ᒫᔪᐦᐧᑖᑦ ᓘᒃ 23:2 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

² ᐋᒄ ᓂᑎᐐ ᒥᒄ ᑳ ᐄᔑ ᒫᒥᔑᒫᒡ ᐋᐦ ᐄᑖᒡ, “ᐆ ᒫᐦ ᓈᐹᐤ ᓂᒥᔅᑭᐙᓈᓐ ᐋ ᒥᒋᑭᒑᔅᒋᒫᑦ ᓂᑎᐄᔨᔨᒥᓈᓐ, ᐋ ᒋᔅᑎᐦᐋᒧᐙᑦ ᒑ ᒌ ᑎᐱᐦᐙᔨᒡ ᒥᔥᑎᐦ ᒋᐦᒋᐅᒋᒫᐤ ᔓᐎᔮᓐ ᑭᔮᐦ ᐋ ᐐᐦᑎᒧᐙᑦ ᐐᔨ ᐋᐦᐋᐎᑦ ᙭, ᒋᐦᒋᐅᒋᒫᐤ ᐋᐦ ᐄᑎᐦᐄᓱᑦ᙮”

ᒫᔪᐦᐧᑖᑦ ᓘᒃ 23:2 Iomraidhean Croise

ᒫᔪᐦᐧᑖᑦ ᐧᒑᓐ 19:12

ᐅᔮᔨᐤ ᒫᒃ ᑳ ᐄᔨᔨᒡ ᒌᓴᔅᐦ, ᐹᔨᓕᑦ ᒋᐐᐦ ᐱᒋᔅᑎᓈᐤ᙮ ᐋᒄ ᒥᒄ ᐊᓂᒌ ᒎᐤ ᐄᔨᔨᐅᒡ ᑳ ᑖᑆᒡ ᐋᐦ ᐃᔨᒡ, “ᐹᒋᔥᑎᓈᒀ ᒌᓴᔅ ᓂᒧᐃ ᒌ ᐅᐐᒑᐙᑭᓂᑐᑎᐙᐙᐤ ᒋᐦᒋᐅᒋᒫᐤ ᓰᓯᕐ᙮ ᐙᔥ ᐊᐙᓐ ᑳ ᒋᐦᒋᐅᒋᒫᐅᐦᐄᓱᑦ ᓂᔥᑯᔥᑎᐙᐤ ᓰᓯᕐ᙮”

ᒫᔪᐦᐧᑖᑦ ᓘᒃ 23:14

ᐋᒄ ᑳᐦ ᐄᑖᑦ, “ᒋᒌ ᐹᔓᐙᐙᐤ ᐆ ᓈᐹᐤ ᐅᑎᐦ ᐋᐦ ᑖᔮᓐ ᐋᐦ ᐄᑖᒄ ᐋ ᒌ ᒥᒋᑭᒑᔅᒋᒫᑦ ᐄᔨᔨᐤ ᐋᐦ ᐄᑖᑦ ᒑ ᒌ ᓂᔥᑰᔥᑐᐙᔨᒡ ᒋᐦᒋᐅᒋᒫᐤ᙮ ᓂᒌ ᓂᑑᒋᔅᒑᔨᒫᐤ ᐅᑎᐦ ᐅᐦᑎᔅᑰ ᐋᐦ ᑖᔮᒄ ᓂᒧᐃ ᒫᒃ ᓂᒥᔅᑭᒸᓐ ᑖᓐ ᑳ ᐄᔑ ᒥᒋᐦᑑᑎᒧᒀ᙮

ᐋᐧᐹᔅᑎᓕᒡ 24:5

ᓂᒥᔅᑰᐙᐦᓈᓐ ᐆ ᓈᐹᐤ, ᑆᓪ ᐋ ᐅᔅᑖᐱᐦᐄᐙᑦ᙮ ᑎᑯᓂᔨᐤ ᑖᓐ ᐋᐦᑎᒃ ᐊᓂᑎᐦ ᐙᐦᒋ ᑐᑎᐙᑦ ᐅᔮᔨᐤ ᒎᐤ ᑳᐦ ᐄᑎᔅᑳᓈᓰᔨᒡ ᐄᔨᔨᐤ ᒥᓯᐙ ᐅᑎᐦ ᐊᔅᒌᐦᒡ ᑳᐦ ᑖᔨᒡ ᒑ ᒌ ᓈᔥᒡ ᒥᒋᐱᔨᔨᒡ᙮ ᐐᒋᐦᐄᐙᐤ ᑭᔮᐦ ᐋ ᓃᑳᓂᔥᑳᒫᑭᓂᐎᔨᒡ ᐊᓂᔮᔨᐤ ᓈᓵᕇᓐ ᑳ ᐃᔑᓂᐦᑳᑎᒫᑭᓂᐎᔨᒡ ᓈᔥᒡ ᓂᑎᐐ ᒥᒄ ᑳ ᐄᔑ ᑭᑖᑆᐦᑎᒥᔨᒡ᙮

