ᒋᔅᒑᔨᐦᑖᑯᐦᑖᒑᐧᐃᓐ 6:16 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁶ ᐋᒄ ᑳ ᑖᑆᒡ ᐊᓂᑖᐦ ᐄᔑ ᐋᐱᔅᑯᑎᓈᔨᒡ ᑭᔮᐦ ᐊᓂᑖᐦ ᐋᐦ ᑖᔨᒡ ᑳ ᒫᒥᐦᒑᐱᔅᒋᔨᒡ ᐊᓯᓃ, ᐋᐦ ᐃᔨᒡ, “ᐹᒋ ᐱᒋᔅᑎᐦᐅᓈᓐ ᒫᐦ᙮ ᐹᒋ ᑳᐃᓈᓐ ᐋᑳ ᒑ ᒌ ᐙᐱᒥᔨᒥᐦᑦ ᐊᓐ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ ᑳ ᐊᐱᑦ ᑭᔮᐦ ᐋᑳ ᒑ ᒌ ᐅᑎᑎᐦᐆᑰᒋᐦᒡ ᐅᑎᐋᐦᑰᔨᐙᓲᓐ ᐊᓐ ᒫᓂᔥᒑᓂᔥ᙮

ᒋᔅᒑᔨᐦᑖᑯᐦᑖᒑᐧᐃᓐ 6:16 Iomraidhean Croise

ᒫᔪᐦᐧᑖᑦ ᒫᕠᔫ 26:64

ᒌᓴᔅ ᒌᐦ ᐄᑖᐤ, “ᐋᐅᒄ ᐃᔮᔨᓐ᙮ ᒥᒄ ᒫᒃ ᒋᐐᐦᑎᒫᑎᓈᐙᐤ ᒋᑭ ᐙᐱᒫᐙᐤ ᐄᔨᔨᐅᑯᓯᓵᓐ ᐅᓂᐦᐄᐎᓃᔨᐦᒡ ᐄᑖᐦᒑ ᐋ ᐊᐱᑦ ᒋᔖᒥᓂᑑ ᑳ ᓲᐦᑳᑎᓰᔨᒡ ᑭᔮᐦ ᑭᔥᑭᐎᓂᔅᑰᐦᒡ ᒋᐦᒋᒋᔑᑯᐦᒡ ᐋ ᐹᒋᔮᓰᑦ᙮ ᑭᔮᐦ ᒋᑭ ᐙᐱᒫᐙᐤ ᐹᒋ ᑎᑯᔑᒑ ᒋᐦᒋᒌᔑᒄ ᑭᔥᑭᐎᓂᔅᑰᐦᒡ ᐋ ᐅᐦᒋ ᓅᑯᓯᑦ᙮”

ᒫᔪᐦᐧᑖᑦ ᒫᕐᒃ 3:5

ᒌᓴᔅ ᒌ ᒋᔓᑭᓂᐧᐋᐱᒫᐤ, ᐋᔨᐤᐦ ᒫᒃ ᒌ ᒥᓯᒥᑖᐦᐋᔅᑳᑰ ᐊᓂᔮᔨᐤ ᐋ ᐃᔥᐱᔥ ᒥᔅᑰᑖᐦᐋᔨᒡ᙮ ᐋᒄ ᑳᐦ ᐄᑖᑦ ᐊᓂᔮᔨᐤᐦ ᓈᐹᐤᐦ ᑳ ᒫᔅᑭᓃᔨᒡ ᐅᑎᐦᒌᔨᐤ, “ᓰᑐᐱᔨᐦᑖᐦ ᒋᑎᐦᒌᐦ᙮” ᒌ ᓰᑐᐱᔨᐦᑖᐤ ᒫᒃ ᐊᓐ ᓈᐹᐤᐦ, ᐋᒄ ᒫᒃ ᑳ ᒦᓂᐧᐋᒋᐦᑖᑭᓂᐧᐃᔨᒡ ᐊᓂᔮᔨᐤ ᐅᑎᐦᒌ, ᒧᔮᒻ ᐊᓂᔮᔨᐤ ᑯᑎᒋᔨᐤ ᐅᑎᐦᒌ ᑳ ᐄᔑ ᒥᐧᔮᔨᒡ ᐋᔪᐧᐃᒄ ᑳ ᐃᓯᓈᑯᓃᔨᒡ ᐊᓂᔮᔨᐤ ᐅᑎᐦᒌ ᑳ ᒫᔅᑭᓃᔨᒡ᙮

