ᒋᔅᒑᔨᐦᑖᑯᐦᑖᒑᐧᐃᓐ 13:14 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁴ ᐋᒄ ᒫᒃ ᒌ ᐎᓂᐱᐦᐄᑯᒡ ᐊᓂᒌ ᐄᔨᔨᐅᒡ ᐊᓂᑖᐦ ᐊᔅᒌᐦᒡ ᑳᐦ ᑖᒡ ᐊᓂᔮᔨᐤ ᐋ ᒌ ᒥᔨᒫᑳᓄᐐᒡ ᒫᒥᔥᑳᒡ ᐙᐲᐦᑏᐙᐎᓐᐦ ᒑ ᒌ ᐋ ᐃᔨᐦᑎᔨᒡ ᐊᓂᔮᔨᐤ ᓃᔥᑎᒻ ᒥᒋᐊᐅᐦᑳᓐ, ᐊᓂᔮᔨᐤ ᑳ ᐅᐦᒋ ᓅᑯᓰᔨᒡ ᐊᓂᑖᐦ ᒋᐦᒋᑭᒦᐦᒡ᙮ ᐊᓂᒌ ᐄᔨᔨᐅᒡ ᐊᔅᒌᐦᒡ ᑳᐦ ᑖᒡ ᒌ ᐄᑎᔓᒥᑯᒡ ᐊᓂᔮᔨᐤ ᓃᔓ ᑳᐦ ᑖᔨᒡ ᒥᒋᐊᐅᐦᑳᓐ ᒑ ᒌ ᐅᔑᐦᐋᒡ ᑯᑎᒃ ᒥᓂᑑᐦᑳᓐᐦ ᐋ ᒋᔅᑖᔨᐦᑖᑯᐦᐋᒡ ᐊᓂᔮᔨᐤ ᓃᔥᑎᒻ ᒥᒋᐊᐅᐦᑳᓐ ᒋᐦᒋᐙ ᑳ ᒥᔣᑭᓂᐦᑳᑎᑯᔨᒡ ᓂᑐᐱᔫᐦᑯᒫᓂᔨᐤ ᒥᒄ ᒫᒃ ᐊᔮᐱᒡ ᐋ ᒌ ᐱᒫᑎᓰᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 13:14 Iomraidhean Croise

ᓃᔓ ᕞᓵᐧᓛᓃᔨᓐ 2:4

ᒥᓯᐙ ᐊᓂᔮᔨᐤ ᒑᒀᔨᐤ ᑳᐦ ᑐᑖᑯᔨᒡ ᐊᐙᔨᐤᐦ ᒑ ᒌ ᐅᐦᒋ ᐊᔨᒥᐦᐋᔥᑎᐙᔨᒡ ᒋᔖᒥᓂᑑ ᑭᔮᐦ ᒫᒃ ᒋᔖᒥᓂᑑ ᐋᐦ ᑖᔨᒡ ᐋ ᐅᐦᒋᐱᔨᐦᒡ ᐋ ᐄᑖᔨᐦᑖᑯᓃᔨᒡ ᒋᑭ ᒫᓯᐦᑖᐤ᙮ ᐋᔪᐎᒄ ᐅᔮᔨᐤ ᒑ ᐅᐦᒋ ᑎᒃ ᐋ ᓂᑎᐙᔨᐦᑎᐦᒃ ᐐᔨ ᒫᐅᒡ ᒑ ᒌ ᒋᔅᑖᔨᐦᑖᑯᐦᐋᑭᓅᑦ᙮ ᐙᐙᒡ ᒋᑭ ᐲᐦᒑᐤ ᑭᔮᐦ ᑭᑎ ᐊᐱᐤ ᐊᓂᑖᐦ ᒋᔖᒥᓂᑑ ᐅᒋᔖᐊᔨᒥᐦᐋᐅᑭᒥᑯᔨᒡ ᐋᒄ ᒑ ᐃᔨᑦ ᐐᔨ ᐋ ᒋᔖᒥᓂᑑᐎᑦ᙮

