Apocalipsis 1:1 - Sinia' Jlamtis 1994

¹ 'Nak siu'nie Sinia' iwijna'm pa Sijwajieti Jesús kanjwejla'm pet siupapo jikawos siuniwa wask'i'nelaja ti ja ke pajayi wat ka 'nakajana'a. Sijwajieti Jesús kiak iyone ti 'yakajanitie, pakayi ti ijliuyi pa Juan siupi jijliujwanik poli jlele kan'wenkijna'm.

Apocalipsis 1:1 Iomraidhean Croise

Juan 12:49

Lapawo ti je yam ka intalk'i siu'nie awo, 'wenajliyi jla'am ni Inia' siunie sijliu', nak ijliuyijk'i'm siunie awo ka ijwi'il, jla'yi ni siunie aka'neyasane.

Juan 15:15

Je awo 'yakawosa'ase'm. Ataj enayi 'ate, siunie inkawo siunie iyo ni jika anechiyas je 'yijene. It'imina ti kiak awo'nase ti 'yijejnajwasts'ase'm ti lapajawo ka kiak je iwo ti wikie'eyi siuniwa tajle ni Inia' ti yikialk'i, ti ijliuyijk'i'm ka 'yiyasanayi, pajk'i ti ekiaj'lase pet.

Juan 17:8

kajeyepa ti ateme ti ajwele siunie inka'niye ti taj'la, 'yina je 'yumajas ilia'm, kajeyepa ti 'yijene pi iyone ti a'm ti ataj'la, jla'yi ti je takakiunisi siunie ti a'm ti sijliu'.

Juan 3:32

Ijwi'il siuniwa i'wi'in, siu'neje niwa ipi'ya, 'yina ka kiak iwo ka jwanjliyi paka ink'iuye siunie ijwilta.

Juan 8:26

Po' siuniwa jayo'nase, jla'yi ti ja'ye'en siunie jiwoyeyi. Ijiatk'i siuniwa jlamtis ni i'nio' sijliu', jla'yi ti lajk'ipa jikiechaye ka ijwi'il, najata jla'am siunie iyo ka ijwi'il, ka ijwijla'm napo i'nio'.

Romanos 16:25

¡Jajnotk'i'ni ti ja tiwunitie ni Sinia', etijnape pa Sijwajieti Jesús ti kia'iyo! 'Yina Sinia' jijweye po' kanoye'ase'm pet, ka wo asjweyeja', iyo siuniwa amtiyi siunie ti ijwi'il pa Sijwajieti Jesús. Nak siunie ti je tak'emisie'n siunie Sinia' ti je paj ka netia'n, je 'yakajanit'i ape'e talk'i'ni ti kia'iyo. 'Yina 'nakayi jiwekie'aja ti yin kisie'e pakayi ti jijliujwajnas jla'am ti yi'ik'i niwa jip'esijna'. 'Yina siunapo i'nio' itiant'ieje, kajeyepa ti Sinia' iyotajank'iye ka tijwelaja wikie'eyi niwa ajnatis, 'nakayi ti ja ke inkakiu jla'yi ti jank'iuye niwa jlamtis. ¡'Esiji ka jiwunitieyi tena'a ni Sinia' ti ijwienjli jla'am ti 'yije'en!

Gálatas 1:12

Je atajleje paka ne'yi paka i'nioye ka ts'eyasane, 'yina Sijwajieti Jesús jla'am ti tajle it'imina ti sitiant'ieje.

Efesios 3:3

Sinia' 'yakajanitie siunie ti je iyo ka nen kisie'e, ti iyo ka woyi, sekyi'i ijwilk'i'm kats'ajane pet paka iyone, iyo siukia yiji ja jikiecha ip'isinik, ti jwamjla'a ti amtitieje.

Tito 1:1

Ampey isiecha Tito, ya'am Pablok'i'm ti ip'isinik atate'a. Ya'am ti ijiate ti Sinia' jikawok'i'm, jla'yi ti Sijwajieti Jesús jijliujwanik'i'm. Sijwajieti Jesús sijliuyi napoka ti Sinia' pajk'i ti it'iajats'i, ka iyo yamtikie' k'iye napoka, 'nakayi ka intankiunisi pi Sinia', jla'yi ka intant'ieje siu'nie akinieje ti ijiatk'i.

Apocalipsis 1:19

'Ete'e siuniwa ji'we'en 'nakayi, siu'neje niwa ja'nakaj kapajata wata'a.

Apocalipsis 1:9

Ya'am Juank'i'm siunie askiecha, lapakawo pet siuti ani'nopijieteje ni Jesús 'yina si'wet ijwienjlajam'ne siunie Sinia' jika anechijiayas, siu'neje ti siliaye iniuk'i wita'm ti siwet'ia poyeta, 'yina majejli naka 'neje siunie sijweye pet ti ani'netiejeta pet ilia'm niwaka. Sena 'ne yi'i jlaja ajnat siujlie'e i'niat tijwajiape'n jle' iyo'ate Patmos, 'yina je 'wena paka int'emink'i naka jla'am ti awoyi yamtikie' niwak Sinia' jlamtis, siu'neje na ijiatk'i ti Jesús iyo jika'niyeja'.

Apocalipsis 17:1

Siojopo ijwienjli sikio' itij'we times tom'niji injlojwajnas poli jlele ti itiu'un siojowa inat jijwa'al, 'yina ijwienjli siojo ijiok'i ti iyo'ate: —Jomet, ja'winki'na'm siunie ja tiwonaja jlaja asejnia siujlieja ti ijiate ti ijiuski'la'n, ti ja tisiejek'i, ti yiji'n ape'e niwa i'niatis ti je jlase'.

