ᒋᔅᒑᔨᐦᑖᑯᐦᑖᒑᐧᐃᓐ 8:1 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹ ᐋᒄ ᐊᓐ ᒫᓂᔥᒑᓂᔥ ᒦᓐ ᑳ ᒥᓂᐦᒃ ᐊᓂᔮᔨᐤ ᓃᔂᓯᒡ ᐋᐃᔨᒡ ᐱᓯᑯᐦᐄᑭᓂᔨᐤ ᐊᓂᑎᐦ ᒥᓯᓂᐦᐄᑭᓂᐦᒡ ᐅᐦᒋ᙮ ᐄᔥᐱᐦ ᒫᒃ ᑳ ᒥᓂᐦᒃ ᐊᐱᐦᑑ ᐋ ᒌᓂᒀᓂᐦᑖᑦ ᐲᓯᒧᐦᑳᓐ ᓂᒧᐃ ᒥᑐᓐ ᒑᒀᓐ ᐅᐦᒋ ᐹᐦᑖᑯᓐ ᐊᓂᑖᐦ ᒋᐦᒋᒌᔑᑯᐦᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 8:1 Iomraidhean Croise

ᒫᔪᐦᐧᑖᑦ ᒫᕠᔫ 27:66

ᐋᒄ ᒫᒃ ᑳ ᒋᔅᑐᐦᑖᒡ᙮ ᒌ ᓂᑑᒋᔅᒋᓂᐦᐋᒋᐦᐋᐅᒡ ᐊᓂᔮᔨᐤ ᐊᓯᓃ ᑳ ᒋᐦᐱᔑᒫᑭᓂᐎᔨᒡ ᐊᓂᑎᐦ ᒌᐲᑭᒥᑰᐦᑳᓂᐦᒡ ᒑᐦ ᐋᑳ ᐊᐙᔨᐤᐦ ᒌ ᐱᒫᔨᒫᔨᒡ᙮ ᐋᒄ ᑳᐦ ᐄᑖᒡ ᓂᑐᐱᔨᐤᐦ ᒑ ᒌ ᓈᓈᑭᒋᐦᑖᔨᒡ ᐊᓂᔮᔨᐤ ᒌᐲᑭᒥᑯᐦᑳᓂᔨᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 5:1

ᐋᒄ ᑳ ᐙᐱᐦᑎᒫᓐ ᒥᓯᓂᐦᐄᑭᓐ ᐋ ᒌ ᑎᐦᑎᐱᔮᐦᒋᓂᑭᓂᐎᒡ᙮ ᐊᓐ ᐊᐙᓐ ᑳ ᐊᐱᑦ ᐊᓂᑎᐦ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ ᒌ ᑎᐦᑯᓂᒻ ᐅᓂᐦᐄᐎᓃᔨᐦᒡ ᐊᓂᔮᔨᐤ ᒥᓯᓂᐦᐄᑭᓂᔨᐤ᙮ ᐄᑑ ᐊᓂᑖᐦ ᒌ ᒥᓯᓂᐦᐄᒑᓅᑯᐱᓐ ᐊᓐ ᒥᓯᓂᐦᐄᑭᓐ ᑭᔮᐦ ᒌ ᐋᐃᔨᒡ ᐱᓯᑯᐦᐄᑭᓅᑯᐱᓐ ᓃᔣᔥᒡ ᐋᐃᔨᒡ ᐱᓯᑯᐦᐄᑭᓐ ᐋ ᒌ ᐋᐱᑎᐦᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 5:9

