ᒫᔪᐦᐧᑖᑦ ᓘᒃ 4:7 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁷ ᐋᐅᒄ ᒫᒃ ᐆ ᒥᓯᐙ ᒑ ᐄᔑ ᑎᐱᔨᐙᐅᓯᔨᓐ ᐹᒋ ᐊᔨᒥᐦᐋᔥᑎᐎᓈ ᒧᔮᒻ ᐋ ᐄᔑ ᐊᔨᒥᐦᐋᔥᑎᐎᑦ ᒋᔖᒥᓂᑑ᙮”

ᒫᔪᐦᐧᑖᑦ ᓘᒃ 4:7 Iomraidhean Croise

ᒫᔪᐦᐧᑖᑦ ᒫᕠᔫ 2:11

ᐋᒄ ᑳ ᐲᐦᒑᒡ ᐊᓂᔮᔨᐤ ᐙᔅᑳᐦᐄᑭᓂᔨᐤ ᐊᓂᑖᐦ ᑳᐦ ᑖᔨᒡ ᒣᕇᐦ, ᑭᔮᐦ ᐊᓂᔮᔨᐤᐦ ᐅᑎᐙᔑᔒᒥᔨᐤᐦ᙮ ᐄᔥᐱᐦ ᒫᒃ ᐎᔮᐱᒫᒡ ᐊᓂᔮᔨᐤᐦ ᐊᐙᔑᔥᐦ ᒌᐦ ᐅᒋᐦᒌᐦᑯᓂᐱᔨᐦᐅᒡ ᐋ ᒫᒥᐦᒋᒫᒡ᙮ ᐋᒄ ᑳ ᑯᐃᑯᓂᐦᒡ ᐊᓂᔮᔨᐤᐦ ᒑᒀᔨᐤ ᑳ ᐐᐦ ᒥᔮᒡ ᐊᓂᔮᔨᐤᐦ ᐊᐙᔑᔥᐦ, ᔔᐎᔮᓈᐱᔅᒄ ᒌ ᒥᔮᐅᒡ, ᑭᔮᐦ ᐊᓂᔮᔨᐤ ᑳ ᒌᐦ ᐃᔥᒀᓯᑭᓂᐐᒡ ᑳ ᒥᔪᒫᑯᓰᔨᒡ ᑭᔮᐦ ᑳᐦ ᐋᔨᒥᒋᑖᑯᓃᔨᒡ ᑑᒥᓂᑭᓂᔨᐤ ᑳ ᒥᔪᒫᑯᓰᔨᒡ᙮

ᒫᔪᐦᐧᑖᑦ ᓘᒃ 17:16

ᐄᔥᐱᐦ ᒫᒃ ᑖᑯᔑᐦᒃ ᒌ ᐅᒋᐦᒌᐦᑯᓂᐱᔨᐦᐆ ᐅᐦᑎᔅᑰ ᒌᓴᔅᐦ ᐋᐦ ᑖᔨᒡ ᐋ ᓂᓈᔅᑯᒫᑦ᙮ ᐆ ᒫᒃ ᓈᐹᐤ ᓵᒫᕆᔮ ᐊᔅᒌᐦᒡ ᒌ ᐅᐦᒌᐤ᙮

ᒫᔪᐦᐧᑖᑦ ᓘᒃ 4:6

ᐋᒄ ᑳᐦ ᐄᑎᑯᑦ, “ᒥᓯᐙ ᒋᑭ ᐱᒋᔅᑎᓂᒫᑎᓐ ᒑ ᒌ ᑎᐹᔨᐦᒋᒑᔨᓐ ᐅᑎᐦ ᐅᐦᐄ ᒋᐦᒋᐅᒋᒫᐎᓐᐦ ᑭᔮᐦ ᒥᓯᐙ ᐊᓐ ᒦᓯᒋᓰᐎᓐ ᒑ ᒌ ᑎᐹᔨᐦᑎᒥᓐ᙮ ᓃᔨ ᒥᓯᐙ ᓂᒌ ᐱᒋᔅᑎᓂᒫᑭᐎᓐ, ᐋᒄ ᒫᒃ ᒥᒄ ᐊᓐ ᐊᐙᓐ ᐙᐦ ᒥᔨᒃ ᓂᑭ ᒌ ᒥᔮᐤ᙮

ᒫᔪᐦᐧᑖᑦ ᓘᒃ 4:8

ᐋᒄ ᒌᓴᔅ ᑳᐦ ᐄᑖᑦ, “ᐊᒀᒋᔥᑖᒡ ᒋᐦᒋᒥᓯᓂᐦᐄᑭᓂᐦᒡ, ᒥᒄ ᑎᐹᔨᐦᒋᒑᓯᐤ ᒋᒋᔖᒥᓂᑑᒧᐙᐤ ᐊᔨᒥᐦᐋᔥᑎᐙᐦᒄ ᑭᔮᐦ ᐐᔨ ᒥᒄ ᐋᐱᑎᓰᔥᑎᐙᐦᒄ᙮”

