ᒋᔅᒑᔨᐦᑖᑯᐦᑖᒑᐧᐃᓐ 11:10 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁰ ᐊᓂᒌ ᒫᒃ ᐄᔨᔨᐅᒡ ᐊᔅᒌᐦᒡ ᑳᐦ ᑖᒡ ᒋᑭ ᒥᔻᔨᐦᑎᒧᒡ ᐋ ᒌ ᓂᐱᐦᐄᒫᑭᓂᐐᔨᒡ ᐊᓂᔮᔨᐤ ᑳ ᓃᔑᔨᒡ᙮ ᒋᑭ ᒦᔻᔨᐦᑎᒧᒡ ᑭᔮᐦ ᒋᑭ ᒫᒦᑑᐎᒡ ᒥᔨᐙᐎᓐ ᐋ ᒌ ᓂᐱᐦᐄᒫᑭᓂᐐᔨᒡ ᐊᓂᔮᔨᐤ ᑳ ᓃᔑᔨᒡ ᑳᐦ ᑐᑎᒥᔨᒡ ᒑ ᒌ ᓂᓈᐦᑳᑖᔨᒧᓈᓂᐎᔨᒡ ᐅᑎᐦ ᐊᔅᒌᐦᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 11:10 Iomraidhean Croise

ᒫᔪᐦᐧᑖᑦ ᒫᕠᔫ 10:22

ᒥᓯᐙ ᐄᔨᔨᐅᒡ ᒋᑭ ᐅᐦᑳᑎᑯᐙᐅᒡ ᐋ ᓅᔔᔥᑯᔮᒄ᙮ ᐊᓐ ᒫᒃ ᐊᐙᓐ ᐋᑳ ᒑ ᓅᐦᑎ ᐴᓃᔨᒀ ᐋ ᐹᒋ ᓅᔔᔥᑯᑦ ᐋᐅᒄ ᐊᓐ ᒑ ᐱᒫᒋᐦᐋᑭᓅᑦ᙮

ᒫᔪᐦᐧᑖᑦ ᐧᒑᓐ 16:20

ᑯᐃᔅᒄ ᐋ ᐐᐦᑎᒫᑎᑯᒡ ᒋᑭ ᒫᑑᓈᐙᐤ ᑭᔮᐦ ᒋᑭ ᒥᒫᑣᓈᐙᐤ᙮ ᐋᒄ ᐅᒌ ᐅᑎᐦ ᐊᔅᒌᐦᒡ ᐄᔨᔨᐅᒡ ᑳᐦ ᑖᒡ ᒋᑭ ᓯᒋᔮᓯᐎᒡ᙮ ᒋᑭ ᒥᓯᒫᔨᐦᑖᓈᐙᐤ ᒌᔨᐙᐤ᙮ ᒥᒄ ᒫᒃ ᐊᓐ ᐋ ᒥᓯᒫᔨᐦᑎᒫᒄ ᒋᑭ ᒀᔅᒋᐱᔨᐤ ᑎᔨᑯᒡ ᒑ ᒌ ᒨᒋᒑᔨᐦᑎᒫᒄ᙮

ᒫᔪᐦᐧᑖᑦ ᐧᒑᓐ 7:7

ᑖᐹ ᑎᑯᓂᔨᐤ ᒑᒀᔨᐤ ᒑ ᒌ ᐅᐦᒋ ᐅᐦᑳᑎᑖᑯᒡ ᐄᔨᔨᐅᒡ ᐅᑎᐦ ᐊᔅᒌᐦᒡ ᑳᐦ ᑖᒡ ᐋᑳ ᑳ ᑖᑆᔮᔨᒫᒡ ᒋᔖᒥᓂᑑ, ᒥᒄ ᒫᒃ ᓅᐦᑳᑎᑯᒡ ᓃᔨ ᐙᔥ ᓂᐐᐦᑖᓐ ᑖᓐ ᐋ ᐃᔥᐱᔥ ᒥᒑᑎᓰᓈᓂᐎᒡ᙮

