Apocalipsis 16:6 - Sinia' Jlamtis 1994

⁶ Napo i'nio' isia'ni kia ji'woyis kiapo ales pet, siu'neje kiapo ajwejlanawos, 'yina 'nakayi ji'yayijni ni in'woyis napoka. ¡'Esiji lapakawo ti jla'am je wo siunie jiwone!”

Apocalipsis 16:6 Iomraidhean Croise

Mateo 7:2

Siupi jiwonayi napo as'lejwas, Sinia' kiak janwo'nase kan'yenta ni ates iyo.

Lucas 12:48

Jlampet siunie ti je 'yijene paka wone, 'yina iyoyi ni je 'es, nak ja ke ijiatayiji ka tisiejek'i. Siunie wuj t'ipi japa tiwenaja'm, kiak jawo'ojyi pet ja wujwa japa jat'ajlaja. Siunie ti wuj ti intaj tiwomaja, nak ijiate ti ja talaskinaja pet.”

Hebreos 10:29

'Yina ¿jijwelat'e ka Sinia' intasa'nena'a siunie ti iyo jiliakikie ni jlas, ijiate ti je iyo lajaye siunie ji'woyis, siu'neje ti iliaki siojona Sinia' jikimet ti 'es ti yiminta wek jla'am? ¡Je'e, ja ke intasa'ne! Ka je iwo pa ti siunie 'woyis naka ti 'yakajanitk'iyi siunie Sinia' ji'lij ti iliyi siunie janwoyi ti janwats'ilati siukia iyopi 'yina ink'ie' siunie janwoyi, 'yina naka ti i'mienit ni i'nio' ti Sinia' 'yotat.

Apocalipsis 11:18

Wikie'eyi napo i'nio' yijits'i niwa ajnatis jwesis, 'yina jlam'ne yiyi pet siojona jloma ti awak yiji, ja'ye'en siupi iyo siunapo ti pajk'i ti 'yajle'n. 'Yina siunapo ajwejlanawos, napoka ti ja en jikiojyi siojona ti i'yakanis, wikie'eyi 'neje siunapo ti aka kia'lis, siu'neje napo ti inwunit, 'wanjliyi ka napokaye siunapo i'nio' ti jle' po' ti anechiyasas, napoka 'neje siunapo ti i'nio' jiniliaja ti lajk'iyi paka woyi. Kia'iyo janetiajnat napoka i'nio' ti ikajyijne'n 'ni ajnat.”

Apocalipsis 13:10

“Jlampet siunapo ti tiwoki inkipijnasa', napoka ti ja t'otiek'i a'laja'm, jlampet siunapo ti sijnat tiok ja tikienaja ti ja tilianaja'n, ja ke 'wenaye paka tikienaja janakaye na sijnat jitiok.” Naka ti it'imina ti siunapo Sinia' jilis 'esiji ka ini'neti'n siu'neje ti jikiowe jant'oniti ni Sijwajieti.

Apocalipsis 13:15

Jaka siojo tomi pijia'm pinitiok jijweye tiwenaja'm ka jiyel ijnojwata'm jaka jipe'el ja pinitiok siojo inia'an, 'nakayi ti jantamti. Jankajliunieyi ka tilianaja'n wikie'eyi siunapo je iyo ka t'opiyi kiajwe ka ijnonitis.

Apocalipsis 18:20

¡Siuti a'm poli, peni'yi ti netia'n jakiak isi'! ¡Siupet ti asa'am ti Sinia' jika kia'lits'ase'm, kiak jawoyeyi inkasajyi'n pet, siunapo injlojwajnas, siunapo Sinia' jijwejlanawos, kajeyepa ti siuti Sinia' kiak iyone isie'e, 'yina yijni pet ask'ioye siukia iyo'nasepi!

Apocalipsis 18:24

Siunapo Sinia' jijwejlanawos, siu'neje napo Sinia' jika kia'lis ji'woyis yiji janak isi', wikie'eyi 'neje siunapo ti kia'iyo yi' ape'e 'ni ajnat ti tilianaja'n.

Apocalipsis 19:2

Tijnajyi siunie ti i'ye'en ni i'nio' pi iyoyi, siu'neje ti je tak'emisie'n jiwek, 'yina isie'e siojona asejnia ti ijia jwa'yis jiwoki ti ijiuski'la'n, ti siunie ajnat init'ojliniti ni jloski'la iyo; iyoyi pet lajaye siukiapo Sinia' jilis mases ti iliajne'n.”