ᒋᔅᒑᔨᐦᑖᑯᐦᑖᒑᐧᐃᓐ 18:2 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

² ᐋᒄ ᑳᐦ ᐃᔨᑦ ᐆ ᐋᓐᒋᓐ ᐋ ᒋᔣᐙᑦ, “ᓂᔑᐎᓈᒋᐦᑖᑭᓂᐤ, ᓂᔑᐎᓈᒋᐦᑖᑭᓂᐤ᙮ ᐹᐱᓨᓐ ᐊᓐ ᑳ ᒋᔅᑖᔨᐦᑖᑯᐦᒡ ᐃᐦᑖᐎᓐ ᒥᑐᓐ ᓂᔑᐎᓈᒋᐦᑖᑭᓂᐤ᙮ ᐋᑯᑖᐦ ᐅᑖᐦ ᔖᔥ ᐙᒌᐦᒡ ᒥᓯᐙ ᐋ ᐃᓯᓈᑯᓯᒡ ᐋ ᐐᓈᔨᐦᑖᑯᓯᒡ ᒥᒋᐊᐦᒑᐦᑯᒡ ᑭᔮᐦ ᐋᑳ ᑳ ᒧᐙᑭᓅᑦ ᐱᔮᓲ ᑳ ᐐᓈᔨᐦᑖᑯᓯᑦ᙮

ᒋᔅᒑᔨᐦᑖᑯᐦᑖᒑᐧᐃᓐ 18:2 Iomraidhean Croise

ᒋᔅᒑᔨᐦᑖᑯᐦᑖᒑᐧᐃᓐ 1:15

ᐅᓯᑦ ᒧᔮᒻ ᑳ ᐐᐹᐱᔅᒋᑦ ᔓᐎᔮᓈᐱᔅᑯᔥ ᐋᔪᐎᒄ ᑳ ᐃᓯᓈᑯᓃᔨᒡ᙮ ᒧᔮᒻ ᐊᓂᑎᐦ ᐅᐦᒋ ᐃᔥᑯᑖᐦᒡ ᓈᔥᒡ ᐋ ᐙᓯᑯᔥᑖᔨᒡ ᑭᔮᐦ ᐋ ᔔᔓᐙᓰᔨᒡ ᒌ ᐃᓯᓈᑯᓂᔨᐤ᙮ ᐅᐹᐦᑖᑯᓯᐎᓐ ᒧᔮᒻ ᐊᓂᑖᐦ ᓂᐲ ᐋ ᒋᔣᐙᒎᐦᒡ ᐋᔪᐎᒄ ᑳ ᐄᑎᐦᑖᑯᓃᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 10:3

ᐋᒄ ᑳ ᑖᑆᑦ ᐋ ᒌᔂᐙᑦ ᒧᔮᒻ ᒥᔑᐱᔑᒡ ᐋᐦ ᐄᑎᐦᑖᑯᓯᑦ᙮ ᐄᔥᐱᐦ ᒫᒃ ᑳ ᑖᑆᑦ ᐊᓂᒌ ᓃᔣᔥᒡ ᑳ ᐃᑎᔑᒡ ᓂᒥᔅᒋᐅᒡ ᒌ ᐅᐦᒋ ᐹᐦᑖᑯᓯᐎᒡ ᒧᔮᒻ ᐋ ᐊᔨᒥᒡ ᐋᐦ ᐄᑎᐦᑖᑯᓯᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 11:8

ᐊᓂᔮᔨᐤ ᒫᒃ ᐎᔮᐙᐤ ᐋᑯᑖᐦ ᐊᓂᑎᐦ ᒫᔅᑭᓈᐦᒡ ᐊᓂᔮᔨᐤ ᒋᔖᐃᐦᑖᐎᓂᔨᐤ ᐊᓂᑎᐦ ᑳ ᓂᐱᐦᐄᒫᑭᓂᐐᔨᒡ ᑳ ᒌᔅᑖᔅᑯᐦᐅᒫᐦᒡ ᐋᔑᑖᔮᐦᑎᑯᐦᒡ ᐅᑎᐹᔨᐦᒋᒑᓯᒧᐙᐤ ᐋᑯᑖᐦ ᒑ ᑎᑯᓃᔨᒡ᙮ ᐆ ᒫᒃ ᒋᔖᐃᐦᑖᐎᓐ ᓂᔮᓂᑯᑐᓐ ᔂᑐᒻ ᒌ ᐃᔑᓂᐦᑳᑖᑭᓂᐤ ᑭᔮᐦ ᒫᒃ ᐄᒋᑉᑦ ᐋᔥᒌ ᒌ ᐃᔑᓂᐦᑳᑖᑭᓂᐤ, ᐙᔥ ᓈᔥᒡ ᐋ ᒌ ᒥᔖᒡ ᐊᓂᑎᐦ ᒥᒑᑎᓰᐎᓐ᙮

