ᒋᔅᒑᔨᐦᑖᑯᐦᑖᒑᐧᐃᓐ 8:12 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹² ᐋᒄ ᐊᓐ ᓈᐤ ᑳᐦ ᑖᑦ ᐋᓐᒋᓐ ᑳ ᐴᑖᑎᐦᒃ ᐅᐴᑖᒋᑭᓐ᙮ ᐹᔨᒄ ᐋᔑᑯᒻ ᓂᔥᑐ ᐋᔥᑎᑎᒃ ᐊᓐ ᐲᓯᒻ, ᑭᔮᐦ ᐹᔨᒄ ᐋᔑᑯᒻ ᓂᔥᑐ ᐋᔥᑎᑎᒃ ᐊᓐ ᑎᐱᔅᒋᐲᓯᒻ ᑭᔮᐦ ᐹᔨᒄ ᐋᔑᑯᒻ ᓂᔥᑐ ᐊᒋᑯᐦᔑᒡ ᒌᐦ ᑎᑯᓂᔨᐤ ᑳ ᐄᔑ ᐅᑖᒥᐦᐙᑭᓂᐎᒡ ᐋᒄ ᐋᔑᑯᒻ ᓂᔥᑐ ᓂᒧᐃ ᐅᐦᒋ ᐃᔥᐱᔥ ᒋᐦᑳᔮᔥᑎᐙᐅᒡ᙮ ᐹᔨᒄ ᐋᔑᑯᒻ ᓂᔥᑐ ᐊᓐ ᐋ ᒌᔒᑳᒡ ᐃᔥᐱᔥ ᓂᒧᐃ ᐅᐦᒋ ᒋᐦᑳᔮᔥᑖᐤ ᑭᔮᐦ ᐹᔨᒄ ᐋᔑᑯᒻ ᓂᔥᑐ ᐊᓐ ᐋ ᑎᐱᔅᑳᒡ ᐃᔥᐱᔥ ᓂᒧᐃ ᐅᐦᒋ ᒋᐦᑳᔮᔥᑖᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 8:12 Iomraidhean Croise

ᒫᔪᐦᐧᑖᑦ ᒫᕠᔫ 24:29

“ᐄᔥᐱᐦ ᒫᒃ ᒥᔮᐅᐱᔨᐦᒑ ᑖᓐ ᒑ ᐃᔥᐱᔥ ᐋᔨᒥᐦᒡ ᐊᓂᔮᔨᐤ ᒫᒃ ᐋᑎ ᒌᔑᑳᒡ, ᐋᐅᒄ ᑏᐙᐦᒡ ᒑ ᐋᑎ ᐃᔅᐱᔨᒡ, ᐲᓯᒻ ᒋᑭ ᑎᐱᔅᒋᐱᔨᐤ, ᑭᔮᐦ ᑎᐱᔅᒋᐲᓯᒻ ᓂᒧᐃ ᑭᑎ ᐅᐦᒋ ᒋᐦᑳᔮᔥᑎᐙᐤ, ᑭᔮᐦ ᐊᒋᐦᑯᔑᒡ ᑭᑎ ᐹᐦᐱᐦᒋᔑᓂᒡ ᒌᔑᑯᐦᒡ ᐅᐦᒋ ᑭᔮᐦ ᒥᓯᐙ ᒑᒀᓐ ᐊᓂᑖᐦ ᒌᔑᑯᐦᒡ ᑳᐦ ᑎᑯᐦᒡ ᑭᑎ ᐋᐦᒋᐱᔨᐤ᙮

ᒫᔪᐦᐧᑖᑦ ᒫᕠᔫ 27:45

ᑳᐦ ᐋᐱᐦᑖᒌᔑᑳᒡ ᒫᒃ ᐋᑯᑖᐦ ᒥᑐᓐ ᐋ ᑭᔅᑎᐱᔅᑳᒡ ᑳ ᐃᓯᓈᑯᐦᒡ ᒥᓯᐙ ᐋ ᐃᔥᐱᔖᒡ ᐊᓂᑎᐦ ᐊᓐ ᐊᔅᒌ᙮ ᓂᔥᑣᐤ ᐋᐦᒋᓂᒀᓂᐦᑖᒡ ᐋᐅᒄ ᑳ ᐃᓯᓈᑯᐦᒡ᙮

