Apocalipsis 17:16 - Sinia' Jlamtis 1994

¹⁶ Siojo pinitiok siojowa jik'iulis itijwa'm niwa sikioye ja nojwa'm ti ji'we'en, jane'wajasia'm jlajak i'nioki ti ijia jwa'yis jiwoki. Jajnalajanna'a siuniwa yiyi paj ka i'najliyejenna'a. Sek jane'yi ka intojwayisna'a siunie t'isie'n, sekyi'i kantatayisiajamna'a ni jwat.

Apocalipsis 17:16 Iomraidhean Croise

Apocalipsis 12:3

Sekyi'i ti 'yakajayi'iji ni jikiecha siunie iniank'iye ti japoye; po' ni pinitiok wuj ti iyo'ate ni ajliutie kejlikiamt'e insatk'i, ijwienjli sikio' itij'we times tom'niji niwa jlete'l, 'yina siuniwa jik'iulis jla'am itijwa'm 'niwa sikioye, 'yina siojowa tena jlete'le iyo'ate siojona tena jletik'i na anechiyas.

Apocalipsis 16:12

Jlampet siojo injlojwanik poli jlele jikiecha ti yiyeyi jlampa ijwienjliye ni sikio' itij'we ijwienjli ni to'm ape'e, japo isia'ni siojo inat jijwa'al ja yiji, ti isiajia'm jak tewuk ti je jlase' jle' iyo'ate Eufrates, 'yina 'yima'a. Jak je iyoyiji'ni siunapo anechiyasas siunapo tal 'niji taj'le 'ni kilie' i'yakana i'niat ji'wechaja.

Apocalipsis 17:10

Ijwienjli sikio' itij'we pa siupapo ti pajk'i ti tajli ni siunie iyo ti anechiyasisa', ijwienjli pa siupa ti isijme'n, jlampet siupa jikiecha pak je 'nesjli'ijyi pet. 'Wanjliyi ka 'nes, 'yina ji'niayi ja ke intoyi'yi.

Apocalipsis 18:19

Sekyi'i ajnat ijiosayis'ni jitipe'e, ti yapaja'm ti inip'elisijne'n, 'yina iyoyeyits'i 'ate: “¡P'ijliusie, p'ijliusie jakia isi' wuj, isi' ti 'esi wikie'eyi napo i'nio' ti jika kasejkanayis po' ti isimk'iji'n ti yiji naka i'niat lajlik'i, it'imina ti jwajla'a i'winisi! ¡Jlam nesi'lieyi ti netia'n!”

Apocalipsis 18:8

'Yina siuti jitienkiujnieye kiak iyone, jak je iyoyiji ti kiak jawo ti jloma jajwanjliji wek jana jantejwik'i ti janejyi ni siunie jawo ni jiwet'iaye, siunie ti jawo masaja, jijliak'ali, siu'neje ni nel'lia, 'yina jwat ja tiwunieja'm. Ka je iwo pa ti jijweye po' ni siunie Sinia', ti Saka'niona, ti naka jla'am ti isie'e.”

Apocalipsis 19:18

¡Tojwa'yi kiapo anechiyasas mases, ti tijna'yi niwa ajnatis, siu'neje kiapo tokis jika anechiyasas mases, siu'neje kiapo i'nio mases ti je k'ase, siu'neje kiwa a'lentas mases, siu'neje kiapo jika'nionas mases, wikie'eyi 'neje kiapo i'nio mases: siukiapo inkipijnas, siu'neje kiapo je inkipijnas, siu'neje kiapo jleyis po' ti iyo anechiyasisa', siu'neje kiapo ti lajk'iyi paka iwo ti jiniliaja pet!