ᒋᔅᒑᔨᐦᑖᑯᐦᑖᒑᐧᐃᓐ 14:15

ᐋᒄ ᒦᓐ ᑯᑎᒃ ᐋᓐᒋᓐ ᑳ ᐙᐱᒥᒄ᙮ ᐆ ᐐᔨ ᐋᓐᒋᓐ ᐊᓂᔮᔨᐤ ᒋᔖᐊᔨᒥᐦᐋᐅᑭᒥᑯᔨᐤ ᒋᐦᒋᒌᔑᑯᐦᒡ ᑳᐦ ᑎᑯᓃᔨᒡ ᐋᑯᑖᐦ ᑳ ᐅᐦᒋ ᐎᔨᐐᑦ᙮ ᐋᒄ ᑳᐦ ᐄᑖᑦ ᐋ ᒋᔣᐙᑦ ᐊᓂᔮᔨᐤ ᑭᔥᑭᐎᓂᔅᑰᐦᒡ ᑳ ᑖᐦᑎᐱᔨᒡ, “ᐅᑎᓐ ᐊᓐ ᒌ ᒋᒥᔅᑯᔖᐙᓯᑭᓐ, ᒑ ᓂᑑᑭᒑᒥᓴᒥᓐ ᓂᐦᑖᐅᒋᐦᒋᑭᓐ ᐊᓂᑖᐦ ᐊᔅᒌᐦᒡ ᐙᔥ ᔖᔥ ᐅᑎᐦᒋᐱᔨᐤ ᒑ ᒌ ᒫᒥᓂᔑᑭᓂᐎᒡ᙮ ᔖᔥ ᒥᑐᓐ ᒌᔥ ᓂᐦᑖᐅᒋᓐ᙮”

ᒋᔅᒑᔨᐦᑖᑯᐦᑖᒑᐧᐃᓐ 14:8

ᐋᒄ ᒦᓐ ᑯᑎᒃ ᐋᓐᒋᓐ, ᐋᐅᒄ ᐋᒄ ᓃᔓ, ᑳ ᐙᐱᒥᒄ ᐋ ᐅᐦᒋ ᐱᒥᐦᔮᑦ ᐋ ᓅᔔᐦᐙᑦ ᐊᓂᔮᔨᐤ ᓃᔥᑎᒻ ᐋᓐᒋᓐ᙮ ᐋᒄ ᑳᐦ ᐃᔨᑦ ᐆ ᐋᓐᒋᓐ, “ᓂᔑᐎᓈᒋᐦᑖᑭᓂᐤ᙮ ᒥᑐᓐ ᓂᔑᐎᓈᒋᐦᑖᑭᓂᐤ ᐊᓐ ᓈᔥᒡ ᑳ ᒋᔅᑖᔨᐦᑖᑯᐦᒡ ᐃᐦᑖᐎᓐ ᐹᐱᓨᓐ ᑳ ᐃᔑᓂᐦᑳᑖᒡ᙮ ᐙᔥ ᐋᑯᑖᐦ ᐊᓐ ᐃᐦᑖᐎᓐ ᓈᔥᒡ ᑳ ᐙᐦᑎᐦᒡ ᒥᓯᐙ ᐋᐦ ᐄᑎᔅᑳᓈᓯᒡ ᐄᔨᔨᐅᒡ ᒑᐦ ᐋᑳ ᒥᑐᓐ ᓈᓂᒋᔅᑎᐦᒡ ᐐᓂᓯᐤ ᐱᒫᑎᓰᐎᓂᔨᐤ ᒧᔮᒻ ᑳᐦ ᑎᔨᒡ ᐊᓂᑎᐦ ᐊᓂᔮᔨᐤ ᑳᐦ ᑖᔨᒡ᙮ ᐊᓂᔮᔨᐤ ᒫᒃ ᑳᐦ ᑐᑎᐙᒡ ᒧᔮᒻ ᐋ ᒥᓂᐦᐋᒡ ᐋ ᓲᐦᒋᓰᒥᑭᓃᔨᒡ ᔔᒥᓈᐴᔨᐤ ᐃᓯᓈᑯᓂᔨᐤ᙮”