ᒫᔪᐦᐧᑖᑦ ᒫᕐᒃ 13:24

“ᐄᔥᐱᐦ ᒥᔮᐅᐱᔨᐦᒑ ᐋ ᓂᓈᐦᑳᑖᔨᒧᓈᓂᐧᐃᒡ, ᓈᓈᓂᒌᒻ ᓂᒧᐃ ᑭᑎ ᐅᐦᒋ ᐃᔥᐱᔥ ᒋᐦᑳᔮᔥᑎᐧᐋᐤ ᒌᔑᑳᐅᐲᓯᒻ ᑭᔮᐦ ᑎᐱᔅᒋᐲᓯᒻ ᓂᒧᐃ ᑭᑎ ᐅᐦᒋ ᐧᐋᔥᑎᐧᐋᐤ᙮

ᒫᔪᐦᐧᑖᑦ ᒫᕐᒃ 15:33

ᑳᐦ ᐋᐱᐦᑖᒌᔑᑳᒡ ᒫᒃ ᐋᑯᑖᐦ ᒥᑐᓐ ᐋ ᑭᔅᑎᐱᔅᑳᒡ ᑳ ᐃᓯᓈᑯᐦᒡ ᒥᓯᐧᐋ ᐋ ᐃᔥᐱᔖᒡ ᐊᓂᑎᐦ ᐊᓐ ᐊᔅᒌ᙮ ᓂᔥᑐ ᐋᐦᒋᓂᐧᑳᓂᐦᑖᒡ ᐋᐅᒄ ᐊᓐ ᑳ ᐃᓯᓈᑯᐦᒡ᙮

ᒫᔪᐦᐧᑖᑦ ᓘᒃ 21:25

“ᒋᑭ ᓅᑯᓐ ᒋᔅᒋᓄᐙᐱᐦᑎᔨᐙᐎᓐ ᐊᓂᑖᐦ ᐲᓯᒧᐦᒡ, ᑎᐱᔅᒋᐲᓯᒧᐦᒡ, ᑭᔮᐦ ᐊᓂᑖᐦ ᐊᒋᐦᑯᔑᐦᒡ, ᐋ ᐐᐦᑎᒫᑯᐎᔮᒄ ᒑᒀᓐ ᒑ ᐄᔅᐱᔨᒡ ᒑ ᒌ ᐃᔮᒀᒥᔮᒄ᙮ ᒥᓯᐙ ᐋᐦ ᐄᑎᔅᑳᓈᓯᑦ ᐊᐙᓐ ᐅᑎᐦ ᐊᔅᒌᐦᒡ ᒋᑭ ᓵᒋᓲ᙮ ᒋᑭ ᓵᒋᐦᐄᑯᒡ ᑖᓐ ᒑ ᐄᑎᐦᑖᑯᓃᔨᒡ ᒋᐦᒋᑭᒥᔨᐤ, ᐋᐦᒌᔂᐙᒥᑭᓃᔨᒡ ᑭᔮᐦ ᐊᒥᒥᐦᑳᐦᐋᓃᔨᒡ᙮

ᐋᐧᐹᔅᑎᓕᒡ 2:20

ᐲᓯᒻ ᒋᑭ ᑎᐱᔅᒋᐱᔨᐤ ᑭᔮᐦ ᑎᐱᔅᒋᐲᓯᒻ ᒋᑭ ᒥᐦᑯᓲ ᒧᔮᒻ ᒥᐦᒄ ᐋ ᐄᔑ ᒥᐦᒀᒡ ᐋᔪᐎᒄ ᒑ ᐃᓯᓈᑯᓯᑦ ᐋᒸᔮ ᑎᑯᔑᐦᒃ ᑎᐹᔨᐦᒋᒑᓯᐤ᙮ ᓈᔥᑖᑆᐦ ᑭᑎ ᒋᔅᑖᔨᐦᑖᑯᓐ ᐊᓐ ᒑ ᒌᔑᑳᒡ ᑭᔮᐦ ᓄᐎᒡ ᑭᑎ ᒥᔅᑳᑖᔮᔨᐦᑎᑯᓐ᙮

