ᒋᔅᒑᔨᐦᑖᑯᐦᑖᒑᐧᐃᓐ 11:19 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁹ ᐋᒄ ᒋᔖᒥᓂᑑ ᐅᒋᔖᐊᔨᒥᐦᐋᐅᑭᒥᒄ ᒋᐦᒋᒌᔑᑯᐦᒡ ᑳᐦ ᑎᑯᓃᔨᒡ ᑳᐦ ᐋᐱᐦᐄᑭᓂᐎᔨᒡ᙮ ᐊᓂᑖᐦ ᒫᒃ ᐲᐦᑎᑳᒥᐦᒡ ᒌ ᓅᑯᓐ ᐊᓐ ᑳ ᐱᔮᐦᒋᓰᒥᑭᐦᒡ ᒥᔅᑎᑯᐎᑦ ᐊᓂᑖᐦ ᑳ ᑎᑖᑭᓂᐎᔨᒡ ᐊᓂᔮᔨᐤ ᓂᔅᑯᒧᐎᓂᔨᐤ ᒋᔖᒥᓂᑑ ᑳ ᐅᔑᐦᑎᒧᐙᑦ ᐅᑎᔨᔨᒻᐦ᙮ ᐋᒄ ᑳ ᐙᐙᔅᑖᐱᔨᐦᒡ, ᒌ ᐹᐦᑖᑯᓐᐦ ᐹᐦᑖᑯᓯᐎᓐ ᑭᔮᐦ ᓂᒥᔅᒋᐅᒡ ᒌ ᐹᐦᑖᑯᓯᐎᒡ᙮ ᑭᔮᐦ ᒫᒃ ᒌ ᑯᐃᐦᑯᓐ ᑭᔮᐦ ᒌ ᒥᔥᑎᐦ ᒀᑭᑯᐙᑖᓐ᙮

ᒋᔅᒑᔨᐦᑖᑯᐦᑖᒑᐧᐃᓐ 11:19 Iomraidhean Croise

ᒋᔅᒑᔨᐦᑖᑯᐦᑖᒑᐧᐃᓐ 11:13

ᐄᔥᐱᐦ ᒫᒃ ᓂᐦᐋᐤ ᑳ ᐄᔅᐱᔨᒡ ᐆ, ᒌ ᒥᔥᑎᐦ ᑯᐃᐦᑯᓐ᙮ ᐹᔨᒄ ᐋᔑᑯᒻ ᒥᑖᐦᑐ ᐙᔅᑳᐦᐄᑭᓐ ᐊᓂᑎᐦ ᐊᓐ ᐃᐦᑖᐎᓐ ᒌ ᓂᔑᐎᓈᑎᓐ᙮ ᓃᔣᔥᒡ ᑎᐦᑐ ᒋᔖᒥᑖᐦᑐᒥᑎᓂᐤ ᐄᔨᔨᐅᒡ ᒌ ᓂᔑᐎᓈᑎᓯᐅᒡ ᐊᓂᔮᔨᐤ ᑳ ᒥᔥᑎᐦ ᑯᐃᐦᑯᓃᔨᒡ᙮ ᐋᒄ ᐊᓂᒌ ᐄᔨᔨᐅᒡ ᐋᔥᒄ ᑳᐦ ᑖᒡ ᐊᔅᒌᐦᒡ ᓈᔥᒡ ᒌ ᒥᔥᑎᐦ ᓵᒋᓯᐎᒡ᙮ ᐋᒄ ᑳᐦ ᐃᔨᒡ, ᑖᑆᐦ ᓲᐦᒑᔨᐦᑖᑯᓰᐤ ᒋᔖᒥᓂᑑ ᒋᐦᒋᒌᔑᑯᐦᒡ ᑳᐦ ᑖᑦ᙮