ᐊᓂᒌ ᒫᒃ ᓈᐤ ᑳ ᐱᒫᑎᓰᔨᒡ ᐄᔨᔨᐅᒡ ᑭᔮᐦ ᐊᓂᒌ ᓃᔥᑎᓂᐤ ᓈᐅᔖᑉ ᑳ ᒋᔅᑖᔨᐦᑖᑯᓯᒡ ᒋᔖᐄᔨᔨᐅᒡ ᒌ ᓂᑭᒨᐎᒡ ᐋᐅᔅᑳᔨᒡ ᓂᑭᒧᓂᔨᐤ᙮ ᒫᐤ ᑳ ᐄᑎᐦᐋᒡ, “ᒌ ᑖᐱᒑᔨᐦᑖᑯᓯᓐ ᒑ ᒌ ᐅᑎᓂᒥᓐ ᐊᓐ ᒥᓯᓂᐦᐄᑭᓐ᙮ ᒌ ᑖᐱᒑᔨᐦᑖᑯᓯᓐ ᒑ ᒌ ᒥᓂᒥᓐ ᐋ ᐄᔑ ᐋᐃᔨᒡ ᐱᓯᑯᐦᐄᑭᓂᐎᒡ᙮ ᐙᔥ ᒌᔨ ᒋᒌ ᓂᐱᐦᐄᑭᐎᓐ᙮ ᒌ ᒥᐦᑯᐦᒡ ᒫᒃ ᐋᑯᑖᐦ ᑳ ᐅᐦᒋ ᐱᑯᐦᐄᑣᐤ ᐄᔨᔨᐅᒡ ᒥᓯᐙ ᐋᐦ ᐄᑎᔅᑳᓈᓯᒡ ᑭᔮᐦ ᒥᓯᐙ ᐋ ᐄᔑ ᒫᒨᑖᐅᔒᒡ ᑭᔮᐦ ᓂᓈᐦᑭᐤ ᐋ ᐄᔑ ᐊᔨᒥᒡ, ᒋᔖᒥᓂᑑ ᒑ ᒌ ᐅᑏᔨᔨᒥᑖᑯᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 6:1

ᐋᒄ ᑳ ᐙᐱᒥᒄ ᐊᓐ ᒫᓂᔥᒑᓂᔥ ᐋᐦ ᐋᐱᐦᐋᐦᒃ ᓃᔥᑎᒻ ᐹᔨᒄ ᐊᓂᔮᔨᐤ ᓃᔣᔥᒡ ᑳ ᑎᐦᑎᓃᔨᔨᒡ ᐋᐃᔨᒡ ᐱᓯᑯᐦᐄᑭᓐ᙮ ᓂᒌ ᐹᐦᑎᐙᐤ ᒫᒃ ᐹᔨᒄ ᐊᓂᒌ ᓈᐤ ᑳ ᐱᒫᑎᓰᔨᒡ ᐄᔨᔨᐅᒡ ᐋᐦ ᐃᔨᑦ, “ᐋᔥᑎᒻ᙮” ᒧᔮᒻ ᓂᒥᔅᒋᐅᒡ ᐋᑎᐦᑖᑯᓯᒡ ᑳ ᐃᔥᐱᔥ ᒋᔣᐙᑦ ᐊᓂᔮᔨᐤ ᐋᐦ ᐃᔨᑦ᙮

ᒋᔅᒑᔨᐦᑖᑯᐦᑖᒑᐧᐃᓐ 6:12

ᐋᒄ ᑳ ᐙᐱᒥᒄ ᐊᓐ ᒫᓂᔥᒑᓂᔥ ᒦᓐ ᑯᑎᒋᔨᐤ ᐋᐃᔨᒡ ᐱᓯᑯᐦᐄᑭᓂᔨᐤ ᐋᐦ ᐋᐱᐦᐋᐦᒃ᙮ ᐋᔪᐎᒄ ᐋᒄ ᑯᑣᔥᒡ ᑳᐦ ᐋᐱᐦᐋᐦᒃ᙮ ᐄᔥᐱᐦ ᒫᒃ ᑳᐦ ᐋᐱᐦᐋᐦᒃ ᐋᒄ ᑳ ᒥᔥᑎᐦ ᑯᐃᐦᑯᐦᒡ᙮ ᐲᓯᒻ ᒌ ᑎᐱᔅᒋᐱᔨᐤ ᒧᔮᒻ ᐱᒋᐎᔮᓈᒋᓐ ᑳ ᓲᐦᒑᑭᐦᒡ ᐋ ᐎᔨᐹᑭᐦᒡ ᐋᒄ ᑳ ᐃᓯᓈᑯᓯᑦ᙮ ᐋᒄ ᐊᓐ ᑎᐱᔅᒋᐲᓯᒻ ᓈᔥᑎᔨᔅ ᒌ ᒥᐦᑯᓲᐤ ᒥᓯᐙ, ᒧᔮᒻ ᐋ ᔓᐦᑯᐦᓯᑦ ᐋᒄ ᑳ ᐃᓯᓈᑯᓯᑦ᙮

ᒋᔅᒑᔨᐦᑖᑯᐦᑖᒑᐧᐃᓐ 6:3

ᐄᔥᐱᐦ ᒫᒃ ᒦᓐ ᑳᐦ ᐋᐱᐦᐋᐦᒃ ᐊᓂᔮᔨᐤ ᓃᔓ ᐋᐃᔨᒡ ᐱᓯᑯᐦᐄᑭᓂᔨᐤ ᐊᓐ ᒫᓂᔥᒑᓂᔥ ᐋᒄ ᑳ ᐹᐦᑎᐎᒃ ᐊᓐ ᒦᓐ ᓃᔔ ᐊᓂᒌ ᑳ ᐱᒫᑎᓰᔨᒡ ᐄᔨᔨᐅᒡ ᐋᐦ ᐃᔨᑦ, “ᐋᔥᑎᒻ᙮”

