ᒋᔅᒑᔨᐦᑖᑯᐦᑖᒑᐧᐃᓐ 13:3 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

³ ᐹᔨᒄ ᐊᓂᔮᔨᐤ ᐅᔥᑎᒀᓐ ᐊᓐ ᒥᒋᐊᐅᐦᑳᓐ ᒧᔮᒻ ᐋ ᒌ ᓂᐱᐦᑖᑭᓂᐎᔨᒡ ᒌ ᐃᓯᓈᑯᓂᔨᐤ᙮ ᒥᒄ ᒫᒃ ᔖᔥ ᒌ ᒦᔻᔨᐤ᙮ ᒥᓯᐙ ᒫᒃ ᐊᓂᒌ ᐊᔅᒌᐦᒡ ᑳᐦ ᑖᒡ ᒌ ᒫᒥᔥᑳᑖᔨᒫᐅᒡ ᐊᓂᔮᔨᐤ ᒥᒋᐊᐅᐦᑳᓐ ᑭᔮᐦ ᒌ ᓅᔔᔥᑯᐙᐅᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 13:3 Iomraidhean Croise

ᒫᔪᐦᐧᑖᑦ ᓘᒃ 2:1

ᒫᒀᒡ ᒫᒃ ᓰᓯᕐ ᐊᑭᔅᑎᔅ ᑳ ᒋᐦᒋᐅᒋᒫᐅᑦ, ᒌ ᐄᑎᔑᐦᐙᐤ ᒥᓯᐙ ᐄᔨᔨᐤ ᐊᓂᑎᐦ ᕎᒻ ᐊᔅᒌᐦᒡ ᑳᐦ ᑖᔨᒡ ᒑ ᒌ ᑎᐱᒋᒫᑭᓂᐎᔨᒡ ᑭᔮᐦ ᒑ ᒌ ᒥᓯᓂᐦᐅᒫᑭᓂᐎᔨᒡ᙮

ᒫᔪᐦᐧᑖᑦ ᐧᒑᓐ 12:19

ᐊᓂᒌ ᐹᕆᓰᒡ ᐋᒄ ᐋᑎᑐᒡ, “ᓂᒧᐃ ᒋᒌ ᑐᑎᐙᓂᐤ ᐋᑳ ᒑ ᒌ ᓅᔔᔥᑳᑯᑦ ᐊᐙᔨᐤᐦ, ᑭᓂᐙᐱᒫᐦᒄ ᒫᐦ, ᒥᓯᐙ ᐊᐙᔨᐤᐦ ᐐᐦ ᓅᔔᔥᑳᑰ᙮”

ᐋᐧᐹᔅᑎᓕᒡ 8:13

ᐊᓐ ᒫᒃ ᓵᐃᒥᓐ ᑳ ᒥᒥᐦᑖᐙᑎᓰᑦ ᒌ ᑖᑆᐦᑎᒻ᙮ ᐃᔅᑯᑎᒄ ᑳ ᓰᑭᐦᐋᐦᑎᐙᑭᓅᑦ, ᐋᒄ ᒫᒃ ᒨᔥ ᑳ ᒌ ᐱᐹᐐᒑᐙᑦ ᐊᓂᔮᔨᐤ ᕕᓕᑉ, ᒌ ᒥᔅᑳᑖᔨᐦᑎᒻ ᑭᔮᐦ ᑖᓐ ᑳ ᐄᔑ ᒫᒥᔥᑳᒡ ᐙᐱᐦᑎᐦᒃ᙮

