ᑖᐃᑎᔅ 1:1 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹ ᓃᔨ, ᑆᓪ᙮ ᓃᔨ ᒋᔖᒥᓂᑑ ᐅᑖᐱᒋᐦᐋᑭᓐᐦ ᑭᔮᐦ ᒌᓴᔅ ᙭ ᐅᑖᑆᔅᑎᓕᒻᐦ᙮ ᓂᒌᐦ ᐄᑎᔑᐦᐅᑭᐎᓐ ᒑ ᒌ ᐐᒋᐦᐄᒥᒡ ᐊᓂᔮᔨᐤ ᐄᔨᔨᐤᐦ ᒋᔖᒥᓂᑑ ᑳ ᐅᐙᔮᐱᒫᑦ ᒑ ᒌ ᑖᑆᔮᔨᒫᔨᒡ ᒌᓴᔅᐦ ᒑ ᒌ ᒋᔅᒑᔨᐦᑎᐦᒦᒡ ᑖᑆᐎᓂᔨᐤ ᐋᒄ ᒫᒃ ᒑ ᒌ ᐄᑖᑎᓰᔨᒡ ᑖᓐ ᐋ ᐄᔑ ᓂᑎᐙᔨᒥᑯᒡ ᒋᔖᒥᓂᑑ ᒑ ᒌ ᐄᑖᑎᓰᔨᒡ᙮

ᑖᐃᑎᔅ 1:1 Iomraidhean Croise

ᒫᔪᐦᐧᑖᑦ ᓘᒃ 18:7

ᓂᒧᐃ ᐋ ᒫᒃ ᐊᑎᑎᐤ ᒋᔖᒥᓂᑑ ᓲᐦᒃ ᑭᑎ ᐐᒋᐦᐋᐤ ᐊᓂᔮᔨᐤ ᑳᐙᔮᐱᒫᑦ ᐅᑎᔨᔨᒻᐦ ᑭᓂᐙᒡ ᑳ ᐊᔨᒥᐦᐋᔨᒡ ᐋ ᒌᔑᑳᔨᒡ ᑭᔮᐦ ᐋ ᑎᐱᔅᑳᔨᒡ ᐋ ᓂᑐᑎᒫᑯᑦ ᒑ ᒌ ᓈᑎᒧᐙᑦ? ᐐᐱᒡ ᑭᑎ ᓈᑎᒧᐙᐤ ᓈᑐᑎᒫᑯᒡ᙮

ᐋᐧᐹᔅᑎᓕᒡ 13:48

ᐄᔥᐱᐦ ᐱᔮᐦᑎᐙᒡ ᑆᓪ ᐊᓂᔮᔨᐤ ᑳ ᐄᔨᔨᒡ ᐊᓂᒌ ᐄᔨᔨᐅᒡ ᐋᑳ ᑳ ᒎᐤ ᐄᑎᔅᑳᓈᓯᒡ ᓄᐎᒡ ᒌ ᒥᔻᔨᐦᑎᒧᒡ ᑭᔮᐦ ᒌ ᒫᒥᐦᒋᒫᐅᒡ ᒋᔖᒥᓂᑑᐦ ᐊᓂᔮᔨᐤ ᑳ ᐄᔑ ᐱᒋᔅᑎᓂᒥᔨᒡ ᐅᑎᔨᒧᐎᓂᔨᐤᐦ᙮ ᐋᒄ ᐊᓂᒌ ᐄᔨᔨᐅᒡ ᑳ ᐅᐙᔮᐱᒥᑯᒡ ᒋᔖᒥᓂᑑ ᒑ ᒌ ᐃᔮᒡ ᑳᒋᒡ ᐱᒫᑎᓰᐎᓂᔨᐤ ᒌ ᒋᐦᒋ ᑖᑆᔮᔨᒫᐅᒡ ᒋᔖᒥᓂᑑ᙮

