Apocalipsis 12:4 - Sinia' Jlamtis 1994

⁴ Jikias itietajap ts'iji niwa katese'l ijliena kajnewita'm jikiowe'e kiwa itijwk'i, sekyi'i ti itietayi ajnat'e. Jitieyi'i jlajak asejnia ti jlas yokie, sek yajapa'aja'n ti i'ye'en ka ine wek kisie'e ja kia'le ti iyota ka intojw.

Apocalipsis 12:4 Iomraidhean Croise

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

1 Pedro 5:8

'Esiji ka wujwa ka 'yena siunie jiwoyeyi. Joskiyeyi, asosik enitiejyits'i'ni, kajeyepa siunie astajiejwa imosik iyo'ate ni k'iwajla ti jwesieta, ti inijijwijyink'iye ni i'nio' ka insojmayi ka inla'an.

Apocalipsis 12:7

'Yina yam'niji kiaka, poye napo inilajne'n ts'iji poliyi. Miguel, injlojwajnas poli jlele jika anechiyas, jla'yi napo jikawos, ti inilanisi ja ajliutietiok siojo wuj. Kia'iyojliyi pit ja ajliutietiok jikawos po' pet, ti inilajne'n.

Apocalipsis 12:9

Sekyi'i ti totieja kisie'e ni ajliutietiok, siojo ti 'nelanjie'e iyot'ipi injlatiokie'; Imosik, jle' 'neje ni iyo'ate Sitiejiejwa, siunie ti ik'emijiet wikie'eyi napo i'nio' yi' ape'e 'ni ajnat. Tijwanaja'a papo jikawos injlojwajnas poli jlelejimpe ti 'nelanjie'e, ti titietajak'i isia'm ajnat'e.

Apocalipsis 13:2

Jaka ja a'we'en pinitiok, siojo k'iejliyi iyo'ate ni kiunie, jlampet jawa jisietis iyo'ate jana so'olie niwa jisietis, siojo jikiwet iyo pet 'ate ni k'iwajla ni jikiwet. Sekyi'i siojo ajliutietiok jijweye iwijna'm pet siojo i'niat lajlik'i jlele, siu'neje ti ijniejiet'e ti isie' ape'e puwa ajnatis, siu'neje ti yikiajle pi jle' iyo ti iyo anechiyasa'.

Apocalipsis 13:4

'Yina ijiunitieyis ja ajliutietiok kajeyepa ti jla'am jijweye iwijna'm siojo pinitiok i'niat lajlik'i jlele. Sekyi'i ijiunitieyis ts'iji jaka ti iyoyits'i 'ate: —¿Tempa ka wo'ate iyo siu'nie pinitiok? ¿Tempa jantayi kajwe'el ka int'ekiye?

Apocalipsis 16:13

A'we'en siojo talk'i ja ajliutietiok jikiwet, siu'neje ja pinitiok jikiwet, siu'neje ja tal jikiwitk'i ja injwejlanik jiwo ti je tal Siniayi, najape siojowa imose'l ti ijiate ti je isis, ti 'yiniye puwa injlesis.

Apocalipsis 17:18

Siujlieja asejnia ji'we'en, janak pet siojona isi' wuj ti iyo jika wosa' siunapo anechiyasas yi' ape'e 'ni ajnat.

Apocalipsis 20:2

Sekyi'i injlojwanik poli jlele isime ti ilie'nit'ne jaka siojo ajliutietiok, naka'neje 'ni injlatiok ti 'nelanjie'e t'ipi, naka Imosik siu'neje ti Sitiejiejwa. Ilie'niti siojo itiun'ni wikijnies, sekyi'i ti 'yumajak'i isia'm siujlieja kiawe ti je ti'wena k'ioyi, sekyi'i ip'ionayi ti 'yite ape'e ti 'yilina ape'e siojo je ik'asinit'i ape'e, kajeyepa ti ja ke inets'e paka inkajli ka i'najlinit'i ape'e jajnok'i'ni paj ka mílana'a niwa najkapis ni siuniwa tenaje. Jak je iyoyiji jankama'ne napo i'nio' yi' ape'e 'ni ajnat, ti ja lajak'i'ne paka ink'emijietk'i paj ka ineyek'ina'a siuniwa tenaje. Janek 'niji niwaka ka jiwekie'ajana'a ka tiwejnana kiu wat kisie'e, 'yina ja ke paja kisie'e.

Apocalipsis 8:10

Yiyi 'neje siojo injlojwanik poli jlele siojo tomik'i japo times ti ti'wosojyi'n ji'woso' ilie'en pet, jakayi'ne ti iniuyeje'n jla'a kates ji'yusiki tal poliyi ti tak'ayi'ni, 'ate iyo 'ni jwat ti tiwoki katesa'. Jlajak ijniuj'li ape'e ijliena kajnewita'm jikiowe'e niwa tewukis siu'neje niwa i'niatis ti tajla'm niwa tikijnakiyis.

Apocalipsis 8:11

'Yina siujlieja kates jle' iyo'ate Pajyi. Jak je iyoyiji siuniwa i'niatis ti ijniuj'li ape'e, 'yina payejets'i pet, it'imina ti je jlase' kiapo i'nio mases iliajne'n.

Apocalipsis 8:12

'Yina ti yiyeyi pet siojo injlojwanik poli jlele siojo tomik'i japo najape ti ti'wosojyi'n ji'woso' ilie'en pet, sekyi'i ijliena kajnewita'm jikiowe'e ja kilie' ja jiwet'ia, siujlieja we'la kia'iyojliyi, siojowa katese'l kia'iyojliyi. Jak je iyoyiji siunie jloma je itioyi'i, 'najata jla'am ajnatiok ti yi' ape'e 'ni ajnat.

Apocalipsis 8:7

Siojo injlojwanik poli jlele iniane ti ipiejwuts'i jlaja ji'woso', sekyi'i ti titietajayi isia'm pet jawa alatiu' ti ijlinik'i ja jwat siu'neje ja 'woyis. Jak je iyoyiji siojo ijniuj'li ape'e ijliena kajnewita'm jikiowe'e 'ni ajnat no'we ti jwat itiujwk'i'ni, siu'neje niwa a'la', wikie'eyi 'neje niwa jop ti jiwats'o yi' ape'e 'ni ajnat.

Apocalipsis 8:8

Yiyi 'neje siojo injlojwanik poli jlele tomik'i siojo inia'an ti ti'woso' ji'woso' ilie'en pet, titietajam'ne pet ja i'niat lajlik'i siojo iyo'ate jlaja tikijnaki ti tak'ayi'ni, jak je iyo siojo k'ie' ja ijniuj'li ijliena kajnewita'm jikiowe'e ja i'niat lajlik'i inikajyina ti iyo 'woyisa'.

Apocalipsis 8:9

Wikie'eyi siukiwa yiji pet jak i'niat lajlik'i ja ijniuj'li ijliena kajnewita'm jikiowe'e no'we ti 'yajle'n. Siukiwa kasejkanayis wus yiji ja ijniuj'li ijliena kajnewita'm jikiowe'e kiwa no'we pet ti iwiesits'i.

Apocalipsis 9:10

Jlampet siuniwa jikiase'l, jlanis po' iyo'ate jla'a ajliu pastana ni jlanis. 'Yina sektaj'le siunie jijweye, ti jankiene napo i'nio' ti jitiej janojwank'i ni siunie ji'wok janwo ti janjwanjli sikio' jantej'we niwa we'lajas ti kiak jawoyi.