ᒋᔅᒑᔨᐦᑖᑯᐦᑖᒑᐧᐃᓐ 10:1 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹ ᒦᓐ ᑯᑎᒃ ᐋ ᓲᐦᒑᔨᐦᑖᑯᓯᑦ ᐋᓐᒋᓐ ᓂᒌᐙᐱᒫᐤ ᒋᐦᒋᒌᔑᑯᐦᒡ ᐋ ᐅᐦᒋ ᐹᒋ ᔮᓰᑦ, ᑭᔥᑭᐎᓂᔥᒄ ᐋ ᐅᑎᑯᐦᐱᑦ᙮ ᐐᑯᐲᓵᑭᓈᔮᐱᔨᐤ ᒌ ᐙᔅᑳᑯᑖᔨᐤ ᑎᐦᑯᐦᒡ ᐊᓂᑎᐦ ᐅᔥᑎᒀᓂᒡ᙮ ᐅᑖᔥᑎᒥᐦᒄ ᒧᔮᒻ ᐲᓯᒻ ᐋ ᐄᔑ ᒌᐦᑳᔮᔥᑎᐙᑦ ᒌ ᐃᓯᓈᑯᓂᔨᐤ᙮ ᐋᒄ ᐅᔅᑳᑎᐦ ᒧᔮᒻ ᒌᑎᐙᔅᑯᐦᐄᑭᓐ ᐋ ᐃᔥᑯᑖᐐᔨᒡ ᒌ ᐃᓯᓈᑯᓂᔨᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 10:1 Iomraidhean Croise

ᒫᔪᐦᐧᑖᑦ ᒫᕠᔫ 17:2

ᒫᒀᒡ ᒫᒃ ᐋ ᑭᓂᐙᐱᒫᒡ ᐊᓂᔮᔨᐤ ᒌᓴᔅᐦ ᐅᑖᔥᑎᒥᐦᑯᔨᐤ ᒌᐦ ᒀᔅᒋᓈᑯᓂᔨᐤ, ᒧᔮᒻ ᐲᓯᒧᐦᒡ ᒌᐦ ᐃᔥᐱᔥ ᒌᐦᑳᔮᔥᑖᔨᐤ ᑭᔮᐦ ᐅᒑᒀᓂᒻ ᓈᔥᑖᑆᐦ ᒌ ᐱᔮᑭᔅᒡ ᐙᐹᑭᓂᔨᐤ ᒥᑐᓐ ᐋ ᐙᔥᑖᔨᒡ ᒌᐦ ᐃᓯᓈᑯᓂᔨᐤ᙮

ᒫᔪᐦᐧᑖᑦ ᓘᒃ 21:27

ᐋᒄ ᒫᒃ ᒑ ᐙᐱᒫᑭᓅᑦ ᐄᔨᔨᐅᑯᓯᓵᓐ ᐋ ᐹᒋ ᔮᓰᑦ ᑭᔥᑭᐎᓂᔅᑰᐦᒡ, ᒥᑐᓐ ᐋ ᓅᑯᓃᔨᒡ ᐅᓲᐦᑳᑎᓰᐎᓐ ᑭᔮᐦ ᐅᒋᔅᑖᔨᐦᑖᑯᓯᐎᓐ᙮

ᐋᐧᐹᔅᑎᓕᒡ 26:13

ᑳ ᒋᔅᑖᔨᐦᑖᑯᓯᔨᓐ ᒋᐦᒋᐅᒋᒫᐤ, ᒫᒀᒡ ᒫᔅᑭᓈᐦᒡ ᐋᐦ ᑖᔮᐦᒡ, ᐎᔮᔥ ᐋᐦ ᐋᐱᐦᑖᒌᔑᑳᒡ, ᓂᒌᐙᐱᐦᑖᓐ ᐙᔥᑖᐎᓐ ᒋᐦᒋᒌᔑᑯᐦᒡ ᐅᐦᒋ ᐙᔅᑳ ᐊᓂᑎᐦ ᐋᐦ ᑖᔮᓐ ᑭᔮᐦ ᐙᔅᑳ ᐊᓂᒌ ᓈᐹᐅᒡ ᑳ ᐐᒑᐅᒡ ᐋᐦ ᑖᒡ᙮ ᐊᐅᔅᑖ ᒌ ᒌᐦᑳᔮᔥᑖᐤ ᐋᑎ ᐋ ᐃᔥᐱᔥ ᒌᐦᑳᔮᔥᑐᐙᑦ ᐲᓯᒻ᙮

