ᒋᔅᒑᔨᐦᑖᑯᐦᑖᒑᐧᐃᓐ 7:2 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

² ᒦᓐ ᒫᒃ ᑯᑎᒃ ᐋᓐᒋᓐ ᓂᒌᐙᐱᒫᐤ ᐊᓂᑖᐦ ᐙᐱᓅᑖᐦᒡ ᐃᔥᐱᒥᐦᒡ ᐋ ᐅᐦᑐᐦᑖᑦ᙮ ᒋᔖᒥᓂᑑ ᐹᒫᑎᓰᔨᒡ ᐅᒋᔥᒋᓄᐙᒋᐦᒋᑭᓂᔨᐤ ᐋᐃᒡ ᐱᓯᑯᐦᐄᑭᓐ ᒌ ᐹᒋ ᑎᐦᑯᓂᒸᐤ᙮ ᒌ ᒋᔣᐙᐤ ᐋ ᑖᑆᑖᑦ ᐊᓂᔮᔨᐤ ᓈᐤ ᐋᓐᒋᓐ ᑳ ᒥᔮᑭᓂᐎᒡ ᐎᔮᔥ ᒑ ᒌᐦ ᑐᑎᐦᒡ ᐊᔅᒌᔨᐤ ᑭᔮᐦ ᒋᐦᒋᑭᒥᔨᐤ᙮ ᒌᐦ ᐄᑖᐤ,

ᒋᔅᒑᔨᐦᑖᑯᐦᑖᒑᐧᐃᓐ 7:2 Iomraidhean Croise

ᒫᔪᐦᐧᑖᑦ ᒫᕠᔫ 16:16

ᐋᒄ ᓵᐃᒥᓐ ᐲᑎᕐ ᑳ ᐄᔑ ᓂᔥᒀᐅᔑᐦᐋᑦ, “ᐋᐅᒄ ᒌᔨ ᙭, ᐊᓐ ᒋᔖᒥᓂᑑ ᐹᒫᑎᓰᑦ ᐅᑯᓯᔅᐦ᙮”

ᒫᔪᐦᐧᑖᑦ ᒫᕠᔫ 26:63

ᒌᓴᔅ ᒫᒃ ᓂᒧᐃ ᐅᐦᒋ ᒋᔅᑑ᙮ ᐋᒄ ᒦᓐ ᑳᐦ ᐄᑎᑯᑦ ᐊᓂᔮᔨᐤ ᒫᐅᒡ ᑳ ᓃᑳᓈᔮᔨᐦᑖᑯᔒᔨᒡ ᒋᔖᐊᔨᒥᐦᐋᐅᒋᒫᐤ, “ᑯᐃᔅᒄ ᒫᐦ ᐹᒋ ᐐᐦᑎᒧᓈᓐ ᐋ ᐹᐦᑖᔅᒃ ᐊᓐ ᐹᒫᑎᓰᑦ ᒋᔖᒥᓂᑑ, ᐋᐤ ᐋ ᒌᔨ ᑖᑆᐦ ᙭, ᒋᔖᒥᓂᑑ ᐅᑯᓯᔅᐦ?”

ᒫᔪᐦᐧᑖᑦ ᐧᒑᓐ 6:27

ᐊᑳᐐ ᐋᐱᑎᓰᒄ ᒥᒄ ᐋ ᐐᐦ ᐱᑯᐦᑎᒫᓲᔮᒄ ᒦᒋᒻ ᐊᓐ ᒑ ᐃᔮᔪᐦᒡ, ᑎᔨᑯᒡ ᐐᐦ ᐱᑯᐦᑎᒫᓲᒄ ᐊᓐ ᑳᒋᒡ ᒑ ᑎᑯᐦᒡ᙮ ᐄᔨᔨᐅᑯᓯᓵᓐ ᒋᑭ ᒥᔨᑯᐙᐤ ᒦᒋᒥᔨᐤ ᐋᑳ ᓂᐦᑖ ᒑ ᐃᔮᔪᓃᔨᒡ᙮ ᐙᔥ ᒋᔖᒥᓂᑑ ᐅᐦᑖᐐᒫᐤ ᒌ ᓅᑯᐦᑖᐤ ᑖᑆᐦ ᐋᐦᐋᐎᔨᒡ ᐊᓂᔮᔨᐤ ᑳ ᓂᐦᐋᔨᐦᑎᒦᐦᐄᑯᑦ᙮”

