Apocalipsis 1:18 - Sinia' Jlamtis 1994

¹⁸ siu'neje ni 'wasa'n. Ijiate ti ts'alpe, 'yina 'nakayi si'wasa'n, jajiok'i'ni ti ja ke sinitia'n. Yam'neje ti yik'i siuniwa jikie'el ti t'ajlinitijaja'm janak 'najlati jika anechijiayas.

Apocalipsis 1:18 Iomraidhean Croise

Mateo 11:23

“Asa'am ti as'wet pet jana Capernaum, ¿jijwelayet'e ka tikinie'asena'a ka ijnoki poliyi? ¡Je'e, 'wenajliyijna'a ti ja intatajayik'i isia'm na kiawe ti laj jlaja, siunie inlaye 'wet! 'Yina ka japakaye t'ipi japa Sodoma ka tenajaja siukiwa iyo kiwa ti'wenkina'ase'm, japak isi' a'wenajta'ne 'nakayi.

Mateo 16:19

Jayikiaj'la siuniwa 'wuk kiwet p'ot jikie'el ni jika anechijiayas ni Inia'. Ja k'iejliyeyi pa jawone ti jawone 'ate napo ika kia'lis, “Wuj ti je 'es ka woyi”, Inia' kiak jawo'ojyi jlajma ijiatayi ti ja ke iwo. Ja k'iejliyeyi pa jawone ti jawone 'ate napo ika kia'lis, “Nak ijiate jla'am ka woyeyi”, 'yina Inia' kiak jawo'ijyi pet jawoyi, ti jankiujlie.

Lucas 24:5

Jnots'ijnits'iyi, sek t'opiyeyisi'iji'n wek, 'yina papok i'nio' iyoyis'ne 'ate: —¿Yot'iyi'ni ti jlekiajlajyi'ni 'niwa t'o'l kiapo i'nio mases, ti jiwoyetajyin'ni siojo ti 'wasa'n?

Juan 11:25

Jesús sekyi'i iyone'ne 'ate ti ipi'yaye ti kia'iyo: —Ya'am siunie ti yapilietak'i pijia'm napok 'yajle'n, siu'neje ti ya'am in'wasankiyek'i'm. Siunie je sakakiu, 'wanjliyi ka 'na'al, 'yina ja'wasana.

Juan 14:19

Je pi itioyeyi'i niwa jlomas, siunapo yi'i ni ajnat ja ke si'we'en, 'yina jlam pet ti asa'm ja si'wena'. Ja i'wasanajyi'n kajeyepa ti ja si'wasa'n.

Romanos 6:9

Kasts'ajane pa awonaja ti siuti Sijwajieti pajk'i ti iniu kisie'e ti tajli pa a'no', ja ke paja ka inekiajle'e ka 'na'al, 'yina siojona 'najlati je ijlien'ni siunie jijweye iyo.

2 Corintios 13:4

Ijiate, siuti tik'iejwata'a jakia cruz iyoye 'ate siuti ijiateje ti laj jijweyeja' pa, 'yina siuti 'wasa'n je 'wena pet paka 'esieyi naka Sinia' jijweye. 'Yina nak kiak iyoyi, 'wena je ajok'i siuti jla'am ti kiak iyoyi ti 'yaka ijiatayi ka jijweyejayi, 'yina siupet ti kia'iyo ti ani'nopijietaja nak ja kasts'esi pet ni jijweye ni Sinia', ti jayi' aska kiowe'e ti jayoyi niwa jlamtis.

Gálatas 2:20

'yina je'ne ka yama ka si'wasa'n, 'wenajliyi ti jla'am pi Sijwajieti ti yi' iwia'am ti si'wasankit. Siunie awo ti si'wasa'n, 'nakayi si'wasa'n kajeyepa ti itienkiujnieye yiyi ni Sinia' jlas, 'yina ti je akakiu ti jla'am ti semi'n, jla'yi ti ininekial itipe'e ka tiliana, ti iyo ka sijwajiet.

Colosenses 3:3

Siuti pajk'i ti aslaye iniuyi wita'm pa Sijwajieti ti 'ya'al, siojona as'wasankiye ti ijiatk'i je 'yaka kajeyepa ti yijliyi'ijyi pi Sijwajieti ti yijap pi Sinia'.

Hebreos 1:3

Jla'am ti jla'al ti 'esi' pak Sinia', jla'yi ti nak jipe'el pa Sinia' siupa k'iejliyi. 'Yina jlam'neje ti 'yitk'i pijia'm wikie'eyi niwa wask'i'nelaja, ti isiene niwak jlamtis ti jijweye po'. Ti itimayi siukia iyo kia jikijmaye ti initiajnat sik'ioye kiwa soski'layis, sekyi'i yiyeje'n 'niji poliyi jijweyeje yi'i pa Sinia' ti iyo anechiyasa' ti wuj.

Hebreos 12:2

'Esiji ka sitiej 'yitie'e ni Jesús, 'yina ti jla'am ti atajlajaja siunie ti je akakiunie, 'yina ti jla'am 'neje ti ijniujliet wita'm janaka. Jesús wuj ti inilayiti siupa jiwet'ia ti tena'a japa cruz, je nesi'lieyi ka inojwat jiwa'm siupa jikalakijnieye papo i'nio', lapakawo ti je int'ayiji'n siunie jawo ti janek'iyi ni jiwet'ia iyo jank'iuyeja'ana'a pet siunie jinikanitieyeja'. 'Nakayi yiji'n 'niji jijweye pa Sinia' siupa ji'wet ti anechiyas.