ᒋᔅᒑᔨᐦᑖᑯᐦᑖᒑᐧᐃᓐ 11:15

ᐋᒄ ᒦᓐ ᑯᑎᒃ ᐋᓐᒋᓐ ᑳ ᐴᑖᑎᐦᒃ ᐅᐴᑖᒋᑭᓐ᙮ ᐋᐅᒄ ᐆ ᓃᔣᔥᒡ ᑳᐦ ᑖᑦ ᐋᓐᒋᓐ᙮ ᓂᒌ ᐹᐦᑎᐙᐅᒡ ᒫᒃ ᐄᔨᔨᐅᒡ ᐋ ᒋᔣᐙᒡ ᐊᓂᑖᐦ ᒋᐦᒋᒌᔑᑯᐦᒡ ᐋᐦ ᐃᔨᒡ, “ᐋᒄ ᐙᑎᓂᒫᓱᑦ ᔖᔥ ᒋᑎᐹᔨᐦᒋᒑᓰᒥᓂᐤ ᑭᔮᐦ ᐊᓂᔮᔨᐤ ᑳ ᐹᒋ ᐄᑎᔑᐦᐙᑦ ᙭ ᒑ ᐅᒋᒫᐐᒡ ᐅᑎᐦ ᐊᔅᒌᐦᒡ᙮ ᐐᔨ ᒫᒃ ᑎᐹᔨᐦᒋᒑᓯᐤ ᒋᑭ ᐅᒋᒫᐤ ᑳᒋᒡ ᑭᔮᐦ ᑳᒋᒡ᙮”

ᒋᔅᒑᔨᐦᑖᑯᐦᑖᒑᐧᐃᓐ 12:1

ᐋᒄ ᑳ ᓅᑯᐦᒡ ᓈᔥᒡ ᐋ ᒥᔅᑳᑖᔨᐦᑖᑯᐦᒡ ᒋᔅᒋᓄᐙᐱᐦᑎᔨᐙᐎᓐ ᐊᓂᑖᐦ ᒋᐦᒋᒌᔑᑯᐦᒡ᙮ ᓂᒌᐙᐱᒫᐤ ᐃᔅᒀᐤ, ᐲᓯᒻ ᐋ ᐅᑎᑯᐦᐱᑦ ᐋ ᐃᓯᓈᑯᓯᑦ ᑭᔮᐦ ᑎᐱᔅᒋᐲᓯᒻ ᔒᐹ ᐅᓯᑎᐦᒡ ᐋᐦ ᑖᔨᒡ᙮ ᒋᐦᒋᐅᒋᒫᐤ ᐊᔥᑐᑎᓂᔨᐤ ᒌ ᒋᑭᔥᑑᑎᓈᐤ ᓃᔓᔖᑉ ᐊᒋᑯᐦᔥ ᐋ ᒋᑭᒧᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 16:1

ᐋᒄ ᑳ ᐹᐦᑎᐎᒃ ᐊᐙᓐ ᐋ ᒋᔣᐙᑦ ᐊᓂᑖᐦ ᒋᔖᐊᔨᒥᐦᐋᐅᑭᒥᑯᐦᒡ ᐋ ᐅᐦᒋ ᐹᐦᑖᑯᓯᑦ ᐋ ᐊᔨᒥᑦ᙮ ᒌᐦ ᐄᑖᐤ ᐊᓂᔮᔨᐤ ᓃᔣᔥᒡ ᑳ ᑎᔑᔨᒡ ᐋᓐᒋᓐ, “ᒫᒌᒄ᙮ ᐊᓂᑖᐦ ᐊᔅᒌᐦᒡ ᐄᔑ ᑯᑎᐱᓂᒧᒄ ᐊᓂᐦᐄ ᓃᔣᔥᒡ ᑳ ᒨᑖᔮᐦᒡ ᐎᔮᑭᓐᐦ ᐊᓂᑎᐦ ᐋᐦᑎᑯᓃᔨᒡ ᒋᔖᒥᓂᑑ ᐅᑖᐦᑭᐎᐙᓯᐎᓐ᙮”

