ᐧᕌᒥᓐ 1:10 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁰ ᓂᓂᑐᑎᒧᐙᐤ ᑖᑆᐦ ᒑ ᒌ ᓂᐦᐄᐱᔨᐦᑖᑦ ᒑ ᒌ ᐙᐱᒥᑎᑯᒡ, ᐐᔨ ᑭᔨᑆ ᐋᑖᔨᒥᒀ ᒑ ᒌ ᓂᑎᐙᐱᒥᑎᑯᒡ ᐋᒄ᙮

ᐧᕌᒥᓐ 1:10 Iomraidhean Croise

ᐋᐧᐹᔅᑎᓕᒡ 18:21

ᒥᒄ ᒌᐦ ᐄᑖᐤ ᑆᓪ, ᐄᔥᐱᐦ ᒑᔅᑐᐦᑖᑦ, “ᓂᑭ ᑎᑯᔑᓐ ᒦᓐ, ᒋᔖᒥᓂᑑ ᐄᑖᔨᐦᑎᐦᑳ ᒦᓐ ᒑ ᒌ ᑎᑯᔑᓂᔮᓐ᙮” ᐋᑯᑖᐦ ᐊᓂᑎᐦ ᑳ ᐅᐦᒋ ᒋᔥᑖᓯᑦ ᐊᐱᔖᔑᒡ᙮

ᐋᐧᐹᔅᑎᓕᒡ 19:21

ᐄᔥᐱᐦ ᒫᒃ ᑳ ᒌᔑᐱᔨᐦᒡ ᐅᔮᔨᐤᐦ ᒑᒀᔨᐤᐦ ᑆᓪ ᒌ ᐄᑖᔨᐦᑎᒻ ᑳᐤ ᒑ ᒌ ᐄᑐᐦᑖᑦ ᐊᓂᑖᐦ ᒫᓯᑐᓂᔮ ᑭᔮᐦ ᐊᑫᔮ ᐊᔅᒌᐦᒡ, ᐋᒄ ᒫᒃ ᒦᓐ ᐊᓂᑖᐦ ᒋᕉᓯᓕᒥᐦᒡ ᐄᑖᐦᒑ ᒑ ᒌ ᐄᑐᐦᑖᑦ᙮ ᑆᓪ ᑳᐦ ᐃᔨᑦ “ᐄᔥᐱᐦ ᒌ ᐄᑐᐦᑖᔮᓈ ᐊᓂᑖᐦ ᒋᕉᓯᓕᒥᐦᒡ, ᐋᒄ ᕎᒥᐦᒡ ᑭᔮᐦ ᔮᔨᑖᐃ ᒑ ᐄᑐᐦᑖᔮᓐ᙮”

ᐋᐧᐹᔅᑎᓕᒡ 21:14

ᓂᒧᐃ ᒫᒃ ᓅᐦᒌ ᒋᐦᐱᒋᐦᐋᓈᓐ, ᐋᒄ ᒥᒄ ᑳ ᐄᑎᒋᐦᑦ, “ᐋᑯᑖᐦ ᑭᔨᑆ ᐋᑯᔥ ᒑ ᐃᓯᓈᑯᐦᒡ᙮ ᐙᔥ ᒫᒃ ᑎᐹᔨᐦᒋᒑᓯᐤ ᐅᑎᑖᔨᐦᑎᒧᐎᓐ ᐄᔅᐱᔨᔨᒑ᙮”

ᐧᕌᒥᓐ 15:29

ᓂᒑᔥᑎᓈᐦᐅᓐ ᒫᒃ ᑎᑯᔑᓂᔮᓈ ᐊᓂᑖᐦ ᐋᐦ ᑖᔮᒄ ᒑ ᑐᑖᑎᑯᒡ ᒥᑐᓐ ᒑ ᒌ ᒋᓵᐙᑐᑖᑖᒄ ᙭᙮

ᓃᔥᑎᒻ ᑯᕆᓐᕠᔨᓐ 1:1

ᓃᔨ ᑆᓪ, ᒋᔖᒥᓂᑑ ᓂᒌ ᐅᐙᔮᐱᒧᒄ ᙭ ᒌᓴᔅ ᐅᑎᑆᔅᑎᓕᒻᐦ ᒑ ᒌ ᐄᑖᐱᒋᐦᐄᑦ᙮ ᒌᒋᔖᓂᐤ ᔂᔅᑎᓂᔅ ᑭᔮᐦ ᐐᔨ ᑖᐤ ᐅᑎᐦ ᐋᐦᑖᐅᒡ᙮