Hebreos 7:16

Siunie pa'yi ti ink'ie' je tajle napo siunie iyo ni inka'neyasajnaye ka titiajlataja'm, 'yina tajle siunie jijweye iyo jana in'wasankiye ti t'o'n.

Hebreos 7:25

It'imina 'neje ti kia'iyo ti laj jlaja ti 'yijene pi iyone ti ijwiejiete'n siunapo i'nio' ka iyo ka ijnoyi ni Sinia', 'yina je lajk'i ti jla'am ti iyo ji'niayija'. 'Yina ti jla'am ti 'najlati je ikalk'i, siu'neje ti pok'iye napo i'nio' ti 'yejlani'ni pa Sinia'.

Apocalipsis 10:6

ti iyo'ate: —Siunie i'nio' ti je 'ya'al ka paja, jilisanik 'ni ajnat siu'neje 'ni poli siu'neje 'ni i'niat lajlik'i, wikie'eyi siuniwa wask'i'nelaja ni jlele pet 'niwaka, ji'lij iwink'i'm kayo'ate, “Yik'i kiwa jlomas.

Apocalipsis 15:7

'Yina ijwienjli'ne siojowa pini' Sinia' jilisajna' jitiete 'lo'weje'n ti ijwienkitamk'i siojopo injlojwajnas poli jlele ijwienjli sikio' itij'we times tom'niji jawa inat jijwa'al ti wikinie maja ti 'najli, ti tipoyijk'i na jiwak ni Sinia', ti je paj ka inetia'n jajnok'i'ni.

Apocalipsis 2:8

Iyonat'iyi'iji 'ate: —Lesane kiu'ujwe siu'nie ti jajloyi pet siunie jijliujwanik siunapo Sinia' jilis yiji jana isi' Esmirna: “Ni siunie inia'an siu'neje ni jlaj, siunie ti 'yalpe sekyi'i ti yikiajlayi'i ti 'wasa'n, ji'lij jla'am siu'nie,

Apocalipsis 20:13

Sekyi'i siunie i'niat lajlik'i yikiajlayi ni Sinia' kan'ye'en siunapo ti 'yalt'ijyimpe ti yiji pet; siunie 'najlati jinia' kia'iyojliyi yikiajla pet siunapo jikas t'ipi pet, napoka napo yiji. 'Yina i'winajliyi siupa iniwont'iyijipi pet ape'e 'ni ajnat.

Apocalipsis 20:14

'Yina siunie 'najlati jinia' sekyi'i ti titetajayi siunie jwat ti isa ape'e, 'ate iyo ni tewuk iliyi, janaka 'najlati ti tomik'i siojopa inia'an.

Apocalipsis 3:7

'Yina iyo'ne 'ate: —'Ete'e kiu'ujwe siu'nie ti jajloyi siunie jijliujwanik napok Sinia' jilis yiji jana Filadelfia: “Iyo'ni siu'nie Sinia' 'yotat, siu'neje ti nak yiyi siojona anechiyas David jika 'wuk kiwet jikie'e. Ni siunie etie jla'm ka 'najlinitia'm ja lajak'ipa ka imp'ojna'm, siu'neje ti jlama ka imp'ojna'm kiak jawo ja lajak'ipa ka 'najlinitia'm.

Apocalipsis 4:9

Jak je iyoyiji siuti iyo jawak pini' Sinia' jilisajna' ti ijniujlits'i, ti iyunitietajas jak siojo ti yi'iji'n jlajak anechiyas ji'wet, siu'neje ti kia'iyo jinikanitieyi iwinatajasi siu'nie ti jajnok'i'ni ti 'wasa'n, sekyi'i siojopo veinticuatro ti jwajla iyoyisits'i'ni i'nio' t'akosjlete'l itiyeyisiji'n kiajwe, sekyi'i ti iliena'ak'i siojowa yinis jleti'le ti yinis jitieyi'i jlajak anechiyas ji'wet, sekyi'i iyoyisie 'ate:

Apocalipsis 5:14

'Yina iyoyis pet 'ate siojowa ijniujlits'i pini' Sinia' jilisajna' ti jitiete 'lo'weje'n ti isiujlisie: —¡Amén! Jlampet siojopo i'nio' ti jwajla iyoyits'i'ni t'akosjlete'l itiyejayisijik'iji'n ti ijiunitis.

Apocalipsis 6:8

Siuti a'yenayi, a'wena ja a'lenta majats'i'ni ape'e. Siojo yi' ape'e jle' iyo'ate 'Najlati. 'Wanjliyejap pet isia'm siunie jika anechijiayas ni Inlaye, sekyi'i tekiajlajats'i ni jijweye ape'e jawak jijwa'al ijniujlits'i 'ni ajnat ka iwo jiwet'iaye, ka intejwk'i'ni napo i'nio' ti isiene ni inwak, ka nel'lia inlankini, siu'neje ka inlaye inlankiniji'n, siu'neje ka inkiene niwa pini' yi' ape'e 'ni ajnat ka inlajne'n.

Apocalipsis 9:1

Jlampa iliena'aja pet jla'a ji'woso' siojo jikiecha injlojwanik poli jlele sekyi'i ti ijwienjliye 'ni sikio' itij'we japo ti no'we ti ji'woso'l ilie'en, sekyi'i a'wena siujlieja kates ti yi' ajnat'e siujlieja ti iniujwe'n ti tal poliyi. 'Yina jlajak kates ti ajwel'ni tekiajlaja siujlieja jikie' ti t'ajlinitieja'm siojona kiawe ti je ti'wena isia'm pa jik'ioyi siunie 'najlati 'wet.