ᒫᔪᐦᐧᑖᑦ ᐧᒑᓐ 18:30

ᐋᒄ ᐋᑖᒡ, “ᐋᑐᒡ ᓅᐦᒋ ᐹᔓᐙᓈᓐ ᑳ ᐅᐦᒋ ᒥᒋᐦᑐᑎᐦᒃ᙮”

ᒫᔪᐦᐧᑖᑦ ᒫᕐᒃ 12:17

ᒌᓴᔅ ᒌᐦ ᐄᑖᐤ, “ᒥᔮᐦᒄ ᒋᐦᒋᐅᒋᒫᐤ ᓰᓯᕐ ᑖᓂᔮᔨᐤ ᐧᐄᔨ ᑎᐱᔨᐧᐋᐅᓯᑦ, ᑭᔮᐦ ᒫᒃ ᒥᔮᐦᒄ ᒋᔖᒥᓂᑑ ᑖᓂᔮᔨᐤ ᐧᐄᔨ ᑎᐱᔨᐧᐋᐅᓯᑦ᙮” ᓄᐧᐃᒡ ᒫᒃ ᒌ ᒫᒥᔥᑳᓯᑐᐧᐋᐅᒡ ᐅᔮᔨᐤ ᑳ ᐄᔑ ᐊᔨᒥᐦᐄᑯᒡ᙮

ᒫᔪᐦᐧᑖᑦ ᒫᕠᔫ 22:21

ᐋᒄ ᑳᐦ ᐄᑎᑯᑦ, “ᕎᒻ ᒋᐦᒋᐅᒋᒫᐤ ᓰᓯᕐ ᐊᓂᔮᔨᐤᐦ ᐅᑖᔥᑎᒥᐦᒄ ᑭᔮᐦ ᐐᔨ ᐊᓂᑎᐦ ᒥᓯᓈᓲ᙮” ᐋᒄ ᒌᓴᔅ ᑳᐦ ᐄᑖᑦ, “ᒥᔮᐦᒄ ᒋᐦᒋᐅᒋᒫᐤ ᓰᓯᕐ ᑖᓐ ᐊᓂᔮᔨᐤ ᐐᔨ ᑎᐱᔨᐙᐅᓯᑦ, ᑭᔮᐦ ᒫᒃ ᒥᔮᐦᒄ ᒋᔖᒥᓂᑑ ᑖᓐ ᐊᓂᔮᔨᐤ ᐐᔨ ᑎᐱᔨᐙᐅᓯᑦ᙮”

ᐋᐧᐹᔅᑎᓕᒡ 24:13

ᑭᔮᐦ ᒫᒃ ᓂᒧᐃ ᓂᐦᐋᐤ ᒋᑭ ᒌ ᐙᐱᐦᑎᔨᑯᒡ ᑖᑆᐦ ᐋ ᑖᑆᒡ ᐊᓂᔮᔨᐤ ᑖᓐ ᐋ ᐄᔑ ᐹᒋ ᐊᑖᒫᔨᒥᒡ᙮

ᒫᔪᐦᐧᑖᑦ ᓘᒃ 23:5

ᐋᑯᑖᐦ ᐊᑎᑎᐤ ᓲᐦᒃ ᑳ ᐐᐦ ᑖᑆᒡ ᐋᐦ ᐃᔨᒡ, “ᐆ ᓈᐹᐤ ᐅᔅᑖᐱᐦᐄᐙᐤ ᑖᓐ ᐋ ᐄᔑ ᒋᔅᑯᑎᒫᒑᑦ ᒥᓯᐙ ᐋ ᐃᔥᐱᔖᔨᒡ ᒎᑏᔮ ᐊᔅᒌᔨᐤ᙮ ᑳᓕᓖᐦᒡ ᒌ ᐅᐦᒋ ᒋᐦᒋᐱᔨᐦᑖᐤ ᐋ ᒋᔅᑯᑎᒫᒑᑦ ᐅᑖᐦ ᒫᒃ ᒌ ᐄᔑ ᒋᔅᑯᑎᒫᒑᐤ ᒋᕉᓯᓕᒥᐦᒡ᙮”

