Apocalipsis 16:10 - Sinia' Jlamtis 1994

¹⁰ Siojo injlojwanik poli jlele ti ijwienjli sikio' itijwa'a japo isiak'iji'n siojowa yijits'i jawa inat jijwa'al, ti isiaye pet ape'e siujlieja ji'wet pet siojo pinitiok ti iniwojwa'n anechiyasa', jak je iyoyiji pet siunapo isie pet ape'e ajnatiok yiye ape'e. 'Yina siuti ijiate ti a'tiek'i ki iyo, jak je iyoyiji ka je inokiejejamk'i niwa jipajnatis.

Apocalipsis 16:10 Iomraidhean Croise

Mateo 13:42

Sek jane'yi ti jantateje jana inka'we ti tak'ayi'ni, jawujwa ni jlajlas jawo, kajeyepa ti ja a'tieja.

Mateo 13:50

Sekjane'yi ka intatayijinie'e janak inka'we ti tak'ayi'ni, jawujwa ni jlajlas jawo, kajeyepa ti ja a'tieja.”

Mateo 22:13

Siupa anechiyas ijliuye'ne papo jikawos ti iyone 'ate, “Jikioye la'nitie, sekjane'yi ka niwakayena'aja niwa jisietis ka ala'nitie. Tatayija'm na ajnaj wuj'weje'n, siunie jane'yi ni jlajlasa, ti wujwa ti ja a'tieja”.”

Mateo 24:51

'Yina ja wujwa ti jansa'a, jank'aj'ni nak jikawo, sek jane'yi ka intatayijinie'e siunie jiliaye jane'yi pet napok siunapo i'nio' ti ijiuski'lajne'n, ka sek ineye'ena'a ni jawo ni jlajlas, kajeyepa ti ja wujwa ti ja a'tieja.

Mateo 8:12

Jlampet siunapo i'nio' ti Sinia' iniajnat ti iyotaja ka ine'ne ni jika anechijiayas, napok intatayijinie'e ni ajnatiok ti yi' kisie'e, siunie jane'yi niwa lajlasa ti jawujwa ti ja a'tieja.

Lucas 13:28

“Siuti ja'wena' napo Abraham, jla'yi ni Isaac, jla'yi ni Jacob, siu'neje napo injwejlanawos wikie'eyi ti janejyi ni Sinia' jika anechijiayas, jlam'ne ti asa'am ja in'wanjliye kisie'e. Ja apayek'ina'a wita'm 'yaka ja wujwa ti ja a'tieja.

1 Pedro 2:17

Wo lajaye ni akiecha; 'esiji ka i'namajayi napo as'lejwas; je 'es ka je ijnots'inayi ni Sinia'; woye lajaye siunie saka anechiyas Roma jlele.

Apocalipsis 11:10

Ja jlam'neja pet napo i'nio' yi' ape'e 'ni ajnat jampeniyeyisk'i'nina'a ti 'yajle'n kiapoka Sinia' jijwejlanawos ti times. Ja inkasajanna'a, sekjane'yi ka initesiek'ina'a ti jawo ji'wajieta', lapakawo ti siukiapo no'we kiapoka ti jijliak'ali iwijna'm napo i'nio'.

Apocalipsis 11:2

Jlampet siunie jitiowe tomi kisie'e janak je awojonk'iye ka akio' 'oti ka 'ye'en pi k'ie'. Lapakawo ti pajk'i ti ekiajle ta'a siunapo i'nio' 'wenayi ti jiniliaja, 'yina cuarenta y dos (42) niwa we'lajas, ka yot'i 'neje 'ate mil doscientos sesenta (1.260) niwa jlomas, niwa janejyi ti ja kiak jawonisi ti jant'asisk'i'ni janak isi' ti 'es ti janlakiyis.

