2 Juan 1:12 - Sinia' Jlamtis 1994

¹² Je piniyeta siu'niwa wask'i'nelaja ti awotaja ka ijwi'lase'm 'nakayi, lapakawo ti je awo ka yi'ne siunie ip'isinik. Ajwelta ka yama'aseyi ka ijio'wase, sek jane'yi ka ijiatayijijna'a ti jampots'e siunie sinikanitiejeye siuti kiak janwo.

2 Juan 1:12 Iomraidhean Croise

Juan 15:11

“Kiak awo'nase ti awotajank'iye pet ka sinikanitieyi injwanjli, jla'yi ka impo'ase pet ni asnikanitieyi.

Juan 16:12

“Mawat je atejwta'aja kisie'e siuniwa ijia, 'wanjliyi je 'najanatieje, 'wanjli'itieje kajwi'lase'm.

Juan 16:24

Awakie yi 'nijiye ti je setina ka k'iejliyeyi paka 'ajlayi. ¿Yot'iyi'ni ti je t'iejlayi? Janwe'nase'm 'nakayi ti ja ke jlasiye siunie asnikanitieyi ti ja'wena'.”

Juan 17:13

“'Nakayi jayapi'lia. Ajwelta'a niwaka ti je ataljli'ijyi ajnat'e, ti awotajank'iye pet ka impoyijk'i ni jinikanitieyi, kawo'ate iyo siunie yik'i.

Juan 3:29

'Yejne'n, ataj enayi 'ate ti po' ni janjwa'yi, siunie ti asejnia jana janeyi ti yijap, je int'ayeyiji'n pet ti naka siunie tijwa'yi. 'Yina po 'neje siunie t'ajajnajwa ti yijap, its'iuye'ni, je jlase' pi iyo ti inkaj'ni ti ipi'ya siupi iyo ti tamti. 'Yina kia'awo'ni pet, siu'nie inikanitiejeye lajayi'ni ji'wetayi.

Romanos 15:24

'Nakayi siu'nie isiowe awone awo'ate, “Ka ijiotajna'a Espáñaja, 'nakt'e ja'yakajli'ni ka ijiuti astepe'e ka ijioyi japo yi' Rómaja.” 'Yina siuti kia'iyo awojonk'iye ka yi' aska kiowe'e, ajwel'ni ja'yenak'i'm siupa jasitia'n ka sek itialta'ana'a.

2 Timoteo 1:4

Je paj ka sikiwaliyi'i siukia ti jlap'nijpe, it'imina ti ajalas ka i'wi'in, sek jantajle ka wujwana'a ka ts'ajkaj'ni siuti kiak jawo.

Filemón 1:22

Po'neje ni jikiecha jajwi'la'm ta'a, ti 'esiji ka wakajlanit ta'a pa jajio'weje'n ka yikta. 'Yina awotajank'iye ka je pajayi, lapawo ti Sinia' jawo i'niayija', tepa jawo ka kiak je iwo ti je liyeyi ti ts'ajlana'ni.

Hebreos 13:19

Wuj ti anip'elisi'niase ka kasts'ajlanayi'ni pa Sinia' 'nakayi ka je pajayi ka yi' kiu'ujwe aska kiowe'e.

Hebreos 13:23

Ajwe'lase ni sikiecha Timoteo ti tiniujwana kisie'e, ti kia'iyo t'otiepe a'laja'm. 'Yina ka netiejk'i, ka ya'asiyena'a ti nak jajiojwi.

1 Jn 1:4

Ajlok'iase niwaka, ti awoktajank'iye pet siunie sinikanitiejeye ka impots'e.

3 JuanMary Thureson 1:10

It'imina siuka yiktiejna'a ti jajio'wase, jajwijla'm siunie iyo ni jike' ti wuj ti je 'es, siunie iyo ti kasamti siupi ijwi'il ka iyoki. Jika sintijieyis yints'e'm ti teje selia'm, jla'yi ti jeji'n i'yen'ni ilia'm papo si'lijwas ti 'nesata'ni. Je yine'ate papo ti i'yenta'ni ilia'm papo ijia, nak itiajlatayi'iji papo ti jlosik potie, ijliuye'eje kisie'e siupapo iyo ni Inamtik.