Apocalipsis 19:10

Sek 'opiyeyi kiajwe ja injlojwanik poli jlele ti ajwelta ka iyunit, 'yina je sen'na 'ate. Sek iyonk'i 'ate: —¡Kiak ká awonk'i! Sinia' jikawok'i'm jiwek pet, awo'ate jiwoyi, iyo'neje siunapo a'lejwas ti je iliyi ti ijwi'il ni Jesús. Jla'm ijiate ka awunit ni Sinia'. Kajeyepa ti siunie Jesús ji'lij iwijna'm, napoka jijwejlanawos pet iyoyisi pet jlamtikie' siunie Sinia' tajle.

Apocalipsis 19:9

Sekyi'i injlojwanik poli jlele iyonk'i 'ate: —'Ete'ena'a siu'nie: Sinia' wuj ti jikap'ijliuskiye yi'ne siunapo ti jla'am ti i'yasits'i ka ijnoyi siunie jiliakijnieye ni 'wolepo 'woma, ti iyo'ate siunie i'nio' ti tijwa'yi. Sekyi'i injlojwanik poli jlele yine ape'e, ti iyo'ate: —'Niwak jla'm ijiate ti Sinia' jlamtis.

Apocalipsis 21:2

A'wena siujlieja isi' Sinia' t'otatki, ti jlajaka p'an Jerusalén ink'ie', ti na'm isia'm ti tajle pi yi'i pi Sinia' poliyi. Itime ta'a ti inilesan'ni ti 'yuts'iji'n ji'wuye ti isis, 'ate iyo jana i'nioki ti janjwa'yi ti janeyi'ne siupa initeme.

Apocalipsis 21:9

'Yina siojopo ijwienjli sikio' itij'we times tom'niji injlojwajnas poli jlele, siojopo ti itiu'un siojowa ijwienjli sikio' itij'we times tom'niji inwet'ia yijits'i jawa jijwa'al ti tipoyijk'i siojowa tomik'i pijia'm, jaka'ne siojo ijwienjli ti ijiok'i ti iyo'ate: —Jomet, ja'winki'na'm siojona initeminijin'ni, ti janeyi ni 'wolepo' ji'woma.

Apocalipsis 22:1

Siojo injlojwanik poli jlele i'winkink'i'm ja tewuk ti tajle siunie i'niat ti i'wasankiye, 'esi 'yiniye na intaj jla'al tijwayiji'ni, tajla'm siojo Sinia' siu'neje ja 'wolepo 'woma ji'wet ti 'es ti yijijyi'n.

Apocalipsis 22:16

“Ya'am ti Jesúsk'i'm, ya'am ti ajlo'wase ni ijliujwanik poli jlele, 'yina ti awojonk'iye ka injwe'lase siu'niwa wask'i'nelaja, sekjane'yi ti jajwelayi pit napo Sinia' jilis. Ya'am ti atajlaja'm siupapo David jilis t'ipi ti tomik'i pijia'm. Ya'am siojona kates jloma jla'yiki ti jlal po'.”

Apocalipsis 22:6

'Yina siojo injlojwanik poli jlele iyo'ne 'ate ti ijwilk'i'm: —Jla'm ijiate wek jla'am siu'niwa ka je inkakiunisi napo i'nio', 'yina ti je tak'emisie'n 'niwak inamtis. Saka'niona, ni siunie ti iyo ji'lijaye napo jijwejlanawos, naka ti ijliu' na jijliujwanik poli jlele ka in'wenkina siunapo jikawos siunie ti ja ke pajayi wat ti ja poye.

Apocalipsis 22:8

Ya'am Juank'i'm, ya'am a'we'en siu'neje ti ape'ya 'niwaka. Jlampa atemayi siuki iyo kiwa a'we'en siu'neje kiwa ape'ya, sekyi'i ti awoyetaja ka 'yakose kiajwe jak injlojwanik poli jlele ti jota ka iyunit.

Apocalipsis 22:9

'Yina je 'esiji jla'am ti iyonak'i 'ate: —¿Yot'iyi'ni ka kiak awonk'i? Kiak awo Sinia' jikawok'i'm pet jiwek iyo'ate jiwo ti a'am, 'ate iyo 'neje siunapo a'lejwas, siu'neje napo Sinia' jijwejlanawos, 'ate iyo 'neje wikie'eyi siunapo its'iuye 'niwak inamtis ti yiji 'nak imp'esinik. Jla'm ijiate ka wunit ni Sinia'.

Apocalipsis 4:1

Jlampa pajayi'ni ti yam'niji kiaka, sekyi'i a'yen'ne poliyi, 'yina a'wenayi ti 'ajla'm. Siojo jla'lap ja i'nio' ti ape'yayi ti 'nelanjie'e ti 'yiniye siujlie'e 'woso' wakiak'iu', 'yina paka'ne siupa iyonk'i 'ate: —Jomet, 'wuj'li ape'e 'ni siu'nie, ja'winki'na'm siuniwa wask'i'nelaja ja'nakaj kanekta 'nijiji.

Apocalipsis 5:7

Sekyi'i jaka siojo 'wolepo 'woma yamayi siojo imp'esinik takapajlatak'i'ni ti yi' kiojyi siojo yi'iji'n jlajak in'wet anechiyas ji'wet.