ᓃᔥᑎᒻ ᑯᕆᓐᕠᔨᓐ 4:19

ᒥᒄ ᒫᒃ ᐐᐱᒡ ᒋᑭ ᐹᒋ ᓂᑎᐙᐱᒥᑎᓈᐙᐤ, ᑎᐹᔨᐦᒋᒑᓯᐤ ᓂᑎᐙᔨᒥᒑ ᒑ ᒌ ᓂᑎᐙᐱᒥᑎᑯᒡ᙮ ᐋᒄ ᒫᒃ ᒑ ᓂᑑᒋᔅᒑᔨᒥᒀᐤ ᐅᒌ ᑳ ᒋᔅᑖᔨᒧᒡ ᑖᑆᐦ ᑳ ᒥᔨᑯᐙᒀ ᒋᔖᒥᓂᑑ ᓲᐦᑳᑎᓰᐎᓂᔨᐤ ᑭᔮᐦ ᒫᒃ ᒥᒄ ᓵᐦᒑᐄ ᐋᔨᐙᒀ ᐊᓂᔮᔨᐤ ᑖᓐ ᐋᐦ ᐃᔨᒡ᙮

ᕕᓕᐱᔨᓐ 4:6

ᐊᑳᐐ ᒑᒀᓐ ᒋᑭ ᐅᐦᒋ ᒥᑯᔥᑳᑖᔨᐦᑎᒥᐦᐄᑯᓈᐙᐤ᙮ ᑎᔨᑯᒡ ᒥᓯᐙ ᑖᓐ ᒑ ᐋᑎ ᐃᔅᐱᔨᐙᒀ ᐊᔨᒥᐦᐋᒄ, ᐋ ᐙᐐᐦᑎᒧᐙᒄ ᒋᔖᒥᓂᑑ ᒑᒀᔨᐤ ᐋ ᐄᔑ ᓂᑎᐙᔨᐦᑎᒧᐙᒄ᙮ ᑭᔮᐦ ᒫᒃ ᒋᐱᐦ ᓂᓈᔅᑯᒫᐙᐤ᙮

ᓃᔥᑎᒻ ᕞᓵᐧᓛᓃᔨᓐ 2:18

ᒦᓐ ᒋᒌ ᐐᐦ ᓂᑎᐙᐱᒥᑎᓈᓐ᙮ ᓃᔨ ᑆᓪ ᒥᐦᒑᑣᐤ ᓂᒌ ᑯᒋᐦᑖᓐ ᒑ ᒌ ᓂᑎᐙᐱᒥᑖᐦᒡ ᐊᓂᑖᐦ ᐋᐦ ᑖᔮᒄ, ᒥᒄ ᒫᒃ ᒨᔥ ᓂᒌ ᓂᑳᓂᑯᓈᓐ ᒥᒋᒥᓂᑑ᙮

ᕙᐃᓖᒥᓐ 1:22

ᒦᓐ ᑯᑎᒡ ᒑᐧᑳᓐ ᑳ ᐧᐄᐦ ᑯᐧᑳᒋᒥᑖᓐ ᒑ ᒌᐦ ᑐᑎᒧᐧᐄᓐ᙮ ᒋᐱᐦ ᒌ ᐃᔮᔅᑭᐧᐃᔅᑎᒨᐧᐃᓐ ᐹᔨᒄ ᐋ ᐱᔅᒑᒡ ᐊᓂᑎᐦ ᒌᒋᐦᒡ᙮ ᐧᐋᔥ ᓂᐱᑯᓵᔨᒫᐤ ᒋᔖᒥᓂᑑ ᒑ ᒌ ᓂᐦᐄᐱᔨᐦᑑᑦ ᐧᐄᐱᒡ ᒑ ᒌ ᓂᑎᐧᐋᐱᒥᑎᑯᒡ ᒧᔮᒻ ᐋ ᐄᔑ ᓂᑐᑎᒧᐧᐋᒄ᙮

ᐦᐄᑉᕉ 13:19

ᐋᐅᒄ ᒫᒃ ᐙᐦᒋ ᓈᔥᒡ ᒋᓂᑐᑎᒫᑎᑯᒡ ᒑ ᒌ ᐹᒋ ᐊᔨᒥᐦᐋᔥᑎᒨᔮᒄ ᐋᒄ ᒫᒃ ᒦᓐ ᐐᐱᒡ ᒑ ᒌ ᓂᑎᐙᐱᒥᑎᑯᒡ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 4:15

ᒫᐤ ᑎᔨᑯᒡ ᒋᐱᐦ ᐃᔨᓐ, “ᐄᑖᔨᐦᑎᐦᑳ ᑎᐹᔨᐦᒋᒑᓯᐤ ᒑ ᐱᒫᑎᓰᐅᐦᒄ ᒫᐤ ᒑ ᐋᑎ ᐃᔨᐦᑏᐦᒄ᙮”