ᓃᔓ ᑯᕆᓐᕠᔨᓐ 1:22

ᒋᒌ ᒥᔨᑯᓂᐤ ᐅᑎᐦᒑᐦᒄ ᒋᑖᐦᐄᓈᐦᒡ ᒑ ᒌᐦ ᑖᔨᒡ ᑭᔮᐦ ᒑ ᒌ ᒑᔥᑎᓈᑖᔨᐦᑎᒥᐦᐄᑯᐦᒄ ᑖᑆᐦ ᐋ ᑎᐱᔨᒥᑎᐦᒄ᙮ ᐋᑯᑖᐦ ᑭᔮᐦ ᐙᐦᒋ ᒑᔥᑎᓈᑖᔨᐦᑎᒥᐦᒄ ᒥᓯᐙ ᒑ ᐃᔮᔨᐅᐦᒄ ᑖᓐ ᐋ ᐄᔑ ᐃᔮᔅᑰᔥᑎᒫᑎᐦᒄ᙮

ᐄᕕᓰᔨᓐ 1:13

ᒌᔨᐙᐤ ᒫᒃ ᑭᔮᐦ ᐊᓂᑖᐦ ᐁᕕᓱᓯᐦᒡ ᑳᐦ ᑖᔮᒄ, ᒋᔖᒥᓂᑑ ᒋᒌ ᐅᑏᔨᔨᒥᑖᑯᐙᐤ ᐅᔅᑭᒡ ᑳ ᐹᐦᑎᒫᒄ ᐊᓐ ᑳ ᑖᑆᒥᑭᐦᒡ ᐊᔨᒧᐎᓐ, ᐋᐅᒄ ᐊᓐ ᒥᔻᒋᒧᐎᓐ ᐊᔨᒧᑖᒡ ᒋᐱᒫᒋᐦᐄᑯᓰᐎᓂᐙᐤ᙮ ᙭ ᒋᒌ ᑖᑆᔮᔨᒫᐙᐤ, ᐋᒄ ᒫᒃ ᑳ ᒋᔅᒋᓄᐙᒋᐦᐄᑖᒄ ᒋᔖᒥᓂᑑ ᐐᔨ ᐋ ᑎᐹᔨᒥᑖᒄ, ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ ᐋ ᒌ ᒋᔅᑭᐦᐄᑖᒄ ᐄᔑ ᐊᓂᔮᔨᐤ ᑳᐦ ᐃᔨᑦ ᒑᔥᑎᓈᔥ ᒑ ᒥᔨᐙᑦ᙮

ᐄᕕᓰᔨᓐ 4:30

ᐊᑳᐐ ᒥᓯᒫᔨᐦᑎᒥᐦᐄᒫᒄ ᒋᔖᒥᓂᑑ ᐅᐱᔮᐦᒋ ᐊᐦᒑᐦᒄ᙮ ᐆ ᐊᐦᒑᐦᒄ ᐹᒋᔅᑳᑖᐦᒄ ᐋᑯᑖᐦ ᓅᑯᐦᒡ ᒋᔖᒥᓂᑑ ᐋ ᑎᐹᔨᒥᑖᐦᒄ ᑭᔮᐦ ᐋᑯᑎᐦ ᒑᔅᑎᓈᔅ ᒑ ᑎᔨᑎᑖᐦᒄ ᐆ ᐹᑎᔥ ᐅᑎᐦᒋᐱᔨᐦᒑ ᐊᓂᔮᔨᐤ ᐋ ᒌᔑᑳᒡ ᑖᑆᐦ ᒑ ᐱᑯᐦᐄᑖᐦᒄ ᒋᔖᒥᓂᑑ᙮

ᓃᔥᑎᒻ ᕞᓵᐧᓛᓃᔨᓐ 1:9

ᑖᓂᑖᐦ ᒥᒄ ᑳᐦ ᐋᑎ ᐄᑐᐦᑖᔮᐦᒡ ᐋᔨᒨᑎᒧᒡ ᐄᔨᔨᐅᒡ ᐋ ᒌ ᐹᐦᑎᐦᒡ ᑖᓐ ᑳ ᐄᔑ ᒥᔪᑰᔮᐦᒡ ᒌᔨᐙᐤ ᕞᓵᓨᓈᐃᑳᐦᒡ ᐃᐦᑖᐎᓐ ᑳ ᐅᐦᒋᔮᒄ ᑳ ᓂᑎᐙᐱᒥᑖᐦᒡ᙮ ᐋᔨᒨᑎᒧᒡ ᑭᔮᐦ ᑖᓐ ᑳ ᐄᔑ ᐴᓃᐙᒄ ᐋ ᐊᔨᒥᐦᐋᔅᑖᒫᐦᒄ ᒥᓂᑑᐦᑳᓐ ᒑ ᒌ ᒋᐦᒋ ᓂᓂᐦᐄᐦᑖᒫᐦᒄ ᑭᔮᐦ ᒑ ᒌ ᐋᐱᑎᔒᔥᑖᒫᒄ ᐊᓂᔮᔨᐤ ᑖᑆᐦ ᒑᔖᒥᓂᑐᔨᒡ ᑭᔮᐦ ᐹᒫᑎᓰᔨᒡ᙮

