Apocalipsis 14:1 - Sinia' Jlamtis 1994

¹ Itiej atate 'neje 'niji, sekyi'i a'wena ja 'wolepo 'woma ti takasiti'n ape'e jlaja tikijnaki Sión, ijwienjli takasiti'iji'n japo ciento cuarenta y cuatro mil i'nio' ti tip'esina jawa jitiokiots'i'l jle' ja 'wolepo' ji'woma, siu'neje ni jle' ni Jinia'.

Apocalipsis 14:1 Iomraidhean Croise

Lucas 12:8

“Jajwi'lase'm ti japoye ni janijwejla'm napo i'nio' ti jawo'ate, “Nak akk'i pet ni I'nio' Jlas”, kiak janwo'ojyi pet ni I'nio' Jlas, janjwejla'm napo Sinia' jijliujwajnas poli jlele, kanwoyena'a 'ate, “Ijiate 'nak tal pet siwa'm.”

Romanos 9:33

ti siuniwa Sinia' jlamtis ijwi'l ti iyo'ate: “Ts'iji yi'i jana Sión janaka sisaj ti je jlase', siojona ti jant'opits'i'ni isia'm napo i'nio'. Siunie ja ke inkakiu ja lajk'ipa ka inik'emijiete.”

Apocalipsis 14:14

Siuti itiej ekiajla'aja pijia'm, a'wena jlaja poli ti lemi, 'yina po' siojo yiji'n ape'e, ti 'yiniye pa i'nio'. Yi'ne jlaja jletik siojo tena jletik'i na i'nio' ti t'an pijia'm ti wikinie maja ti 'najli, 'yina po' 'neje siujlieja yin'ni jikiojyi ja sijnat soyojia'm ti 'yakajla'm.

Apocalipsis 14:3

Jlajmiliet siojopo i'nio' ciento cuarenta y cuatro mil yilisisk'i siukia jika'le ti ink'ie' ts'e yi'i siujlieja ji'wet 'ni anechiyas, yi'i 'neje siojowa pini' Sinia' jilisajna' jitiete 'lo'weje'n, siu'neje japo i'nio' siojopo jwajla'a iyots'i'ni. 'Yina lajk'ipa ka inets'e ka 'najank'i ka inene siukia inka'le ink'ie' 'wenajliyi jlamis siojopo ciento cuarenta y cuatro mil i'nio' ti Sinia' pajk'i ti ijwiejiete'n ti tajla'm napo siunapo i'nio' yi' ape'e 'ni ajnat.

Apocalipsis 15:5

'Yina yajmiwek 'nijiye kiaka, sekyi'i ti a'yena pijia'm poliyi, a'wena jlaja Sinia' ji'wuk ti 'ajla'm, siujlieja 'wuk ti 'nejes 'najli, siujlieja yit'i'yi'nipe pa Sinia' ti inikiutietaja papo jika kia'lis yi'i pa ajnat laj i'nioye'e.

Apocalipsis 22:4

'Yina jani'wenis, sekjane'yi ja tip'esina'ak'i niwa jitiokiots'i'l ti Sinia' jle' ja tena'ak'i.

Apocalipsis 3:12

Siunie i'nio' itiete isia'm ni teje'yi ilia'm, 'yina nak jayo pet Inia' ji'wuk ji'wukijieteye'; etiejna'aja ka ine'yik'i, ja ke paja ka titiajlina ni yi'i. Sekjane'yi ka ip'isina'ajk'ina'a ti jayi'ne ni jle' ni Inia', siu'neje ni jle' janak Inia' ji'wet siojona jle' iyo'ate Jerusalén ink'ie', ti ja ke 'wenaye paka jantajle naka ni Inia' pet ti yi' poliyi. 'Yina kiak jayo'ojyi pet siunie yi' ti ink'ie' jayi'nik'iji pet.

Apocalipsis 4:1

Jlampa pajayi'ni ti yam'niji kiaka, sekyi'i a'yen'ne poliyi, 'yina a'wenayi ti 'ajla'm. Siojo jla'lap ja i'nio' ti ape'yayi ti 'nelanjie'e ti 'yiniye siujlie'e 'woso' wakiak'iu', 'yina paka'ne siupa iyonk'i 'ate: —Jomet, 'wuj'li ape'e 'ni siu'nie, ja'winki'na'm siuniwa wask'i'nelaja ja'nakaj kanekta 'nijiji.

Apocalipsis 6:8

Siuti a'yenayi, a'wena ja a'lenta majats'i'ni ape'e. Siojo yi' ape'e jle' iyo'ate 'Najlati. 'Wanjliyejap pet isia'm siunie jika anechijiayas ni Inlaye, sekyi'i tekiajlajats'i ni jijweye ape'e jawak jijwa'al ijniujlits'i 'ni ajnat ka iwo jiwet'iaye, ka intejwk'i'ni napo i'nio' ti isiene ni inwak, ka nel'lia inlankini, siu'neje ka inlaye inlankiniji'n, siu'neje ka inkiene niwa pini' yi' ape'e 'ni ajnat ka inlajne'n.