ᒋᔅᒑᔨᐦᑖᑯᐦᑖᒑᐧᐃᓐ 16:13

ᓂᒌᐙᐱᒫᐅᒡ ᒫᒃ ᓂᔥᑐ ᒥᒋᐊᐦᒑᐦᑯᒡ, ᒧᔮᒻ ᐊᔨᑭᐦᒡ ᐋ ᐃᓯᓈᑯᓯᒡ᙮ ᐹᔨᒄ ᐊᓐ ᐊᓂᔮᔨᐤ ᑳ ᒥᓯᒋᔅᑏᔨᒡ ᒥᓂᑐᔥ ᐅᑑᓃᔨᒡ ᒌ ᐅᐦᒋ ᐎᔨᐐᐱᔨᐤ, ᐋᒄ ᑯᑎᒃ ᐊᓂᔮᔨᐤ ᒥᒋᐊᐅᐦᑳᓐ ᐅᑑᓃᔨᒡ, ᐋᒄ ᐊᓐ ᓂᔥᑐ ᑳᐦ ᑖᑦ ᐊᓂᔮᔨᐤ ᒥᒋᐅᒋᔅᒋᐙᐦᐄᒑᓯᐤ ᐅᑑᓃᔨᒡ ᐋᑯᑖᐦ ᑳ ᐅᐦᒋ ᐎᔨᐐᐱᔨᑦ᙮

ᒋᔅᒑᔨᐦᑖᑯᐦᑖᒑᐧᐃᓐ 16:19

ᐋᒄ ᐊᓐ ᑳ ᒋᔅᑖᔨᐦᑖᑯᐦᒡ ᐃᐦᑖᐎᓐ ᓂᔅᑐᔨᒡ ᑳ ᐄᔑ ᐱᐦᒀᐱᔨᐦᒡ᙮ ᒥᓯᐙ ᐊᐄᑎᔅᑳᓈᓯᒡ ᐅᑎᐦᑖᐎᓂᐙᐤ ᒌ ᐱᐦᒋᔥᑎᓂᔨᐤ᙮ ᒋᔖᒥᓂᑑ ᒫᒃ ᓂᒧᐃ ᐅᐦᒋ ᐎᓂᒋᔅᒋᓰᑐᑎᒻ ᒑ ᒌ ᒥᒫᑯᐦᐋᑦ ᐊᓂᔮᔨᐤ ᑳᒥᓵᔨᒡ ᐃᐦᑖᐎᓂᔨᐤ ᐹᐱᓨᓐ ᑳ ᐃᔑᓂᐦᑳᑖᔨᒡ ᑳᐦ ᑖᔨᒡ᙮ ᒌᐦ ᑐᑎᐙᐤ ᐊᓂᔮᔨᐤᐦ ᐊᐙᔨᐤᐦ ᐊᓂᑎᐦ ᑳᐦ ᑖᔨᒡ ᒑ ᒌ ᒥᓂᐦᒀᔨᒡ ᐋᒦᔅᑰᐙᑳᒥᔨᐃᒡ ᑳᒌᔅᒀᐹᐦᐆᐙᐄᒡ ᐊᓂᑎᐦ ᐅᒥᓂᐦᒀᑭᓂᐦᒡ ᐅᐦᒋ, ᐊᓂᑎᐦ ᐋᐦᑎᑯᓃᔨᒡ ᐅᑖᐦᑭᐎᐙᓯᐎᓐ᙮

ᒋᔅᒑᔨᐦᑖᑯᐦᑖᒑᐧᐃᓐ 17:18

ᐊᓐ ᒫᒃ ᐃᔅᒀᐤ ᑳ ᐙᐱᒥᑦ, ᐋᐅᒄ ᐙᔥ ᐊᓐ ᑳ ᒋᔅᑖᔨᐦᑖᑯᐦᒡ ᐃᐦᑖᐎᓐ ᐊᓂᑖᐦ ᐙᐦᒋ ᐅᒋᒫᐦᑭᐦᑎᐙᑭᓂᐎᒡ ᒥᓯᐙ ᒋᐦᒋᐅᒋᒫᐅᒡ ᐅᑎᐦ ᐊᔅᒌᐦᒡ᙮”

ᒋᔅᒑᔨᐦᑖᑯᐦᑖᒑᐧᐃᓐ 17:5

ᐊᓂᑎᐦ ᒫᒃ ᐅᔅᑭᐦᑎᑯᐦᒡ ᒌ ᒥᓯᓈᑖᔨᐤ ᐃᔑᓂᐦᑳᓱᐎᓂᔨᐤ ᐋᐦᐋᑳ ᒋᔅᒑᔨᐦᑖᑯᓃᔨᒡ ᑖᓐ ᐋᔅᒌᔂᒥᑭᓃᔨᒡ᙮ ᒫᐤ ᑳᐦ ᐄᑎᔥᑖᔨᒡ, “ᐹᐱᓨᓐ ᐊᓐ ᑳ ᒋᔅᑖᔨᐦᑖᑯᐦᒡ ᐃᐦᑖᐎᓐ, ᐅᑳᐐᑖᐙᐅᒡ ᐱᓯᒀᑎᓰᔅᒀᐅᒡ ᑳ ᑎᐱᐦᐙᑭᓅᐎᒡ ᑭᔮᐦ ᒥᓯᐙ ᐊᓂᒌ ᑳ ᒥᔻᔨᐦᑎᐦᒡ ᐋ ᐎᓂᓲ ᑐᑎᐦᒡ ᐅᑎᐦ ᐊᔅᒌᐦᒡ᙮”