ᒋᔅᒑᔨᐦᑖᑯᐦᑖᒑᐧᐃᓐ 12:9

ᐋᒄ ᑳ ᓃᐦᒋᐙᐱᓈᑭᓅᑦ ᐊᓐ ᑳ ᒥᓯᒋᔅᑎᒃ ᒥᓂᑐᔥ ᒋᐦᒋᒌᔑᑯᐦᒡ ᐅᐦᒋ᙮ ᐋᐅᒄ ᒫᒃ ᐊᓐ ᐊᒋᓈᐱᒄ ᐙᔥᑭᒡ ᔖᔥ ᒋᐦᑖᐦᑖᑯᐱᓐ, ᒥᒋᒥᓂᑑ ᑭᔮᐦ ᒫᒃ ᓵᐃᑎᓐ ᑳ ᐃᔑᓂᐦᑳᑖᑭᓅᑦ᙮ ᐋᐅᒄ ᐆ ᑳᒌᔑᐦᐋᑦ ᒥᓯᐙ ᐊᐙᔨᐤᐦ ᐅᑎᐦ ᐊᔅᒌᐦᒡ᙮ ᐊᓂᑖᐦ ᒫᒃ ᐊᔅᒌᐦᒡ ᒌ ᐄᔑ ᐙᐱᓈᑭᓂᐤ ᑭᔮᐦ ᒥᓯᐙ ᐊᓂᔮᔨᐤ ᐅᑖᓐᒋᓂᒻᐦ᙮

ᒋᔅᒑᔨᐦᑖᑯᐦᑖᒑᐧᐃᓐ 13:1

ᐊᓐ ᒫᒃ ᑳ ᒥᓯᒋᔅᑎᒃ ᒥᓂᑐᔥ ᐊᓂᑖᐦ ᔑᔓᒡ ᒋᐦᒋᑭᒦᐦᒡ ᒌ ᓃᐴᐦ᙮ ᐋᒄ ᑳ ᐙᐱᒥᒄ ᒥᒋᐊᐅᐦᑳᓐ ᐊᓂᑖᐦ ᒋᐦᒋᑭᒦᐦᒡ ᐋ ᐅᐦᒋ ᓅᑯᓯᑦ᙮ ᓃᔣᔥᒡ ᒌ ᑎᐦᑎᓂᔨᐤ ᐅᔥᑎᒀᓐ ᑭᔮᐦ ᒥᑖᐦᑐ ᒌ ᐊᑎᓯᐦᔨᐤ ᐅᑖᔅᑭᓐ᙮ ᒋᐦᒋᐅᒋᒫᐤ ᐊᔥᑐᑎᓐ ᒌ ᐊᑯᑖᔨᐤ ᐹᐦᐹᔨᒄ ᐊᓂᑎᐦ ᐊᓂᔮᔨᐤ ᐅᑖᔅᑭᓐᐦ᙮ ᐹᐦᐹᔨᒄ ᒫᒃ ᐊᓂᔮᔨᐤ ᐅᔥᑎᒀᓐ ᒌ ᒥᓯᓈᑖᔨᐤ ᐊᓂᑎᐦ ᐃᔑᓂᐦᑳᓱᐎᓐ ᐋ ᒫᔮᔨᒥᑯᔨᒡ ᒋᔖᒥᓂᑑ ᐋᐦ ᐄᑎᐦᑖᑯᓃᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 13:15

ᒌ ᐱᒋᔅᑎᓈᑭᓂᐤ ᒫᒃ ᐆ ᒥᒋᐊᐅᐦᑳᓐ ᒑ ᒌᐦ ᑐᑎᐙᑦ ᐊᓂᔮᔨᐤ ᒥᓂᑑᐦᑳᓐ ᒑ ᒌ ᔮᐦᔮᔨᒡ᙮ ᐋᒄ ᒫᒃ ᑳ ᐊᔨᒥᔨᒡ ᑭᔮᐦ ᒌᐦ ᑐᑎᐙᔨᐤ ᐊᐙᔨᐤᐦ ᐋᑳ ᑳ ᐐᐦ ᐊᔨᒥᐦᐋᔥᑎᐙᔨᒡ ᐊᓂᔮᔨᐤ ᒥᓂᑑᐦᑳᓐ ᒑ ᒌ ᓂᐱᐦᐄᒫᑭᓂᐐᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 13:8