Apocalipsis 11:8

'Yina napok i'nio' mases janoyik'iji'n ts'e yi'i niwa jika'wulis jana isi' wuj, tenat'iyi'ipe kia jika anechiyasis ti tik'iejwata'a pijia'm japa cruz. 'Yina yikial pijia'm janak isi' siuniwa jleyis t'ipi pet niwak isi'il Sodoma siu'neje jana Egipto.

Apocalipsis 17:17

'Yina ti jla'am jla'am ni Sinia' ti kiak iyone ti yijni ni jlosik ti siupi iyo ka woyi ka pak iwoyeyipi. 'Yina it'imina ti kia'iyoyisi 'ate, “¡Naja'ni ti sijweye jawinaja'm naka pinitiok!” 'Yina kiak jawoyi paj ka ineyeyinie'e siunie Sinia' iyont'iyipi pi ji'lij.

Apocalipsis 17:9

Siojo injlojwanik poli jlele iyo'ate: —Ja 'nakaj'ne siuti ja poye pa ka 'naja'an, ti janjwelik'iji'n kiaka. 'Yejne'n, ijwienjli sikio' itij'we times tom'niji jlete'l jak pinitiok, puwak ti'yenajap puwa tikijnakiyis ti kia'iyo 'nak nojwa'm, siujlieja i'nioki yijink'i ape'e. Kia'iyo ijwi'il 'neje ti papoka 'neje siupapo ijwienjli sikio' itij'we times tom'niji anechiyasas.

Apocalipsis 18:2

'Yina jla'lap ji'yusie ijiok'i'ni ti pesieje ti iyo'ate: “¡Netia'n, netia'n jakiak Babilonia, isi' ti wuj! ¡Iyoye imose'l ji'weta', ajwejnas siuniwa ijiate jla'am ti imose'l iyo jlopisieje', kia'iyojliyi siuniwa pini' 'lan jlele, ti jwesis siu'neje ti je isis, iyo jijwalaje'!

Apocalipsis 18:21

'Yina po' ja injlojwanik poli jlele ti ijiat ti jijweye po' sekyi'i isima kiajwe jlaja sisaj ti iyo'ate jana wanjlek ti wuj, sekyi'i ti itietayija'm ni i'niat lajlik'i, ti iyo'ate: “¡Babilonia ti a'm ti isi'il jlet'a'm, siojokia sisaj ti atate, kiak jawoyi siuti Sinia' ja inetiajnat! Siunapo i'nio' je pajna'a ka in'wen'ni.

Apocalipsis 18:23

Ka kia'iwo'nina'a ka 'nakaje japa katesa' ka ti'wenaja'ni kanla'na ti a'm; siu'neje ti tijwa'yiyetak'iji'n napo i'nio' ti kijlamiyija'm ti iyo jiliakijnieyeja' ti to'ma; kiak ja ke iwo'ni ka tipe'yaki'ni. 'Wanjliyi kiak iyoyetaja pit napoka inak jiwos yi' ape'e 'ni ajnat ti jwajla'a iyoyetajats'i'ni pet, 'yina je wojliyi ti jiliaki 'yina ti jika'm ape'e, kajeyepa ti aye'wukia'm.”

Apocalipsis 8:12

'Yina ti yiyeyi pet siojo injlojwanik poli jlele siojo tomik'i japo najape ti ti'wosojyi'n ji'woso' ilie'en pet, sekyi'i ijliena kajnewita'm jikiowe'e ja kilie' ja jiwet'ia, siujlieja we'la kia'iyojliyi, siojowa katese'l kia'iyojliyi. Jak je iyoyiji siunie jloma je itioyi'i, 'najata jla'am ajnatiok ti yi' ape'e 'ni ajnat.

Apocalipsis 9:2

Sekyi'i ti 'yajlinitieja'm jlajak ijnaki, 'yina iniuye kisie'e ja tosie ti yam pijia'm 'yiniye ni jitiusie jana inka'we ti wuj. Siojo tosie jaka'ne ti ajnaj iyunitiji ni kilie' siu'neje ti je iyo inyejla.