ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 1:12 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹² ᔑᐙᔨᐦᑖᑯᓱ ᐊᓐ ᐊᐙᓐ ᐋᑳ ᑳ ᔑᐦᑯᒋᐦᐄᑯᑦ ᑖᓐ ᐋ ᐄᔑ ᑯᒀᒋᐦᐋᑭᓅᑦ᙮ ᐙᔥ ᔖᐳᔥᑭᐦᒑ ᑖᓐ ᐋ ᐄᔑ ᑯᒀᒋᐦᐋᑭᓅᑦ ᒋᑭ ᒥᔨᑰ ᒋᔖᒥᓂᑑ ᐋ ᐙᔪᒡ ᒥᔻᔨᐦᑖᑯᓃᔨᒡ ᑳᒋᒡ ᐱᒫᑎᓰᐎᓂᔨᐤ, ᐊᓂᔮᔨᐤ ᑳ ᐄᔨᔨᒡ ᒑᔥᑎᓈᔥ ᒑ ᒥᔮᔨᒡ ᐊᓂᔮᔨᐤᐦ ᑳ ᓵᒋᐦᐄᑯᔨᒡ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 1:12 Iomraidhean Croise

ᒫᔪᐦᐧᑖᑦ ᒫᕠᔫ 10:22

ᒥᓯᐙ ᐄᔨᔨᐅᒡ ᒋᑭ ᐅᐦᑳᑎᑯᐙᐅᒡ ᐋ ᓅᔔᔥᑯᔮᒄ᙮ ᐊᓐ ᒫᒃ ᐊᐙᓐ ᐋᑳ ᒑ ᓅᐦᑎ ᐴᓃᔨᒀ ᐋ ᐹᒋ ᓅᔔᔥᑯᑦ ᐋᐅᒄ ᐊᓐ ᒑ ᐱᒫᒋᐦᐋᑭᓅᑦ᙮

ᒫᔪᐦᐧᑖᑦ ᒫᕠᔫ 25:34

ᐋᒄ ᒑ ᐄᑖᑦ ᐊᓐ ᒋᐦᒋᐅᒋᒫᐤ ᐊᓂᔮᔨᐤᐦ ᐄᔨᔨᐤᐦ ᐊᓂᑖᐦ ᐅᓂᐦᐄᐎᓂᐦᒡ ᑳᐦ ᑖᔨᒡ, ‘ᐋᔥᑎᒧᒄ ᒌᔨᐙᐤ ᑳ ᔓᐙᔨᒥᑖᒄ ᓅᐦᑖᐐᐦ᙮ ᐋᔥᑎᒧᒄ, ᐅᑎᓂᒧᒄ ᐊᓐ ᒋᐦᒋᐅᒋᒫᐎᓐᐦ ᐊᓐ ᑳ ᐊᔓᑎᒫᑯᐎᔮᒄ ᐄᔥᐱᐦ ᒫᐅᒡ ᓃᔥᑎᒻ ᑳ ᐅᔑᐦᑖᑭᓂᐎᒡ ᐆ ᐊᔅᒌ᙮

ᒫᔪᐦᐧᑖᑦ ᓘᒃ 6:22

ᒋᔑᐙᔨᐦᑖᑯᓯᓈᐙᐤ ᒌᔨᐙᐤ ᑳ ᐅᐦᑳᑖᔨᒥᑯᐎᔮᒄ, ᐋᐦᐋᑳ ᐱᔅᑳᑎᑯᐎᔮᒄ, ᐋ ᒫᔮᔨᒥᑯᐎᔮᒄ ᑭᔮᐦ ᐋ ᒥᒋᐋᔨᒨᒥᑯᐎᔮᒄ ᓃᔨ ᐅᐦᒋ, ᐄᔨᔨᐅᑯᓯᓵᓐ, ᐋ ᓅᔔᔥᑯᔮᒄ,

ᐧᕌᒥᓐ 5:4

ᐋᒄ ᒫᒃ ᐊᓐ ᓈᓈᓂᒌᒻ ᐋ ᓰᐱᔨᐙᓰᔨᐦᒄ ᒋᐱᒫᑎᓰᐎᓈᐦᒡ ᒋᔖᒥᓂᑑ ᓂᐦᐋᔨᐦᑎᒥᐦᐄᑰ᙮ ᐅᔮᔨᐤ ᒫᒃ ᐋ ᐄᔑ ᓂᐦᐋᔨᐦᑎᒥᐦᐄᒄ ᐋᑯᑖᐦ ᐙᐦᒋ ᒑᔥᑎᓈᑖᔨᐦᑎᒥᐦᒄ ᐋᔥᒄ ᒥᑐᓐ ᒑ ᒋᔅᒑᔨᐦᑎᒥᐦᐄᑎᐦᒄ ᐅᒋᔅᑖᔨᐦᑖᑯᓯᐎᓐ᙮