ᐧᕌᒥᓐ 1:1

ᓃᔨ ᑆᓪ, ᒌᓴᔅ ᙭ ᐅᑖᐱᒋᐦᐋᑭᓐᐦ᙮ ᒋᔖᒥᓂᑑ ᓂᒌ ᐅᐙᔮᐱᒧᒄ ᐋᑆᔅᑎᓪ ᒑ ᒌᐦ ᑖᐅᒡ ᑭᔮᐦ ᒫᒃ ᐐᔨ ᓂᒌ ᑖᑆᑎᒄ ᒑ ᒌ ᐙᐐᐦᑎᒧᒡ ᐅᒥᔻᒋᒧᐎᓐ᙮

ᓃᔓ ᑯᕆᓐᕠᔨᓐ 1:1

ᓃᔨ ᑆᓪ, ᙭ ᒌᓴᔅᐦ ᐅᑖᑆᔅᑎᓕᒻ ᐐᔨ ᒋᔖᒥᓂᑑ ᑳ ᐅᐙᔮᐱᒥᑦ ᒑ ᒌ ᐄᑖᐱᑎᓯᐎᒡ ᐅᔮᔨᐤ᙮ ᒌᒋᔖᓂᐤ ᑎᒧᕢ ᑖᐱᔥᑯᓐ ᒋᒥᓯᓂᐦᐋᒫᑎᓈᓐ᙮ ᒌᔨᐙᐤ ᒋᔖᒥᓂᑑ ᐋᐦ ᑖᑦ ᑳ ᐄᔑ ᒫᒨᐊᔨᒥᐦᐋᔮᒄ ᐊᓂᑖᐦ ᒀᕆᓐᑦ ᐃᐦᑖᐎᓐ ᑳᐦ ᑖᔮᒄ ᐊᓂᑖᐦ ᒫᒃ ᑭᔮᐦ ᐊᓐ ᐊᐃᔅᐱᓵᒡ ᐊᑫᔮ ᐊᔅᒌᔨᐤ ᑳᐦ ᑖᒡ ᒥᓯᐙ ᐊᓂᒌ ᑳ ᑖᑆᐦᑎᐦᒡ ᓂᒥᓯᓂᐦᐋᒧᐙᓈᓂᒡ᙮

ᐄᕕᓰᔨᓐ 2:8

ᒋᔖᒥᓂᑑ ᓵᐦᒑᐄ ᒋᒌ ᒋᔖᐙᑐᑖᑯᐙᐤ ᑳ ᐱᒫᒋᐦᐄᑖᐦᒄ ᐊᓐ ᐋ ᑖᑆᐦᑎᒫᒄ ᐅᐦᒋ᙮ ᓂᒥᔮᐤ ᐐ ᒌᔨᐙᐤ ᐅᐦᒋ ᑳ ᐅᐦᒋᐱᔨᐦᒡ ᒑ ᒌ ᐱᒫᒋᐦᐅᔮᒄ᙮ ᒋᔖᒥᓂᑑ ᐅᔮᔨᐤ ᐅᒥᔨᐙᐎᓐ᙮

ᕕᓕᐱᔨᓐ 1:1

ᓃᔨ ᑆᓪ ᑭᔮᐦ ᑎᒧᕢ ᓂᑖᐱᑎᓯᔅᑐᐙᓈᓐ ᙭ ᒌᓴᔅᐦ᙮ ᒋᒥᓯᓂᐦᐋᒫᑎᓈᐙᐤ ᒌᔨᐙᐤ ᐊᓂᑖᐦ ᕕᓕᐹᐃᐦᒡ ᑳᐦ ᑖᔮᒄ ᑳ ᑖᑆᔮᔨᒫᒄ ᒌᓴᔅ ᙭ᐦ, ᑭᔮᐦ ᒌᔨᐙᐤ ᑳ ᓃᑳᓂᔅᑰᐙᑯᒡ ᐅᒫᒨᐊᔨᒥᐦᐋᐅᒡ ᑭᔮᐦ ᒌᔨᐙᐤ ᑳ ᐐᒋᐦᐄᐙᔮᒄ ᐊᓂᑎᐦ ᐊᔨᒥᐦᐋᐅᑭᒥᑯᐦᒡ᙮

