ᐦᐄᑉᕉ 3:3 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

³ ᐊᐅᔅᑖ ᒫᒃ ᒋᑳᔮᔨᐦᑖᑯᓯᐤ ᒌᓴᔅ ᑖᓐ ᑳ ᐄᑖᔨᐦᑖᑯᓰᔨᒡ ᒧᓱᔅ᙮ ᒧᔮᒻ ᐊᐙᓐ ᑳ ᐙᔅᑳᐦᐄᑭᓂᐦᒑᑦ ᐊᐅᔅᑖ ᐐᔨ ᒋᑳᔮᔨᐦᑖᑯᓯᐤ ᐃᔥᐱᔥ ᐐ ᐊᓂᔮᔨᐤ ᐙᔅᑳᐦᐄᑭᓂᔨᐤ ᑳ ᐐᔨᑳᐳᐦᑖᑦ᙮

ᐦᐄᑉᕉ 3:3 Iomraidhean Croise

ᒫᔪᐦᐧᑖᑦ ᒫᕠᔫ 16:18

ᒋᐐᐦᑎᒫᑎᓐ ᐲᑎᕐ, ᐋᐅᒄ ᒌᔨ ᐋ ᐹᐦᐹᒋᐱᔅᑳᒡ᙮ ᐋᑯᑖᐦ ᒫᒃ ᐅᑎᐦ ᐋ ᐹᐦᐹᒋᐱᔅᑳᒡ ᒑ ᐎᔨᑳᐳᐦᑖᔮᓐ ᓂᑎᔨᒥᐦᐋᐅᑭᒥᒄ, ᓂᒧᐃ ᒫᒃ ᐙᐙᒡ ᓂᐱᐎᓐ ᓲᐦᑳᑎᓰᐎᓐ ᒋᑭ ᐅᐦᒋ ᔑᐦᑯᒋᐦᑖᒑᒥᑭᓐ ᐅᑎᐦ ᓂᑎᔨᒥᐦᐋᐅᑭᒥᑯᒡ᙮

ᓃᔥᑎᒻ ᑯᕆᓐᕠᔨᓐ 3:9

ᑖᐱᔥᑯᓐ ᓂᑎᐋᐱᑎᔒᔥᑑᐙᓈᓐ ᒋᔖᒥᓂᑑ᙮ ᒌᔨᐙᐤ ᒧᔮᒻ ᓂᐦᑖᐅᒋᐦᒋᑭᓐ ᐊᔅᒌ ᒋᑎᓯᓈᑯᓯᓈᐙᐤ᙮ ᐅᑖᐦ ᒫᒃ ᒋᐱᐦ ᒌ ᐄᔑ ᑭᓂᐙᐱᐦᑖᓈᐙᐤ᙮ ᒧᔮᒻ ᒋᔖᒥᓂᑑ ᐅᐙᔅᑳᐦᐄᑭᓂᒻ ᒋᑎᓯᓈᑯᓯᓈᐙᐤ᙮

ᓃᔓ ᑯᕆᓐᕠᔨᓐ 3:7

ᐊᓐ ᐙᔥᑭᒡ ᐐᔓᐙᐎᓐ ᐊᓯᓃᐦᒡ ᒌ ᒥᓯᓂᐦᐄᑭᓂᐤ, ᓂᒧᐃ ᐅᐦᒋ ᐐᒋᐦᐄᑯᒡ ᐄᔨᔨᐅᒡ ᒑ ᒌ ᐱᒫᒋᐦᐅᒡ᙮ ᐊᔮᐱᒡ ᒫᒃ ᓈᔥᑖᑆᐦ ᒌ ᓅᑯᓂᔨᐤ ᒋᔖᒥᓂᑑ ᐅᒋᔅᑖᔨᐦᑖᑯᓯᐎᓐ ᐋ ᒌᐦᑳᔮᔥᑖᔨᒡ ᒧᓱᔅ ᐅᑖᔅᑎᒧᐦᑯᐦᒡ ᐄᔥᐱᐦ ᑳ ᒥᔮᑦ ᐊᓂᔮᔨᐤ ᐄᔨᔨᐤᐦ ᐊᓂᔮᔨᐤ ᐐᔓᐙᐎᓂᔨᐤ᙮ ᐊᓂᒌ ᐃᔅᕋᐄᓪ ᐄᔨᔨᐅᒡ ᓂᒧᐃ ᐅᐦᒋ ᒌ ᑭᓂᐙᐱᐦᑎᒸᐎᒡ ᓈᐅᔥ ᒧᓱᔅ ᐅᑖᔥᑎᒥᐦᑯᔨᐤ, ᐋ ᐋᐦᑦ ᐋᑳ ᓈᔥᒡ ᔖᔥ ