ᒋᔅᒑᔨᐦᑖᑯᐦᑖᒑᐧᐃᓐ 4:10 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁰ ᐊᓂᒌ ᓃᔥᑎᓂᐤ ᓈᐅᔖᑉ ᑳ ᒋᔅᑖᔨᐦᑖᑯᓯᒡ ᒋᔖᐄᔨᔨᐅᒡ ᒌ ᐱᐦᒋᔓᒥᐱᔨᐦᐅᐎᒡ ᐊᓂᑖᐦ ᐄᔑ ᐅᐦᑎᔅᑰ ᐋᐦ ᑖᔨᒡ ᐊᓂᔮᔨᐤ ᑳ ᐊᐱᔨᒡ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ, ᐋ ᒫᒥᐦᒋᒫᒡ ᐊᓂᔮᔨᐤ ᑳᒋᒡ ᑳ ᐱᒫᑎᓰᔨᒡ᙮ ᒌ ᒥᓂᒧᒡ ᐊᓂᔮᔨᐤ ᐅᒋᐦᒋᐅᒋᒫᐤ ᐊᔥᑐᑎᓂᐙᐤ ᐋᒄ ᐅᐦᑎᔅᑰ ᐊᓂᑎᐦ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ ᑳ ᐄᔑ ᐱᒋᔅᑎᓂᐦᒡ, ᐋᐦ ᐃᔨᒡ,

ᒋᔅᒑᔨᐦᑖᑯᐦᑖᒑᐧᐃᓐ 4:10 Iomraidhean Croise

ᒫᔪᐦᐧᑖᑦ ᒫᕠᔫ 2:11

ᐋᒄ ᑳ ᐲᐦᒑᒡ ᐊᓂᔮᔨᐤ ᐙᔅᑳᐦᐄᑭᓂᔨᐤ ᐊᓂᑖᐦ ᑳᐦ ᑖᔨᒡ ᒣᕇᐦ, ᑭᔮᐦ ᐊᓂᔮᔨᐤᐦ ᐅᑎᐙᔑᔒᒥᔨᐤᐦ᙮ ᐄᔥᐱᐦ ᒫᒃ ᐎᔮᐱᒫᒡ ᐊᓂᔮᔨᐤᐦ ᐊᐙᔑᔥᐦ ᒌᐦ ᐅᒋᐦᒌᐦᑯᓂᐱᔨᐦᐅᒡ ᐋ ᒫᒥᐦᒋᒫᒡ᙮ ᐋᒄ ᑳ ᑯᐃᑯᓂᐦᒡ ᐊᓂᔮᔨᐤᐦ ᒑᒀᔨᐤ ᑳ ᐐᐦ ᒥᔮᒡ ᐊᓂᔮᔨᐤᐦ ᐊᐙᔑᔥᐦ, ᔔᐎᔮᓈᐱᔅᒄ ᒌ ᒥᔮᐅᒡ, ᑭᔮᐦ ᐊᓂᔮᔨᐤ ᑳ ᒌᐦ ᐃᔥᒀᓯᑭᓂᐐᒡ ᑳ ᒥᔪᒫᑯᓰᔨᒡ ᑭᔮᐦ ᑳᐦ ᐋᔨᒥᒋᑖᑯᓃᔨᒡ ᑑᒥᓂᑭᓂᔨᐤ ᑳ ᒥᔪᒫᑯᓰᔨᒡ᙮

ᒫᔪᐦᐧᑖᑦ ᓘᒃ 24:52

ᐋᒄ ᐊᓂᒌ ᒋᔅᒋᓂᐦᐊᒧᐙᑭᓂᒡ ᒌ ᒫᒥᐦᒋᒫᐅᒡ ᑎᐹᔨᐦᒋᒑᓯᐤᐦ ᐋᒄ ᑳᐤ ᑳ ᒌᐙᒡ ᒋᕉᓯᓕᒥᐦᒡ ᓈᔥᒡ ᐋ ᒥᔻᔨᐦᑎᐦᒡ᙮

ᓃᔥᑎᒻ ᑯᕆᓐᕠᔨᓐ 15:10

ᒥᒄ ᒫᒃ ᒋᔖᒥᓂᑑ ᓵᐦᒑᐄ ᐋ ᒥᔪᑐᑎᐎᑦ ᐋᑯᑖᐦ ᐙᐦᒋ ᐄᑖᔨᐦᑖᑯᓯᔮᓐ ᑖᓐ ᐋᑖᔨᐦᑖᑯᓯᔮᓐ ᐊᓅᐦᒡ᙮ ᓂᒧᐃ ᒫᒃ ᓂᑎᐐ ᒥᒄ ᓅᐦᒋ ᐄᔑ ᒥᔪᑐᑖᒄ᙮ ᐊᑎᑎᐤ ᓲᐦᒃ ᓂᒌᐦ ᐋᐱᑎᓰᓐ ᐃᔥᐱᔥ ᐐ ᒥᓯᐙ ᐋᑎᔑᒡ ᐊᓂᒌ ᑯᑎᑭᒡ ᐋᐳᔅᑎᓚᒡ᙮ ᓂᒥᔮᐤ ᒫᒃ ᓃᔨ ᑎᐱᔨᐙ ᑳᑎᔮᓐ᙮ ᒋᔖᒥᓂᑑ ᐐᔨ ᓵᐦᒑᐄ ᐋ ᒌ ᒥᔪᑐᑎᐎᑦ᙮

ᒋᔅᒑᔨᐦᑖᑯᐦᑖᒑᐧᐃᓐ 10:6

ᐋᒄ ᑳ ᒋᐦᒋ ᓂᔅᑯᒫᑦ ᐅᐦᑎᔅᑰ ᒋᔖᒥᓂᑑᐦ ᐋᐦ ᑖᔨᒡ, ᐊᓂᔮᔨᐤᐦ ᑳᒋᒡ ᑳ ᐱᒫᑎᓰᔨᒡ, ᑳ ᐅᔑᐦᑖᔨᒡ ᒌᔑᑯᔨᐤ, ᐊᔅᒌᔨᐤ ᑭᔮᐦ ᒋᐦᒋᑭᒥᔨᐤ ᑭᔮᐦ ᒥᓯᐙ ᐋ ᐄᔑ ᑎᑯᓃᔨᒡ ᐊᓂᑖᐦ᙮ ᐋᒄ ᑳᐦᐄᑦ, “ᐋᓐ ᑳ ᐄᔑ ᐐᐦᑖᑭᓂᐎᒡ ᓃᑳᓐ ᒑ ᐄᔅᐱᔨᒡ, ᔖᔥ ᒋᑭ ᐄᔅᐱᔨᐤ, ᓂᒥ ᒋᑭ ᐊᓯᓂᐙᓰᓈᓂᐤ᙮”

ᒋᔅᒑᔨᐦᑖᑯᐦᑖᒑᐧᐃᓐ 11:16

ᐋᒄ ᐊᓂᒌ ᓃᔥᑎᓂᐤ ᓈᐅᔖᑉ ᑳ ᒋᔅᑖᔨᐦᑖᑯᓯᒡ ᒋᔖᐄᔨᔨᐅᒡ ᑳ ᐊᐱᐎᒡ ᐅᒋᐦᒋᐅᒋᒫᐤ ᑖᐦᑎᐱᐎᓂᐙᒡ ᐅᐦᑎᔅᑰ ᒋᔖᒥᓂᑑ ᐋᐦ ᑖᔨᒡ ᒌ ᐱᐦᒋᓯᒦᓯᐎᒡ ᐅᐦᑎᔅᑰ ᑭᔮᐦ ᒌ ᒫᒥᐦᒋᒫᐅᒡ ᒋᔖᒥᓂᑑ

ᒋᔅᒑᔨᐦᑖᑯᐦᑖᒑᐧᐃᓐ 15:4

ᑎᐹᔨᐦᒋᒑᓯᐤ, ᑖᐙ ᐊᐙᓐ ᐋᑳ ᒑ ᓂᓂᐦᒌᔥᑖᔅᒃ ᑭᔮᐦ ᐋᑳ ᒑ ᒋᔥᑖᑐᑎᐦᒃ ᒋᑎᐃᔑᓂᐦᑳᓱᐎᓂᔨᐤ᙮ ᐙᔥ ᒥᒄ ᒌᔨ ᒋᐱᔮᐦᒋᓰᓐ᙮ ᒥᓯᐙ ᐄᔨᔨᐅᒡ ᐋᐦ ᐄᑎᔅᑳᓈᓯᒡ ᒋᑭ ᐹᒋ ᒫᒥᐦᒋᒥᑯᒡ ᐙᔥ ᒋᒌ ᐙᐱᐦᑏᐙᓐ ᐋ ᐃᔥᐱᔥ ᑯᐃᔅᒄ ᑎᔨᓐ᙮” ᐋᔪᐎᒄ ᐅᔮᔨᐤ ᑳ ᐄᑎᐦᐋᒡ ᐋ ᓂᑭᒧᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 15:7