ᒋᔅᒑᔨᐦᑖᑯᐦᑖᒑᐧᐃᓐ 1:7

“ᐄᑖᐱᒄ ᒫᐦ᙮ ᐹᒋ ᑎᑯᔑᓐ ᑭᔥᑭᐎᓂᔅᑰᐦᒡ ᐋ ᐹᒋ ᔮᓰᑦ᙮ ᒥᓯᐙ ᐊᐙᔨᐤᐦ ᒋᑭ ᐙᐱᒥᑰ, ᒥᒋᒫ ᐊᓂᔮᔨᐤ ᑳ ᑎᐦᑭᒥᑯᑦ᙮ ᒥᓯᐙ ᐋᐦ ᐄᑎᔅᑳᓈᓰᔨᒡ ᐊᐙᔨᐤᐦ ᒋᑭ ᒥᔥᑎᐦ ᒫᑑᔨᐤ ᐐᔨ ᐅᐦᒋ᙮” ᒑᔥᑎᓈᔥ ᒋᑭ ᐄᔅᐱᔨᐤ ᐆ᙮ ᐋᒥᓐ᙮

ᒋᔅᒑᔨᐦᑖᑯᐦᑖᒑᐧᐃᓐ 18:1

ᐋᒄ ᒦᓐ ᑯᑎᒃ ᐋᓐᒋᓐ ᑳ ᐙᐱᒥᒄ ᒋᐦᒋᒌᔑᑯᐦᒡ ᐋ ᐅᐦᒋ ᔮᓰᑦ᙮ ᓈᔥᒡ ᒥᔥᑏᐦ ᒌ ᒥᔮᑭᓅᑖᑯᐱᓐ ᑎᐹᔨᐦᒋᒑᐎᓂᔨᐤ ᐆ ᐋᓐᒋᓐ᙮ ᒥᓯᐙ ᐋᔅᐱᑎᔅᑭᒥᑳᔨᒡ ᐊᔅᒌᔨᐤ ᒌ ᐙᔥᑖᔨᐤ ᑳ ᐃᔥᐱᔥ ᒌᐦᑳᔮᔥᑎᐙᑦ᙮

ᒋᔅᒑᔨᐦᑖᑯᐦᑖᒑᐧᐃᓐ 18:21

ᐋᒄ ᐋᓐᒋᓐ ᓈᔥᒡ ᐋ ᓲᐦᒑᔨᐦᑖᑯᓯᑦ ᑳ ᐅᐦᒋ ᐅᑎᓈᑦ ᐋ ᒥᐦᒑᐱᔅᒋᔨᒡ ᐊᓯᓃ ᐋᒄ ᐊᓂᑖᐦ ᒋᐦᒋᑭᒦᐦᒡ ᑳ ᐄᔑ ᐱᑭᔥᑎᐙᐙᐱᓈᑦ᙮ ᐋᒄ ᑳᐦ ᐃᔨᑦ ᒫᒃ ᐊᓂᔮᔨᐤ ᐋ ᐙᐱᓈᑦ, “ᐋᐅᒄ ᒧᔮᒻ ᒑ ᐃᔥᐱᔥ ᐋᑳ ᒥᓈᒋᐦᑖᑭᓂᐎᒡ ᒑ ᐄᔑ ᒥᑐᓐ ᓂᔑᐎᓈᒋᐦᑖᑭᓂᐎᒡ ᐊᓐ ᒋᔖᐃᐦᑖᐎᓐ ᐹᐱᓨᓐ ᑳ ᐃᔑᓂᐦᑳᑖᒡ᙮ ᓂᒧᐃ ᒦᓐ ᓂᐦᑖ ᒋᑭ ᐅᐦᒋ ᒥᔅᑳᑭᓂᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 20:1

ᐋᒄ ᑳ ᐙᐱᒥᒄ ᐋᓐᒋᓐ ᒋᐦᒋᒌᔑᑯᐦᒡ ᐋ ᐅᐦᒋ ᐹᒋ ᔮᓰᑦ᙮ ᐆ ᒫᒃ ᐋᓐᒋᓐ ᒌ ᑎᐦᑯᓂᒻ ᐋᐱᐦᐄᑭᓂᔨᐤ ᒑ ᒌ ᐋᐱᐦᐋᐦᒃ ᐊᓂᔮᔨᐤ ᐊᓂᑖᐦ ᐄᑖᒥᐦᒡ ᐊᔅᒌᐦᒡ ᑳ ᐄᔑ ᒥᔥᑎᐦ ᐱᑯᓂᔮᔨᒡ ᑭᔮᐦ ᐲᔻᐱᔅᒀᔮᐲᔨᐤ ᓈᔥᒡ ᐋ ᒥᐦᒑᐹᑭᓃᒡ ᒌ ᑎᐦᑯᓂᒻ᙮

