Apocalipsis 11:3 - Sinia' Jlamtis 1994

³ 'Yina sek jantajlisiap'e siuniwa cuarenta y dos we'lajas ajwel'ni paj ka ineyik'ina'a, ti janwoyi jlamtikie' siuniwa yamtis siunapo ti jijweye jawijna'm. Napoka times i'nio' 'yakawosa', ti ji'wuye jiniliaja niwa 'yuts'iji'n ji'wuye iyo napo ti jika amejyi po'.

Apocalipsis 11:3 Iomraidhean Croise

Mateo 11:21

'Yina iyo'ne 'ate: —¡Asa'am ti as'wet jana Corazín, kia'iyojliyi ti asa'am pet ti as'wet jana Betsaida, aswet'ia japoye! Ka napokaye t'ipi jla'am siunapo yiji jana Tiro, siu'neje napo yiji jana Sidón, kan'wenis siuniwa iyo niwa ji'wena, kiak je iyotaja'ni jla'am, 'yina je k'iejets'i'ni jla'am ka iwo jlosikis ink'iejyisa'. Je kia'iyotaja'ni jla'am ka je 'nots'iji'n niwa ji'wuye siuniwa je isis, jla'yi ka tijlat intatis jitipe'e, ka 'nakajanit ti ilik'i ni jike' iyo, yapilisi ni Sinia'.

Mateo 18:16

'Yina jlampet siuti ja ke ink'iu'wa'm, ja apilieyinie'e siupapo ja a'yisa, ni'ne ka timesie papo ja a'asi Sinia' jilis, ja 'nakayeyijna'a ti jan'wena'a'm siupi iyo pi akiecha. Ja 'nakayeyi ti ja ke amkataja ti ja 'najane paka jawone, 'yina ti ja timesie ni'ne ti janajapeja siupapo jan'wena'a'm.

Lucas 10:13

“¡Ja imp'elisisa' wata'a asa'am ti jleyejyi jana Corazín, asa'am 'neje ti jiwayejyi jana Betsaida, aswet'ia japoye! Jlam'ne t'ipi ka janakaye Tiro siu'neje jana Sidón ka sek tenaja'a niwak siuniwa ti ti'wenkinaja'm napo i'nio' iyo'ate siuniwa a'wenki'n ti ji'wena', jlam pajtak'i'ne ka iwo jlosikis ink'iejyisa' siunapo i'nio' yiji. Je k'iejets'i'ni ka 'nots'iji'n siuniwa ji'wuye ti je isis, jla'yi ka intatisi'ni jitipe'e ni tijlat. Kiak janiwonisi kajeyepa ti ijiate ti ilik'i ni jike', yapilisi pa Sinia'.

Lucas 24:48

Asa'am ti askimet ti ja akinieyiji'n ti ja ajwela 'niwaka ni siuniwa ji'wena'.

Juan 15:27

'Yina asam'neje ti ja sijwela', lapakawo ti jleye ta'a ijiap ti 'nelanjie'e.

Juan 3:27

Tamti'ne ja Juan ti iyo'ate: —Lajk'ipa ka neyi ni i'nio' siuti Sinia' ka je jla'm ka inwejna'm pi k'iejliyi.

Hechos 1:8

Siuti jane'yase jana Inia' jikimet ti 'es ka tekiajla'asenie'e ni asjweye, ka sek atajlaye'ena'a ka kinieye'inna'a ti jawoye asamtikie' ti ja sijwela'. Ka joyenie'e Jerusalenne, ja tejwayena'a siuniwa ajnatis yiji jana Judea, siu'neje jana Samaria, wikie'eyi siuniwa isi'il tose ti yi' ape'e 'ni ajnat.

Hechos 13:31

'Loj puwa jlomas ti kia'iyo'ni ti ini'wenkijnam'ni siupapo jla'yis t'ipi ti tajlis Galiléaja, ti ijioyis Jerusalenne. 'Napoka'ne siu'napo ti ijwi'il, ti ijwijla'm papo i'nio'.

Hechos 2:32

“Je int'ayeyiji'n jla'am ja Jesús ti Sinia' iniujwa'n kisie'e 'neyek'i, 'yina sampe ti a'wena, jlam je iyo ti ijiatk'i.

Hechos 3:15

Jiwoyeyi'iji ka alana siunie in'wasankiye i'nio' iwijna'm. 'Yina Sinia' iniujwa'n kisie'e ti tajla'm pi a'no', sam ti a'wena ti ijiatk'i kiaka.

1 Corintios 12:28

Ti Sinia' iyo ka ine'nik'i siuniwa ji'wetis napo jilis ti yikiajle ni jikijmaye, sekyi'i ti iniajnata napo ti iyojwa'n injlojwajnasa'; tomik'i ti napokaye pet napo injwejlanawos, siunapo ti ijwile pet pijia'm siunie iyo jana Sinia' jikimet, ti ijwijla'm napo i'nio'. Sekyi'i ti tomayik'i pet siunapo inka'neyasajnawos; siunapo ti i'winki'n siuniwa ti je yits'e japa ka jlomaye ka kia'iwo ka ti'wena'ni. Ijia napo 'yijene pi iyone ti ijwiejiete'n napo je isis; ijia napo ip'ilisi'n napo i'nio' Sinia' jilis, sekyi'i iniuyeje; ijia napo iniajnenk'iye napo ijia Sinia' jilis, ti iyoyi pi jikijmaye; ijia napo ti iyoyi siupuwa inamtis ti je tipe'yak.

