ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 1:5 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁵ ᐋ ᑖᒀ ᐊᐙᓐ ᐋᐦᐋᑳ ᒋᔅᒑᔨᐦᑎᐦᒃ ᑖᓐ ᓂᐦᐋᐤ ᒑ ᐄᔑᑳᐴᔥᑎᐦᒃ ᒑᒀᔨᐤ ᐋ ᓂᒋᔥᑭᐦᒃ, ᒋᔖᒥᓂᑑ ᒋᐱᐦ ᓂᑐᑎᒧᐙᐤ ᑭᒑᐦᑖᐙᔨᐦᑎᒧᐎᓂᔨᐤ᙮ ᒋᑭ ᒥᔨᑰ ᒫᒃ᙮ ᐙᔥ ᒋᔖᒥᓂᑑ ᒥᔻᔨᐦᑎᒻ ᐙᔪᒡ ᒥᔮᐤ ᒥᓯᐙ ᐊᐙᔨᐤᐦ ᑖᓐ ᐋ ᐄᔑ ᓂᑎᐙᔨᐦᑎᒫᑯᑦ ᒑᒀᔨᐤ ᐋᐦᐋᑳ ᐋᓍᔨᒫᑦ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 1:5 Iomraidhean Croise

ᒫᔪᐦᐧᑖᑦ ᒫᕠᔫ 11:20

ᐊᓂᑖᐦ ᒫᒃ ᐊᓂᐦᐄ ᐃᐦᑖᐎᓐ ᐋᑎ ᒫᐆᒡ ᒥᐦᒑᑐ ᑳᐦ ᑐᑎᐦᒃ ᒫᒥᔥᑳᒡ ᐃᔨᐦᑎᐎᓐ ᒌᓴᔅ, ᐊᓂᒌ ᒫᒃ ᐄᔨᔨᐅᒡ ᑳᐦ ᑖᒡ ᐊᓂᑎᐦ ᐊᓂᔮᔨᐤ ᐃᐦᑖᐎᓐ ᐊᔮᐱᒡ ᓂᒧᐃ ᐅᐦᒋ ᒀᔅᑳᑎᓯᐎᒡ᙮ ᓂᒧᐃ ᒫᒃ ᐅᐦᒋ ᒥᓈᒋᒫᐤ ᐋᐦ ᐄᑖᑦ,

ᒫᔪᐦᐧᑖᑦ ᒫᕐᒃ 16:14

ᐹᑎᒫ ᒫᒃ, ᒌᓴᔅ ᒌ ᓅᑯᓰᔥᑎᐧᐋᐤ ᐊᓂᔮᔨᐤᐦ ᐹᔨᑯᔖᑉᐦ ᐅᒋᔅᒋᓂᐦᐊᒧᐧᐋᑭᓐᐦ ᒫᐧᑳᒡ ᐋ ᒫᒨᒦᒋᓱᔨᒡ ᒦᒋᓲᓈᐦᑎᑯᐦᒡ᙮ ᒌ ᐋᐧᓈᔨᒫᐤ ᒫᒃ ᐊᓂᔮᔨᐤ ᐋᐦ ᐋᐧᓈᐦᑎᒥᔨᒡ ᑭᔮᐦ ᐋ ᒥᔅᑯᔅᑎᐧᑳᓈᔨᒡ, ᐋᐦᐋᑳ ᐅᐦᒋ ᐧᐄᐦ ᑖᑆᐦᑎᐧᐋᔨᒡ ᐊᓂᔮᔨᐤᐦ ᑳ ᐧᐋᐱᒥᑯᑦ ᐹᑎᒫ ᑳ ᐧᐃᓂᔥᑳᓈᑭᓅᑦ᙮