ᐧᕌᒥᓐ 8:28

ᒋᒋᔅᒑᔨᐦᑖᓈᓂᐤ ᒫᒃ ᒥᓯᐙ ᒑᒀᔨᐤ ᐋᐦ ᐄᔅᐱᔨᔨᒡ ᐅᐱᒫᑎᓯᐎᓃᔨᒡ ᐊᓂᔮᔨᐤ ᑳ ᓵᒋᐦᐄᑯᑦ ᒋᔖᒥᓂᑑ ᑐᑎᒧᐙᐤ ᒥᓯᐙ ᒑ ᒌ ᒥᔪᑐᑖᑯᔨᒡ᙮ ᐋᔪᐎᒄ ᐋᐦ ᑐᑎᒧᐙᑦ ᐊᓂᔮᔨᐤ ᐐᔨ ᑳ ᐄᑖᔨᐦᑎᐦᒃ ᒑ ᐅᐙᔮᐱᒫᑦ ᒑ ᒌ ᐅᑏᔨᔨᒥᑦ᙮

ᓃᔥᑎᒻ ᑯᕆᓐᕠᔨᓐ 2:9

ᐙᔥ ᐊᒀᒋᔥᑖᒡ ᒋᐦᒋᒥᓯᓂᐦᐄᑭᓂᐦᒡ, ᓂᒧᐃ ᐊᐙᓐ ᐅᐦᒋ ᐙᐱᐦᑎᒻ ᑭᔮᐦ ᓂᒧᐃ ᐊᐙᓐ ᐅᐦᒋ ᐹᐦᑎᒻ ᑭᔮᐦ ᓂᒧᐃ ᐊᐙᓐ ᐅᐦᒋ ᒋᔅᒑᔨᐦᑎᒻ ᑖᓐ ᑳ ᐄᔑ ᐃᔮᔅᑰᔥᑎᒧᐙᑦ ᒋᔖᒥᓂᑑ ᐊᓂᔮᔨᐤ ᑳ ᓵᒋᐦᐄᑯᑦ᙮

ᓃᔥᑎᒻ ᑯᕆᓐᕠᔨᓐ 8:3

ᒥᒄ ᒫᒃ ᐊᓐ ᐊᐙᓐ ᑳ ᓵᒋᐦᐋᑦ ᒋᔖᒥᓂᑑ ᐋᐅᒄ ᐆ ᒑᔅᒑᔨᒥᑯᑦ ᒋᔖᒥᓂᑑ᙮

ᓃᔥᑎᒻ ᑯᕆᓐᕠᔨᓐ 9:25

ᒥᓯᐙ ᐊᐙᓐ ᑳ ᑯᒀᑎᔅᑭᓯᐙᑦ ᐱᔑᔑᐦᒄ ᑯᒀᒋᐱᔨᐦᐄᓲ ᐊᑎᑎᐤ ᒑ ᒌ ᑭᔅᒋᐦᐅᑦ᙮ ᐅᒌ ᒫᒃ ᑳ ᑯᒀᑎᔅᑭᓯᐙᒡ ᐋᔪᐎᒄ ᐅᔮᔨᐤ ᐋᐦ ᑎᒡ ᐋ ᐐᐦ ᐃᔮᒡ ᑭᔅᒋᐦᐅᐎᓂᔨᐤ ᐙᐃᐱᔥᒌᔥ ᒥᒄ ᒑ ᑎᑯᓃᔨᒡ᙮ ᐋᐅᒄ ᒫᒃ ᐋ ᑎᔨᐦᒄ ᑭᔮᐦ ᒌᔮᓂᐤ ᒑ ᒌ ᐃᔮᔨᐦᒄ ᐊᓐ ᑭᔅᒋᐦᐅᐎᓐ ᑳᒋᒡ ᒑ ᐃᔮᔨᐦᒄ᙮