ᓃᔓ ᑎᒧᕢ 2:19

ᒥᒄ ᒫᒃ ᐊᓂᔮᔨᐤ ᒋᔖᒥᓂᑑ ᐅᒋᔅᑯᑎᒫᒑᐎᓐ, ᓂᒧᐃ ᒋᑭ ᒌ ᐋᐦᑎᓂᑭᓅᔨᐤ ᐋ ᐃᔥᐱᔥ ᔮᐃᑎᓃᔨᒡ, ᒧᔮᒻ ᐊᓐ ᑳᐦ ᐄᑎᔥᑖᒡ, “ᑎᐹᔨᐦᒋᒑᓯᐤ ᒋᔅᒑᔨᒫᐤ ᐊᓂᔮᔨᐤᐦ ᐊᐙᔨᐤᐦ ᐐᔨ ᑎᐱᔨᐙᐅᓯᑦ” ᑭᔮᐦ “ᒥᓯᐙ ᐊᐙᓐ ᑎᐹᔨᐦᒋᒑᓯᐤ ᐋᐦ ᑖᔨᒡ ᑳ ᐄᔑ ᑎᐹᔨᐦᑖᑯᓯᑦ ᒋᐱᐦ ᓂᑭᑎᒻ ᒥᒑᑎᓰᐎᓂᔨᐤ᙮”

ᐦᐄᑉᕉ 12:22

ᒌᔨᐙᐤ ᒫᒃ ᐐ ᓂᒧᐃ ᐹᔨᑯᓂᐦᒡ ᐃᓯᓈᑯᓐ, ᐊᓂᑖᐦ ᐋᐦ ᐄᑐᐦᑖᔮᒄ ᒨᔮᒻ ᐊᓐ ᐋᐱᔅᑯᑎᓈᐦᒡ ᓵᐃᔨᓐ ᑳ ᐃᔑᓂᐦᑳᑖᒡ ᑭᔮᐦ ᐊᓐ ᐃᐦᑖᐎᓐ ᒉᕉᓯᓕᒻ ᑳ ᐃᔑᓂᐦᑳᑖᒡ ᐊᓂᑖᐦ ᒋᐦᒋᒌᔑᑯᐦᒡ ᑳᐦ ᑎᑯᐦᒡ, ᒋᔖᒥᓂᑑ ᑳᒋᒡ ᐹᒫᑎᓰᑦ ᐋᐦ ᑖᑦ, ᐊᓂᑖᐦ ᐋ ᒫᒨᐎᔨᒡ ᓈᔥᒡ ᒥᐦᒑᑣᐤ ᒋᔖᒥᐦᑖᐦᑐᒥᑎᓂᐤ ᐋᓐᒋᓂᒡ ᐋ ᒨᒋᒑᔨᐦᑎᐦᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 1:3

ᒋᑭ ᔑᐙᔨᐦᑖᑯᓲ ᐊᓐ ᐊᐙᓐ ᒑ ᐊᔨᒥᐦᑖᑦ ᐅᔮᔨᐤ ᑖᓐ ᑳ ᐄᔑ ᓃᑳᓐ ᐐᐦᑖᑭᓄᐐᒡ ᐅᑎ ᐋ ᐃᑎᔥᑖᔨᒡ ᒥᓯᓈᐦᐄᑭᓂᒡ᙮ ᔑᐙᔨᐦᑖᑯᓲ ᐊᓂᒌ ᒑ ᐹᐦᑎᒡ ᑭᔮᐦ ᒑ ᓂᓂᐦᐄᐦᑎᐦᒡ ᑖᓐ ᐋᐦ ᐄᑎᔥᑖᔨᒡ ᐙᔥ ᔖᔥ ᐹᔓᓈᑯᓂᔨᐤ ᒑ ᐅᐦᑎᐦᒋᐱᔨᐦᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 10:1