ᒋᔅᒑᔨᐦᑖᑯᐦᑖᒑᐧᐃᓐ 16:18

ᒌ ᐅᐦᒋ ᐙᐙᔅᑖᐱᔨᐤ ᒫᒃ᙮ ᒌ ᐹᐦᑖᑯᓂᔨᐤ ᐹᐦᑖᑯᓯᐎᓂᔨᐤ᙮ ᓂᒥᔅᒋᐅᒡ ᒌ ᐹᐦᑖᑯᓯᐎᒡ᙮ ᑭᔮᐦ ᒌ ᒥᔥᑎᐦ ᑯᐃᐦᑯᓐ᙮ ᓂᒧᐃ ᓂᐦᑖ ᐅᐦᒋ ᑎᑯᓐ ᐋ ᐄᑖᔨᐦᑖᑯᐦᒡ ᐋ ᑯᐃᐦᑯᐦᒡ ᑳ ᐃᔥᐱᔥ ᐹᒋ ᐱᒫᑎᓰᔨᒡ ᐄᔨᔨᐅᒡ᙮ ᐋᐅᒄ ᐆ ᒫᐅᒡ ᑳ ᑯᔥᑖᑎᑯᐦᒡ ᐋ ᑯᐃᐦᑯᐦᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 16:21

ᐋᒄ ᒫᒃ ᑳ ᒥᔥᑎᐦ ᐙᐦᒀᐦᑯᐦᑯᐙᑖᒡ᙮ ᐊᓂᒌ ᒫᒃ ᒥᔅᑯᒥᔨᒡ ᑳ ᐹᐦᐱᐦᒋᔑᐦᒡ ᐹᐦᐹᔨᒄ ᐎᔮᔥ ᒥᑖᐦᑐᒥᑎᓂᐤ ᑎᐹᐹᔅᑯᒋᑭᓐ ᒌ ᐄᔅᐱᐦᑎᓂᑯᑑᒡ᙮ ᒌ ᐱᑎᑯᐦᐅᑯᐎᒡ ᒫᒃ ᐄᔨᔨᐅᒡ ᐅᑎᐦ ᐊᔅᒌᐦᒡ ᐊᓂᔮᔨᐤ ᒥᔅᑯᒦᐦ ᒌᔑᑯᐦᒡ ᑳ ᐅᐦᒋ ᐱᐦᒋᔑᓃᔨᒡ᙮ ᐊᓂᒌ ᒫᒃ ᐄᔨᔨᐅᒡ ᒌ ᐹᔥᑖᒫᐅᒡ ᒋᔖᒥᓂᑑ ᐊᓂᔮᔨᐤ ᐅᐦᒋ ᑖᓐ ᑳ ᐄᔑ ᓂᓈᐦᑳᑖᔨᒨᐦᐄᑯᒡ ᐋ ᐙᐦᑯᐦᑰᐙᑖᓃᔨᒡ, ᐙᔥ ᓈᔥᑖᑆᐦ ᒌ ᓂᓈᐦᑳᑖᔨᒧᒡ ᒫᒀᒡ ᐅᔮᔨᐤ ᑳ ᐄᔅᐱᔨᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 19:11

ᐋᒄ ᑳ ᐙᐱᐦᑎᒫᓐ ᒋᐦᒋᒌᔑᒄ ᐋᐦ ᐋᐱᐦᐄᐱᔨᐦᒡ᙮ ᒌ ᐅᐦᒋ ᓅᑯᔔ ᒫᒃ ᐋᐦᐋᔅ ᐋ ᐙᐱᔑᑦ᙮ ᐊᓐ ᒫᒃ ᑳ ᑖᐦᑎᐱᑦ ᐊᓂᔮᔨᐤ ᐋᐦᐋᔅ ᑳ ᑖᑆᐅᒑᔨᐦᑖᑯᓯᑦ ᑭᔮᐦ ᑳ ᑖᑆᑦ ᒌ ᐃᔑᓂᐦᑳᑖᑭᓂᐤ᙮ ᑯᐃᔅᑯᑖᑎᓰᐎᓂᐦᒡ ᐄᔑ ᑎᐹᔅᑯᓂᒑᐤ ᑭᔮᐦ ᑯᐃᔅᑯᑖᑎᓰᐎᓂᔨᐤ ᐅᐦᒋ ᒫᓯᐦᒑᔅᑎᒻ᙮