ᓃᔓ ᑯᕆᓐᕠᔨᓐ 4:4

ᓂᒧᐃ ᑖᑆᐦᑎᒧᒡ ᐙᔥ ᑖᔨᐤ ᐊᓂᔮᔨᐤ ᑳ ᒥᒋᒥᓂᑑᐎᔨᒡ ᑳ ᐅᒋᒫᐦᑭᐦᑎᒥᔨᒡ ᐅᔮᔨᐤ ᐊᔅᒌᔨᐤ᙮ ᐋᐅᑯᓐᐦ ᒫᒃ ᐊᓂᔮᔨᐤ ᐋᐦ ᑐᑖᑯᒡ ᐋᑳ ᒑ ᒌ ᐙᐱᐦᑎᐦᒡ ᐊᓂᔮᔨᐤ ᐙᔥᑖᐎᓂᔨᐤ ᐊᓂᑎᐦ ᒑ ᒌ ᐅᐦᒋ ᐱᒫᒋᐦᐅᒡ᙮ ᓂᒧᐃ ᒌ ᓂᔅᑐᐦᑎᒧᒡ ᐊᓂᔮᔨᐤ ᒥᔻᒋᒧᐎᓂᔨᐤ ᐊᓂᑎᐦ ᐙᐦᒋ ᐙᐱᐦᑎᔨᑭᐎᐦᒄ ᙭ ᐅᒋᔅᑖᔨᐦᑖᑯᓯᐎᓐ᙮ ᐙᔥ ᒧᔮᒻ ᐋ ᐄᔑ ᒋᔅᑖᔨᐦᑖᑯᓯᑦ ᒋᔖᒥᓂᑑ ᐋᐅᒄ ᒧᔮᒻ ᐋ ᐄᔑ ᒋᔅᑖᔨᐦᑖᑯᓯᑦ ᒌᓴᔅ᙮

ᒋᔅᒑᔨᐦᑖᑯᐦᑖᒑᐧᐃᓐ 12:4

ᒌ ᐙᐱᐦᐙᐤ ᐹᔨᒄ ᐊᓂᔮᔨᐤ ᐋ ᓈᓂᔥᑎᔨᒡ ᐊᒋᑯᐦᔥ ᐊᓂᑖᐦ ᒌᔑᑯᐦᒡ ᐅᐦᒋ ᐅᓲᐃ ᐋᐦ ᐋᐱᒋᐦᑖᑦ, ᐋᒄ ᐊᓂᑖᐦ ᐊᔅᒌᐦᒡ ᑳ ᐄᔑ ᐙᐱᐦᐙᑦ᙮ ᒌ ᓃᐴ ᐅᐦᑎᔅᑰ ᐊᓂᔮᔨᐤ ᐃᔅᒀᐤ ᐋᐦ ᑖᔨᒡ ᒫᒀᒡ ᐋᐦ ᐋᐦᑯᓰᔨᒡ ᐋᐦ ᐋᓯᓂᐙᐦᐋᑦ ᒑ ᐃᔥᐱᔥ ᐱᒫᑎᓰᔨᒡ ᐊᓂᔮᔨᐤ ᐊᐙᔑᔥ ᒑ ᒌ ᒧᐙᑦ ᐄᔥᐱᐦ ᐱᒫᑎᓰᔨᒑ᙮

ᒋᔅᒑᔨᐦᑖᑯᐦᑖᒑᐧᐃᓐ 16:10

ᐋᒄ ᐊᓐ ᓂᔮᔪ ᑳᐦ ᑖᑦ ᐋᓐᒋᓐ ᑳ ᑯᑎᐱᓂᐦᒃ ᐎᔮᑭᓐ ᐊᓂᑖᐦ ᐄᔑ ᐊᓂᔮᔨᐤ ᒥᒋᐊᐅᐦᑳᓐ ᐅᒋᐦᒋᐅᒋᒫᐤ ᑖᐦᑎᐱᐎᓃᔨᒡ᙮ ᒌ ᑎᐱᔅᒋᐱᔨᐤ ᒫᒃ ᐊᓂᑖᐦ ᐊᓐ ᒥᒋᐊᐅᐦᑳᓐ ᐅᒋᐦᒋᒫᐎᐎᓂᒡ᙮ ᒌ ᒫᒫᑯᐦᑎᒧᒡ ᐄᔨᔨᐅᒡ ᐅᑖᔨᔨᐙᐤ ᐋ ᐃᔥᐱᔥ ᐐᓯᒑᔨᐦᑎᐦᒡ