ᐋᐧᐹᔅᑎᓕᒡ 5:33

ᐄᔥᐱᐦ ᒫᒃ ᐱᔮᐦᑎᐦᒡ ᐅᔮᔨᐤ ᐊᓂᒌ ᑳ ᒫᒨᐲᔨᒡ, ᓈᔥᒡ ᒌ ᒋᔑᐙᔓᐎᒡ, ᒌ ᓂᑎᐙᔨᐦᑎᒨᒡ ᒑ ᒌ ᓂᐱᐦᐄᒫᑭᓂᐐᔨᒡ ᐅᔮᔨᐤ ᐋᑆᔅᑎᓪᐦ᙮

ᓃᔥᑎᒻ ᑯᕆᓐᕠᔨᓐ 13:6

ᐋ ᓵᒋᐦᐋᑦ ᐊᐙᓐ ᐊᐙᔨᐤᐦ, ᓂᒧᐃ ᒥᔻᔨᐦᑎᒻ ᐋ ᐎᓂᑐᑎᑭᓂᐎᒡ᙮ ᒥᒄ ᒫᒃ ᓄᐎᒡ ᒥᔻᔨᐦᑎᒻ ᑖᑆᐎᓂᔨᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 12:13

ᐄᔥᐱᐦ ᒫᒃ ᒑᔅᒑᔨᐦᑎᐦᒃ ᐊᓐ ᑳ ᒥᓯᒋᔅᑎᒃ ᒥᓂᑐᔥ ᐊᓂᑖᐦ ᐊᔅᒌᐦᒡ ᐋ ᒌ ᐄᔑ ᓃᐦᒋᐙᐱᓈᑭᓅᑦ ᐋᒄ ᑳ ᒋᐦᒋ ᐱᐹᒥᐦᑰᐙᑦ ᐊᓂᔮᔨᐤ ᐃᔅᒀᐤ ᑳ ᓈᐹᔒᐎᔨᒡ ᐅᑎᐙᔑᔒᒥᔨᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 13:14

ᐋᒄ ᒫᒃ ᒌ ᐎᓂᐱᐦᐄᑯᒡ ᐊᓂᒌ ᐄᔨᔨᐅᒡ ᐊᓂᑖᐦ ᐊᔅᒌᐦᒡ ᑳᐦ ᑖᒡ ᐊᓂᔮᔨᐤ ᐋ ᒌ ᒥᔨᒫᑳᓄᐐᒡ ᒫᒥᔥᑳᒡ ᐙᐲᐦᑏᐙᐎᓐᐦ ᒑ ᒌ ᐋ ᐃᔨᐦᑎᔨᒡ ᐊᓂᔮᔨᐤ ᓃᔥᑎᒻ ᒥᒋᐊᐅᐦᑳᓐ, ᐊᓂᔮᔨᐤ ᑳ ᐅᐦᒋ ᓅᑯᓰᔨᒡ ᐊᓂᑖᐦ ᒋᐦᒋᑭᒦᐦᒡ᙮ ᐊᓂᒌ ᐄᔨᔨᐅᒡ ᐊᔅᒌᐦᒡ ᑳᐦ ᑖᒡ ᒌ ᐄᑎᔓᒥᑯᒡ ᐊᓂᔮᔨᐤ ᓃᔓ ᑳᐦ ᑖᔨᒡ ᒥᒋᐊᐅᐦᑳᓐ ᒑ ᒌ ᐅᔑᐦᐋᒡ ᑯᑎᒃ ᒥᓂᑑᐦᑳᓐᐦ ᐋ ᒋᔅᑖᔨᐦᑖᑯᐦᐋᒡ ᐊᓂᔮᔨᐤ ᓃᔥᑎᒻ ᒥᒋᐊᐅᐦᑳᓐ ᒋᐦᒋᐙ ᑳ ᒥᔣᑭᓂᐦᑳᑎᑯᔨᒡ ᓂᑐᐱᔫᐦᑯᒫᓂᔨᐤ ᒥᒄ ᒫᒃ ᐊᔮᐱᒡ ᐋ ᒌ ᐱᒫᑎᓰᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 13:8