ᒫᔪᐦᐧᑖᑦ ᐧᒑᓐ 14:13

ᓂᑭ ᑐᑖᓐ ᑖᓐ ᐋ ᐄᔑ ᓂᑐᑎᒫᔮᒄ ᓂᑎᔑᓂᐦᑳᓱᐎᓐ ᐋᐱᒋᐦᑖᔮᒀ, ᐅᐦᑖᐐᒫᐤ ᒑ ᒌ ᒋᒋᔅᑖᔨᐦᑖᑰᐦᐋᑭᓅᑦ ᐅᑯᓯᓯᒫᐤ ᐅᐦᒋ᙮

ᒫᔪᐦᐧᑖᑦ ᐧᒑᓐ 15:7

ᓃᔨ ᒫᒃ ᐲᐦᒋᔅᑯᔮᒀ ᑭᔮᐦ ᓂᑎᔨᒧᐎᓐ ᐲᐦᒋᔥᑳᑯᔮᒀ ᒥᒄ ᑖᓐ ᒑ ᐄᔑ ᓂᑐᑎᒫᐙᒀ ᒑᒀᓐ ᐋᐅᒄ ᐊᓐ ᒑ ᑐᑎᒫᑯᔮᒄ᙮

ᒫᔪᐦᐧᑖᑦ ᐧᒑᓐ 4:10

ᐋᒄ ᒌᓴᔅ ᐋᑖᑦ, “ᒋᔅᒑᔨᐦᑎᒨᐦᐱᓈ ᒑᒀᔨᐤ ᐙᐦ ᒥᔨᐙᑦ ᒋᔖᒥᓂᑑ ᑭᔮᐦ ᒋᔅᒑᔨᒥᔨᓐ ᐊᐙᓐ ᓃᔨ ᐃᔮᐎᔮᓐ, ᒌᔨ ᒋᐱᐦ ᑯᒀᒋᒥᓐ ᒑ ᒌ ᒥᓂᐦᐄᑖᓐ᙮ ᐊᓐ ᒫᒃ ᑳ ᐱᒫᒋᐦᐄᐙᒥᑭᐦᒡ ᐃᔨᐦᐲ ᐋᐅᒄ ᐊᓐ ᒋᐱᐦ ᒥᓂᐦᐄᑎᓐ᙮”

ᓃᔓ ᑯᕆᓐᕠᔨᓐ 2:16

ᐊᓐ ᒫᒃ ᑳ ᒥᔪᒫᑯᓯᒡ, ᐊᓂᒌ ᒫᒃ ᒑ ᐎᓂᔑᐦᒡ ᓂᐱᐎᓂᔨᐤ ᐋᐅᒄ ᒫᔮᐦᑎᐦᒡ, ᐋᒄ ᐊᓂᒌ ᒑ ᐱᒫᒋᐦᐅᒡ ᐱᒫᒋᐦᐄᐙᐎᓂᔨᐤ ᐋᔪᐎᒄ ᒫᔮᐦᑎᐦᒡ᙮ ᐆ ᒫᒃ ᐋᐱᑎᓰᐎᓐ ᐋᑐᑎᒫᐦᒡ ᓈᔅᑖ ᒋᔥᑎᒫᐎᓐ, ᐊᐙᓐ ᒫᒃ ᒑ ᑭᔅᒋᐆᐦᑦ ᐅᔮᔨᐤ ᒑ ᒌᐦ ᑐᑎᐦᒃ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 1:17

ᒥᓯᐙ ᒥᔨᐙᐎᓐ ᑳ ᒥᔻᔑᒡ ᑭᔮᐦ ᒥᑐᓐ ᑯᐃᔅᒄ ᑳ ᐄᑖᔨᑖᑯᐦᒡ ᐊᓂᑖᐦ ᐃᔥᐱᒥᐦᒡ ᐅᐦᒋᐱᔨᐤ, ᐊᓂᑖᐦ ᒋᔖᒥᓂᑑ ᐋᐦ ᑖᑦ᙮ ᐋᐅᒄ ᐆ ᒋᔖᒥᓂᑑ ᑳ ᐅᔑᐦᑖᑦ ᒥᓯᐙ ᐙᔥᑖᐎᓂᔨᐤ ᐊᓂᑖᐦ ᒌᔑᑯᐦᒡ᙮ ᒨᔥ ᐹᔨᑯᓂᐦᒡ ᐄᑖᔨᐦᑖᑯᓯᐤ, ᓂᒧᐃ ᐃᓯᓈᑯᓯᐤ ᒧᔮᒻ ᐋ ᑎᑳᔥᑖᐦᑎᐦᒡ ᒑᒀᓐ ᐋᔅᑭᐤ ᐊᔨᐦᒡ ᒫᓐ ᐋ ᐃᓯᓈᑯᐦᒡ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 3:17

