Apocalipsis 12:12 - Sinia' Jlamtis 1994

¹² ¡Asa'am poliyis, inkasajyi'n, asam 'neje pet ti jleyejyi niwaka, kiak woyeyi! ¡Ijiate, as'wet'ia po' ajnat, i'niat lajlik'i, kajeyepa ti siunie imosik je pa tojwa'a ti janojwik'i siunie jika jloma, jak je iyoyiji ka jiwak je poyeyi, tisiojmajyin'ne ti jant'eki'ni aswa'm!”

Apocalipsis 12:12 Iomraidhean Croise

Lucas 15:10

Jesús kiak t'ipa iyoyeyi'ijyi: —Jajwi'lase'm ti kia'iyoyeyi pet napo Sinia' jijliujwajnas poli jlele ti potie pa i'nio' k'iejli iyo jlosik ink'ieye.

Lucas 2:14

“¡Ijnonitieye tena'a pa Sinia' yi' poliyi, 'yakamaja napo i'nio' yi' ape'e 'ni ajnat, siunapo ti jla'am pa Sinia' ti ijniejiet'e ni jikap'ijliuskiye ti yi'ne!”

Hebreos 10:37

Kajeyepa siuniwa jlamtis ti iyo'ate: “Majleyeyi, majleyeyi, ja 'nes siunie t'ijieye'ni ilia'm. Ja 'nes, ja ke jwataja k'iye.

2 Pedro 3:8

Naka 'neje, napo i'lijwas ti yimijna', ka je pajana'a ka inkiwaliyeyi'i pa Saka'niona ti ijwienjli ni jloma iyo'ate ti mil puwa najkapis, 'yina jlampet ti mil puwa najkapis iyo'ate ti jloma ijwienjli.

Apocalipsis 10:6

ti iyo'ate: —Siunie i'nio' ti je 'ya'al ka paja, jilisanik 'ni ajnat siu'neje 'ni poli siu'neje 'ni i'niat lajlik'i, wikie'eyi siuniwa wask'i'nelaja ni jlele pet 'niwaka, ji'lij iwink'i'm kayo'ate, “Yik'i kiwa jlomas.

Apocalipsis 11:10

Ja jlam'neja pet napo i'nio' yi' ape'e 'ni ajnat jampeniyeyisk'i'nina'a ti 'yajle'n kiapoka Sinia' jijwejlanawos ti times. Ja inkasajanna'a, sekjane'yi ka initesiek'ina'a ti jawo ji'wajieta', lapakawo ti siukiapo no'we kiapoka ti jijliak'ali iwijna'm napo i'nio'.

Apocalipsis 11:14

Jlampa inwet'ia timesie kiwa yam'niji. 'Yina ja ke pajayi wat ka neyeyinie'e siunie jikiechaye'eje, nak ja najapayiji'ne.

Apocalipsis 12:9

Sekyi'i ti totieja kisie'e ni ajliutietiok, siojo ti 'nelanjie'e iyot'ipi injlatiokie'; Imosik, jle' 'neje ni iyo'ate Sitiejiejwa, siunie ti ik'emijiet wikie'eyi napo i'nio' yi' ape'e 'ni ajnat. Tijwanaja'a papo jikawos injlojwajnas poli jlelejimpe ti 'nelanjie'e, ti titietajak'i isia'm ajnat'e.

Apocalipsis 13:6

Ijiatjliyi, iyo siukia iyo ka woyi ti iliaki ni Sinia', siu'neje ti tak'etiasane, siu'neje ti ijwiene'e jana ji'wuk siu'neje napo poli jlele pet.

Apocalipsis 18:20

¡Siuti a'm poli, peni'yi ti netia'n jakiak isi'! ¡Siupet ti asa'am ti Sinia' jika kia'lits'ase'm, kiak jawoyeyi inkasajyi'n pet, siunapo injlojwajnas, siunapo Sinia' jijwejlanawos, kajeyepa ti siuti Sinia' kiak iyone isie'e, 'yina yijni pet ask'ioye siukia iyo'nasepi!

Apocalipsis 8:13

Siuti itiej atatayi'iji 'nijiye, ape'yayeyi siojo ajwejnas jikie' wuj, ti ijwi'ya jikiowik'i ja poli, jla'lap ijiok'i'ni, ti iyo'ate: —¡P'ijliusisie'itie napo i'nio' napo yi' ape'e 'ni ajnat, kajeyepa ti jiwet'ia japoye ka pesiejatajanie'e siunapo ijia injlojwajnas poli jlele najape ka ilanta niwa ji'woso'l!

Apocalipsis 9:12

Ijiatjliyi, yam'niji kiaka inia'an inwet'ia. 'Yina ataj ena'ate times niwa netia'n.