ᒦᓐ ᑯᑎᒃ ᐋ ᓲᐦᒑᔨᐦᑖᑯᓯᑦ ᐋᓐᒋᓐ ᓂᒌᐙᐱᒫᐤ ᒋᐦᒋᒌᔑᑯᐦᒡ ᐋ ᐅᐦᒋ ᐹᒋ ᔮᓰᑦ, ᑭᔥᑭᐎᓂᔥᒄ ᐋ ᐅᑎᑯᐦᐱᑦ᙮ ᐐᑯᐲᓵᑭᓈᔮᐱᔨᐤ ᒌ ᐙᔅᑳᑯᑖᔨᐤ ᑎᐦᑯᐦᒡ ᐊᓂᑎᐦ ᐅᔥᑎᒀᓂᒡ᙮ ᐅᑖᔥᑎᒥᐦᒄ ᒧᔮᒻ ᐲᓯᒻ ᐋ ᐄᔑ ᒌᐦᑳᔮᔥᑎᐙᑦ ᒌ ᐃᓯᓈᑯᓂᔨᐤ᙮ ᐋᒄ ᐅᔅᑳᑎᐦ ᒧᔮᒻ ᒌᑎᐙᔅᑯᐦᐄᑭᓐ ᐋ ᐃᔥᑯᑖᐐᔨᒡ ᒌ ᐃᓯᓈᑯᓂᔨᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 10:4

ᐄᔥᐱᐦ ᒫᒃ ᑳ ᐹᐦᑖᑯᓯᒡ ᐊᓂᒌ ᓃᔣᔥᒡ ᑳ ᐃᑎᔑᒡ ᓂᒥᔅᒋᐅᒡ ᒧᔮᒻ ᐋ ᐊᔨᒥᒡ ᑳ ᐄᑎᐦᑖᑯᓯᒡ, ᓂᒌ ᐐᐦ ᒋᐦᒋ ᒥᓯᓂᐦᐄᒑᓐ᙮ ᐋᒄ ᑳ ᐅᐦᒋ ᐹᐦᑎᒫᓐ ᐹᐦᑖᑯᓯᐎᓐ ᒋᐦᒋᒌᔑᑯᐦᒡ ᐅᐦᒋ ᐋᐦ ᐄᑎᑯᐎᔮᓐ, “ᐊᑳᐐ ᒥᓯᓂᐦᐋᐦ ᑖᓐ ᑳᐦ ᐃᔨᒡ ᐊᓂᒌ ᓂᒥᔅᒋᐅᒡ᙮ ᐊᑳᐐ ᐊᐙᓐ ᒋᑭ ᐅᐦᒋ ᒋᔅᒑᔨᐦᑎᒻ᙮”

ᒋᔅᒑᔨᐦᑖᑯᐦᑖᒑᐧᐃᓐ 16:12

ᐋᒄ ᐊᓐ ᑯᑣᔥᒡ ᑳᐦ ᑖᑦ ᐋᓐᒋᓐ ᑳ ᑯᑎᐱᓂᐦᒃ ᐎᔮᑭᓐ᙮ ᐊᓂᑖᐦ ᐊᓂᔮᔨᐤ ᒥᔥᑎᐦ ᓰᐲᔨᐤ ᔫᕝᕃᑏᔅ ᑳ ᐃᔑᓂᐦᑳᑖᔨᒡ ᐋᑯᑖᐦ ᑳ ᐄᔑ ᑯᑎᐱᓂᐦᒃ ᐊᓂᔮᔨᐤ ᐎᔮᑭᓐ᙮ ᐋᒄ ᐊᓐ ᓰᐲ ᑳ ᐹᐦᑯᐱᔨᐦᒡ ᒥᒄ ᒑ ᒌ ᐄᔑ ᐋᔔᔅᑭᐦᒡ ᐊᓂᑎᐦ ᐊᓂᒌ ᒋᐦᒋᐅᒋᒫᐅᒡ ᐙᐱᓅᑖᐦᒡ ᒑ ᐅᐦᑐᐦᑖᒡ, ᐊᓂᒌ ᒑ ᐹᒋ ᓂᑑᐱᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 5:2

ᐋᒄ ᑳ ᐙᐱᒥᒄ ᐋ ᓲᐦᒑᔨᐦᑖᑯᓯᑦ ᐋᓐᒋᓐ, ᑳᐦ ᐃᔨᑦ ᒫᒃ ᓈᔥᒡ ᐋ ᒋᔣᐙᑦ, “ᐊᐙᓐ ᐋᐦ ᑖᑦ ᐋ ᑖᐱᒑᔨᐦᑖᑯᓯᑦ ᒑ ᒌ ᒥᓂᐦᒃ ᐊᓂᔮᔨᐤ ᐋᐃᔨᒡ ᐱᓯᑯᐦᐄᑭᓐ ᑭᔮᐦ ᒫᒃ ᒑ ᒌ ᐋᐳᐦᐙᒋᓂᐦᒃ ᐊᓂᔮᔨᐤ ᒥᓯᓂᐦᐄᑭᓂᔨᐤ᙮”