ᒋᔅᒑᔨᐦᑖᑯᐦᑖᒑᐧᐃᓐ 6:12

ᐋᒄ ᑳ ᐙᐱᒥᒄ ᐊᓐ ᒫᓂᔥᒑᓂᔥ ᒦᓐ ᑯᑎᒋᔨᐤ ᐋᐃᔨᒡ ᐱᓯᑯᐦᐄᑭᓂᔨᐤ ᐋᐦ ᐋᐱᐦᐋᐦᒃ᙮ ᐋᔪᐎᒄ ᐋᒄ ᑯᑣᔥᒡ ᑳᐦ ᐋᐱᐦᐋᐦᒃ᙮ ᐄᔥᐱᐦ ᒫᒃ ᑳᐦ ᐋᐱᐦᐋᐦᒃ ᐋᒄ ᑳ ᒥᔥᑎᐦ ᑯᐃᐦᑯᐦᒡ᙮ ᐲᓯᒻ ᒌ ᑎᐱᔅᒋᐱᔨᐤ ᒧᔮᒻ ᐱᒋᐎᔮᓈᒋᓐ ᑳ ᓲᐦᒑᑭᐦᒡ ᐋ ᐎᔨᐹᑭᐦᒡ ᐋᒄ ᑳ ᐃᓯᓈᑯᓯᑦ᙮ ᐋᒄ ᐊᓐ ᑎᐱᔅᒋᐲᓯᒻ ᓈᔥᑎᔨᔅ ᒌ ᒥᐦᑯᓲᐤ ᒥᓯᐙ, ᒧᔮᒻ ᐋ ᔓᐦᑯᐦᓯᑦ ᐋᒄ ᑳ ᐃᓯᓈᑯᓯᑦ᙮

ᒋᔅᒑᔨᐦᑖᑯᐦᑖᒑᐧᐃᓐ 9:15

ᐋᒄ ᑳᐦ ᐋᐱᐦᑯᓈᑭᓂᐎᒡ ᐊᓂᒌ ᓈᐤ ᐋᓐᒋᓂᒡ᙮ ᐙᔥ ᐋᔪᐎᒄ ᐅᔮᔨᐤ ᐋ ᒌᓂᒀᓂᐦᑖᔨᒡ ᐲᓯᒧᐦᑳᓐ, ᐋᔪᐎᒄ ᐅᔮᔨᐤ ᐋ ᒌᔑᑳᔨᒡ, ᐋᔪᐎᑯᓐᐦ ᐅᔮᔨᐤ ᐲᓯᒻ ᑭᔮᐦ ᐋᔪᐎᒄ ᐅᔮᔨᐤ ᐋ ᐱᐳᓃᔨᒡ ᑳ ᐄᔑ ᐃᔮᔅᑰᐦᐋᑭᓄᐙᑯᐱᓈ ᒑ ᒌ ᐋᐱᐦᑯᓈᑭᓂᐎᒡ ᑭᔮᐦ ᒑ ᒌ ᓂᐱᐦᐋᒡ ᐹᔨᒄ ᐋᔑᑯᒻ ᓂᔥᑐ ᒥᓯᐙ ᐊᐙᔨᐤᐦ᙮

ᒋᔅᒑᔨᐦᑖᑯᐦᑖᒑᐧᐃᓐ 9:18

ᐋᔑᑯᒻ ᓂᔥᑐ ᐋ ᐃᑎᔑᒡ ᐄᔨᔨᐅᒡ ᐊᓂᑖᐦ ᐊᔅᒌᐦᒡ ᒌ ᓂᐱᐦᐄᑯᒡ ᐊᓂᔮᔨᐤ ᑳ ᓂᔅᑎᓃᒡ ᐐᔒᒑᔨᐦᑎᒦᐦᐄᐙᐎᓐ, ᐃᔥᑯᑖᔨᐤ, ᐋ ᐊᒀᐱᐦᑖᔨᒡ ᑭᔮᐦ ᐊᓂᔮᔨᐤ ᓵᓪᕗᕐ ᑳ ᐅᓵᐙᐱᐦᑖᔨᒡ ᒑᒀᔨᐤ ᐅᑑᓃᔨᒡ ᐊᓂᔮᔨᐤ ᐋᐦᐋᔅ ᑳ ᐅᐦᒋᐱᔨᔨᒡ᙮