ᒫᔪᐦᐧᑖᑦ ᓘᒃ 23:30

ᒑ ᐃᔥᐱᔥ ᐋᔨᒥᐦᒡ ᒫᒃ ᐆ ᒑ ᓂᓈᐦᑳᑖᔨᒧᓈᓂᐎᒡ ᒋᑭ ᓂᑎᐙᔨᐦᑎᒧᒡ ᐄᔨᔨᐅᒡ ᐊᐙᔅᑖ ᒑ ᒌ ᐱᒋᔅᑎᐦᐅᑯᒡ ᐎᒌ ᑭᔮᐦ ᒫᒃ ᒑ ᒌ ᐊᑯᓂᐦᐅᑯᒡ ᐎᒌᔥ ᐃᔥᐱᔥ ᐐ ᒑ ᒌ ᐙᐐᓯᒑᔨᐦᑎᐦᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 10:6

ᐋᒄ ᑳ ᒋᐦᒋ ᓂᔅᑯᒫᑦ ᐅᐦᑎᔅᑰ ᒋᔖᒥᓂᑑᐦ ᐋᐦ ᑖᔨᒡ, ᐊᓂᔮᔨᐤᐦ ᑳᒋᒡ ᑳ ᐱᒫᑎᓰᔨᒡ, ᑳ ᐅᔑᐦᑖᔨᒡ ᒌᔑᑯᔨᐤ, ᐊᔅᒌᔨᐤ ᑭᔮᐦ ᒋᐦᒋᑭᒥᔨᐤ ᑭᔮᐦ ᒥᓯᐙ ᐋ ᐄᔑ ᑎᑯᓃᔨᒡ ᐊᓂᑖᐦ᙮ ᐋᒄ ᑳᐦᐄᑦ, “ᐋᓐ ᑳ ᐄᔑ ᐐᐦᑖᑭᓂᐎᒡ ᓃᑳᓐ ᒑ ᐄᔅᐱᔨᒡ, ᔖᔥ ᒋᑭ ᐄᔅᐱᔨᐤ, ᓂᒥ ᒋᑭ ᐊᓯᓂᐙᓰᓈᓂᐤ᙮”

ᒋᔅᒑᔨᐦᑖᑯᐦᑖᒑᐧᐃᓐ 19:15

ᐋ ᑳᔖᔨᒡ ᓂᑐᐱᔫᐦᑯᒫᓂᔨᐤ ᐅᐦᒋᐱᔨᐤ ᐅᑑᓂᐦᒡ ᐊᓐ ᑳ ᑖᐦᑎᐱᑦ ᐋᐦᐋᔅ᙮ ᐋᔪᐎᒄ ᐅᔮᔨᐤ ᒑ ᐋᐱᒋᐦᑖᑦ ᒑ ᒌ ᔑᑯᒋᐦᐋᑦ ᐋ ᑎᐦᑐᔅᑳᓈᓰᔨᒡ ᐄᔨᔨᐤᐦ᙮ ᐊᓂᑎᐦ ᑳ ᐄᔑ ᒥᓯᓈᑖᒡ, ᐋᐅᒄ ᒫᒃ ᐆ ᒥᑐᓐ ᒑ ᓲᐦᒋᐅᒋᒫᐦᑭᑎᐙᑦ ᐊᐙᔨᐤᐦ, ᓂᒧᐃ ᒫᒃ ᑭᑎ ᐅᐦᒋ ᒥᓈᑎᓯᐤ ᐅᒋᒫᐅᒑ᙮ ᒋᑭ ᐙᐱᐦᑏᔨᐙᐤ ᒋᔖᒥᓂᑑ ᒫᐅᒡ ᓲᐦᑳᑎᓰᔨᒡ ᐋ ᐃᔥᐱᔥ ᐋᐦᒀᑖᔨᐦᑖᑯᓃᔨᒡ ᐅᑖᐦᑭᐎᐙᔓᐎᓂᔨᐤ᙮ ᒧᔮᒻ ᐊᓂᑖᐦ ᒦᓂᔥ ᑳ ᒫᒥᐦᒋᒥᓂᑳᐦᒡ ᑳ ᒌ ᒫᒫᑯᐦᐄᑭᓂᐎᒡ ᔔᒥᓈᐳᐃ ᐋ ᐅᔑᐦᑖᑭᓂᐎᒡ ᐋᒄ ᒑ ᐄᑖᔨᐦᑖᑯᓃᔨᒡ ᐄᔥᐱᐦ ᒫᑰᐦᐋᒑ ᐊᐙᔨᐤᐦ᙮