ᒋᔅᒑᔨᐦᑖᑯᐦᑖᒑᐧᐃᓐ 6:5

ᒦᓐ ᒫᒃ ᑯᑎᒋᔨᐤ ᐊᓂᔮᔨᐤ ᐋᐃᔨᒡ ᐱᓯᑯᐦᐄᑭᓂᔨᐤ ᑳᐦ ᐋᐱᐦᐋᐦᒃ ᐊᓐ ᒫᓂᔥᒑᓂᔥ᙮ ᐋᔪᐎᒄ ᓂᔥᑐ ᑳᐦ ᐋᐱᐦᐋᐦᒃ᙮ ᐋᒄ ᐊᓐ ᓂᔥᑐ ᐋᐦ ᑖᑦ ᐊᓂᒌ ᓈᐤ ᑳ ᐱᒫᑎᓰᔨᒡ ᐄᔨᔨᐅᒡ ᑳᐦ ᐃᔨᑦ, “ᐋᔥᑎᒻ᙮” ᐄᔥᐱᐦ ᒫᒃ ᐋᐦ ᐄᑖᐱᔮᓐ ᓂᒌᐙᐱᒫᐤ ᐋ ᐎᔨᐱᓯᑦ ᐋᐦᐋᔅ᙮ ᐊᓐ ᒫᒃ ᑳ ᑖᐦᑎᐱᑦ ᐊᓂᔮᔨᐤ ᐋᐦᐋᔅ ᒌ ᑎᐦᑯᓂᒻ ᑎᐹᐹᔅᑯᒋᑭᓂᔨᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 6:7

ᐋᒄ ᐊᓐ ᒫᓂᔥᒑᓂᔥ ᒦᓐ ᑯᑎᒋᔨᐤ ᐊᓂᔮᔨᐤ ᐋᐃᔨᒡ ᐱᓯᑯᐦᐄᑭᓂᔨᐤ ᑳᐦ ᐋᐱᐦᐋᐦᒃ᙮ ᐋᔪᐎᒄ ᐋᒄ ᓈᐤ ᑳᐦ ᐋᐱᐦᐋᐦᒃ᙮ ᐋᒄ ᑳ ᐹᐦᑎᐎᒃ ᐊᓐ ᓈᐤ ᐋᐦ ᑖᑦ ᐊᓂᒌ ᓈᐤ ᑳ ᐱᒫᑎᓰᔨᒡ ᐄᔨᔨᐅᒡ ᐋᐦ ᐃᔨᑦ, “ᐋᔥᑎᒻ᙮”

ᒋᔅᒑᔨᐦᑖᑯᐦᑖᒑᐧᐃᓐ 6:9

ᐋᒄ ᐊᓐ ᒫᓂᔥᒑᓂᔥ ᑳ ᐊᐱᐦᐋᐦᒃ ᒦᓐ ᑯᑎᒋᔨᐤ ᐋᐃᔨᒡ ᐱᓯᑯᐦᐄᑭᓂᔨᐤ᙮ ᐋᔪᐎᒄ ᐋᒄ ᓂᔮᔪ ᑳᐦ ᐋᐱᐦᐋᐦᒃ, ᐋᒄ ᑳ ᐙᐱᒥᒡ ᐅᑎᐦᒑᐦᑯᐙᐤ ᐊᓂᒌ ᑳ ᓂᐱᐦᐋᑭᓂᐎᒡ ᒋᔖᒥᓂᑑ ᐅᑎᔨᒧᐎᓂᔨᐤᐦ ᐋ ᒌ ᑖᑆᐦᑎᒸᒡ ᑭᔮᐦ ᐋ ᒌ ᐙᐐᐦᑎᐦᒡ ᑖᓐ ᐋ ᐄᔑ ᑖᑆᐦᑎᐦᒡ᙮ ᐊᓂᑖᐦ ᐱᒋᔅᑎᓂᒑᐤ ᒥᒋᓲᓈᐦᑎᑯᐦᒡ ᓃᐦᑖᐦᒡ ᐋᑯᑖᐦ ᑳ ᐙᐱᒥᒡ ᐅᑎᐦᒑᐦᑯᐙᐤ ᐅᒌ᙮