ᑯᐧᓛᓯᔨᓐ 2:2

ᐋᐅᒄ ᐋᐦ ᑎᔮᓐ ᐋ ᐱᑯᓵᔨᒧᔮᓐ ᒑ ᒌ ᓲᐦᒋᑖᐦᐋᒡ ᑭᔮᐦ ᒫᒃ ᒑ ᒌ ᒫᒨᐱᔨᐦᐅᒡ ᐋ ᓵᒋᐦᐄᑐᒡ᙮ ᓂᑎᐙᔨᒫᐆᒡ ᒑ ᒌ ᒥᔪᒦᔮᑳᓂᐎᒡ ᒥᑐᓐ ᒑ ᒌ ᓂᔅᑐᐦᑎᐦᒡ ᒥᔻᒋᒧᓂᔨᐤ, ᒑ ᒌ ᒋᔅᒑᔨᐦᑎᐦᒡ ᐊᓂᔮᔨᐤ ᒋᔖᒥᓂᑑ ᐋᑳ ᐋᔥᒄ ᐅᐦᒋ ᒋᔅᒑᔨᐦᑖᑰᐦᑖᔨᒡ ᐋᔪᐎᑯᓐ ᐊᓂᔮᔨᐤ ᙭᙮

ᓃᔥᑎᒻ ᑎᒧᕢ 2:4

ᐊᓐ ᑳ ᓂᑎᐙᔨᒫᑦ ᒥᓯᐙ ᐊᐙᔨᐤᐦ ᒑ ᒌ ᐱᒫᒋᐦᐅᔨᒡ ᑭᔮᐦ ᒑ ᒌ ᒋᔅᒑᔨᐦᑎᒥᔨᒡ ᑖᑆᐎᓂᔨᐤ᙮

ᓃᔥᑎᒻ ᑎᒧᕢ 3:16

ᓄᐎᒡ ᑭᔨᑆ ᒋᔅᑖᔨᐦᑖᑯᓐ ᒥᔅᑳᑖᔨᐦᑎᒧᐎᓂᒡ ᐋᐦᐋᑳ ᐅᐦᒋ ᒌ ᓂᔅᑐᐦᑖᑭᓂᐎᒡ ᒋᑖᑆᔮᔨᐦᑎᒧᐎᓂᐤ, ᐊᓂᑖᐦ ᐄᔑ ᐅᑖᐦᒡ ᐋᐦᐋᑳ ᐅᐦᒋ ᒋᔅᒑᔨᐦᑖᑰᐦᑖᑭᓂᐎᒡ᙮ ᙭ ᒌ ᑎᑯᔑᓐ ᐋᓈᐹᐅᑦ᙮ ᒌ ᒑᔥᑎᓈᑖᔨᐦᑖᑯᐦᐄᑰ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ ᑖᑆᐦ ᒋᔖᒥᓂᑑ ᐋ ᒌ ᐹᒋ ᐄᑎᔑᐦᐅᑯᑦ᙮ ᒌ ᐙᐱᒥᑰ ᐋᓐᒋᓐ᙮ ᒌ ᐋᔨᒨᒫᑭᓂᐤ ᐋ ᑭᒑᔅᒀᓂᐎᔨᒡ ᐊᓂᑖᐦ ᓂᓈᐦᑭᐤ ᐋᐦ ᐄᑎᔅᑳᓈᓯᓈᓂᐎᔨᒡ᙮ ᒌ ᑖᑆᔮᔨᒥᑰ ᐊᐙᔨᐤᐦ ᐅᑎᐦ ᐊᔅᒌᐦᒡ᙮ ᐋᒄ ᒫᒃ ᒋᐦᒋᒌᔑᑯᐦᒡ ᑳ ᐄᔑ ᐅᐦᐱᔅᑳᑦ ᒑ ᒌ ᒋᔅᑖᔨᐦᑖᑯᐦᐋᑭᓅᑦ᙮

ᓃᔥᑎᒻ ᑎᒧᕢ 6:3

ᐋᒄ ᒫᒃ ᐊᐙᓐ ᐃᔨᐦᒡ ᐋ ᐄᔑ ᒋᔅᑯᑎᒫᒑᑦ ᑭᔮᐦ ᐋᐦ ᐋᓍᑎᒸᑦ ᑎᐹᔨᐦᒋᒑᓯᐤ ᒌᓴᔅ ᙭ ᐅᑎᔨᒧᐎᓂᔨᐤᐦ ᑳ ᑖᑆᒥᑭᓃᔨᒡ ᑭᔮᐦ ᐊᓂᔮᔨᐤ ᐋ ᐄᔑ ᒋᔅᑯᑎᒫᒑᓂᐎᔨᒡ ᒑ ᒌ ᒋᔖᒥᓂᑑᐙᑎᓰᓈᓂᐎᔨᒡ