2 Corintios 13:1

'Nak ja najapajayiji ti jajio'wase. Siuniwa Sinia' jlamtis yi'i ni ji'wet iyo'ate, “Ti ja najapeja, ni'ne ka timesie wek ti janjwe'el kajeyepa ti i'winaja pa k'iejliyi, wikie'eyi napo kia'iyo nak ijiate ja lajak'ipa ka intomik'i'ni.”

Efesios 4:11

Jla'am ti iwijnamk'i napo i'nio' ni jijweye ti iyoyi ji'wajieta'. Po' napo iwijna'm ka wo jijliujwajnasa', ijia napo iyone jijwejlanawosa', ijia napo iyone inka'niye jiwosa', ijia napo ijniejiet'e kan'yenkina napo jilis, ti 'yiyasajne'n napo i'nio'.

Apocalipsis 1:5

'Yina tajle 'neje ni Sijwajieti Jesús siunie jika'niyewo ti 'es, jla'am ti inia'an ti yapi pijia'm ti tajli pi a'no', siu'neje ti wikie'eyi siunapo anechiyasas yi'ne ajnat'e ti jika anechiyasis. 'Namats'e pa Sijwajieti, isia'ni pa ji'woyis, siu'neje ti 'ya'al, 'yina lapakawo ti iyo ka kasjwajiete siuniwa sakeyis.

Apocalipsis 11:2

Jlampet siunie jitiowe tomi kisie'e janak je awojonk'iye ka akio' 'oti ka 'ye'en pi k'ie'. Lapakawo ti pajk'i ti ekiajle ta'a siunapo i'nio' 'wenayi ti jiniliaja, 'yina cuarenta y dos (42) niwa we'lajas, ka yot'i 'neje 'ate mil doscientos sesenta (1.260) niwa jlomas, niwa janejyi ti ja kiak jawonisi ti jant'asisk'i'ni janak isi' ti 'es ti janlakiyis.

Apocalipsis 11:6

'Yina Sinia' jijweye janwejnamk'i napoka ka imp'ojna'm ni poli janakaye siunie jloma ti jankatatisi ti jawoye jlamtikie' niwa Sinia' jlamtis, jajnojlietisk'i pet ti ja ke i'najlitk'iye ni pejla ka neki'n. Jla'yi ti jijweye japoye ka inkajyi'n ni i'niat lajlik'i ka iwojwa'n 'woyisa'. Siu'neje ti ja 'najane pi jawone ka k'iejliyeyi paka iwo jiwet'iaye 'ni ajnat ka wejnamk'i napo yi' ape'e, jane'yi japa jloma jawo jla'am ka inejni.

Apocalipsis 12:6

Sekyi'i yama pet jlaja i'nioki ti i'yiltane ni ajnat laj i'nioye'e siunie ti Sinia' pajk'i ti iwiakajlanit k'iye. Mil doscientos sesenta puwa jlomas yijni ti sek yi'i, je lajk'i jla'am ti 'yakojnie'n.

Apocalipsis 13:5

Jaka pinitiok tenaja 'ate ka iwoyi siuniwa jlamtis jiniliaja, 'yina ti initoniti ni ji'lij. Yeje'ni ni Sinia', siu'neje ti we'lajas ti cuarenta y dos niwa tenaja ti tekiajlaja ka iwo anechiyasa'.

Apocalipsis 19:10

Sek 'opiyeyi kiajwe ja injlojwanik poli jlele ti ajwelta ka iyunit, 'yina je sen'na 'ate. Sek iyonk'i 'ate: —¡Kiak ká awonk'i! Sinia' jikawok'i'm jiwek pet, awo'ate jiwoyi, iyo'neje siunapo a'lejwas ti je iliyi ti ijwi'il ni Jesús. Jla'm ijiate ka awunit ni Sinia'. Kajeyepa ti siunie Jesús ji'lij iwijna'm, napoka jijwejlanawos pet iyoyisi pet jlamtikie' siunie Sinia' tajle.

Apocalipsis 20:4

A'wen'neje siuniwa ji'wetis napo anechiyasas, 'yina siunapo yiyisijyi'n napoka ti Sinia' yikiajle ni jijweye kan'ye'en napo i'nio' siunie iyo. Sekyi'i a'wen'neje niwa jisiak'alis siunapo jlete'l tilienat'i'yijimpe ti titiajlataja naka ti je iliyi ti yame ki iyo niwa Jesús jlamtis, siu'neje niwa Sinia' jika'niye, siu'neje ti je iyunitis jaka pinitiok ka jitiej iwomisie, siu'neje ja jipe'el ti tewitanajak'i, siu'neje ka lajk'ipa ka inejyi siunie ti tiwok jijwukisa' ni jitiokiots'i, siu'neje ni jikio'. A'we'en ti 'wasanaja'neje mil niwa najkapis yiji ti iyoyis pet anechiyasisa', ti ijwienjli yiyisi'i ni Sijwajieti ti kia'iyo.