ᒫᔪᐦᐧᑖᑦ ᒫᕠᔫ 17:27

ᒥᒄ ᒫᒃ ᓂᒧᐃ ᒋᑭ ᐐᐦ ᒋᔑᐙᐦᐋᓅᒡ ᐊᓂᒌ ᐄᔨᔨᐅᒡ᙮ ᓈᓯᐹᐦ ᒫᒃ ᓈᑖᐦ ᒑ ᐱᑭᔥᑎᐙᐦᐊᒥᓐ ᐅᒋᒀᒋᑭᓐ᙮ ᐊᓐ ᒫᒃ ᓃᔥᑎᒻ ᓂᒫᔅ ᒑ ᐅᒋᒀᑎᑦ ᒑ ᐅᑎᓂᑦ, ᐊᓂᑖᐦ ᒫᒃ ᐅᑑᓂᐦᒡ ᒋᑭ ᒥᔅᑳᒫᔨᐤ ᔔᐎᔮᓈᐱᔅᒄ, ᒋᑭ ᐃᔥᑎᑎᐤ ᐊᓂᑎᐦ ᑖᐱᔥᑯᓐ ᐋ ᓃᔒᐦᒄ ᒑ ᐃᔥᐱᔥ ᐱᒋᔅᑎᓈᐅᐦᑯᐱᓈ ᔓᐎᔮᓐ᙮ ᒑ ᐄᑐᐦᑎᐦᐄᑦ ᓈᑖᐦ ᒋᔖᐊᔨᒥᐦᐋᐅᑭᒥᑯᐦᒡ ᒑ ᐱᒋᔅᑎᓂᑦ ᐊᓐ ᒑ ᐃᔥᐱᔥ ᐱᒋᔅᑎᓂᒑᐅᐦᑯᐱᓈ᙮”

ᒫᔪᐦᐧᑖᑦ ᒫᕠᔫ 27:11

ᒌᓴᔅ ᒫᒃ ᒌᐦ ᐐᐦᑎᔅᑭᐎᑳᐴᔥᑎᐙᐤ ᐹᔨᓕᑦᐦ ᐊᓂᔮᔨᐤ ᕎᒻ ᒋᐦᒋᐅᒋᒫᐤ ᐅᒋᔕᐅᒋᒫᒻ᙮ ᐋᒄ ᑳ ᑯᒀᒋᒥᑯᑦ, “ᒌᔨ ᐋ ᒎᐤ ᐄᔨᔨᐅᒡ ᐅᒋᐦᒋᐅᒋᒫᒧᐙᐤ?” ᒌᓴᔅ ᒫᒃ ᒌᐦ ᐄᑖᐤ, “ᐋᐅᒄ ᐊᓐ ᐋᓯᔨᓐ᙮”

ᒫᔪᐦᐧᑖᑦ ᒫᕐᒃ 15:2

ᐋᒄ ᐹᔨᓕᑦ ᑳ ᑯᐧᑳᒋᒫᑦ ᒌᓴᔅᐦ, “ᐋᐤ ᐋ ᒌᔨ ᒎᐄᔨᔨᐅᒡ ᐅᒋᐦᒋᐅᒋᒫᒧᐧᐋᐤ?” ᒌᓴᔅ ᒌᐦ ᐄᑖᐤ, “ᐋᐅᒄ ᐋᓐ ᐃᔮᔨᓐ᙮”

ᒫᔪᐦᐧᑖᑦ ᐧᒑᓐ 18:29

ᐋᔪᐎᒄ ᒫᒃ ᐅᔮᔨᐤ ᐙᐦᒡ ᒌᐦ ᐎᔨᐐᑦ ᐹᔨᓕᑦ, ᑳ ᓂᑎᐙᐱᒫᑦ ᐋᒄ ᑳ ᑯᒀᒋᒫᑦ, “ᑖᓐ ᐋ ᐄᔑ ᐊᑖᒫᔨᐦᑖᑯᓯᑦ ᐆ ᓈᐹᐤ?”

ᐧᕌᒥᓐ 13:7

ᑖᓐ ᒥᒄ ᐋ ᐄᔑ ᑎᑯᓃᒀ ᒑ ᒌ ᐄᔑ ᑎᐱᐦᐅᓱᔨᓐ ᔓᐎᔮᓐ, ᑎᐱᐦᐅᓲ᙮ ᑖᓐ ᒥᒄ ᐋ ᐄᔑ ᓂᑎᐙᔨᐦᑖᑯᓲᓈ ᒑ ᒌ ᐄᔑ ᒋᔅᑖᔨᒥᑣᐤ ᐊᓂᒌ ᑎᐹᔨᐦᒋᒑᐎᓂᐦᒡ ᑳ ᐄᔑ ᐋᐱᑎᔒᒡ, ᒋᔅᑖᔨᒥᒡ᙮