ᒋᔅᒑᔨᐦᑖᑯᐦᑖᒑᐧᐃᓐ 8:3

ᒌ ᑎᑯᔑᓐ ᒦᓐ ᑯᑎᒃ ᐋᓐᒋᓐ ᐊᓂᑎᐦ ᑳ ᓃᐴᐎᑦ ᐊᓂᑎᐦ ᐱᒋᔅᑎᓂᒑᐤ ᒦᒋᓲᓈᐦᑎᑯᔨᐤ ᐊᐦᑎᑯᓃᔨᒡ, ᐋ ᑎᐦᑯᓂᐦᒃ ᐋ ᐅᔖᐅᔓᐎᔮᓈᐱᔅᑰᐎᔨᒡ ᐎᔮᑭᓂᔨᐤ ᑳ ᒥᔪᒫᑯᓃᔨᒡ ᒑᒀᔨᐤ ᑳ ᒌ ᐃᔥᒀᓯᑭᓂᐐᒡ ᐋ ᐊᐦᑎᑯᓃᔨᒡ ᐊᓂᑎᐦ᙮ ᒥᔥᑏᐦ ᒫᒃ ᒌ ᒥᔮᑭᓂᐤ ᐊᓂᔮᔨᐤ ᑳ ᐐᒋᒫᑯᓰᔨᒡ ᒑᒀᔨᐤ ᒑ ᒌ ᒌᑭᐎᓂᐦᒃ ᐅᑎᔨᒥᐦᐋᐎᓂᔨᐤ ᒥᓯᐙ ᒋᔖᒥᓂᑑ ᐅᑏᔨᔨᒥᔨᐤ ᑭᔮᐦ ᒑ ᒌ ᐱᒋᔅᑎᓂᒧᐙᑦ ᒋᔖᒥᓂᑑ ᐊᓂᑎᐦ ᑳ ᐅᔖᐅᔓᐎᔮᓈᐱᔅᑰᐎᔨᒡ ᐱᒋᔅᑎᓂᒑᐤ ᒦᒋᓲᓈᐦᑎᑯᔨᐤ ᐊᓂᑎᐦ ᐅᐦᑎᔅᑰ ᒋᐦᒋᐅᒋᒫᐤ ᑎᐦᑎᐱᐎᓂᐦᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 9:14

ᒌ ᐄᑖᑭᓂᐤ ᐊᓐ ᑯᑣᔥᒡ ᑳᐦ ᑖᑦ ᐋᓐᒋᓐ, “ᐋᐱᐦᑯᓂᒡ ᐊᓂᒌ ᓈᐤ ᐋᓐᒋᓂᒡ ᑳ ᒫᐦᑯᐱᓱᒡ ᐊᓂᑖᐦ ᔫᕝᕃᑏᔅ ᑳ ᐃᔑᓂᐦᑳᑖᔨᒡ ᒥᔥᑎᐦ ᓰᐲᔨᐤ᙮”

ᒋᔅᒑᔨᐦᑖᑯᐦᑖᒑᐧᐃᓐ 9:4

ᒌ ᐄᑖᑭᓂᐎᒡ ᐋᑳ ᒑ ᐃᔮᔪᐦᑖᒡ ᒥᔥᑯᔑᐤᐦ ᐊᓂᑖᐦ ᐊᔅᒌᐦᒡ ᑭᔮᐦ ᒥᔥᑎᒄ ᐋᑳ ᒑ ᐃᔮᔪᐦᐋᒡ ᑭᔮᐦ ᑖᓐ ᐋ ᐄᔑ ᓂᐦᑖᐅᒋᓃᔨᒡ ᓂᐦᑖᐅᒋᐦᒋᑭᓐ᙮ ᒥᒄ ᐊᓂᔮᔨᐤᐦ ᐊᐙᔨᐤᐦ ᐋᑳ ᑳ ᐃᔮᔨᒡ ᒋᔖᒥᓂᑑ ᐅᒋᔥᒋᓄᐙᒋᐦᒋᑭᓂᔨᐤ ᐊᓂᑖᐦ ᐅᔅᑭᐦᑎᑯᔨᔨᒡ ᐋᔪᐎᒄ ᐋᓐ ᐊᓂᔮᔨᐤ ᑳ ᒥᔮᑭᓂᐎᒡ ᐎᔮᔥ ᒑ ᒌᐦ ᑐᑎᐙᒡ᙮