ᒋᔅᒑᔨᐦᑖᑯᐦᑖᒑᐧᐃᓐ 17:9 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁹ ᐋᑯᑖᐦ ᐅᑎᐦ ᓈᑎᐙᔨᐦᑖᑯᐦᒡ ᑭᒑᐦᑖᐙᔨᐦᑎᒨ ᒥᑐᓈᔨᐦᒋᑭᓐ᙮ ᐊᓂᔮᔨᐤ ᓃᔣᔥᒡ ᑳ ᑎᐦᑎᓃᔨᒡ ᐅᔥᑎᒀᓐ ᐊᓐ ᒥᒋᐊᐅᐦᑳᓐ ᐋᐅᒄ ᐋᓐ ᐊᓂᔮᔨᐤ ᓃᔣᔥᒡ ᐎᒌᐦ ᐊᓂᑎᐦ ᑎᔮᐦᑎᐱᑦ ᐊᓐ ᐃᔅᒀᐤ᙮ ᐋᐅᑯᓂᒡ ᑭᔮᐦ ᓃᔣᔥᒡ ᒋᐦᒋᐅᒋᒫᐅᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 17:9 Iomraidhean Croise

ᒫᔪᐦᐧᑖᑦ ᒫᕠᔫ 13:11

ᐋᒄ ᒌᓴᔅ ᑳᐦ ᐄᑖᑦ, “ᒋᒌ ᒥᔨᑯᓈᐙᐤ ᒌᔨᐙᐤ ᒑ ᒌ ᒋᔅᒑᔨᐦᑎᒫᒄ ᐊᓐ ᒑᒀᓐ ᑯᑎᑭᒡ ᐄᔨᔨᐅᒡ ᐋᐦᐋᑳ ᒥᔮᑭᓂᐎᒡ ᒑ ᒌ ᒋᔅᒑᔨᐦᑎᐦᒡ, ᐋᐅᒄ ᐊᓐ ᒑ ᒌ ᒋᔅᒑᔨᐦᑎᒫᒄ ᒋᐦᒋᒌᔑᒄ ᒋᐦᒋᐅᒋᒫᐎᓐ ᐐᔨᐙᐤ ᒫᒃ ᓂᒧᐃ ᐅᐦᒋ ᐱᒋᔅᑎᓈᑭᓂᐎᒡ ᐊᓂᔮ ᒑ ᒌᐦ ᐄᔑ ᒋᔅᒑᔨᐦᑎᐦᒡ᙮

ᒫᔪᐦᐧᑖᑦ ᒫᕠᔫ 24:15

“ᐄᔥᐱᐦ ᒫᒃ ᐙᐱᒫᒀ ᐊᓐ ᐊᐙᓐ ᒫᐅᒡ ᑳ ᐅᐦᑳᑖᔮᔨᐦᑖᑯᓯᑦ ᐋ ᓃᐴᐎᑦ ᐊᓂᑖᐦ ᒫᐅᒡ ᑳ ᐱᔮᐦᑭᓃᔨᒡ ᐋ ᒫᔮᔨᒫᑦ ᒋᔖᒥᓂᑑ᙮ ᐋᔪᐎᒄ ᐅᔮᔨᐤ ᐊᓂᔮ ᐅᒋᔅᒋᐙᐦᐄᒑᓯᐤ ᑖᓂᔮᓪ ᑳᐦ ᐋᔨᒨᒫᑯᐱᓈ᙮ ᒌᔨᐙᐤ ᑳ ᐊᔨᒥᐦᑖᔮᒄ ᐆ ᓲᐦᒃ ᐐᐦ ᓂᔅᑐᐦᑎᒧᒄ ᑖᓐ ᐋᑣᒥᑭᐦᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 13:1

ᐊᓐ ᒫᒃ ᑳ ᒥᓯᒋᔅᑎᒃ ᒥᓂᑐᔥ ᐊᓂᑖᐦ ᔑᔓᒡ ᒋᐦᒋᑭᒦᐦᒡ ᒌ ᓃᐴᐦ᙮ ᐋᒄ ᑳ ᐙᐱᒥᒄ ᒥᒋᐊᐅᐦᑳᓐ ᐊᓂᑖᐦ ᒋᐦᒋᑭᒦᐦᒡ ᐋ ᐅᐦᒋ ᓅᑯᓯᑦ᙮ ᓃᔣᔥᒡ ᒌ ᑎᐦᑎᓂᔨᐤ ᐅᔥᑎᒀᓐ ᑭᔮᐦ ᒥᑖᐦᑐ ᒌ ᐊᑎᓯᐦᔨᐤ ᐅᑖᔅᑭᓐ᙮ ᒋᐦᒋᐅᒋᒫᐤ ᐊᔥᑐᑎᓐ ᒌ ᐊᑯᑖᔨᐤ ᐹᐦᐹᔨᒄ ᐊᓂᑎᐦ ᐊᓂᔮᔨᐤ ᐅᑖᔅᑭᓐᐦ᙮ ᐹᐦᐹᔨᒄ ᒫᒃ ᐊᓂᔮᔨᐤ ᐅᔥᑎᒀᓐ ᒌ ᒥᓯᓈᑖᔨᐤ ᐊᓂᑎᐦ ᐃᔑᓂᐦᑳᓱᐎᓐ ᐋ ᒫᔮᔨᒥᑯᔨᒡ ᒋᔖᒥᓂᑑ ᐋᐦ ᐄᑎᐦᑖᑯᓃᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 13:18