ᐋᒄ ᒫᒃ ᒥᓯᐙ ᐊᐙᓐ ᐊᔅᒌᐦᒡ ᑳᐦ ᑖᑦ ᒋᑭ ᒫᒥᐦᒋᒫᐤ ᐊᓂᔮᔨᐤ ᒥᒋᐊᐅᐦᑳᓐ᙮ ᒥᒄ ᐊᓂᒌ ᐱᒫᑎᓰᐤ ᒥᓯᓂᐦᐄᑭᓂᐦᒡ ᑳ ᒥᓯᓈᑖᔨᔨᒡ ᐅᑎᔑᓂᐦᑳᓱᐎᓂᐙᐤ ᐋᒸᔮ ᐅᐦᒋ ᐅᔑᐦᑖᑭᓂᐎᒡ ᐋᔅᒋᔨᐤ, ᓂᒥ ᑭᑎ ᒫᒥᐦᒋᒫᐆᒡ᙮ ᐆ ᒫᒃ ᒥᓯᓂᐦᐄᑭᓐ ᐊᓐ ᒫᓂᔥᒑᓂᔥ ᑳ ᓂᐱᐦᐋᑭᓅᑦ ᑎᐹᔨᐦᑎᒻ᙮

ᒋᔅᒑᔨᐦᑖᑯᐦᑖᒑᐧᐃᓐ 14:11

ᐊᓂᔮᔨᐤ ᒫᒃ ᐋ ᐊᒀᐱᐦᑖᔨᒡ ᐊᓂᔮᔨᐤ ᐃᔥᑯᑖᔨᐤ ᑳ ᓂᓈᐦᑳᑖᔨᒧᐦᐄᑯᒡ ᑳᒋᒡ ᑭᑎ ᐅᐦᒋ ᐅᐦᐹᐱᐦᑖᐱᔨᐤ᙮ ᓂᒧᐃ ᒫᒃ ᓂᐦᑖ ᑭᑎ ᑎᑯᓂᔨᐤ ᐊᓂᑎᐦ ᒑ ᒌ ᐄᔅᑖᔮᔨᐦᑎᐦᒡ ᐊᓂᔮᔨᐤ ᐋ ᓂᓈᐦᑳᑖᔨᒧᒡ ᐅᒌ ᑳ ᒫᒥᐦᒋᒫᒡ ᐅᔮᔨᐤ ᒥᒋᐊᐅᐦᑳᓐ ᑭᔮᐦ ᐊᓂᔮᔨᐤ ᐅᒥᓂᑑᐦᑳᓂᒥᔨᐤ ᑭᔮᐦ ᑳ ᒋᔥᒋᓂᐙᒋᐦᐋᑭᓂᐎᒡ ᐅᑎᔑᓂᐦᑳᓱᐎᓂᔨᐤ᙮ ᐋ ᒌᔑᑳᔨᒡ ᑭᔮᐦ ᐋ ᑎᐱᔅᑳᔨᒡ ᒋᑭ ᓂᓈᐦᑳᑖᔨᒨᐎᒡ᙮”

ᒋᔅᒑᔨᐦᑖᑯᐦᑖᒑᐧᐃᓐ 14:9

ᒦᓐ ᑯᑎᒃ ᐋᓐᒋᓐ, ᐋᐅᒄ ᓂᔥᑐ, ᑳᐙᐱᒥᒄ ᐋ ᐅᐦᒋ ᐱᒥᐦᔮᑦ ᐋᓅᐦᐙᑦ ᐊᓂᔮᔨᐤ ᑯᑎᒃ ᐋᓐᒋᓐ᙮ ᐋᐅᒄ ᐆ ᐋᓐᒋᓐ ᑳᐦ ᐃᔨᑦ ᐋ ᒋᔣᐙᑦ, “ᐊᓐ ᐊᐙᓐ ᒑ ᒫᒥᐦᒋᒫᒀ ᐊᓂᔮᔨᐤ ᒥᒋᐊᐅᐦᑳᓐ ᑭᔮᐦ ᒫᒃ ᐊᓂᔮᔨᐤ ᐅᒥᓂᑑᐦᑳᓂᒥᔨᐤ ᑭᔮᐦ ᒫᒃ ᒑ ᐱᒋᔅᑎᓂᓱᒀ ᒑ ᒌ ᒌᔥᒋᓂᐙᒋᐦᐋᑭᓅᑦ ᐅᔅᑭᐦᑎᑯᐦᒡ ᑭᔮᐦ ᒫᒃ ᐅᑎᐦᒌᐦᒡ,

