ᒫᔪᐦᐧᑖᑦ ᓘᒃ 8:2 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

² ᐃᔅᒀᐅᒡ ᑭᔮᐦ ᒌ ᐱᐹᐐᒑᐙᐅᒡ, ᐊᓂᒌ ᒥᒋᐊᐦᒑᐦᒄ ᑳ ᐎᔨᐐᑎᔑᐦᐅᒫᑭᓂᐎᔨᒡ ᐊᓂᑎᐦ ᐋᐦ ᑖᒡ ᐅᐦᒋ᙮ ᑭᔮᐦ ᐊᓂᒌ ᐋ ᒌ ᒦᓂᐙᒋᐦᐋᑭᓂᐎᒡ ᓂᓈᐦᑭᐤ ᐄᑖᔅᐱᓈᐎᓐ ᐅᐦᒋ᙮ ᐋᐅᒄ ᐹᔨᒄ ᒣᕇ ᒫᒃᑖᓖᓐ, ᐊᓐ ᐃᔅᒀᐤ ᓃᔣᔥᒡ ᒥᒋᐊᐦᒑᐦᒄ ᑳ ᐎᔨᐐᑎᔑᐦᐅᒫᑭᓂᐎᔨᒡ ᐊᓂᑎᐦ ᐅᐦᒋ ᐋᐦ ᑖᑦ᙮

ᒫᔪᐦᐧᑖᑦ ᓘᒃ 8:2 Iomraidhean Croise

ᒫᔪᐦᐧᑖᑦ ᒫᕠᔫ 4:24

ᒌ ᒋᑳᔮᒋᒫᑭᓂᐤ ᒫᒃ ᒥᓯᐙ ᐊᓂᑖᐦ ᓯᕆᔮᐦᒡ ᐊᔅᒌᐦᒡ, ᐋᒄ ᒫᒃ ᐄᔨᔨᐅᒡ ᑳ ᐹᔑᐙᒡ ᒥᓯᐙ ᐊᓂᔮᔨᐤ ᑳᐦ ᐋᐦᑯᓰᔨᒡ ᑭᔮᐦ ᑳ ᒫᒀᔨᑎᒥᔨᒡ ᐊᓂᑖᐦ ᑳᐦ ᑖᔨᒡ, ᓂᓈᐦᑭᐤ ᐄᑖᔅᐱᓈᐎᓂᔨᐤ ᑳ ᐃᔮᔨᒡ, ᑭᔮᐦ ᐊᓂᔮᔨᐤᐦ ᐊᐙᔨᐤᐦ ᒥᒋᐊᐦᒑᐦᒄ ᑳ ᐲᐦᒋᔥᑳᑯᔨᒡ, ᑭᔮᐦ ᐊᓂᔮᔨᐤ ᑳ ᐅᒋᐱᑎᑯᔨᒡ ᑭᔮᐦ ᐊᓂᔮᔨᐤ ᐋᑳ ᑳ ᓂᔅᑐᓰᔨᒡ᙮ ᒥᓯᐙ ᒫᒃ ᒌ ᒦᓂᐙᒋᐦᐋᐤ ᒌᓴᔅ ᐅᔮᔨᐤ ᐊᐙᔨᐤᐦ ᑳ ᐹᔑᒫᑭᓂᐎᔨᒡ᙮

ᒫᔪᐦᐧᑖᑦ ᒫᕐᒃ 16:1

ᐄᔥᐱᐦ ᒫᔮᐅᐱᔨᒡ ᒎᐄᔨᔨᐅᒡ ᐅᑎᔨᒥᐦᐋᐅᒌᔑᑳᒧᐧᐋᐤ ᐊᓂᒌ ᐃᔅᐧᑳᐅᒡ ᒣᕇ ᒫᒃᑖᓖᓐ, ᑭᔮᐦ ᓵᐧᓛᒦ, ᑭᔮᐦ ᒣᕇ ᒉᒥᔅ ᐅᑳᐧᐄᔨ ᒌ ᓂᑑᐅᑎᓂᒑᐅᒡ ᓂᓈᐦᑭᐤ ᐋ ᐃᓯᓈᑯᓃᔨᒡ ᐋ ᒥᔪᒫᑯᓰᔨᒡ ᑑᒥᓂᑭᓐ ᒑ ᒌ ᑑᒥᓂᐧᒫᒡ ᒌᓴᔅᐦ ᐧᐄᔮᔨᐤ᙮

ᒫᔪᐦᐧᑖᑦ ᒫᕐᒃ 16:9

ᐄᔥᐱᐦ ᒌᓴᔅ ᑳ ᐧᐃᓂᔥᑳᑦ ᓂᐱᐧᐃᓂᐦᒡ ᐅᐦᒋ ᐧᐄᐱᒡ ᐋ ᒑᒋᔖᐹᔮᔨᒡ ᐊᓂᔮᔨᐤ ᓃᔥᑎᒻ ᐋ ᒌᔑᑳᔨᒡ ᒦᓐ ᒑ ᑖᐅᔥᑖᔨᒡ ᒣᕇ ᒫᒃᑖᓖᓐ ᓃᔥᑎᒻ ᒌ ᓅᑯᓰᔥᑎᐧᐋᐤ᙮ ᐋᔨᐅᑯᓐ ᐅᔮᔨᐤ ᐃᔅᐧᑳᐤ ᑳ ᐧᐃᔨᐧᐄᑎᔑᐦᐆᒫᑦ ᓃᐧᔖᔥᒡ ᒥᒋᐊᐦᒑᐦᒄ ᐋ ᒌ ᐲᐦᒋᔥᑳᑯᔨᒡ᙮

