ᒋᔅᒑᔨᐦᑖᑯᐦᑖᒑᐧᐃᓐ 9:18 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁸ ᐋᔑᑯᒻ ᓂᔥᑐ ᐋ ᐃᑎᔑᒡ ᐄᔨᔨᐅᒡ ᐊᓂᑖᐦ ᐊᔅᒌᐦᒡ ᒌ ᓂᐱᐦᐄᑯᒡ ᐊᓂᔮᔨᐤ ᑳ ᓂᔅᑎᓃᒡ ᐐᔒᒑᔨᐦᑎᒦᐦᐄᐙᐎᓐ, ᐃᔥᑯᑖᔨᐤ, ᐋ ᐊᒀᐱᐦᑖᔨᒡ ᑭᔮᐦ ᐊᓂᔮᔨᐤ ᓵᓪᕗᕐ ᑳ ᐅᓵᐙᐱᐦᑖᔨᒡ ᒑᒀᔨᐤ ᐅᑑᓃᔨᒡ ᐊᓂᔮᔨᐤ ᐋᐦᐋᔅ ᑳ ᐅᐦᒋᐱᔨᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 9:18 Iomraidhean Croise

ᒋᔅᒑᔨᐦᑖᑯᐦᑖᒑᐧᐃᓐ 8:10

ᐋᒄ ᐊᓐ ᓂᔥᑐ ᑳᐦ ᑖᑦ ᐋᓐᒋᓐ ᑳ ᐴᑖᑎᐦᒃ ᐅᐴᑖᒋᑭᓐ᙮ ᐋ ᒥᓯᒋᔅᑎᒃ ᐊᒋᐦᑯᔥ ᒌ ᐱᐦᒋᔑᓐ ᒌᔑᑯᐦᒡ ᐅᐦᒋ ᐊᓂᑖᐦ ᐄᔑ ᐊᔅᒌᐦᒡ᙮ ᒧᔮᒻ ᐊᓂᑖᐦ ᐋ ᐐᔨᓱᑦ ᒥᔥᑎᒄ ᐋ ᐹᓱᑦ ᐋᒄ ᑳ ᐃᓯᓈᑯᓯᑦ ᐊᓐ ᐊᒋᐦᑯᐦᔥ᙮ ᐹᔨᒄ ᐋᔑᑯᒻ ᓂᔥᑐ ᓰᐲ ᑭᔮᐦ ᑖᓂᑖᐦ ᒨᔔᒎᐎᒡ ᓂᐲ ᐋᑯᑖᐦ ᑳ ᐄᔑ ᐱᐦᒋᔑᐦᒃ ᐊᓐ ᐊᒋᐦᑯᐦᔥ᙮

ᒋᔅᒑᔨᐦᑖᑯᐦᑖᒑᐧᐃᓐ 8:11

ᐊᓐ ᒫᒃ ᐊᒋᐦᑯᐦᔥ ᐐᓯᑭᓐ ᒌ ᐃᔑᓂᐦᑳᓲ᙮ ᐹᔨᒄ ᐋᔑᑯᒻ ᓂᔥᑐ ᑖᓂᑖᐦ ᐋᐦ ᐋᑎ ᐄᐦᑎᑯᐦᒡ ᓂᐲ ᒌ ᐋᑎ ᐐᓯᑳᑭᒨᐤ᙮ ᒥᐦᒑᑐ ᐄᔨᔨᐅᒡ ᒌ ᓂᐱᐦᐄᑯᒡ ᐊᓂᔮᔨᐤ ᓂᐲᔨᐤ ᐋ ᒥᓂᐦᒀᒡ ᐋᐦᐋᑳ ᐅᐦᒋ ᒥᔻᑭᒥᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 8:12