ᐋᒄ ᐹᔨᒄ ᐊᓂᒌ ᐋ ᓈᐅᒡ ᑳ ᐱᒫᑎᓰᔨᒡ ᐄᔨᔨᐅᒡ ᑳ ᒥᔮᑦ ᐹᐦᐹᔨᒄ ᐊᓂᔮᔨᐤ ᓃᔣᔥᒡ ᐋᓐᒋᓐ ᐎᔮᑭᓂᔨᐤ ᐋ ᒨᑖᔮᔨᒡ ᐋ ᐅᔖᐅᔓᐎᔮᓈᐱᔥᑯᐎᔨᒡ ᐋ ᓵᑭᔅᒋᓈᔥᑖᔨᒡ ᐊᓂᑎᐦ ᒋᔖᒥᓂᑑ ᑳᒋᒡ ᑳ ᐱᒫᑎᓰᔨᒡ ᐅᑖᐦᑭᐎᐙᔓᐎᓂᔨᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 19:4

ᐊᓂᒌ ᒫᒃ ᓃᔥᑎᓂᐤ ᓈᐅᔖᑉ ᑳ ᒋᔅᑖᔨᐦᑖᑯᓯᒡ ᒋᔖᐄᔨᔨᐅᒡ ᑭᔮᐦ ᐊᓂᒌ ᑳ ᓈᐅᒡ ᑳ ᐱᒫᑎᓰᔨᒡ ᐄᔨᔨᐅᒡ ᒌ ᐱᒋᓰᒦᓯᐎᒡ ᑭᔮᐦ ᒌ ᐋᑎ ᒫᒥᐦᒋᒫᒡ ᒋᔖᒥᓂᑑ, ᐊᓂᔮᔨᐤ ᑳ ᐊᐱᔨᒡ ᐊᓂᑎᐦ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ᙮ ᒌ ᐃᔨᐅᒡ, “ᐋᒥᓐ᙮ ᐋᓖᓗᔮ᙮”

ᒋᔅᒑᔨᐦᑖᑯᐦᑖᒑᐧᐃᓐ 4:2

ᑏᐙᐦᒡ ᒫᒃ ᑳ ᐱᔮᐦᒋᓰᑦ ᐊᐦᒑᐦᒄ ᓂᒌ ᑎᐹᔨᒥᒄ ᐋᒄ ᑳ ᐙᐱᐦᑎᒫᓐ ᐊᓂᑖᐦ ᒋᐦᒋᒌᔑᑯᐦᒡ ᒋᐦᒋᐅᒋᒫᐤ ᑖᐦᑎᐱᐎᓐ᙮ ᒌ ᐊᐱᐤ ᒫᒃ ᐊᐙᓐ ᐊᓂᑎᐦ᙮

ᒋᔅᒑᔨᐦᑖᑯᐦᑖᒑᐧᐃᓐ 4:4

ᐙᔅᑳ ᒫᒃ ᐊᓐ ᒋᐦᒋᐅᒋᒫᐤ ᑖᐦᑎᐱᐎᓐ ᐋᑯᑖᐦ ᑳᐦ ᑎᑯᐦᒡ ᓃᔥᑎᓂᐤ ᓈᐅᔖᑉ ᑯᑎᒃᐦ ᒋᐦᒋᐅᒋᒫᐤ ᑖᐦᑎᐱᐎᓐᐦ᙮ ᓃᔥᑎᓂᐤ ᓈᐅᔖᑉ ᐋ ᒋᔅᑖᔨᐦᑖᑯᓯᒡ ᒋᔖᐄᔨᔨᐅᒡ ᒌ ᐊᐱᐎᒡ ᐊᓂᑎᐦ᙮ ᒌ ᐙᐹᔨᐤ ᐅᒑᒀᓂᒧᐙᐤ ᑭᔮᐦ ᒌ ᒋᒋᔥᑭᒧᒡ ᐋ ᐅᔖᐅᔔᐎᔮᓈᐱᔅᑰᐐᔨᒡ ᒋᐦᒋᐅᒋᒫᐤ ᐊᔥᑐᑎᓐ᙮

ᒋᔅᒑᔨᐦᑖᑯᐦᑖᒑᐧᐃᓐ 4:9

ᐄᔥᐱᐦ ᒫᒃ ᐋ ᒋᔅᑖᔨᐦᑖᑯᐦᐋᒡ ᐊᓂᒌ ᓈᐤ ᑳ ᐱᒫᑎᓰᔨᒡ ᐄᔨᔨᐅᒡ, ᐋ ᒋᔅᑖᒋᒫᒡ ᑭᔮᐦ ᐋ ᓂᓈᔅᑯᒫᒡ ᐊᓂᔮᔨᐤ ᐊᓂᑎᐦ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ ᑳ ᐊᐱᔨᒡ, ᐊᓂᔮᔨᐤ ᑳᒋᒡ ᑳ ᐱᒫᑎᓰᔨᒡ,