ᒋᔅᒑᔨᐦᑖᑯᐦᑖᒑᐧᐃᓐ 20:11

ᐋᒄ ᑳ ᐙᐱᐦᑎᒫᓐ ᐋ ᒥᔖᒡ ᑭᔮᐦ ᐋ ᐙᐹᒡ ᒋᐦᒋᐅᒋᒫᐤ ᑖᐦᑎᐱᐎᓐ᙮ ᓂᒌᐙᐱᒫᐤ ᒫᒃ ᐊᓐ ᐊᐙᓐ ᑳ ᐊᐱᑦ ᐊᓂᑎᐦ᙮ ᒥᓯᐙ ᒌᔑᑯᔨᐤ ᑭᔮᐦ ᐊᔅᒌᔨᐤ ᒌ ᐋᑎ ᐹᓯᑯᓈᑯᓂᔨᐤ ᐅᐦᑎᔅᑰ ᐋᐦ ᑖᑦ᙮ ᓂᒧᐃ ᒫᒃ ᒦᓐ ᐅᐦᒋ ᐙᐱᐦᑖᑭᓅᐦ᙮

ᒋᔅᒑᔨᐦᑖᑯᐦᑖᒑᐧᐃᓐ 4:2

ᑏᐙᐦᒡ ᒫᒃ ᑳ ᐱᔮᐦᒋᓰᑦ ᐊᐦᒑᐦᒄ ᓂᒌ ᑎᐹᔨᒥᒄ ᐋᒄ ᑳ ᐙᐱᐦᑎᒫᓐ ᐊᓂᑖᐦ ᒋᐦᒋᒌᔑᑯᐦᒡ ᒋᐦᒋᐅᒋᒫᐤ ᑖᐦᑎᐱᐎᓐ᙮ ᒌ ᐊᐱᐤ ᒫᒃ ᐊᐙᓐ ᐊᓂᑎᐦ᙮

ᒋᔅᒑᔨᐦᑖᑯᐦᑖᒑᐧᐃᓐ 4:5

ᐊᓐ ᐊᓂᑖᐦ ᐅᒋᐦᒋᐅᒋᒫᐤ ᑖᐦᑎᐱᐎᓂᐦᒡ ᑳ ᐊᐱᑦ ᒌ ᐅᐦᒋ ᐙᐙᔅᑖᐱᔨᐤ᙮ ᒌ ᐹᐦᑖᑯᓐᐦ ᐹᐦᑖᑯᓯᐎᓐ ᑭᔮᐦ ᓂᒥᔅᒋᐅᒡ ᐋ ᐹᐦᑖᑯᓯᒡ ᒌ ᐄᑎᐦᑖᑯᓐ ᐊᓂᑖᐦ ᐋ ᐊᐱᑦ ᐅᐦᒋ᙮ ᐅᐦᑎᔅᑰ ᒫᒃ ᐊᓂᑎᐦ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ ᒌ ᑎᑯᓐ ᓃᔣᔥᒡ ᐃᔥᑯᑖᐤ ᐙᔥᑖᓂᒫᑭᓐ ᐋ ᐃᔥᑯᑖᐅᒡ᙮ ᐋᐅᑯᓂᒡ ᐅᒌ ᓃᔣᔥᒡ ᐊᐦᒑᐦᑯᒡ ᑳᐦ ᐋᐱᑎᔒᔥᑑᐙᒡ ᒋᔖᒥᓂᑑ᙮