ᒋᔅᒑᔨᐦᑖᑯᐦᑖᒑᐧᐃᓐ 13:12

ᐆ ᒫᒃ ᑯᑎᒃ ᒥᒋᐊᐅᐦᑳᓐ ᒥᔥᑏᐦ ᒌ ᒥᔨᑰ ᑎᐹᔨᐦᒋᒑᐎᓂᔨᐤ ᐊᓂᔮᔨᐤ ᓃᔥᑎᒻ ᒥᒋᐊᐅᐦᑳᓐ ᐋ ᐅᒋᒫᐅᑦ ᒑ ᒌ ᐄᑖᐱᒋᐦᐄᑯᑦ ᐊᓂᑎᐦ ᐋᐦ ᑖᔨᒡ᙮ ᐋᒄ ᑳᐦ ᐋᔨᐦᑭᒥᐦᐋᑦ ᒥᓯᐙ ᐊᐙᔨᐤᐦ ᐊᓂᑖᐦ ᐊᔅᒌᐦᒡ ᑳ ᐱᒫᑎᓰᔨᒡ ᒑ ᒌ ᒫᒥᐦᒋᒫᔨᒡ ᐊᓂᔮᔨᐤ ᓃᔥᑎᒻ ᑳᐦ ᑖᔨᒡ ᒥᒋᐊᐅᐦᑳᓐ, ᐊᓂᔮᔨᐤ ᒥᒋᐊᐅᐦᑳᓐ ᒋᐦᒋᐙ ᑳ ᒥᔣᑭᓂᐦᑳᑎᒫᑭᓄᐐᑯᐱᓈᓂᐦᐄ ᐅᔥᑎᒀᓃᔨᒡ ᐋᒄ ᒫᒃ ᑳ ᒦᓂᐙᒋᐦᑖᑭᓂᐎᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 13:14

ᐋᒄ ᒫᒃ ᒌ ᐎᓂᐱᐦᐄᑯᒡ ᐊᓂᒌ ᐄᔨᔨᐅᒡ ᐊᓂᑖᐦ ᐊᔅᒌᐦᒡ ᑳᐦ ᑖᒡ ᐊᓂᔮᔨᐤ ᐋ ᒌ ᒥᔨᒫᑳᓄᐐᒡ ᒫᒥᔥᑳᒡ ᐙᐲᐦᑏᐙᐎᓐᐦ ᒑ ᒌ ᐋ ᐃᔨᐦᑎᔨᒡ ᐊᓂᔮᔨᐤ ᓃᔥᑎᒻ ᒥᒋᐊᐅᐦᑳᓐ, ᐊᓂᔮᔨᐤ ᑳ ᐅᐦᒋ ᓅᑯᓰᔨᒡ ᐊᓂᑖᐦ ᒋᐦᒋᑭᒦᐦᒡ᙮ ᐊᓂᒌ ᐄᔨᔨᐅᒡ ᐊᔅᒌᐦᒡ ᑳᐦ ᑖᒡ ᒌ ᐄᑎᔓᒥᑯᒡ ᐊᓂᔮᔨᐤ ᓃᔓ ᑳᐦ ᑖᔨᒡ ᒥᒋᐊᐅᐦᑳᓐ ᒑ ᒌ ᐅᔑᐦᐋᒡ ᑯᑎᒃ ᒥᓂᑑᐦᑳᓐᐦ ᐋ ᒋᔅᑖᔨᐦᑖᑯᐦᐋᒡ ᐊᓂᔮᔨᐤ ᓃᔥᑎᒻ ᒥᒋᐊᐅᐦᑳᓐ ᒋᐦᒋᐙ ᑳ ᒥᔣᑭᓂᐦᑳᑎᑯᔨᒡ ᓂᑐᐱᔫᐦᑯᒫᓂᔨᐤ ᒥᒄ ᒫᒃ ᐊᔮᐱᒡ ᐋ ᒌ ᐱᒫᑎᓰᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 17:10

ᓂᔮᔪ ᐊᓂᒌ ᒋᐦᒋᐅᒋᒫᐅᒡ ᔖᔥ ᓂᒧᐃ ᑖᐅᒡ᙮ ᐹᔨᒄ ᒫᒀᒡ ᒋᐦᒋᐅᒋᒫᐤ᙮ ᐋᒄ ᐊᓐ ᑯᑎᒃ ᒋᐦᒋᐅᒋᒫᐤ ᐋᔥᒄ ᓂᒧᐃ ᐅᐦᒋᑎᑯᓯᓐ᙮ ᐄᔥᐱᐦ ᓅᑯᓯᒑ ᒥᒄ ᐙᐃᐱᔥᒌᔥ ᒋᑭ ᒋᐦᒋᐅᒋᒫᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 17:11

