Apocalipsis 17:1 - Sinia' Jlamtis 1994

¹ Siojopo ijwienjli sikio' itij'we times tom'niji injlojwajnas poli jlele ti itiu'un siojowa inat jijwa'al, 'yina ijwienjli siojo ijiok'i ti iyo'ate: —Jomet, ja'winki'na'm siunie ja tiwonaja jlaja asejnia siujlieja ti ijiate ti ijiuski'la'n, ti ja tisiejek'i, ti yiji'n ape'e niwa i'niatis ti je jlase'.

Apocalipsis 17:1 Iomraidhean Croise

Lucas 24:32

Ininekiajlayisi siupa iyo ti iyoyis 'ate: —Siuti anamak'i ni 'nayi, ti takamtijnien'ni sik'ioye, ti ijwilts'e'm niwa Sinia' jlamtis yi'i ni ji'wet, po' ni awoyi ti alate ti ts'ajkaj'ni.

Lucas 9:30

Jlam jnots'inijits'i'ni japo t'eyasajnas ti i'winayisi siupapo i'nio' times ti ijwienjli takasitisiap'eje'n pa Jesús ti takamtijnienisi. Papokajimpe papo Moisés siu'neje pa Elías,

Apocalipsis 1:1

'Nak siu'nie Sinia' iwijna'm pa Sijwajieti Jesús kanjwejla'm pet siupapo jikawos siuniwa wask'i'nelaja ti ja ke pajayi wat ka 'nakajana'a. Sijwajieti Jesús kiak iyone ti 'yakajanitie, pakayi ti ijliuyi pa Juan siupi jijliujwanik poli jlele kan'wenkijna'm.

Apocalipsis 15:1

Sekyi'i a'we'en 'neje siojo iniank'iye siojo japoye ts'ijiye ti ijiat ti sakelit, ti 'lan poliyi. Po' japo ijwienjli sikio' itij'we times tom'niji injlojwajnas poli jlele itiu'un niwa inwet'iaye ti ijwienjlijamk'i, siuniwa tome jlaja, 'yina ti yiyi ni jika jloma ti noj kisie'e ni jiwak ni Sinia'.

Apocalipsis 16:19

'Yina jak je iyoyiji siujlieja isi' wuj, ti jle' Babilonia, its'isamk'i jijwa'al najape. Kia'iyo 'niji siupuwa isi'il yi' ape'e 'ni ajnat no'we ti yamk'i isia'm, 'yina Sinia' je isiwaliyi'i janaka isi' wuj Babilonia ti iyo kan'yayijni naka at'es ti nak jiwak ti ja wujwa.

Apocalipsis 18:1

Yam'niji kiaka, sekyi'i ti a'wenaja ja injlojwanik poli jlele kiecha na'm isia'm ti tal poliyi, jijweye jinia' ti na'am, siu'neje ja jla'al kia'iyojliyi, jak je iyoyiji siojo jla'al itijwi'n ape'e 'ni ajnat.

Apocalipsis 19:2

Tijnajyi siunie ti i'ye'en ni i'nio' pi iyoyi, siu'neje ti je tak'emisie'n jiwek, 'yina isie'e siojona asejnia ti ijia jwa'yis jiwoki ti ijiuski'la'n, ti siunie ajnat init'ojliniti ni jloski'la iyo; iyoyi pet lajaye siukiapo Sinia' jilis mases ti iliajne'n.”

Apocalipsis 19:9

Sekyi'i injlojwanik poli jlele iyonk'i 'ate: —'Ete'ena'a siu'nie: Sinia' wuj ti jikap'ijliuskiye yi'ne siunapo ti jla'am ti i'yasits'i ka ijnoyi siunie jiliakijnieye ni 'wolepo 'woma, ti iyo'ate siunie i'nio' ti tijwa'yi. Sekyi'i injlojwanik poli jlele yine ape'e, ti iyo'ate: —'Niwak jla'm ijiate ti Sinia' jlamtis.

Apocalipsis 21:15

Siojo injlojwanik poli jlele ja i'yask'i'ni itiun'ni jikiojyi ja a'la' siojo tikienaja'ni ti tijniujlietajak'i pa k'iejliyi pa, 'yina siojo k'ie jlajak isi', siu'neje jawa jika 'wuk kiwitawa siu'neje ja inwasok ti tip'onajajap.

Apocalipsis 21:9

'Yina siojopo ijwienjli sikio' itij'we times tom'niji injlojwajnas poli jlele, siojopo ti itiu'un siojowa ijwienjli sikio' itij'we times tom'niji inwet'ia yijits'i jawa jijwa'al ti tipoyijk'i siojowa tomik'i pijia'm, jaka'ne siojo ijwienjli ti ijiok'i ti iyo'ate: —Jomet, ja'winki'na'm siojona initeminijin'ni, ti janeyi ni 'wolepo' ji'woma.

Apocalipsis 4:1

Jlampa pajayi'ni ti yam'niji kiaka, sekyi'i a'yen'ne poliyi, 'yina a'wenayi ti 'ajla'm. Siojo jla'lap ja i'nio' ti ape'yayi ti 'nelanjie'e ti 'yiniye siujlie'e 'woso' wakiak'iu', 'yina paka'ne siupa iyonk'i 'ate: —Jomet, 'wuj'li ape'e 'ni siu'nie, ja'winki'na'm siuniwa wask'i'nelaja ja'nakaj kanekta 'nijiji.