ᓃᔓ ᑎᒧᕢ 2:15

ᒥᒄ ᐋ ᐃᔥᐱᔥ ᑭᔅᒋᐦᑖᔨᓐ ᒑᒀᓐ ᒑ ᑐᑎᒥᓐ ᐊᓂᔮᔨᐤ ᒑ ᓂᐦᐋᔨᐦᑎᒥᐦᐄᑯᑦ ᒋᔖᒥᓂᑑ, ᓲᐦᒃ ᐋᐱᑎᓰᐦ ᐋᐦᐋᑳ ᑎᑯᐦᒡ ᑖᓐ ᒑ ᐄᔑ ᐱᒫᒥᐦᐄᑯᔨᓐ ᒋᑖᐱᑎᓰᐎᓐ, ᑯᐃᔅᒄ ᐄᔑ ᒋᔅᑯᑎᒫᒑᐦ ᑖᓐ ᐋ ᐄᔑ ᑖᑆᒥᑭᓃᔨᒡ ᒋᔖᒥᓂᑑ ᐅᑎᔨᒧᐎᓐᐦ᙮

ᓃᔓ ᑎᒧᕢ 4:8

ᔖᔥ ᐃᔮᔅᑰᔥᑖᐤ ᐊᓐ ᑭᔅᒎᐦᐅᓐ ᐊᔥᑐᑎᓐ ᐊᓂᔮᔨᐤ ᒑ ᒦᔮᑭᓂᐎᒡ ᐊᓂᒌ ᒑ ᑯᐃᔅᑯᑖᑎᓰᔨᒡ᙮ ᐋᔪᐎᒄ ᒫᒃ ᐅᔮᔨᐤ ᒑ ᐹᒋ ᒥᔨᑦ ᑎᐹᔨᐦᒋᒑᓯᐤ ᐊᓐ ᑯᐃᔅᒄ ᑳ ᐄᔑ ᑎᐹᔅᑯᓂᒑᑦ ᒦᓐ ᐹᒋ ᑎᑯᔑᐦᑳ᙮ ᓂᒧᐃ ᒫᒃ ᒥᒄ ᓃᔨ ᒑ ᒥᔨᑯᔮᓐ ᐆ ᐋ ᐃᓯᓈᑯᐦᒡ ᐊᔥᑐᑎᓐ, ᒥᓯᐙ ᐊᓂᒌ ᑳ ᐄᔑ ᐱᑯᓵᔨᒧᒡ ᑎᐹᔨᐦᒋᒑᓯᐤ ᒦᓐ ᒑ ᑎᑯᔑᓃᔨᒡ ᑭᔮᐦ ᐐᔨᐙᐤ ᑭᑎ ᒥᔮᑭᓂᐎᒡ᙮

ᐦᐄᑉᕉ 10:32

ᒫᒥᑐᓈᔨᐦᑎᒥᐦᐄᑯᒄ ᒫᒃ ᐊᓂᑖᐦ ᐄᔑ ᐅᑖᐦᒡ ᓃᔥᑎᒻ ᑳ ᒥᔨᑯᐎᔮᒄ ᐙᔥᑖᐎᓐ ᒋᒥᑐᓈᔨᐦᒑᑭᓂᐙᐦᒡ, ᐊᓂᑎᐦ ᒑ ᒌ ᐅᐦᒋ ᓂᔅᑐᐦᑎᒫᐦᒄ, ᐋᐦᐋᑦ ᒫᒃ ᒌ ᓂᓈᐦᑳᒋᐦᐄᑯᐎᔮᒄ ᒫᒦᐦᒑᑑᔨᒡ ᐄᔑ, ᐊᔮᐱᒡ ᓈᔥᑖᑆᐦ ᒋᒌ ᓲᐦᒋᑳᐳᓈᐙᐤ ᒋᑖᑆᔮᔨᐦᑎᒧᐎᓂᐙᐦᒡ᙮

ᐦᐄᑉᕉ 11:17

ᒦᓐ ᒫᐦ ᒫᒥᑐᓈᔨᒫᐦᒄ ᐋᑉᕋᐦᐋᒻ᙮ ᐊᓂᔮᔨᐤ ᐋ ᒌ ᑖᑆᔮᔨᒫᑦ ᒋᔖᒥᓂᑑ ᐅᐦᒋ, ᐃᔥᐱᔥ ᑳ ᑰᒀᒌᐦᐄᑯᑦ, ᑭᔮᐦ ᔖᔥ ᐋ ᒌ ᒌᔥ ᐋᔮᔅᑰᐎᑦ ᒑ ᒌ ᒥᒋᔅᑖᐦᐊᒫᑦ ᐅᑯᓯᔅᐦ ᐋᐃᓯᒃ, ᐋᐦ ᐋᑎ ᒌ ᐄᑎᑯᑯᐱᓈ ᒋᔖᒥᓂᑑ ᒑᔅᑎᓈᔅ ᒑ ᒋᔖᐙᑐᑖᑯᑦ ᐊᓂᔮᔨᐤ ᐅᑯᓯᔅᐦ ᐋᐃᓯᒃ ᐅᐦᒋ᙮