ᐊᓐ ᒫᒃ ᒥᒋᐊᐅᐦᑳᓐ ᑳᐦ ᑖᐦᑖᑯᐱᓐ, ᒥᒄ ᔖᔥ ᐋᑳ ᑖᑦ, ᐋᐅᒄ ᐊᓐ ᓂᔮᓈᓈᐤ ᐋᐦ ᑖᑦ ᒋᐦᒋᐅᒋᒫᐤ ᑭᔮᐦ ᐋᐅᒄ ᐹᔨᒄ ᐊᓂᒌ ᓃᔣᔥᒡ ᑳ ᐃᑎᔑᒡ ᒋᐦᒋᐅᒋᒫᐅᒡ, ᐐᔨ ᐄᑐᐦᑖᐤ ᐊᓂᑖᐦ ᒑ ᓂᔑᐎᓈᒌᐦᐋᑭᓅᑦ᙮

ᒋᔅᒑᔨᐦᑖᑯᐦᑖᒑᐧᐃᓐ 17:13

ᒥᓯᐙ ᒫᒃ ᐅᒌ ᒥᑖᐦᑐ ᐋ ᐃᑎᔑᒡ ᒋᐦᒋᐅᒋᒫᐅᒡ ᐹᔨᑯᓂᐦᒡ ᒋᑭ ᐄᑖᔨᐦᑎᒧᒡ ᐊᓂᔮᔨᐤ ᑖᓐ ᐙᐦ ᑎᒡ᙮ ᒥᓯᐙ ᒫᒃ ᑖᓐ ᐋ ᐄᔑ ᐃᔮᒡ ᓲᐦᑳᑎᓰᐎᓂᔨᐤ ᑭᔮᐦ ᑎᐹᔨᐦᒋᒑᐎᓂᔨᐤ ᒋᑭ ᒦᔮᐅᒡ ᐊᓂᔮᔨᐤ ᒥᒋᐊᐅᐦᑳᓐ᙮

ᒋᔅᒑᔨᐦᑖᑯᐦᑖᒑᐧᐃᓐ 17:17

ᐙᔥ ᐅᔮᔨᐤ ᒌ ᐄᔅᐲᐦᐄᑰ ᐊᓐ ᐃᔅᒀᐤ, ᒋᔖᒥᓂᑑ ᒌ ᑐᑖᑰᐎᒡ ᐅᑖᐦᐄᐙᐦᒡ ᒑ ᒌ ᐅᐦᒋ ᐄᑖᔨᐦᑎᐦᒡ ᒑ ᒌᐦ ᑐᑎᒡ ᑖᓐ ᐋ ᐄᔑ ᓂᑎᐙᔨᐦᑎᒥᔨᒡ ᒑ ᒌ ᑐᑖᑭᓂᐎᔨᒡ᙮ ᐋᒄ ᒫᒃ ᐹᔨᑯᓂᐦᒡ ᑳ ᐄᑖᔨᐦᑎᒥᐦᐄᑯᒡ ᒑ ᒥᔮᒡ ᐊᓂᔮᔨᐤ ᒥᒋᐊᐅᐦᑳᓐ ᑖᓐ ᐋ ᐄᔑ ᐃᔮᒡ ᒑ ᒌ ᐅᒋᒫᐅᒡ᙮ ᒋᑭ ᐱᒋᔥᑖᔨᒧᔅᑎᐙᐅᒡ ᒫᒃ ᐹᑎᔥ ᒥᓯᐙ ᒌ ᑎᐱᐱᔨᒑ ᑖᓐ ᑳ ᐄᔑ ᓃᑳᓐ ᐐᐦᑎᒥᔨᒡ ᒋᔖᒥᓂᑑ ᒑ ᐄᔅᐱᔨᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 17:6