ᒋᔅᒑᔨᐦᑖᑯᐦᑖᒑᐧᐃᓐ 4:1

ᐃᔨᐦᒡ ᒦᓐ ᓂᒌᐦ ᐄᔑ ᐙᐱᐦᑎᔨᑭᐎᓐ᙮ ᐃᔥᐱᒥᐦᒡ ᐋᐦ ᐄᑖᐱᔮᓐ ᓂᒌᐙᐱᒫᐤ ᒋᔥᑐᐦᑭᓐ ᐋᐦ ᐋᐱᐦᐄᑯᒋᐦᒃ ᐊᓂᑖᐦ ᒋᐦᒋᒌᔑᑯᐦᒡ᙮ ᐋᒄ ᑳ ᐹᒋ ᐊᔨᒥᐦᐄᑦ ᒦᓐ ᐊᓐ ᐊᐙᓐ ᔖᔥ ᐊᓂᑖᐦ ᐋ ᒌ ᐹᒋ ᐊᔨᒥᐦᐄᑦ᙮ ᒧᔮᒻ ᐴᑖᒋᑭᓂᔨᐤ ᐋ ᒋᔣᐙᒥᑭᓃᔨᒡ ᐋᑎᐦᑖᑯᓃᔨᒡ ᐋᔪᐎᒄ ᑳ ᐄᑎᐦᑖᑯᓃᔨᒡ ᐅᐹᐦᑖᑯᓯᐎᓐ᙮ ᓂᒌᐦ ᐄᑎᒄ, “ᐋᔥᑎᒻ ᐅᑖᐦ ᐃᔥᐱᒥᐦᒡ᙮ ᒑ ᐙᐱᐦᑎᔨᑖᓐ ᑖᓐ ᒦᓐ ᒑ ᐋᑎ ᐄᔅᐱᔨᒡ᙮”

ᒋᔅᒑᔨᐦᑖᑯᐦᑖᒑᐧᐃᓐ 4:5

ᐊᓐ ᐊᓂᑖᐦ ᐅᒋᐦᒋᐅᒋᒫᐤ ᑖᐦᑎᐱᐎᓂᐦᒡ ᑳ ᐊᐱᑦ ᒌ ᐅᐦᒋ ᐙᐙᔅᑖᐱᔨᐤ᙮ ᒌ ᐹᐦᑖᑯᓐᐦ ᐹᐦᑖᑯᓯᐎᓐ ᑭᔮᐦ ᓂᒥᔅᒋᐅᒡ ᐋ ᐹᐦᑖᑯᓯᒡ ᒌ ᐄᑎᐦᑖᑯᓐ ᐊᓂᑖᐦ ᐋ ᐊᐱᑦ ᐅᐦᒋ᙮ ᐅᐦᑎᔅᑰ ᒫᒃ ᐊᓂᑎᐦ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ ᒌ ᑎᑯᓐ ᓃᔣᔥᒡ ᐃᔥᑯᑖᐤ ᐙᔥᑖᓂᒫᑭᓐ ᐋ ᐃᔥᑯᑖᐅᒡ᙮ ᐋᐅᑯᓂᒡ ᐅᒌ ᓃᔣᔥᒡ ᐊᐦᒑᐦᑯᒡ ᑳᐦ ᐋᐱᑎᔒᔥᑑᐙᒡ ᒋᔖᒥᓂᑑ᙮