ᐦᐄᑉᕉ 12:5

ᒋᒌ ᐎᓂᒋᔥᒋᓯᓐ ᑖᓐ ᑳ ᐄᑎᔅᒃ ᒋᔖᒥᓂᑑ, ᒋᒌ ᐐᐦ ᐋᐃᐦᑭᒥᑯᐙᐤ, ᒌᔨᐙᐤ ᑎᐱᔨᐙ ᐅᑎᐙᔑᔒᒻ᙮ ᒌ ᐃᔨᐤ, ᓂᑯᔅ, ᐄᔥᐱᐦ ᑎᐹᔨᐦᒋᒑᓯᐤ ᐋ ᑯᐃᔅᑯᓂᔅᒃ ᓲᐦᒃ ᔮᒀᐦ ᐄᔑ ᐅᑎᓐ᙮ ᐊᑳᐐ ᐋᑎᐙᔨᒧᐦ ᐄᔥᐱᐦ ᓂᓈᐦᑳᑖᔨᒨᐄᓈ ᐅᐦᒋ ᐊᓂᔮᔨᐤ ᐋ ᐐ ᑯᐃᔅᑯᓂᔅᒃ᙮

ᐦᐄᑉᕉ 6:15

ᒑᒃ ᒥᐦᒑᑐ ᐱᐳᓐ ᐋᑉᕋᐦᐋᒻ ᑳᐦ ᐋᔑᓂᐙᓯᑦ ᐋ ᓰᐱᔨᐙᓰᑦ, ᐋᒄ ᑳ ᒥᔨᑯᑦ ᒋᔖᒥᓂᑑ ᐊᓂᔮᔨᐤ ᑳ ᐄᔨᔨᒡ ᒑᔥᑎᓈᔥ ᒑ ᒥᔨᑯᑦ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 2:5

ᔮᒀᐦ ᓂᑐᐦᑎᒧᒄ ᓃᒋᔖᓂᑎᒄ᙮ ᓂᒧᐃ ᐋ ᐊᓂᔮᔨᐤ ᑳ ᒋᔅᑎᒫᑎᓰᔨᒡ ᐅᑎᐦ ᐊᔅᒌᐦᒡ ᑳᐦ ᑖᔨᒡ ᐅᐦᒋ ᐎᔮᔨᒫᐤ ᒋᔖᒥᓂᑑ ᒥᔥᑏᐦ ᒑ ᒌ ᐃᔮᔨᒡ ᑖᑆᔮᔨᐦᑎᒧᐎᓂᔨᐤ ᑭᔮᐦ ᒑ ᒌ ᐃᔮᔨᒡ ᒋᐦᒋᐅᒋᒫᐎᓂᔨᐤ ᐊᓂᔮᔨᐤ ᑳᐦ ᐄᑖᑦ ᒑᔥᑎᓈᔥ ᒑ ᒥᔮᑦ ᐊᓂᔮᔨᐤ ᑳ ᓵᒋᐦᐄᑯᑦ?

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 5:11

ᐙᔥ ᑖᑆᐦ ᔑᐙᔨᐦᑖᑯᓯᐎᒡ ᒋᑎᐄᑖᔨᒫᓅᒡ ᐊᓂᒌ ᐋᑳ ᑳ ᓅᑦ ᐅᐦᒋ ᐴᓃᒡ᙮ ᒋᒌ ᐹᐦᑖᓈᐙᐤ ᑖᓐ ᑳ ᐃᔥᐱᔥ ᐋ ᔨᒋᑳᐳᑦ ᒞᑉ ᒫᒀᒡ ᑳᐦ ᐋᔨᒧᐦᐅᑦ᙮ ᒋᒋᔅᒑᔨᒫᓂᐤ ᒫᒃ ᑖᓐ ᑳ ᐄᔑ ᒥᔪᐱᔨᑣᑯᑦ ᑎᐹᔨᐦᒋᒑᓯᐤ ᐄᔥᐱᐦ ᑳ ᒌᔥ ᐋᔨᒧᐦᐅᑦ᙮ ᒌ ᓵᑭᔅᒋᓈᔥᑳᑰ ᒋᔖᐙᑎᓰᐎᓂᔨᐤ ᑎᐹᔨᐦᒋᒑᓯᐤ ᑭᔮᐦ ᐋ ᒋᔅᑎᒫᒑᔨᒫᑦ ᐊᐙᔨᐤᐦ᙮