ᒋᔅᒑᔨᐦᑖᑯᐦᑖᒑᐧᐃᓐ 5:14

ᐋᒄ ᐊᓂᒌ ᓈᐤ ᑳ ᐱᒫᑎᓰᔨᒡ ᐄᔨᔨᐅᒡ “ᐋᒥᓐ” ᑳᐦ ᐃᔨᒡ ᐋᒄ ᐊᓂᒌ ᑳ ᒋᔖᐄᔨᔨᐅᒡ ᒌ ᐱᐦᒋᔑᒦᓯᐎᒡ ᑭᔮᐦ ᒌ ᒫᒥᐦᒋᒫᐅᒡ ᒋᔖᒥᓂᑑ ᑭᔮᐦ ᐊᓂᔮᔨᐤ ᒫᓂᔥᒑᓂᔥ᙮

ᒋᔅᒑᔨᐦᑖᑯᐦᑖᒑᐧᐃᓐ 5:8

ᐄᔥᐱᐦ ᒫᒃ ᑳ ᐅᑎᓂᒸᑦ ᐊᓂᔮᔨᐤ ᒥᓯᓂᐦᐄᑭᓂᔨᐤ ᐊᓂᒌ ᑳ ᐱᒫᑎᓰᔨᒡ ᐄᔨᔨᐅᒡ ᑭᔮᐦ ᐊᓂᒌ ᓃᔥᑎᓂᐤ ᓈᐅᔖᑉ ᑳ ᒋᔅᑖᔨᐦᑖᑯᓯᒡ ᒋᔖᐄᔨᔨᐅᒡ ᒌ ᒫᒥᐦᒋᒫᐆᒡ ᐋ ᐱᐦᒋᔑᒦᓯᐎᒡ ᐊᓂᑎᐦ ᐊᓂᔮᔨᐤ ᒫᓂᔥᒑᓂᔥ ᐋᐦ ᑖᔨᒡ᙮ ᒥᓯᐙ ᐹᐦᐹᔨᒄ ᒌ ᐃᔮᐅᒡ ᒋᔅᑐᐦᒋᑭᓂᔥ ᑳ ᒥᔪᐦᑖᑯᓃᔨᒡ ᑭᔮᐦ ᐋ ᒨᑖᔮᐱᔅᑳᔨᒡ ᐎᔮᑭᓐ ᐋ ᐅᔖᐅᔔᐎᔮᓈᐱᔅᑰᐐᔨᒡ᙮ ᒑᒀᔨᐤ ᐋ ᒥᔪᒫᑯᓰᔨᒡ ᒌ ᓵᑭᔅᒋᓈᔨᐤ ᐊᓂᑎᐦ ᐊᓂᔮᔨᐤ ᐎᔮᑭᓐ᙮ ᐊᓂᔮᔨᐤ ᒫᒃ ᒑᒀᔨᐤ ᑳ ᒥᔪᒫᑯᓰᔨᒡ ᐋᔨᐅᑯᓐ ᐅᔮᔨᐤ ᐅᑎᔨᒥᐦᐋᐎᓂᐙᐤ ᐊᓂᒌ ᑳ ᑖᑆᔮᔨᐦᑎᐦᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 7:11

ᒥᓯᐙ ᒫᒃ ᐋᓐᒋᓂᒡ ᒌ ᐙᔅᑳᑳᐳᔥᑎᐙᐅᒡ ᐊᓂᔮᔨᐤ ᒋᔖᐃᔨᔨᐅᐤᐦ ᑭᔮᐦ ᐊᓂᔮᔨᐤ ᑳ ᓈᐅᒡ ᑳ ᐱᒫᑎᓰᔨᒡ ᐋ ᒌ ᐙᔅᑳᑳᐳᔥᑎᒥᔨᒡ ᐊᓂᔮᔨᐤ ᒋᐦᒋᐅᒋᒫᐤ ᑖᐦᑎᐱᐎᓂᔨᐤ᙮ ᒌ ᐱᐦᒋᓯᒦᓯᐎᒡ ᐅᐦᑎᔅᑰ ᐊᓂᔮᔨᐤ ᒋᐦᒋᐅᒋᒫᐤ ᑖᐦᑎᐱᐎᓂᔨᐤ ᐋᐦᑎᑯᓃᔨᒡ ᐋ ᒫᒥᐦᒋᒫᒡ ᒋᔖᒥᓂᑑᐦ