ᓃᔓ ᑎᒧᕢ 2:10

ᐋᒄ ᒫᒃ ᓲᐦᒋᐱᔨᐦᒡ ᒥᓯᐙ ᒑᒀᓐ ᒑ ᒌ ᔖᐳᔅᑭᒫᓐ, ᒑ ᒌ ᐅᐦᒋ ᐃᔮᔨᒡ ᐱᒫᒋᐦᐄᑯᓰᐎᓂᔨᐤ ᑭᔮᐦ ᑳᒋᒡ ᒋᔅᑖᔨᐦᑖᑯᓯᐎᓂᔨᐤ ᐊᓂᔮᔨᐤ ᒋᔖᒥᓂᑑ ᑳ ᐅᐙᔮᐱᒫᑦ ᒑ ᐅᑏᔨᔨᒥᑦ, ᐋ ᑖᑆᔮᔨᒫᒡ ᙭ ᒌᓴᔅᐦ᙮

ᓃᔓ ᑎᒧᕢ 2:23

ᐊᑳᐐ ᓂᓂᑐᐦᑎᐦ ᓂᑎᐐ ᒥᒄ ᐊᔨᒧᐎᓐ ᑭᔮᐦ ᐋ ᒌᔥᒀᑖᑯᒡ ᐊᔨᒧᐎᓐ, ᐙᔥ ᐋᑯᑖᐦ ᐙᐦᒋᐱᔨᒡ ᒑ ᒌ ᐅᐦᒋ ᐋᔮᔅᑖᒥᑐᓈᓂᐎᒡ᙮

ᓃᔓ ᑎᒧᕢ 2:25

ᑭᔮᐦ ᒋᔮᒻ ᒋᐱᐦ ᑐᑎᐙᐤ ᐋ ᐐᐦ ᑯᐃᔅᑯᓈᑦ ᐊᓂᔮᔨᐤ ᑳ ᓂᔥᑯᔥᑖᑯᑦ ᐊᐙᔨᐤᐦ᙮ ᒑᒃ ᒫᒃ ᒀᔂᓐ ᒋᐱᐦ ᒌ ᑐᑖᑯᔨᐤᐦ ᒋᔖᒥᓂᑑᐦ ᒑ ᒌ ᒀᔅᑳᑎᓰᔨᒡ ᑭᔮᐦ ᒑ ᒌ ᒋᔅᒑᔨᐦᑎᒥᔨᒡ ᑖᑆᐎᓂᔨᐤ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 1:1

ᒉᒥᔅ ᓃᔨ, ᒋᔖᒥᓂᑑ ᑭᔮᐦ ᑎᐹᔨᐦᒋᒑᓯᐤ ᒌᓴᔅ ᙭ ᐅᑖᐱᒋᐦᐋᑭᓂᐙᐤᐦ᙮ ᒥᓯᐙ ᒋᒥᓯᓂᐦᐋᒫᑎᓈᐙᐤ, ᓂᐙᒋᔮᒥᒫᔨᐤᐦ ᒋᔖᒥᓂᑑ ᐅᑎᔨᔨᒻᐦ ᐹᐱᑐᔥ ᑳᐦ ᐋᑎ ᐃᔨᐦᑖᔨᒡ ᒥᓯᐙ ᐋᔅᐱᑎᔅᑭᒥᑳᔨᒡ ᐅᔮᔨᐤ ᐊᔅᒌᔨᐤ᙮

