Apocalipsis 12:1 - Sinia' Jlamtis 1994

¹ Sekp'an yi'i ti 'yakajayi pet ts'iji poliyi ti inia'an k'iye siunie jawoyi ti japoye ti je jwajla'a. 'Yina asejnia jla'a initoti wita'm jla'am ni kilie' ti iyo ji'wuye, siunie we'la yi' jisietis kiajwe, jlampet siojona jikawonta itijwa'm niwa sikioye times tom'niji ni siuniwa katese'l niwa yi' ape'e.

Apocalipsis 12:1 Iomraidhean Croise

Mateo 12:38

'Nak nojwaja'm siojopo Fariséojos, siu'neje japo jiwos pet ni Moisés jika'neyasajnaye, ti iyonisi 'ate ja Jesús: —Inka'neyasajnawo, awoktajank'iye pet ka 'wina ka lesane paka k'iejliyeyi ka'wenkints'e'm.

Mateo 24:30

Sek jane'yi'ne ka 'nakajayinie'e siunie ja inajnate'n jik'ioye ni I'nio' Jlas, ti jane poliyi. Ja wujwa ti jajnots'ijnits'i napo i'nio' yijits'i niwa ajnatis, ja pajlata ti jajnots'ijnits'i, sekjane'yi ti janapk'i wita'm. Jan'wenisiena'a ilia'm ni I'nio' Jlas ti janapimet ti jantal poliyi, ti janejyi jana poli, jla'yi ti janejyi siupi jijweye iyo ti je jlase', jla'yi ki iyo ni jloniye ti 'es.

Marcos 13:25

siuniwa katese'l janok'iji'n ti jantajla'm ni poli, siuniwa yiji pet ni poli ti jijweye po' jantaj'lik'i niwa ji'wetis.

Lucas 21:11

Siunie ajnat ti jan'wesi, ja pansajak'i, kiak jawo ja ke jlasiye ni nel'lias ti japoye, inlaye kia'iyojliyi ti janejyits'i puwa ajnatis. Siupapo i'nio' jan'we'en puwa ja k'iejliyeyi ti ja 'lan poliyi, ti ja ke tijweyeje, ja ke lisa' niwa ja'nakaj ta'a k'iye niwak jlomas.

Lucas 21:25

Jesús iyoyet'ipi'iji 'ate: —Ja poye siuniwa ja'nakaj ti ja nejyi na kilie', poye'eje niwa ti ja nejyi na we'la, ts'iji yi'i niwa katese'l kia'iyojliyi. Ja wujwa ti jajnots'ijnits'i napo i'nio' ape'e 'ni ajnat, ti ja ke injweyisie siunie jla'lap ni i'niat lajlik'i kajeyepa ti ja jwesiejak'i, ti janwo 'wukijlimpejesie ti janwakiats'i pijia'm.

Juan 3:29

'Yejne'n, ataj enayi 'ate ti po' ni janjwa'yi, siunie ti asejnia jana janeyi ti yijap, je int'ayeyiji'n pet ti naka siunie tijwa'yi. 'Yina po 'neje siunie t'ajajnajwa ti yijap, its'iuye'ni, je jlase' pi iyo ti inkaj'ni ti ipi'ya siupi iyo ti tamti. 'Yina kia'awo'ni pet, siu'nie inikanitiejeye lajayi'ni ji'wetayi.

Hechos 2:19

Ja'winkina siuniwa ja'nakaj poliyi ti jankelitk'i napo i'nio', jla'yi siuniwa ja'nakaj pet 'ne ajnat'e ti a'tisk'iji'n, 'woyis siu'neje ni jwat, ja ke jlasiye ni tosieja.

Romanos 13:14

'Yina woye asp'ota' ni Saka'niona Jesús ti Sijwajieti ti jatojmata'yi ilia'm ni inwak. Ká awoye 'weta' siuniwa 'yijijiene ni 'assie'n ka woyeyi.

Romanos 3:22

Sinia' jla'am ti ilisajne'n siunapo ti je 'yakakiuyis ni Jesús ti Injwajieti Sinia' jijliujwanik. 'Yina kiak iyone 'neje wikie'eyi siunapo je 'yakakiu kajeyepa ti je i'ye'en paka t'oniyeja' paka i'nioye',

2 Corintios 11:2

Ijiate ti akajien'ni astepe'e jayoyi, 'yina siunie ti ikajiejnaye po', tal Siniayi. 'Yina pajk'i ti ateme ti 'otata ta'a k'iye pet pa Sijwajieti ajalas ka neyi ts'ijiye, awoye 'ate iyo jana jlosie ti je itiant'iejliyi'ijyi pi ayinie, ti laj jikeye, jak je iyoyi janjwanjli siunie ja ayeyi, naka Sijwajieti jayo.