ᒋᔅᒑᔨᐦᑖᑯᐦᑖᒑᐧᐃᓐ 7:15

ᐋᔪᐎᒄ ᒫᒃ ᐅᔮᔨᐤ ᐙᐦᒋ ᐅᐦᑎᔅᑭᐎᑳᐳᔥᑎᒸᒡ ᒋᔖᒥᓂᑑ ᐅᒋᐦᒋᐅᒋᒫᐤ ᑖᐦᑎᐱᐎᓂᔨᐤ ᑭᔮᐦ ᐙᐦᒋ ᓈᓂᑎᒫ ᐋᐱᑎᔒᔥᑑᐙᒡ ᐊᓂᑖᐦ ᐅᒋᔖᐊᔨᒥᐦᐋᐅᑭᒥᑯᔨᒡ᙮ ᐊᓐ ᒫᒃ ᑳ ᐊᐱᑦ ᐊᓂᑎᐦ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ ᑭᑎ ᐊᑯᓂᐦᐙᐤ ᐆ ᒫᐦᑮᒻ ᐋ ᒥᔪ ᑭᓂᐙᔨᒫᑦ᙮

ᒋᔅᒑᔨᐦᑖᑯᐦᑖᒑᐧᐃᓐ 8:5

ᐋᒄ ᐊᓐ ᐋᓐᒋᓐ ᑳ ᓵᑭᔅᒋᓂᑖᑦ ᐊᓂᔮᔨᐤ ᐎᔮᑭᓂᔨᐤ ᐃᔥᑯᑖᔨᐤ ᐋ ᐊᔥᑖᑦ ᐊᓂᑎᐦ ᐱᒋᔅᑎᓂᒑᐤ ᒦᒋᓲᓈᐦᑎᑯᐦᒡ ᐋ ᐅᐦᑎᓂᐦᒃ᙮ ᐋᒄ ᐊᓂᑖᐦ ᐊᔅᒌᐦᒡ ᑳ ᐄᔑ ᐙᐱᓂᐦᒃ ᐊᓂᔮᔨᐤ ᐃᔥᑯᑖᔨᐤ, ᑏᐙᐦᒡ ᒫᒃ ᒌ ᐹᐦᑖᑯᓐᐦ ᐹᐦᑖᑯᓯᐎᓐ ᑭᔮᐦ ᓂᒥᔅᒋᐅᒡ ᒌ ᐹᐦᑖᑯᓯᒡ ᑭᔮᐦ ᒥᔥᑎᐦ ᒌ ᐙᐙᔥᑖᐱᔨᐤ ᑭᔮᐦ ᒌ ᑯᐃᐦᑯᓐ᙮

ᒋᔅᒑᔨᐦᑖᑯᐦᑖᒑᐧᐃᓐ 8:7

ᐋᒄ ᐊᓐ ᓃᔥᑎᒻ ᑳᐦ ᑖᑦ ᐋᓐᒋᓐ ᑳ ᐴᑖᑎᐦᒃ ᐅᐴᑖᒋᑭᓐ᙮ ᒌ ᒀᐦᑭᐦᑯᐙᑖᓐ ᑭᔮᐦ ᐃᔥᑯᑖᐤ ᒌ ᐱᐦᒋᔥᑎᓐ ᐋ ᒋᔨᑰᐱᔨᐦᒡ ᒥᐦᒄ ᐊᓂᑖᐦ ᐊᔅᒌᐦᒡ ᐋ ᐄᔑ ᐙᐱᓂᑭᓂᐎᒡ᙮ ᐹᔨᒄ ᐋᔑᑯᒻ ᓂᔥᑐ ᐋᔅᐱᑎᔅᑭᒥᑳᐦᒡ ᐊᔅᒌ ᒌ ᐃᔥᒀᑖᐤ᙮ ᐹᔨᒄ ᐋᔑᑯᒻ ᓂᔥᑐ ᒌ ᐃᔥᐱᔥ ᐃᔥᒀᓲᐎᒡ ᒥᔅᑎᑯᒡ᙮ ᒥᓯᐙ ᑭᔮᐦ ᒥᔥᑯᔑᐤᐦ ᒌ ᐃᔥᒀᑖᐤ᙮