ᒋᔅᒑᔨᐦᑖᑯᐦᑖᒑᐧᐃᓐ 4:9

ᐄᔥᐱᐦ ᒫᒃ ᐋ ᒋᔅᑖᔨᐦᑖᑯᐦᐋᒡ ᐊᓂᒌ ᓈᐤ ᑳ ᐱᒫᑎᓰᔨᒡ ᐄᔨᔨᐅᒡ, ᐋ ᒋᔅᑖᒋᒫᒡ ᑭᔮᐦ ᐋ ᓂᓈᔅᑯᒫᒡ ᐊᓂᔮᔨᐤ ᐊᓂᑎᐦ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ ᑳ ᐊᐱᔨᒡ, ᐊᓂᔮᔨᐤ ᑳᒋᒡ ᑳ ᐱᒫᑎᓰᔨᒡ,

ᒋᔅᒑᔨᐦᑖᑯᐦᑖᒑᐧᐃᓐ 5:1

ᐋᒄ ᑳ ᐙᐱᐦᑎᒫᓐ ᒥᓯᓂᐦᐄᑭᓐ ᐋ ᒌ ᑎᐦᑎᐱᔮᐦᒋᓂᑭᓂᐎᒡ᙮ ᐊᓐ ᐊᐙᓐ ᑳ ᐊᐱᑦ ᐊᓂᑎᐦ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ ᒌ ᑎᐦᑯᓂᒻ ᐅᓂᐦᐄᐎᓃᔨᐦᒡ ᐊᓂᔮᔨᐤ ᒥᓯᓂᐦᐄᑭᓂᔨᐤ᙮ ᐄᑑ ᐊᓂᑖᐦ ᒌ ᒥᓯᓂᐦᐄᒑᓅᑯᐱᓐ ᐊᓐ ᒥᓯᓂᐦᐄᑭᓐ ᑭᔮᐦ ᒌ ᐋᐃᔨᒡ ᐱᓯᑯᐦᐄᑭᓅᑯᐱᓐ ᓃᔣᔥᒡ ᐋᐃᔨᒡ ᐱᓯᑯᐦᐄᑭᓐ ᐋ ᒌ ᐋᐱᑎᐦᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 6:10

ᒌ ᒋᔣᐙᐅᒡ ᒫᒃ ᐋ ᑖᑆᒡ, “ᓂᑎᐹᔨᐦᒋᒑᓰᒥᓈᓐ ᒫᐅᒡ ᑳ ᓲᐦᑳᑎᓰᔨᓐ, ᑳ ᐱᔮᐦᒋᓯᔨᓐ, ᑳ ᑖᐱᒑᔨᐦᑖᑯᓯᔨᓐ ᒑ ᒌ ᑖᑆᐅᒑᔨᒥᑭᐎᔨᓐ᙮ ᑖᔨᔥᐱᔥ ᒑ ᑎᐹᔅᑯᓂᑣᐤ ᑭᔮᐦ ᒑ ᒥᒫᑯᐦᐄᑣᐤ ᐊᓂᒌ ᐊᓂᑖᐦ ᐊᔅᒌᐦᒡ ᑳᐦ ᑖᒡ ᑳ ᓂᐱᐦᐄᒥᐦᒡ?”

ᒋᔅᒑᔨᐦᑖᑯᐦᑖᒑᐧᐃᓐ 9:6

ᒫᒀᒡ ᒫᒃ ᐊᓂᔮᔨᐤ ᒋᑭ ᓈᓂᑐ ᒥᔅᑭᒧᒡ ᐊᓂᒌ ᐄᔨᔨᐅᒡ ᑖᓂᑖᐦ ᒑ ᒌ ᐅᐦᒋ ᐴᓂᐱᒫᑎᓰᔨᒡ ᒥᒄ ᒫᒃ ᓂᒧᐃ ᒋᑭ ᐅᐦᒋ ᒥᔅᑭᒧᒡ᙮ ᒋᑭ ᓂᑎᐙᔨᐦᑎᒧᒡ ᒑ ᒌ ᐴᓂᐱᒫᑎᓰᔨᒡ ᓂᒧᐃ ᒥᒄ ᒋᑭ ᐅᐦᒋ ᓂᐱᐎᒡ᙮