ᓃᔓ ᐲᑎᕐ 1:3

ᒥᓯᐙ ᒑᒀᓐ ᒋᑎᔮᓈᓂᐤ ᐊᓐ ᐋ ᐄᔑ ᓂᑎᐙᔨᐦᑖᑯᐦᒡ ᒑ ᒌ ᐄᔑ ᐱᒫᑎᓰᔨᐦᒄ ᐋ ᓂᓂᐦᐄᐙᐦᐄᑯᑦ ᒋᔖᒥᓂᑑ᙮ ᐋᑯᑎᐦ ᑳ ᐅᐦᒋ ᒥᔨᑯᔨᐦᒄ ᒋᔖᒥᓂᑑ ᐅᓲᐦᑳᑎᓯᐎᓂᐦᒡ ᐊᓂᔮᔨᐤ ᐅᐦᒋ ᐋ ᒋᔅᒑᔨᒫᒄ ᐋ ᒌ ᐎᔮᔨᒥᑎᐦᒄ ᐐᔨ ᐅᒋᔅᑖᔨᐦᑎᑯᓯᐎᓂᐦᒡ ᑭᔮᐦ ᐆ ᒦᔻᔨᐦᑖᑯᓯᐎᓂᐦᒡ᙮

ᓃᔓ ᐲᑎᕐ 3:11

ᐋ ᒋᔅᒑᔨᐦᑎᒫᒄ ᒫᒃ ᐆ ᒑ ᐄᔑ ᓂᔑᐎᓈᒌᐦᑖᑭᓅᒡ ᒥᓯᐙ ᒑᒀᓐ, ᑖᓂᑖᐦ ᒋᐱᐦ ᐄᔑ ᐱᒫᑎᓰᓈᐙᐤ ᒋᑎᐄᑖᔨᐦᑎᓈᐙᐤ? ᐱᔮᐦᒋᓰᐎᓂᐦᒡ ᒋᐱᐦ ᐄᔑ ᐱᒫᑎᓰᓈᐙᐤ, ᒥᑐᓐ ᐋ ᐱᒋᔥᑖᔨᐦᑎᒥᐦᐄᑯᔮᒄ ᒋᐱᒫᑎᓰᐎᓂᐙᐤ ᒋᔖᒥᓂᑑ ᐄᔑ ᐋᐦ ᑖᑦ,

ᓃᔥᑎᒻ ᐧᒑᓐ 2:23

ᐙᔥ ᐊᓐ ᐊᐙᓐ ᑳᐦ ᐋᑎᐙᔨᒫᑦ ᐅᑯᓰᓯᒫᐤ ᐋᑎᐙᔨᒫᐤ ᑭᔮᐦ ᐅᐦᑖᐐᒫᐤ᙮ ᐋᒄ ᒫᒃ ᐊᓐ ᐊᐙᓐ ᑳᐦ ᐃᔨᑦ ᐋ ᑖᑆᔮᔨᒫᑦ ᐅᑯᓯᓯᒫᐤ ᑖᑆᔮᔨᒫᐤ ᑭᔮᐦ ᐅᐦᑖᐐᒫᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 1:1

ᐆ ᒥᓯᓈᐦᐄᑭᓐ ᐋᑯᑎᐦ ᐃᔮᔨᒧᑖᒡ ᑳ ᐄᔑ ᒋᒋᔅᒑᔨᐦᑖᑰᐦᑖᑦ ᒌᓴᔅᐦ ᙭᙮ ᒋᔖᒥᓂᑑ ᒌ ᒥᔨᑰ ᒌᓴᔅᐦ ᐅᔮᔨᐤ ᒑ ᒌ ᓅᑰᐦᑖᑦ ᐊᓂᔮᔨᐤ ᑳᐦ ᐋᐱᑎᔒᔥᑑᐙᔨᒡ ᒋᔖᒥᓂᑑ ᐊᓐ ᒑ ᐄᔅᐱᔨᔨᒡ ᐐᐱᒡ᙮ ᓂᒌ ᐹᒋ ᐄᑎᔓᐦᐊᒫᒄ ᙭ ᐋᓐᒋᓐ ᒑ ᒌ ᐹᒋ ᒌ ᒋᔅᒑᔨᐦᑎᒥᐦᐄᒡ, ᑖᓐ ᒑ ᐄᔅᐱᔨᔨᒡ, ᓃᔨ ᒞᓐ, ᐋᐦ ᐋᐱᑎᔒᔥᑑᒄ᙮