ᒫᔪᐦᐧᑖᑦ ᓘᒃ 8:28

ᐆ ᒫᒃ ᓈᐹᐤ ᐄᔥᐱᐦ ᐎᔮᐱᒫᑦ ᐊᓂᔮᔨᐤ ᒌᓴᔅᐦ, ᒌ ᐃᔮᔑᐦᒀᐤ ᑳᐦ ᐋᑎ ᐱᐦᒋᔑᐦᒃ ᐅᐦᑎᔅᑰ ᐊᓂᑎᐦ ᐋᐦ ᑖᔨᒡ᙮ ᐋᒄ ᑳ ᑖᑆᑦ ᐋᐦ ᐃᔨᑦ, “ᒌᓴᔅ, ᒌ ᑳ ᐅᑯᓰᑐᑖᔅᒃ ᒋᔖᒥᓂᑑ ᒫᐅᒡ ᑳ ᐃᔥᐹᔨᐦᑖᑯᓯᑦ, ᑖᓐ ᐙᐦ ᐃᔒᐦᑭᐎᔨᓐ? ᐊᑳᐐ ᐹᒋ ᓂᓈᐦᑳᑖᔨᒧᐦᐄᐦ ᒋᐐᐦ ᓂᑐᑎᒫᑎᓐ᙮”

ᒋᔅᒑᔨᐦᑖᑯᐦᑖᒑᐧᐃᓐ 22:8

ᓃᔨ ᒞᓐ, ᓃᔨ ᓂᒌ ᐹᐦᑖᓐ ᑭᔮᐦ ᓂᒌᐙᐱᐦᑖᓐ ᒥᓯᐙ ᐅᐦᐄ ᒑᒀᓂᐦᐄ᙮ ᐄᔥᐱᐦ ᒫᒃ ᑳ ᒌᔑᐱᔨᐦᒡ ᐋ ᐹᐦᑎᒫᓐ ᑭᔮᐦ ᐋ ᐙᐱᐦᑎᒫᓐ ᐅᐦᐄ ᒑᒀᓂᐦᐄ ᐋᒄ ᑳ ᐊᔨᒥᐦᐋᔥᑎᐦᒃ ᐋ ᐅᒋᐦᒌᐦᑯᓂᐱᔨᐦᐅᔮᓐ ᐅᐦᑎᔅᑰ ᐋᐦ ᑖᑦ ᐊᓐ ᐋᓐᒋᓐ ᑳ ᐙᐱᐦᑎᔨᑦ ᐅᔮᔨᐤᐦ ᒑᒀᔨᐤᐦ᙮

ᒋᔅᒑᔨᐦᑖᑯᐦᑖᒑᐧᐃᓐ 4:10

ᐊᓂᒌ ᓃᔥᑎᓂᐤ ᓈᐅᔖᑉ ᑳ ᒋᔅᑖᔨᐦᑖᑯᓯᒡ ᒋᔖᐄᔨᔨᐅᒡ ᒌ ᐱᐦᒋᔓᒥᐱᔨᐦᐅᐎᒡ ᐊᓂᑖᐦ ᐄᔑ ᐅᐦᑎᔅᑰ ᐋᐦ ᑖᔨᒡ ᐊᓂᔮᔨᐤ ᑳ ᐊᐱᔨᒡ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ, ᐋ ᒫᒥᐦᒋᒫᒡ ᐊᓂᔮᔨᐤ ᑳᒋᒡ ᑳ ᐱᒫᑎᓰᔨᒡ᙮ ᒌ ᒥᓂᒧᒡ ᐊᓂᔮᔨᐤ ᐅᒋᐦᒋᐅᒋᒫᐤ ᐊᔥᑐᑎᓂᐙᐤ ᐋᒄ ᐅᐦᑎᔅᑰ ᐊᓂᑎᐦ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ ᑳ ᐄᔑ ᐱᒋᔅᑎᓂᐦᒡ, ᐋᐦ ᐃᔨᒡ,

ᒋᔅᒑᔨᐦᑖᑯᐦᑖᒑᐧᐃᓐ 5:8

ᐄᔥᐱᐦ ᒫᒃ ᑳ ᐅᑎᓂᒸᑦ ᐊᓂᔮᔨᐤ ᒥᓯᓂᐦᐄᑭᓂᔨᐤ ᐊᓂᒌ ᑳ ᐱᒫᑎᓰᔨᒡ ᐄᔨᔨᐅᒡ ᑭᔮᐦ ᐊᓂᒌ ᓃᔥᑎᓂᐤ ᓈᐅᔖᑉ ᑳ ᒋᔅᑖᔨᐦᑖᑯᓯᒡ ᒋᔖᐄᔨᔨᐅᒡ ᒌ ᒫᒥᐦᒋᒫᐆᒡ ᐋ ᐱᐦᒋᔑᒦᓯᐎᒡ ᐊᓂᑎᐦ ᐊᓂᔮᔨᐤ ᒫᓂᔥᒑᓂᔥ ᐋᐦ ᑖᔨᒡ᙮ ᒥᓯᐙ ᐹᐦᐹᔨᒄ ᒌ ᐃᔮᐅᒡ ᒋᔅᑐᐦᒋᑭᓂᔥ ᑳ ᒥᔪᐦᑖᑯᓃᔨᒡ ᑭᔮᐦ ᐋ ᒨᑖᔮᐱᔅᑳᔨᒡ ᐎᔮᑭᓐ ᐋ ᐅᔖᐅᔔᐎᔮᓈᐱᔅᑰᐐᔨᒡ᙮ ᒑᒀᔨᐤ ᐋ ᒥᔪᒫᑯᓰᔨᒡ ᒌ ᓵᑭᔅᒋᓈᔨᐤ ᐊᓂᑎᐦ ᐊᓂᔮᔨᐤ ᐎᔮᑭᓐ᙮ ᐊᓂᔮᔨᐤ ᒫᒃ ᒑᒀᔨᐤ ᑳ ᒥᔪᒫᑯᓰᔨᒡ ᐋᔨᐅᑯᓐ ᐅᔮᔨᐤ ᐅᑎᔨᒥᐦᐋᐎᓂᐙᐤ ᐊᓂᒌ ᑳ ᑖᑆᔮᔨᐦᑎᐦᒡ᙮