Gálatas 3:27

'Naka 'neje jla'am siunie ti inajiejnasts'ase'm, sekyi'i ti injwanjliyeyik'i pi Sijwajieti, jiwoyeyi as'wuye ti jla'am.

Gálatas 4:26

'Yina siojopa Jerusalén ti yi' poliyi je inkipinkiye'ne, 'yina sa'am ti jilists'e'm.

Gálatas 6:14

Jlam pet ti ya'am lajk'ipa ka k'iejliyeyi ka initoniti, 'wenajliyi pet ki iyo jana Saka'niona Jesús ti Sijwajieti jika cruz ti anitoniti. 'Yina lapakawo ti nak it'imina ni iyo ti 'ya'al pa Sijwajieti, siuniwa wask'i'nelaja yi' ape'e 'ni ajnat iyo pet masesie itieyi'i pet ti ya'am, 'yinit'iyi ka its'iejwat'e pijia'm jana cruz niwaka. 'Yina siupet ti ya'am, kiak awoyi masak'i'm pet jitieyi'i yi'i niwaka wask'i'nelaja ti yi' ape'e 'ni ajnat, 'yinit'iyi ka kia'iyo ka sik'iejwataja pijia'm japa cruz.

Efesios 5:32

'Yejne'n, ya'am awo'ate ti ajwel naka ti to'misiame ti yiji niwa Sinia' jlamtis: niwakayeta ti ijwi'il ni Sijwajieti siu'neje napo iyoyi ni inamtik.

Apocalipsis 1:20

Siunie iyo 'niwa ji'we'en siu'niwa ijwienjli sikio' itij'we times tom'niji katese'l siu'niwa yi' poliyi, ti e'n isiojyi ti atojmat ijwiyeje, siu'neje 'niwa ijwienjli sikio' itij'we times tom'niji katese'l ji'wetis ti wikinie maja ti 'najli. 'Yina siu'niwa ijwienjli sikio' itij'we times tom'niji katese'l siu'niwa yi' poliyi, niwaka ijwienjli sikio' itij'we times tom'niji jijliujwajnas napo Sinia' jilis, jlampet siu'niwa ijwienjli sikio' itij'we times tom'niji katese'l ji'wetis, niwaka pet siuniwa ijwienjli sikio' itij'we times tom'niji Sinia' jilis ji'wetis.

Apocalipsis 11:19

Jak je iyoyiji yajmi wek 'niji kiaka, sekyi'i ti 'ajlaja'm ja ji'wuk kiwet jlaja Sinia' ji'wuk yi' poliyi, sekyi'i ikajayi jlaja a'la' t'aj siujlieja ti 'yakajanitk'i siupa iyot'iyipi pa Sinia' ji'lij, ti yi' kiajwe jlajak Sinia' ji'wuk. Sekyi'i ti poye siojowa tak'ajyits'i siu'neje puwa ina'lapis ti pesieje, siu'neje ti yek'isia'm, siu'neje ti ajnat ti'wesi, siu'neje ti je jlase' jawa alatiu'.

Apocalipsis 12:3

Sekyi'i ti 'yakajayi'iji ni jikiecha siunie iniank'iye ti japoye; po' ni pinitiok wuj ti iyo'ate ni ajliutie kejlikiamt'e insatk'i, ijwienjli sikio' itij'we times tom'niji niwa jlete'l, 'yina siuniwa jik'iulis jla'am itijwa'm 'niwa sikioye, 'yina siojowa tena jlete'le iyo'ate siojona tena jletik'i na anechiyas.

Apocalipsis 15:1

Sekyi'i a'we'en 'neje siojo iniank'iye siojo japoye ts'ijiye ti ijiat ti sakelit, ti 'lan poliyi. Po' japo ijwienjli sikio' itij'we times tom'niji injlojwajnas poli jlele itiu'un niwa inwet'iaye ti ijwienjlijamk'i, siuniwa tome jlaja, 'yina ti yiyi ni jika jloma ti noj kisie'e ni jiwak ni Sinia'.

Apocalipsis 21:14

'Yina siojo inwasok tip'onajajap jlajak isi' itijwa'm niwa sikioye times tom'niji jawa sisajas jawa tiwoki jijwetisila' ti 'yit pijia'm. Po' jawa inamtis yi'i jleyis napo 'wolepo 'woma jijliujwajnas siunapo itijwa'm niwa sikioye times tom'niji.

Apocalipsis 21:23

Isi' ti je isitia'n paka kilieye, ni'ne ka we'laja pa ka jla'al ine'yi ape'e, lapakawo ti Sinia' jla'al jla'am siunie ti 'es yi' ape'e ti 'yakajanit'i ape'e, 'yina siojona isi' iyoyi pet jika katesa' ni 'wolepo 'woma.