ᒋᔅᒑᔨᐦᑖᑯᐦᑖᒑᐧᐃᓐ 18:10

ᐙᐦᔨᐤ ᐊᓂᑖᐦ ᒋᑭ ᐅᐦᒋᑳᐳᐎᒡ ᐙᔥ ᒋᑭ ᑯᔥᑖᒎᒡ ᑭᔮᐦ ᐐᔨᐙᐤ ᒑ ᒌ ᐃᔅᒡ ᒫᑯᐦᐋᑭᓂᐎᒡ᙮ ᐋᒄ ᒑ ᐃᔨᒡ, “ᑖᑆᐦ ᐎᔥᑖᐱᔨᐤ᙮ ᑖᑆᐦ ᐎᔥᑖᐱᔨᐤ᙮ ᐊᓐ ᐃᐦᑖᐎᓐ ᐹᐱᓨᓐ ᓄᐎᒡ ᒌ ᓲᐦᒑᔨᐦᑖᑯᓐ ᑭᔮᐦ ᓈᔥᒡ ᒌ ᒋᔅᑖᔨᐦᑖᑭᓂᐤ᙮ ᒥᒄ ᒫᒃ ᐹᔨᒀᐤ ᐋ ᒌᓂᒀᓂᐦᑖᑦ ᐲᓯᒧᐦᑳᓐ ᒌ ᐃᔥᐱᔒᐦᑳᑭᓂᐤ ᒥᑐᓐ ᒑ ᒌ ᓂᔑᐎᓈᒋᐦᑖᑭᓂᐎᒡ᙮”

ᒋᔅᒑᔨᐦᑖᑯᐦᑖᒑᐧᐃᓐ 18:21

ᐋᒄ ᐋᓐᒋᓐ ᓈᔥᒡ ᐋ ᓲᐦᒑᔨᐦᑖᑯᓯᑦ ᑳ ᐅᐦᒋ ᐅᑎᓈᑦ ᐋ ᒥᐦᒑᐱᔅᒋᔨᒡ ᐊᓯᓃ ᐋᒄ ᐊᓂᑖᐦ ᒋᐦᒋᑭᒦᐦᒡ ᑳ ᐄᔑ ᐱᑭᔥᑎᐙᐙᐱᓈᑦ᙮ ᐋᒄ ᑳᐦ ᐃᔨᑦ ᒫᒃ ᐊᓂᔮᔨᐤ ᐋ ᐙᐱᓈᑦ, “ᐋᐅᒄ ᒧᔮᒻ ᒑ ᐃᔥᐱᔥ ᐋᑳ ᒥᓈᒋᐦᑖᑭᓂᐎᒡ ᒑ ᐄᔑ ᒥᑐᓐ ᓂᔑᐎᓈᒋᐦᑖᑭᓂᐎᒡ ᐊᓐ ᒋᔖᐃᐦᑖᐎᓐ ᐹᐱᓨᓐ ᑳ ᐃᔑᓂᐦᑳᑖᒡ᙮ ᓂᒧᐃ ᒦᓐ ᓂᐦᑖ ᒋᑭ ᐅᐦᒋ ᒥᔅᑳᑭᓂᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 5:2

ᐋᒄ ᑳ ᐙᐱᒥᒄ ᐋ ᓲᐦᒑᔨᐦᑖᑯᓯᑦ ᐋᓐᒋᓐ, ᑳᐦ ᐃᔨᑦ ᒫᒃ ᓈᔥᒡ ᐋ ᒋᔣᐙᑦ, “ᐊᐙᓐ ᐋᐦ ᑖᑦ ᐋ ᑖᐱᒑᔨᐦᑖᑯᓯᑦ ᒑ ᒌ ᒥᓂᐦᒃ ᐊᓂᔮᔨᐤ ᐋᐃᔨᒡ ᐱᓯᑯᐦᐄᑭᓐ ᑭᔮᐦ ᒫᒃ ᒑ ᒌ ᐋᐳᐦᐙᒋᓂᐦᒃ ᐊᓂᔮᔨᐤ ᒥᓯᓂᐦᐄᑭᓂᔨᐤ᙮”