ᐊᓐ ᒫᒃ ᑭᒑᐦᑖᐙᔨᐦᑎᒧᐎᓐ ᐃᔥᐱᒥᐦᒡ ᑳ ᐅᐦᒋᐱᔨᐦᒡ ᓃᔥᑎᒻ ᒥᑐᓐ ᐱᔮᐦᑭᓐ, ᐋᒄ ᒦᓐ ᐋ ᒋᔮᒫᔨᐦᑖᑯᐦᐄᐙᒥᑭᐦᒡ, ᔫᔅᐹᔨᐦᑖᑯᐦᐄᐙᒥᑭᓐ, ᑭᔮᐦ ᑐᑖᑰ ᐊᐙᓐ ᐃᔮᒀ ᒑ ᒌ ᓂᑑᐦᑎᐙᑦ ᐊᐙᔨᐤᐦ᙮ ᐊᐙᓐ ᐋ ᐃᔮᑦ ᐅᔮᔨᐤ ᑭᒑᐦᑖᐙᔨᐦᑎᒧᐎᓂᔨᐤ ᓈᔥᒡ ᑭᑎ ᐙᔪᒡ ᒋᔖᐙᑐᑎᐙᐤ ᐊᐙᔨᐤᐦ ᑭᔮᐦ ᒥᔥᑏᐦ ᒋᑭ ᒥᔪᑐᑎᒫᒑᐤ, ᐹᔨᑯᓂᐦᒡ ᒋᑭ ᐄᔑ ᑭᓂᐙᐱᒫᐤ ᒥᓯᐙ ᐊᐙᔨᐤᐦ ᑭᔮᐦ ᓂᒧᐃ ᒥᑐᓐ ᒋᑭ ᐅᐦᒋ ᐐᐦᑳᑖᐤ ᑖᓐ ᓂᐦᐋᐤ ᐋ ᐄᑖᔨᐦᑖᑯᓯᑦ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 5:16

ᐙᐐᐦᑎᒫᑐᒄ ᒫᒃ ᒋᒥᒋᐦᑐᑎᒧᐎᓂᐙᐤ ᑭᔮᐦ ᐊᔨᒥᐦᐋᔥᑎᒫᑐᒄ ᒑ ᒌ ᐅᐦᒋ ᒦᓂᐙᑎᓰᔮᒄ᙮ ᐊᓂᔮᔨᐤ ᑖᓐ ᐋ ᐄᔑ ᐊᔨᒥᐦᐋᑦ ᐊᐙᓐ ᐋ ᑯᐃᔅᑯᑖᑎᓰᑦ, ᓈᔥᑖᑆᐦ ᓲᐦᒋᐱᔨᔨᐤ ᑖᓐ ᐋ ᐄᔑ ᑐᑎᒫᒑᒥᑭᓃᔨᒡ᙮

ᓃᔥᑎᒻ ᐧᒑᓐ 3:22

ᒋᑭ ᒥᔨᑯᓂᐤ ᒑᒀᔨᐤ ᐋ ᐄᔑ ᓂᑎᐙᔨᐦᑎᒨᐦᒄ, ᐋᐦ ᑐᑎᒥᐦᒄ ᑖᓐ ᐋᑎᔓᒥᑎᐦᒄ ᑭᔮᐦ ᐋᐦ ᑐᑎᒥᐦᒄ ᐊᓂᔮᔨᐤ ᒑᒀᔨᐤ ᓈᐦᐋᔨᐦᑎᒥᐦᐄᑯᑦ᙮