ᐋᒄ ᐊᓐ ᓈᐤ ᑳᐦ ᑖᑦ ᐋᓐᒋᓐ ᑳ ᐴᑖᑎᐦᒃ ᐅᐴᑖᒋᑭᓐ᙮ ᐹᔨᒄ ᐋᔑᑯᒻ ᓂᔥᑐ ᐋᔥᑎᑎᒃ ᐊᓐ ᐲᓯᒻ, ᑭᔮᐦ ᐹᔨᒄ ᐋᔑᑯᒻ ᓂᔥᑐ ᐋᔥᑎᑎᒃ ᐊᓐ ᑎᐱᔅᒋᐲᓯᒻ ᑭᔮᐦ ᐹᔨᒄ ᐋᔑᑯᒻ ᓂᔥᑐ ᐊᒋᑯᐦᔑᒡ ᒌᐦ ᑎᑯᓂᔨᐤ ᑳ ᐄᔑ ᐅᑖᒥᐦᐙᑭᓂᐎᒡ ᐋᒄ ᐋᔑᑯᒻ ᓂᔥᑐ ᓂᒧᐃ ᐅᐦᒋ ᐃᔥᐱᔥ ᒋᐦᑳᔮᔥᑎᐙᐅᒡ᙮ ᐹᔨᒄ ᐋᔑᑯᒻ ᓂᔥᑐ ᐊᓐ ᐋ ᒌᔒᑳᒡ ᐃᔥᐱᔥ ᓂᒧᐃ ᐅᐦᒋ ᒋᐦᑳᔮᔥᑖᐤ ᑭᔮᐦ ᐹᔨᒄ ᐋᔑᑯᒻ ᓂᔥᑐ ᐊᓐ ᐋ ᑎᐱᔅᑳᒡ ᐃᔥᐱᔥ ᓂᒧᐃ ᐅᐦᒋ ᒋᐦᑳᔮᔥᑖᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 8:7

ᐋᒄ ᐊᓐ ᓃᔥᑎᒻ ᑳᐦ ᑖᑦ ᐋᓐᒋᓐ ᑳ ᐴᑖᑎᐦᒃ ᐅᐴᑖᒋᑭᓐ᙮ ᒌ ᒀᐦᑭᐦᑯᐙᑖᓐ ᑭᔮᐦ ᐃᔥᑯᑖᐤ ᒌ ᐱᐦᒋᔥᑎᓐ ᐋ ᒋᔨᑰᐱᔨᐦᒡ ᒥᐦᒄ ᐊᓂᑖᐦ ᐊᔅᒌᐦᒡ ᐋ ᐄᔑ ᐙᐱᓂᑭᓂᐎᒡ᙮ ᐹᔨᒄ ᐋᔑᑯᒻ ᓂᔥᑐ ᐋᔅᐱᑎᔅᑭᒥᑳᐦᒡ ᐊᔅᒌ ᒌ ᐃᔥᒀᑖᐤ᙮ ᐹᔨᒄ ᐋᔑᑯᒻ ᓂᔥᑐ ᒌ ᐃᔥᐱᔥ ᐃᔥᒀᓲᐎᒡ ᒥᔅᑎᑯᒡ᙮ ᒥᓯᐙ ᑭᔮᐦ ᒥᔥᑯᔑᐤᐦ ᒌ ᐃᔥᒀᑖᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 8:8

ᐋᒄ ᐊᓐ ᓃᔔ ᑳᐦ ᑖᑦ ᐋᓐᒋᓐ ᑳ ᐴᑖᑎᐦᒃ ᐅᐴᑖᒋᑭᓐ᙮ ᒧᔮᒻ ᓈᔥᒡ ᐋ ᒥᓵᒡ ᐎᒌ ᐋ ᐃᔥᑯᑖᐅᒡ ᒌ ᐃᓯᓈᑯᓐ ᒑᒀᓐ ᒋᐦᒋᑭᒦᐦᒡ ᐋ ᐄᔑ ᐙᐱᓂᑭᓂᐎᒡ᙮ ᐹᔨᒄ ᐋᔑᑯᒻ ᓂᔥᑐ ᐋᔥᐱᓵᒡ ᐊᓐ ᒋᐦᒋᑭᒦ ᒌ ᐋᑦ ᒥᐦᑰ᙮

ᒋᔅᒑᔨᐦᑖᑯᐦᑖᒑᐧᐃᓐ 8:9

ᒥᓯᐙ ᑖᓐ ᑳ ᐄᔑ ᐱᒫᑎᓰᒥᑭᐦᒡ ᓂᐲᐦᒡ ᐹᔨᒄ ᐋᔑᑯᒻ ᓂᔥᑐ ᒌ ᓂᐲᒥᑭᓐ᙮ ᑭᔮᐦ ᐹᔨᒄ ᐋᔑᑯᒻ ᓂᔥᑐ ᒌᒫᓐ ᐊᓂᑎᐦ ᑳᐦ ᑎᑯᐦᒡ ᒌ ᐃᔮᔪᐎᓐ᙮