ᒋᔅᒑᔨᐦᑖᑯᐦᑖᒑᐧᐃᓐ 15:2

ᐋᒄ ᑳ ᐙᐱᐦᑎᒫᓐ ᒑᒀᓐ ᒧᔮᒻ ᒋᐦᒋᑭᒦ ᐋ ᔖᑆᔅᑖᓈᑯᐦᒡ ᒧᔮᒻ ᐙᓵᓂᐦᑖᑭᓈᐱᔅᒄ ᐋ ᐃᓯᓈᑯᐦᒡ ᒋᔨᑰ ᐃᔥᑯᑖᐤ ᐋᐦᑎᑯᐦᒡ ᐊᓂᑖᐦ᙮ ᑭᔮᐦ ᓂᒌᐙᐱᒫᐅᒡ ᐊᓂᒌ ᐄᔨᔨᐅᒡ ᑳ ᔑᐦᑯᒋᐦᐋᒡ ᐊᓂᔮᔨᐤ ᒥᒋᐊᐅᐦᑳᓐ᙮ ᓂᒧᐃ ᐅᐦᒋ ᒫᒥᐦᒋᒫᐦᑖᐙᑯᐱᓐ ᐅᔮᔨᐤ ᒥᒋᐊᐅᐦᑳᓐ ᑭᔮᐦ ᐊᓂᔮᔨᐤ ᐅᒥᓂᑑᐦᑳᓂᒥᔨᐤ ᑭᔮᐦ ᓂᒧᐃ ᐅᐦᒋ ᐅᑎᓂᒧᑖᐙᑯᐱᓐ ᐊᓂᔮᔨᐤ ᐊᒋᐦᑖᓱᐎᓂᔨᐤ ᐅᑎᔑᓂᐦᑳᓱᐎᓂᔨᐤ ᐋᑎᓯᓈᑖᔨᒡ᙮ ᒌ ᓃᐴᐎᒡ ᐊᓂᑖᐦ ᔑᔓᒡ ᐊᓂᔮᔨᐤ ᓵᑭᐦᐄᑭᓂᔨᐤ ᐊᔨᒥᐦᐋᐅᒋᔅᑐᐦᒋᑭᓐ ᐋ ᑎᐦᑯᓂᐦᒡ ᐊᓂᔮᔨᐤ ᒋᔖᒥᓂᑑ ᑳ ᒥᔨᑯᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 16:13

ᓂᒌᐙᐱᒫᐅᒡ ᒫᒃ ᓂᔥᑐ ᒥᒋᐊᐦᒑᐦᑯᒡ, ᒧᔮᒻ ᐊᔨᑭᐦᒡ ᐋ ᐃᓯᓈᑯᓯᒡ᙮ ᐹᔨᒄ ᐊᓐ ᐊᓂᔮᔨᐤ ᑳ ᒥᓯᒋᔅᑏᔨᒡ ᒥᓂᑐᔥ ᐅᑑᓃᔨᒡ ᒌ ᐅᐦᒋ ᐎᔨᐐᐱᔨᐤ, ᐋᒄ ᑯᑎᒃ ᐊᓂᔮᔨᐤ ᒥᒋᐊᐅᐦᑳᓐ ᐅᑑᓃᔨᒡ, ᐋᒄ ᐊᓐ ᓂᔥᑐ ᑳᐦ ᑖᑦ ᐊᓂᔮᔨᐤ ᒥᒋᐅᒋᔅᒋᐙᐦᐄᒑᓯᐤ ᐅᑑᓃᔨᒡ ᐋᑯᑖᐦ ᑳ ᐅᐦᒋ ᐎᔨᐐᐱᔨᑦ᙮

ᒋᔅᒑᔨᐦᑖᑯᐦᑖᒑᐧᐃᓐ 16:2

ᐋᒄ ᑳ ᒋᔅᑑᐦᑖᑦ ᐊᓐ ᓃᔥᑎᒻ ᐋᓐᒋᓐ ᑳ ᑯᑎᐱᓂᐦᒃ ᐊᓂᔮᔨᐤ ᐎᔮᑭᓐ ᐊᓂᑖᐦ ᐄᔑ ᐊᔅᒌᐦᒡ᙮ ᐊᓂᒌ ᒫᒃ ᑳᐦ ᐃᔮᒡ ᐊᓂᔮᔨᐤ ᒥᒋᐊᐅᐦᑳᓐ ᐅᒋᔥᒋᓄᐙᒋᐦᒋᑭᓂᔨᐤ ᑭᔮᐦ ᑳ ᒫᒥᐦᒋᒫᒡ ᐊᓂᔮᔨᐤ ᐅᒥᓂᑑᐦᑳᓂᒥᔨᐤ, ᒌ ᐅᒥᒋᐅᒡ ᓈᔥᒡ ᐋ ᒫᔮᓯᓈᑯᓃᔨᒡ ᑭᔮᐦ ᓈᔥᒡ ᐋᐦ ᐋᐦᑯᐦᐄᑯᒡ ᐊᓂᔮᔨᐤ ᑳ ᐄᔑ ᐅᒥᒌᐙᔅᐱᓈᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 18:23