ᓃᔥᑎᒻ ᐲᑎᕐ 3:14

ᐋᑦ ᒫᒃ ᐃᓯᓈᑯᐦᒡ ᒑ ᒌ ᓂᓈᐦᑳᒋᐦᐄᑯᐎᔮᒄ ᐋ ᑯᐃᔅᑯᑖᑎᓯᔮᒄ ᐅᐦᒋ, ᒋᑭ ᒋᔖᐙᑐᑖᑯᓈᐙᐤ᙮ ᐊᑳᐐ ᑯᔥᑖᐦᑯᒡ ᐎᔮᔥ ᐋ ᐐᐦ ᑐᑖᑖᑯᒡ ᐄᔨᔨᐅᒡ, ᐊᑳᐐ ᒋᑭ ᐅᐦᒋ ᒥᑯᔥᑳᑖᔨᐦᑖᓈᐙᐤ,

ᓃᔥᑎᒻ ᐲᑎᕐ 4:13

ᑎᔨᑯᒡ ᒋᐱᐦ ᒥᔻᔨᐦᑖᓈᐙᐤ ᐋ ᒌ ᐙᐦ ᐐᒋᐦᐄᐙᔮᒄ ᑖᓐ ᑳ ᐄᔑ ᐙᐐᓯᒑᔨᐦᑎᒥᐦᐋᑭᓅᑦ ᙭, ᐋᒄ ᒫᒃ ᒑ ᓵᑭᔅᒋᓈᔥᑳᑯᔮᒄ ᒥᔻᔨᐦᑎᒧᐎᓐ ᐄᔥᐱᐦ ᐹᒋ ᓅᑯᐦᑖᑭᓂᐎᔨᒑ ᐅᒋᔅᑖᔨᐦᑖᑯᓯᐎᓐ᙮

ᓃᔥᑎᒻ ᐲᑎᕐ 4:14

ᐙᔥ ᒥᔔ ᒫᔮᔨᒥᑭᐎᔮᒀ ᙭ ᐋ ᓅᔔᔥᑯᐙᒄ, ᒋᔑᐙᔨᐦᑖᑯᓯᓈᐙᐤ ᐙᔥ ᒋᔖᒥᓂᑑ ᐅᑎᐦᒑᐦᒄ ᓈᔥᒡ ᑳ ᒋᔅᑖᔨᐦᑖᑰᓰᔨᒡ ᐋᔨᐙᓰᔨᐤ ᐊᓐ ᐊᐦᑖᐙᒄ᙮

ᓃᔥᑎᒻ ᐲᑎᕐ 5:10

ᐄᔥᐱᐦ ᒫᒃ ᒌᔥ ᓂᓈᐦᑳᑖᔨᒧᔮᒀ ᐙᐃᐱᔥᒌᔥ ᒋᑭ ᑐᑖᑯᐙᐤ ᒋᔖᒥᓂᑑ ᒦᓐ ᒑ ᒌ ᐎᔨᑳᐳᐙᒄ, ᒋᑭ ᒥᔨᑯᐙᐤ ᒥᔅᑭᐎᓰᐎᓂᔨᐤ, ᒋᑭ ᐋᔨᒋᑳᐳᐦᐄᑯᐙᐤ, ᑭᔮᐦ ᒋᑭ ᓯᑭᔅᒑᔨᒧᐦᐄᑯᐙᐤ᙮ ᒋᔖᒥᓂᑑ ᐊᓐ ᑳ ᐃᔮᑦ ᒥᓯᐙ ᒥᔪᐦᑳᒑᐎᓂᔨᐤ ᒌ ᓂᑑᒥᑯᓂᐤ ᐊᓂᑖᐦ ᑳᒋᒡ ᐅᒋᔅᑖᔨᐦᑖᑯᓯᐎᓂᐦᒡ ᙭ ᐋᐦ ᑖᔨᒡ ᐅᐦᒋ᙮