ᐋᒄ ᒫᒃ ᒥᓯᐙ ᐊᐙᓐ ᐊᔅᒌᐦᒡ ᑳᐦ ᑖᑦ ᒋᑭ ᒫᒥᐦᒋᒫᐤ ᐊᓂᔮᔨᐤ ᒥᒋᐊᐅᐦᑳᓐ᙮ ᒥᒄ ᐊᓂᒌ ᐱᒫᑎᓰᐤ ᒥᓯᓂᐦᐄᑭᓂᐦᒡ ᑳ ᒥᓯᓈᑖᔨᔨᒡ ᐅᑎᔑᓂᐦᑳᓱᐎᓂᐙᐤ ᐋᒸᔮ ᐅᐦᒋ ᐅᔑᐦᑖᑭᓂᐎᒡ ᐋᔅᒋᔨᐤ, ᓂᒥ ᑭᑎ ᒫᒥᐦᒋᒫᐆᒡ᙮ ᐆ ᒫᒃ ᒥᓯᓂᐦᐄᑭᓐ ᐊᓐ ᒫᓂᔥᒑᓂᔥ ᑳ ᓂᐱᐦᐋᑭᓅᑦ ᑎᐹᔨᐦᑎᒻ᙮

ᒋᔅᒑᔨᐦᑖᑯᐦᑖᒑᐧᐃᓐ 16:10

ᐋᒄ ᐊᓐ ᓂᔮᔪ ᑳᐦ ᑖᑦ ᐋᓐᒋᓐ ᑳ ᑯᑎᐱᓂᐦᒃ ᐎᔮᑭᓐ ᐊᓂᑖᐦ ᐄᔑ ᐊᓂᔮᔨᐤ ᒥᒋᐊᐅᐦᑳᓐ ᐅᒋᐦᒋᐅᒋᒫᐤ ᑖᐦᑎᐱᐎᓃᔨᒡ᙮ ᒌ ᑎᐱᔅᒋᐱᔨᐤ ᒫᒃ ᐊᓂᑖᐦ ᐊᓐ ᒥᒋᐊᐅᐦᑳᓐ ᐅᒋᐦᒋᒫᐎᐎᓂᒡ᙮ ᒌ ᒫᒫᑯᐦᑎᒧᒡ ᐄᔨᔨᐅᒡ ᐅᑖᔨᔨᐙᐤ ᐋ ᐃᔥᐱᔥ ᐐᓯᒑᔨᐦᑎᐦᒡ

ᒋᔅᒑᔨᐦᑖᑯᐦᑖᒑᐧᐃᓐ 3:10

ᐊᓐ ᐋ ᒌ ᓰᐲᐙᓯᔮᒄ ᑖᓐ ᐋ ᐄᔑ ᓂᒋᔥᑭᒫᒄ ᒧᔮᒻ ᑳᐦ ᐄᑎᔓᒥᑎᑯᒡ ᒑ ᒌ ᑎᔮᒄ, ᒋᑭ ᑭᓂᐙᔨᒥᑎᓈᐙᐤ ᐊᓂᑎᐦ ᒫᒀᒡ ᐱᒥᐱᔨᐦᒑ ᐋᐦ ᐋᔨᒧᐦᐅᒡ ᐄᔨᔨᐅᒡ, ᐊᓂᑎᐦ ᒫᒀᒡ ᒑ ᓂᑑᒋᔅᒑᔨᒫᑭᓂᐎᒡ ᒥᓯᐙ ᐄᔨᔨᐅᒡ ᐅᑎᐦ ᐊᔅᒌᐦᒡ ᑳᐦ ᑖᒡ᙮