ᓂᒧᐃ ᒦᓐ ᓂᐦᑖ ᒋᑭ ᐅᐦᒋ ᓅᑯᓐ ᐙᔥᑖᓂᒫᑭᓐ ᐋ ᐙᔥᑖᒡ ᐊᓂᑎᐦ ᐋᐦ ᑖᔨᓐ᙮ ᓂᒧᐃ ᒦᓐ ᓂᐦᑖ ᑭᑎ ᐅᐦᒋ ᐹᐦᑖᑯᓯᐎᒡ ᐋ ᒨᒑᔨᐦᑖᒡ ᐅᔅᒋᓈᐹᐙᓐ ᑭᔮᐦ ᐅᔅᒋᔥᒀᐙᓐ᙮ ᐊᓂᒌ ᓂᓈᐦᑭᐤ ᒑᒀᔨᐤ ᑳ ᐊᑖᐙᒡ ᐊᓂᑎᐦ ᐋᔨᑖᔨᓐ ᐋᐅᑯᓂᒡ ᓈᔥᒡ ᑳ ᒋᔅᑖᔨᐦᑖᑯᓯᒡ ᐄᔨᔨᐅᒡ ᐅᑎᐦ ᐊᔅᒌᐦᒡ᙮ ᒥᓯᐙ ᐋᐦ ᐄᑎᔅᑳᓈᓰᔨᒡ ᐅᑎᐦ ᐊᔅᒌᐦᒡ ᒌ ᐎᓂᐱᔨᐦᐄᑯᒡ ᒋᒫᒫᐦᑖᐙᑎᓰᐎᓂᔨᐤ ᐋᐦ ᐋᐱᒋᐦᑖᐅᑦ᙮

ᒋᔅᒑᔨᐦᑖᑯᐦᑖᒑᐧᐃᓐ 19:20

ᐋᒄ ᑳ ᐅᑎᓈᑭᓂᐎᒡ ᐊᓐ ᒥᒋᐊᐅᐦᑳᓐ ᑭᔮᐦ ᐊᓐ ᒥᒋᐅᒋᔅᒋᐙᐦᐄᒑᓯᐤ᙮ ᐋᐅᒄ ᐆ ᒥᒋᐅᒋᔅᒋᐙᐦᐄᒑᓯᐤ ᑳ ᒫᒥᔥᑳᒡ ᐋ ᐃᐦᑎᒃ ᐅᐙᐱᐦᑏᐙᐎᓂᒡ ᐅᐦᑎᔅᑰ ᐊᓂᔮᔨᐤ ᒥᒋᐊᐅᐦᑳᓐ ᐋᐦ ᑖᔨᒡ᙮ ᐋᑯᑖᐦ ᑳ ᐅᐦᒋ ᐐᓂᐲᐦᐋᑦ ᐊᓂᔮᔨᐤᐦ ᐊᐙᔨᐤᐦ ᑳ ᐅᑎᓂᒥᔨᒡ ᐊᓂᔮᔨᐤ ᒥᒋᐊᐅᐦᑳᓐ ᐅᒌᔅᒋᓄᐙᒋᐦᐅᐎᓂᔨᐤ ᑭᔮᐦ ᑳ ᒫᒦᐦᒌᒫᔨᒡ ᐊᓂᔮᔨᐤ ᒥᓂᑑᐦᑳᓐ ᒧᔮᒻ ᐊᓂᔮᔨᐤ ᒥᒋᐊᐅᐦᑳᓐ ᐋ ᐃᓯᓈᑯᓰᔨᒡ ᑳ ᐄᔑᐦᐄᒫᑭᓂᐎᔨᒡ᙮ ᑖᐱᔥᑯᓐ ᐊᓐ ᒥᒋᐊᐅᐦᑳᓐ ᑭᔮᐦ ᐊᓐ ᒥᒋᐅᒋᔅᒋᐙᐦᐄᒑᓯᐤ ᒌ ᐄᔑ ᐙᐱᓈᑭᓂᐎᒡ ᐊᓂᑖᐦ ᒥᒋᔥᑯᑖᐤ ᓵᑭᐦᐄᑭᓂᐦᒡ ᐊᓂᑖᐦ ᐋ ᐃᔥᒀᑖᔨᒡ ᐋ ᐅᓵᐙᐱᐦᑖᔨᒡ ᒑᒀᔨᐤ ᓈᔥᒡ ᐋ ᐐᓂᒫᔅᑖᔨᒡ ᓵᓪᕗᕐ ᑳ ᐃᔑᓂᐦᑳᑖᑭᓂᐎᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 2:10

