2 Juan 1:4 - Sinia' Jlamtis 1994

⁴ Wuj ti ts'ajkaj'ni ti ajieye'ase ti po' siunapo ti je tajli siunie ijiatk'i, iyo ni Sinia' ti iyotaja ka iyoki.

2 Juan 1:4 Iomraidhean Croise

1 Corintios 13:6

Je ipini'ni pet siuti i'wi'in ni jike' napo ijia, jla'm ijiatayi pet siuti ijiatk'i pa, sekyi'i ti wujwa pet ti ipini'yi.

Gálatas 2:14

Sekyi'i a'we'en ti kia'iyo ti yameje'n siunie iyoyisi, ti je ijlieneje siunie iyo ni ijiate ti 'es Sinia' jlamtis, 'yina kiak awoniji'ni ja Pedro ti ene jitieyi'i japo i'nio', “A'm ti Judío'a'm, 'yiniye ka je Judíoja'a'm jle' kiowe'e napoka ti ijiate jla'am ti je Judíojos, jlam jiniwone wek ka je ama ka Judíoja'a'm. Jlam'ne amata pet, ¿yot'iyi'ni ti jit'ijie'ne napo i'nio' je Judíojos ka kiak iniwonisi iyo ni jiwoyeyi?

Efesios 5:2

Woyeyi ni asemijnaye, 'wena ká aniwonayi iyot'iyipi pa Sijwajieti ti kia'iyo wuj ti 'nama, it'imina'ne ti iniwe'n sitipe'e. Ti iniwojwa'n Sinia' ji'wajieta', iyoye'ate ni k'iejlitieje ti tiliana ti tiwunitieta pi Sinia', sekyi'i siu'nie jini ti yame pi Sinia' ti 'yakanit'ni pet.

Efesios 5:8

Ti pajk'i ajnatiok jlele'ase'm, 'nakayi ti jleyejiap ni Saka'niona, kates jla'al jlele'ase'm. It'imina ti kiak awo'nase, 'esiji ka anilesanayiji ti asam napoka ti kates jla'al jlele'ase'm; woyeyi siunie jikijmaye iyo pit napoka ti yiji jana kates jla'al.

Filipenses 4:10

Wuj ti ts'ajkaj'ni jla'yi ti inikanitiejeye ijioyi pi Saka'niona, kajeyepa ti jlekiajlayi'iji ti astaj wujwak'i, siunie jiwoyeyi ti jiniuyeyijk'i'm. Je ajwel ka iyo'ate asa'am jiliyeyi ti jiniuyeyijk'i'm, kajeyepa siukiwa jlomas yam'niji ts'ajane pi awone ti je 'wena' paka k'iejliyeyi.

1 Jn 2:6

Siunie i'nio' ijwi'il ti ijwienjliyik'i pi Sinia', ka kiak iniwonayinie'e, iniwont'iyijipi pi Sijwajieti Jesús.