ᓃᔥᑎᒻ ᐲᑎᕐ 5:4

ᐋᒄ ᒫᒃ ᐄᔥᐱᐦ ᙭ ᐹᒋ ᓅᑯᓯᒑ ᐊᓐ ᒫᐅᒡ ᑳ ᓃᑳᓈᔨᐦᑖᑯᔑᑦ ᒫᓂᔥᒑᓂᔓᐐᔨᔨᐤ, ᒋᑭ ᒥᔨᑯᐙᐤ ᐊᓂᔮᔨᐤ ᒫᐅᒡ ᑳ ᒋᔅᑖᔨᐦᑖᑯᓃᔨᒡ ᑎᐱᐦᐋᒫᑰᓯᐎᓂᔨᐤ ᑳᒋᒡ ᒑ ᑎᑯᓃᔨᒡ᙮

ᓃᔥᑎᒻ ᐧᒑᓐ 4:19

ᐐᔨ ᓃᔥᑎᒻ ᒋᒌ ᓵᒋᐦᐄᑯᓂᐤ ᒋᔖᒥᓂᑑ᙮ ᐋᐅᒄ ᒫᒃ ᐙᐦᒋ ᓵᒋᐦᐄᐙᔨᐦᒄ᙮

ᒋᔅᒑᔨᐦᑖᑯᐦᑖᒑᐧᐃᓐ 2:10

ᐊᑳᐐ ᑯᔥᑖᒋᒄ ᑖᓐ ᒑ ᐄᔑ ᓂᓈᐦᑳᑖᔨᒧᔮᒄ, ᔖᔥ ᐐᐱᒡ᙮ ᒥᒋᒥᓂᑑ ᒋᑭ ᑯᒀᒋᐦᐄᑯᐙᐤ ᐋᐦ ᑐᑖᑖᒄ ᐱᔅᒡ ᒑ ᒌ ᒋᐱᐦᐅᑰᐙᒄ ᒋᐱᐦᐅᑑᑭᒥᑯᐦᒡ᙮ ᒥᑖᐦᑐ ᒌᔑᑳᐤᐦ ᒋᑭ ᐃᔥᐱᔥ ᓂᓈᐦᑳᑖᔨᒧᓈᐙᐤ᙮ ᑎᑖᑆᐅᓰᒄ ᐋ ᑖᑆᔮᔨᒥᔮᒄ ᐋᑎᐐᐦ ᓂᐱᐦᐄᑭᐎᔮᒀ᙮ ᐋᒄ ᒫᒃ ᒑ ᒥᔨᑎᑯᒡ ᐊᓐ ᐱᒫᑎᓰᐎᓐ, ᐋᐅᒄ ᐊᓐ ᒑ ᑭᔅᒋᐦᐅᔮᒄ᙮

ᒋᔅᒑᔨᐦᑖᑯᐦᑖᒑᐧᐃᓐ 3:19

ᐙᔥ ᓂᐐᐦᑎᒧᐙᐅᒡ ᐎᓂᐱᔨᑣᐤ ᐊᓂᒌ ᑳ ᓵᒋᐦᐄᒀᐤ ᑭᔮᐦ ᓂᑯᐃᔅᑯᓈᐅᒡ, ᓲᐦᒃ ᒫᒃ ᒋᔑᐙᔨᐦᑎᒧᒄ ᐋ ᑖᑆᔮᔨᒥᔮᒄ, ᒀᔅᑳᑎᓰᒄ, ᓂᑭᑎᒧᒄ ᒋᒥᒋᐦᑣᐎᓂᐙᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 3:21

ᐊᓐ ᐊᐙᓐ ᒑ ᔑᐦᑯᒋᐦᑖᒀ ᒥᒑᑎᓰᐎᓂᔨᐤ ᓂᑭ ᒥᔮᐤ ᒑ ᒌ ᐐᑎᐱᒥᑦ ᓂᒋᐦᒋᐅᒋᒫᐤ ᑖᐦᑎᐱᐎᓂᐦᒡ᙮ ᒧᔮᒻ ᓃᔨ ᐋ ᒌ ᔑᐦᑯᒋᐦᑖᔮᓐ ᒥᓯᐙ ᑳ ᒫᔮᑎᐦᒡ ᓅᐦᑖᐐ ᓂᒌ ᒥᔨᒄ ᒑ ᒌ ᐐᑎᐱᒥᒃ ᐅᒋᐦᒋᐅᒋᒫᐤ ᑖᐦᑎᐱᐎᓂᐦᒡ᙮”