ᒋᔅᒑᔨᐦᑖᑯᐦᑖᒑᐧᐃᓐ 4:3

ᐊᓐ ᒫᒃ ᐊᐙᓐ ᑳ ᐊᐱᑦ ᐊᓂᑎᐦ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ ᓈᔥᑖᑆᐦ ᒌ ᒥᔻᔑᔨᐤ ᐋ ᐄᔑ ᒌᐦᑳᔮᔥᑎᐙᑦ, ᒧᔮᒻ ᐊᓯᓃᔑᒡ ᓈᔥᒡ ᑳ ᒥᔪᔑᒡ ᒑᔅᐱᕐ ᑭᔮᐦ ᑳᕐᓀᓕᔨᓐ ᑳ ᐃᔑᓂᐦᑳᓱᒡ ᐋᔪᐎᒄ ᑳ ᐄᑖᔥᑎᐙᑦ ᐊᓐ ᐊᐙᓐ᙮ ᒥᓯᐙ ᐙᔅᑳ ᐊᓐ ᒋᐦᒋᐅᒋᒫᐤ ᑖᐦᑎᐱᐎᓐ ᒌ ᐄᑖᐱᐦᒑᒨ ᐐᑯᐲᓵᑭᓐ ᓈᔥᒡ ᐋ ᒥᔻᔥᑎᐙᒡ ᒧᔮᒻ ᐊᓯᓃᔥ ᐁᒥᕌᓪᑦ ᑳ ᐃᔑᓂᐦᑳᓱᑦ ᐋᐦ ᐄᑖᔥᑎᐙᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 5:2

ᐋᒄ ᑳ ᐙᐱᒥᒄ ᐋ ᓲᐦᒑᔨᐦᑖᑯᓯᑦ ᐋᓐᒋᓐ, ᑳᐦ ᐃᔨᑦ ᒫᒃ ᓈᔥᒡ ᐋ ᒋᔣᐙᑦ, “ᐊᐙᓐ ᐋᐦ ᑖᑦ ᐋ ᑖᐱᒑᔨᐦᑖᑯᓯᑦ ᒑ ᒌ ᒥᓂᐦᒃ ᐊᓂᔮᔨᐤ ᐋᐃᔨᒡ ᐱᓯᑯᐦᐄᑭᓐ ᑭᔮᐦ ᒫᒃ ᒑ ᒌ ᐋᐳᐦᐙᒋᓂᐦᒃ ᐊᓂᔮᔨᐤ ᒥᓯᓂᐦᐄᑭᓂᔨᐤ᙮”

ᒋᔅᒑᔨᐦᑖᑯᐦᑖᒑᐧᐃᓐ 8:13

ᒫᒀᒡ ᒫᒃ ᐋᐦ ᐄᑖᐱᔮᓐ, ᓂᒌᐙᐱᒫᐤ ᒥᒋᓲ ᐋ ᐱᐹᒥᐦᐄᔮᑦ ᐊᓂᑖᐦ ᒌᔑᑯᐦᒡ ᐋ ᒋᔣᐙᑦ ᐋᐦ ᐃᔨᑦ, “ᑯᔥᑖᑎᑯᓐ, ᑯᔥᑖᑎᑯᓐ, ᑭᑎ ᑯᔥᑖᑎᑯᓂᔨᐤ ᒑ ᐄᔅᐱᔨᑦ ᒥᓯᐙ ᐊᐙᓐ ᐅᑎᐦ ᐊᔅᒌᐦᒡ ᑳᐦ ᑖᑦ ᐄᔥᐱᐦ ᐴᑖᑎᐦᒀᐙ ᐅᐴᑖᒋᑭᓂᐙᐤ ᐊᓂᒌ ᓂᔥᑐ ᐋᓐᒋᓂᒡ ᐋᔥᒄ ᐋᑳ ᐙᐦᒋ ᐴᑖᑎᐦᒡ ᐅᐴᑖᒋᑭᓂᐙᐤ᙮”