie iyo ti ijiuski'la'n.

Apocalipsis 18:12

ti iwinis'ni siunie wikinie maja ti 'najli, siu'neje ni wikiniet'aj, siuniwa 'nijyi'l ti sisajas ti laja po' ti isis; siuniwa lotakijnies ti isis jle' iyo'ate lino, siu'neje ni seda, siu'neje niwa lasa'ni wat ape'e, siu'neje na isiat; siu'neje niwa a'la' ti jini inkajk'i; siu'neje niwa k'iejliyi ti titiajlajaja'm naka marfil, siu'neje niwa a'la' ti ijiat ti laja po', siu'neje niwa ti titiajlajaja'm ni wikinie maja ti t'onk'i, siu'neje ni wikinie, siu'neje niwa ti titiajlajaja'm ni mármol;

Apocalipsis 18:16

ka iwoyeyisna'a 'ate: “¡P'ijliusie, p'ijliusie jakia isi' wuj! Ti jla'am ti 'yiniyipe siojona asejnia ti ji'wuye siuniwa lotakijnies ti isiat siu'neje ni lasa'ni wat ape'e, siuniwa lotakijnies ti je niliaja, jikijmatis ti isis niwaka sisajas ti isis ti laja po' siu'neje jana wikinie maja ti 'najli.

Apocalipsis 21:10

'Yina ti ajyi siupa jijweye japa Sinia' jikimet ti 'es, sekyi'i siojo injlojwanik poli jlele soyeyiji jlaja tikijnaki ti wuj siojo yi'i ja ti ijiat ti toj pijia'm, ti i'winkink'i'm jlajak Jerusalén, isi' ti 'es Sinia' ji'wet, ti na'm isia'm ti tal poliyi yi'i pa Sinia' yi'i.

Apocalipsis 4:2

Jakayi'ne ti kia'iyo siojopa Sinia' jikimet ti 'es ti ayet'ijyipi, sekyi'i ti a'wena siujlie'e anechiyas ji'wet ts'iji poliyi, jaka 'neje jla'am siojo yijijyi'n.