ᒫᔪᐦᐧᑖᑦ ᓘᒃ 23:27

ᒥᐦᒑᑐ ᒫᒃ ᐊᐙᔨᐤᐦ ᒌ ᓅᔔᔥᑳᑰ ᒌᓴᔅ ᑭᔮᐦ ᐃᔅᒀᐤ ᒌ ᒫᑎᑖᑰ ᑭᔮᐦ ᒌ ᒨᔥᑯᐙᑎᑰ᙮

ᒫᔪᐦᐧᑖᑦ ᓘᒃ 23:49

ᒥᓯᐙ ᒫᒃ ᐊᓂᒌ ᐄᔨᔨᐅᒡ ᑳ ᒥᔪ ᒋᔅᒑᔨᒫᒡ ᒌᓴᔅᐦ ᑭᔮᐦ ᐊᓂᒌ ᐃᔅᒀᐅᒡ ᑳ ᐱᐹᐐᒑᐙᐙᑯᐱᓈ ᒌᓴᔅᐦ ᑳᓕᓖᐦᒡ ᐅᐦᒋ, ᐙᐦᐄᐐᔥ ᐊᓂᑖᐦ ᒌ ᓃᐴᐎᒡ ᐋ ᓈᓈᑭᒋᐦᐄᐙᒡ᙮

ᒫᔪᐦᐧᑖᑦ ᓘᒃ 23:55

ᐊᓂᒌ ᒫᒃ ᐃᔅᒀᐅᒡ ᑳᓕᓖᐦᒡ ᑳ ᐅᐦᒋ ᐐᒑᐙᒡ ᒌᓴᔅᐦ ᒌ ᐐᒑᐙᐅᒡ ᐊᓂᔮᔨᐤ ᒍᓯᕝᐦ᙮ ᒌ ᐙᐱᐦᑎᒧᒡ ᒫᒃ ᐊᓂᔮᔨᐤ ᒌᐲᑭᒥᑯᐦᑳᓂᔨᐤ ᑭᔮᐦ ᑖᓐ ᑳᐦ ᐄᑎᔥᑖᑭᓂᐎᔨᒡ ᒌᓴᔅᐦ ᐐᔮᔨᐤ ᐊᓂᑖᐦ᙮

ᒫᔪᐦᐧᑖᑦ ᓘᒃ 8:30

ᒌᓴᔅ ᒫᒃ ᒌ ᑯᒀᒋᒫᐤ, ᐋᐦ ᐄᑖᑦ, “ᑖᓐ ᐋᔑᓂᐦᑳᓱᔨᓐ?” ᑳᐦ ᐄᑎᑯᑦ, “ᑳ ᒥᐦᒑᑎᒡ᙮” ᐙᔥ ᒌ ᒥᐦᒑᑎᔨᐤ ᒥᒋᐊᐦᒑᐦᒄ ᐋ ᐲᐦᒋᔥᑳᑯᑦ ᐊᓐ ᓈᐹᐤ᙮

ᒫᔪᐦᐧᑖᑦ ᐧᒑᓐ 19:25

ᒌᓴᔅ ᒫᒃ ᐅᑳᐐᐦ ᐹᔓᒡ ᒌ ᓃᐴᔨᐤ ᐊᓂᑎᐦ ᒌᓴᔅᐦ ᐅᑖᔑᑖᔮᐦᑎᑯᒥᐦᒡ ᑭᔮᐦ ᐅᑳᐐᐦ ᐐᒋᔖᓂᔅᒀᒥᔨᐤ ᐋᑯᑖᐦ ᑳ ᓃᐴᐎᔨᒡ ᑭᔮᐦ ᒣᕇ, ᑭᓨᐹᔅ ᐐᐤᐦ ᑭᔮᐦ ᒣᕇ ᒫᒃᑖᓖᓐ᙮

ᐋᐧᐹᔅᑎᓕᒡ 1:14

ᒥᓯᐙ ᒫᒃ ᒌ ᓂᐦᐋᔨᐦᑎᒧᒡ ᒨᔥ ᒑ ᒌ ᐹᔨᑯᒥᓈᐦᐄᑎᒡ ᐋ ᒫᒨᐊᔨᒥᐦᐋᒡ᙮ ᐋᑯᑖᐦ ᑳ ᒌᐦ ᑖᒡ ᑭᔮᐦ ᐊᓂᒌ ᐃᔅᒀᐅᒡ ᑭᔮᐦ ᒣᕇ ᒌᓴᔅ ᐅᑳᐐᐦ ᑭᔮᐦ ᒫᒃ ᒌᓴᔅ ᐐᒋᔖᓐᐦ ᑳ ᓈᐹᐎᔨᒡ᙮