ᐋᑯᑖᐦ ᒫᒃ ᐅᑎᐦ ᑭᒑᐦᑖᐙᔨᐦᑎᒧᐎᓐ ᓈᑐᐙᔨᐦᑖᑯᐦᒡ᙮ ᐊᓐ ᒫᒃ ᐊᐙᓐ ᑳᒑᑖᐙᔨᐦᑎᒧᒀ ᒋᑭ ᒌ ᒋᔅᒑᔨᐦᑎᒻ ᑖᓐ ᐋ ᐄᔑ ᐐᐦᑎᒫᒑᒥᑭᓃᔨᒡ ᐊᓂᔮᔨᐤ ᐊᒋᐦᑖᓱᐎᓂᔨᐤ, ᐙᔥ ᐊᓐ ᐊᒋᐦᑖᓱᓐ ᓈᐹᐤ ᐊᓂᔮᔨᐤ ᐅᑎᔑᓂᐦᑳᓱᐎᓐ᙮ ᑯᑣᔥᒡ ᑯᑣᔥᒡ ᑯᑣᔥᒡ ᒫᒃ ᐄᑎᓯᓈᑖᔨᐤ ᐅᑎᔑᓂᐦᑳᓱᐎᓐ᙮

ᒋᔅᒑᔨᐦᑖᑯᐦᑖᒑᐧᐃᓐ 17:18

ᐊᓐ ᒫᒃ ᐃᔅᒀᐤ ᑳ ᐙᐱᒥᑦ, ᐋᐅᒄ ᐙᔥ ᐊᓐ ᑳ ᒋᔅᑖᔨᐦᑖᑯᐦᒡ ᐃᐦᑖᐎᓐ ᐊᓂᑖᐦ ᐙᐦᒋ ᐅᒋᒫᐦᑭᐦᑎᐙᑭᓂᐎᒡ ᒥᓯᐙ ᒋᐦᒋᐅᒋᒫᐅᒡ ᐅᑎᐦ ᐊᔅᒌᐦᒡ᙮”

ᒋᔅᒑᔨᐦᑖᑯᐦᑖᒑᐧᐃᓐ 17:3

ᐋᒄ ᐊᓐ ᐋᓐᒋᓐ ᐊᓂᑖᐦ ᐱᑯᑎᔅᑭᒥᑳᐦᒡ ᑳ ᐹᒋ ᐄᑐᐦᑎᐦᐄᑦ ᓂᑎᐦᒑᐦᑯᒡ᙮ ᓂᒌᐙᐱᒫᐤ ᒫᒃ ᐊᓂᑖᐦ ᐃᔅᒀᐤ ᐋ ᑖᐦᑎᐱᑦ ᒥᒋᐊᐅᐦᑳᓐ ᐋ ᒥᐦᑯᓰᔨᒡ᙮ ᐆ ᒫᒃ ᒥᒋᐊᐅᐦᑳᓐ, ᐃᔑᓂᐦᑳᓱᐎᓐᐦ ᐋ ᒫᔮᔨᒥᑯᔨᒡ ᒋᔖᒥᓂᑑ ᒌ ᒥᓯᓈᑖᔨᐤ ᐊᓂᑎᐦ ᐋᐦ ᑖᑦ᙮ ᓃᔣᔥᒡ ᒌ ᑎᐦᑎᓂᔨᐤ ᐅᔥᑎᒀᓐ᙮ ᒌ ᒥᑖᐦᑎᔒᔨᐤ ᐅᑖᔅᑭᓐ᙮

ᒋᔅᒑᔨᐦᑖᑯᐦᑖᒑᐧᐃᓐ 17:7

ᐋᒄ ᑳ ᐹᒋ ᑯᒀᒋᒥᑦ ᐊᓐ ᐋᓐᒋᓐ, ᑳ ᐄᔑᑦ, “ᒑᒀᔨᐤ ᐙᐦᒋ ᓈᔥᒡ ᑯᔅᒀᔨᐦᑎᒥᓐ᙮ ᒋᑭ ᐐᐦᑎᒫᑎᓐ ᒑᒀᓐ ᑖᓐ ᐋ ᐄᔑ ᐋᑳ ᒋᔅᒑᔨᒥᑭᓅᑦ ᐊᓐ ᐃᔅᒀᐤ ᑭᔮᐦ ᐊᓂᔮᔨᐤ ᒥᒋᐊᐅᐦᑳᓐ ᑳ ᑖᐦᑎᐱᑦ ᓃᔣᔥᒡ ᑳ ᑎᐦᑎᓃᔨᒡ ᐅᔥᑎᒀᓂᔨᐤ ᑭᔮᐦ ᒥᑖᐦᑐ ᑳ ᑎᔑᔨᒡ ᐅᑖᔅᑭᓂᔨᐤ᙮