2 Juan 1:2 - Sinia' Jlamtis 1994

² Siunie it'imina ti emina ka lajak'i naka siunie ijiatk'i ti yisajap jla'yi ti jlam kiajatajak'i'ni ti janesajap.

2 Juan 1:2 Iomraidhean Croise

Juan 14:16

Siuti ya'am ja'yasejeje'n ni Inia' siojopa ka inoye'ase'm janak Sinia' jikimet ti ijiatk'i, ka ine'yasap wikie'eyi niwa jlomas. Siunapo yi'i ni ajnat, je yiyi, 'yaka je intant'ieje, jla'yi ti je i'wi'in. 'Yina asa'am intant'iejayi, kajeyepa ti yiye asap, jla'yi ti ja ke pajana ka intaj'lase'm.

Juan 15:7

“Siuti je paj ka aleyeyi siunie jiwoyeyi ti jini'nopijietak'i, jla'yi siuti ja ke aleyeyi ti jiwoyeyi niwa yamtis, 'ajlayi siupi k'iejliyi pi jisitiana', ja tiwena'ase'm.

1 Corintios 9:23

'Yina lajk'ipa ka int'emina siunie aniwone, kajeyepa ti niwaka jla'am niwa Sinia' jlamtis ti isis ti awojonk'iye pet ka ts'esi, siuniwa isis Sinia' tajle ni jikap'ijliuskiye iyo.

2 Corintios 4:5

Siuti awok samtikie', je sam'ne ka inijwela, 'wenajliyi jla'am ti ajwela pa Sijwajieti Jesús ti jla'am ti Saka'niona. Siuti sa'am ani'wenkina'ase'm ti akawosts'e'm, lapakawo ti yimijnaye e'ne ni Jesús.

Colosenses 3:16

'Esiji ka siuniwa Sijwajieti jlamtis inejyits'i niwa asosikis, 'yina ja wujwa ka noye'ase'm. Siunie 'najanayi ninekiajlayi ti jani'neyasanayi, 'wenkinayi napo as'lejwas siunie tijnajyi. Siuti ja akelisienajyi'n, jonitie ni Sinia'; siuti ja inkasajyi'n 'esiji ka atajlatajia'm ni asosik; kiak jawojliyi siuti jawoye asts'ajlayeja'. Enayits'i siuniwa sálmojos, siu'neje niwa ijia inka'laja ti tajle siojona Sinia' jikimet.

2 Timoteo 1:5

Je paj ka iliyi ti atankiunk'i siunie ti jiwoyi ni atankiujnieye ti 'es, siujlieja ant'e Loida jlajak tajle ti 'nelanjie'e, sekyi'i ti ijliasayi pet jla'a et Eunice, naka'ne siunie ti je sit'iayiji'n ti yi'a.

2 Pedro 1:12

Jak je iyoyiji ka liyi ti ekiajle'e ni ask'ioye ka je inkiwaliyeyi'i, ijiate 'najanayetaja siunie 'eyasanayijpe ni siunie i'netieyi pijia'm.

1 Jn 1:8

Siuti ajwela ka laja sakeye', sam sa'am ti anilakik, siunie ijiatk'i je yi siwa'm.

1 Jn 2:14

Ijiatjliyi 'napo ilis, atate'ase ti pajk'i ti intant'iejayi pi Sinia'. Asa'am ti inkijliyejyi'n, kia'iyojliyi ti pajk'i ti intant'iejayi siunie i'nio' po'o ta'a ti 'nelanjie'e, je wakaljli'ijyi niwa wask'i'nelaja yi' ape'e 'ni ajnat. I'lij atate'ase asa'am ti jwemik'iase'm, ti ast'oni poye jla'yi ti siuniwa Sinia' jlamtis iyo 'wetaja ni asosik, siu'neje ti siunie imosik ti je inkajlajyi'n.

1 Jn 2:17

Siunie ajnat ki iyo yamjliyi'iji ti jano'we, siuniwa tajla'm kiak janwo. 'Yina jlampet siunie i'nio' iyo niwa Sinia' iyo kanwo, nak ja ijnok'i'ni ti ja'wasana.