ᓂᒌᐙᐱᒫᐤ ᒫᒃ ᐊᓐ ᐃᔅᒀᐤ ᐋ ᒌᔥᒀᐹᑦ ᐋ ᒌ ᒥᓂᐦᒀᐙᑦ ᐅᒥᐦᑯᔨᐤ ᒋᔖᒥᓂᑑ ᐅᑏᔨᔨᒥᔨᐤ ᑭᔮᐦ ᐅᒥᐦᑯᔨᐤ ᐊᓂᔮᔨᐤ ᑳ ᓂᐱᐦᐄᒫᑭᓄᔨᑯᐱᓈᓂᐦᐄ ᐅᐦᒋ ᐊᓂᔮᔨᐤ ᐋ ᒌ ᐐᐦᑎᒥᔨᒡ ᐋ ᑖᑆᔮᔨᒫᔨᒡ ᒌᓴᔅᐦ᙮ ᐄᔥᐱᐦ ᒫᒃ ᑳ ᐙᐱᒥᒄ ᐊᓐ ᐃᔅᒀᐤ ᓈᔥᒡ ᓂᒌ ᑯᔅᒀᔨᐦᑖᓐ᙮

ᒋᔅᒑᔨᐦᑖᑯᐦᑖᒑᐧᐃᓐ 17:8

ᐊᓐ ᒥᒋᐊᐅᐦᑳᓐ ᑳ ᐙᐱᒥᑦ ᒌ ᑖᐦᑖᑰᐱᓐ ᒥᒄ ᒫᒃ ᓂᒧᐃ ᔖᔥ ᑖᐤ᙮ ᐊᓂᑖᐦ ᐊᓂᔮᔨᐤ ᑳ ᒥᔥᑎᐦ ᐱᑯᓂᔮᔨᒡ ᒋᑭ ᐅᐦᒋ ᒨᔅᒌᐤ, ᐋᒄ ᒫᒃ ᒑ ᐄᑐᐦᑖᑦ ᐊᓂᑖᐦ ᒑ ᓂᔑᐎᓈᒋᐦᐋᑭᓅᑦ᙮ ᐊᓂᒌ ᒫᒃ ᐄᔨᔨᐅᒡ ᐅᑎᐦ ᐊᔅᒌᐦᒡ ᑳ ᐱᒫᑎᓰᔨᒡ ᒋᑭ ᒥᔅᑳᓯᓂᐙᐅᒡ ᐙᐱᒫᑣᐙ ᐊᓂᔮᔨᐤ ᒥᒋᐊᐅᐦᑳᓐ, ᐙᔥ ᒌ ᑖᐦᑖᑯᐱᓐ ᒥᒄ ᒫᒃ ᓂᒧᐃ ᔖᔥ ᑖᐤ, ᒦᓐ ᒫᒃ ᑳᐤ ᒋᑭ ᑎᑯᔑᓐ᙮ ᐊᐅᑯᓂᒡ ᐅᒌ ᐋᑳ ᑳ ᒥᓯᓈᑖᔨᒡ ᐅᑎᔑᓂᐦᑳᓱᐎᓂᐙᐤ ᐊᓂᑖᐦ ᒥᓯᓂᐦᐄᑭᓂᐦᒡ ᐊᓐ ᔖᔥ ᑳ ᑎᑯᓂᑯᐱᓈ ᐋᐦᐋᑦ ᐋᔥᒄ ᐋᒸᔮ ᐅᐦᒋ ᐅᔑᐦᑖᑭᓂᐎᒡ ᐆ ᐊᔅᒌ᙮ ᐊᓂᑎᐦ ᒫᒃ ᐊᓐ ᒥᓯᓂᐦᐄᑭᓐ ᑳ ᒥᓯᓈᑖᔨᐙᑯᐱᓈ ᐅᑎᔑᓂᐦᑳᓱᐎᓂᐙᐤ ᐊᓂᒌ ᒑ ᐃᔮᒡ ᑳᒋᒡ ᐱᒫᑎᓰᐎᓂᔨᐤ᙮