ᐊᑳᐐ ᑯᔥᑖᒋᒄ ᑖᓐ ᒑ ᐄᔑ ᓂᓈᐦᑳᑖᔨᒧᔮᒄ, ᔖᔥ ᐐᐱᒡ᙮ ᒥᒋᒥᓂᑑ ᒋᑭ ᑯᒀᒋᐦᐄᑯᐙᐤ ᐋᐦ ᑐᑖᑖᒄ ᐱᔅᒡ ᒑ ᒌ ᒋᐱᐦᐅᑰᐙᒄ ᒋᐱᐦᐅᑑᑭᒥᑯᐦᒡ᙮ ᒥᑖᐦᑐ ᒌᔑᑳᐤᐦ ᒋᑭ ᐃᔥᐱᔥ ᓂᓈᐦᑳᑖᔨᒧᓈᐙᐤ᙮ ᑎᑖᑆᐅᓰᒄ ᐋ ᑖᑆᔮᔨᒥᔮᒄ ᐋᑎᐐᐦ ᓂᐱᐦᐄᑭᐎᔮᒀ᙮ ᐋᒄ ᒫᒃ ᒑ ᒥᔨᑎᑯᒡ ᐊᓐ ᐱᒫᑎᓰᐎᓐ, ᐋᐅᒄ ᐊᓐ ᒑ ᑭᔅᒋᐦᐅᔮᒄ᙮

ᒋᔅᒑᔨᐦᑖᑯᐦᑖᒑᐧᐃᓐ 20:10

ᐋᒄ ᒫᒃ ᒥᒋᒥᓂᑑ, ᐊᓐ ᑳ ᑳᒌᔑᒫᑦ ᐅᔮᔨᐤ ᒫᓰᐦᒑᓲᐤ, ᐊᓂᑖᐦ ᒥᒋᔥᑯᑖᐤ ᓵᑭᐦᐄᑭᓂᐦᒡ ᑳ ᐄᔑ ᐙᐱᓈᑭᓅᑦ ᐊᓂᑖᐦ ᐋ ᐃᔥᒀᑖᔨᒡ ᓱᓪᕕᕐ ᑳ ᐃᔑᓂᐦᑳᑖᑭᓂᐎᒡ ᐋ ᐅᓵᐙᐱᐦᑖᔨᒡ ᓈᔥᒡ ᐋ ᐐᓂᒫᔅᑖᔨᒡ᙮ ᐋᑯᑖᐦ ᔖᔥ ᑳ ᐄᔑ ᐙᐱᓂᒫᑭᓂᐎᔨᒡ ᐊᓂᔮᔨᐤ ᒥᒋᐊᐅᐦᑳᓐ ᑭᔮᐦ ᐊᓂᔮᔨᐤ ᒥᒋᒋᔅᒋᐙᐦᐄᒑᓯᐤ᙮ ᑳᒋᒡ ᒫᒃ ᒋᑭ ᐐᓯᒑᔨᐦᑎᒧᒡ ᐋ ᒌᔑᑳᔨᒡ ᑭᔮᐦ ᐋ ᑎᐱᔅᑳᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 3:10

ᐊᓐ ᐋ ᒌ ᓰᐲᐙᓯᔮᒄ ᑖᓐ ᐋ ᐄᔑ ᓂᒋᔥᑭᒫᒄ ᒧᔮᒻ ᑳᐦ ᐄᑎᔓᒥᑎᑯᒡ ᒑ ᒌ ᑎᔮᒄ, ᒋᑭ ᑭᓂᐙᔨᒥᑎᓈᐙᐤ ᐊᓂᑎᐦ ᒫᒀᒡ ᐱᒥᐱᔨᐦᒑ ᐋᐦ ᐋᔨᒧᐦᐅᒡ ᐄᔨᔨᐅᒡ, ᐊᓂᑎᐦ ᒫᒀᒡ ᒑ ᓂᑑᒋᔅᒑᔨᒫᑭᓂᐎᒡ ᒥᓯᐙ ᐄᔨᔨᐅᒡ ᐅᑎᐦ ᐊᔅᒌᐦᒡ ᑳᐦ ᑖᒡ᙮