ᒋᔅᒑᔨᐦᑖᑯᐦᑖᒑᐧᐃᓐ 9:15

ᐋᒄ ᑳᐦ ᐋᐱᐦᑯᓈᑭᓂᐎᒡ ᐊᓂᒌ ᓈᐤ ᐋᓐᒋᓂᒡ᙮ ᐙᔥ ᐋᔪᐎᒄ ᐅᔮᔨᐤ ᐋ ᒌᓂᒀᓂᐦᑖᔨᒡ ᐲᓯᒧᐦᑳᓐ, ᐋᔪᐎᒄ ᐅᔮᔨᐤ ᐋ ᒌᔑᑳᔨᒡ, ᐋᔪᐎᑯᓐᐦ ᐅᔮᔨᐤ ᐲᓯᒻ ᑭᔮᐦ ᐋᔪᐎᒄ ᐅᔮᔨᐤ ᐋ ᐱᐳᓃᔨᒡ ᑳ ᐄᔑ ᐃᔮᔅᑰᐦᐋᑭᓄᐙᑯᐱᓈ ᒑ ᒌ ᐋᐱᐦᑯᓈᑭᓂᐎᒡ ᑭᔮᐦ ᒑ ᒌ ᓂᐱᐦᐋᒡ ᐹᔨᒄ ᐋᔑᑯᒻ ᓂᔥᑐ ᒥᓯᐙ ᐊᐙᔨᐤᐦ᙮

ᒋᔅᒑᔨᐦᑖᑯᐦᑖᒑᐧᐃᓐ 9:17

ᐊᓐ ᒫᒃ ᑳ ᐄᔑ ᐙᐱᐦᑏᑯᔮᓐ ᓂᒌᐙᐱᒫᐅᒡ ᐋᐦᐋᓯᒡ ᑭᔮᐦ ᐊᓂᒌ ᑳ ᑖᐦᑎᐱᒡ ᐊᓂᔮᔨᐤ ᐋᐦᐋᔅ᙮ ᒥᔅᑳᔅᒋᑭᓈᐱᔅᒄ ᒌ ᒋᒋᔥᑭᒧᒡ ᐊᓂᒌ ᑳ ᑖᐦᑎᐱᒡ ᐊᓂᔮᔨᐤ ᐋᐦᐋᔅ, ᐋ ᒥᐦᒀᔨᔨᒡ ᒸᐦᒡ ᐃᔥᑯᑖᐤ ᐋ ᐃᔥᐱᔥ ᒥᐦᒀᒡ ᑭᔮᐦ ᐋ ᐱᒋᔅᑭᓈᔨᔨᒡ ᑭᔮᐦ ᐋ ᐅᔖᐙᔨᔨᒡ᙮ ᐊᓂᒌ ᒫᒃ ᐋᐦᐋᓯᒡ ᐅᔥᑎᒀᓂᐙᐤ ᒧᔮᒻ ᒥᔑᐱᔑᐤ ᒥᔅᑎᒀᓂᒡ ᒌ ᐃᓯᓈᑯᓂᔨᐤ᙮ ᐅᑑᓂᐙᐦᒡ ᒌ ᐅᐦᒋ ᓵᑳᐱᐦᑖᐱᔨᐤ ᑭᔮᐦ ᐃᔥᑯᑖᔨᐤ ᒌ ᐅᐦᒋ ᓅᑯᓂᔨᐤ ᑭᔮᐦ ᓈᔥᒡ ᐋ ᐐᓂᒫᔅᑖᔨᒡ ᐋ ᐅᓵᐙᐱᐦᑖᔨᒡ ᓱᓪᕕᕐ ᑳ ᐃᔑᓂᐦᑳᑖᑭᓂᐎᒡ ᐋᒦᔮᐦᑭᑖᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 9:19

ᐊᓂᒌ ᒫᒃ ᐋᐦᐋᓯᒡ ᐅᑑᓂᐙᐦᒡ ᑭᔮᐦ ᐅᓲᐙᐦᒡ ᒌᐦ ᑎᑯᓂᔨᐤ ᐅᒥᔅᑭᐎᓰᐎᓂᐙᐤ᙮ ᐊᓂᔮᔨᐤ ᒫᒃ ᐅᓲᐙᐤ ᒧᔮᒻ ᒥᔅᑎᒋᓈᐳᑯᒡ ᒌ ᐃᓯᓈᑯᓂᔨᐤ, ᐋ ᒌ ᐅᔥᑎᒀᓂᐐᔨᒡ᙮ ᐋᔨᐅᑯᓐ ᒫᒃ ᐊᓂᔮᔨᐤ ᑳᐦ ᐋᐱᒋᐦᑖᒡ ᐋ ᐙᐐᓯᒑᔨᐦᑎᒥᐦᐋᒡ ᐊᐙᔨᐤᐦ᙮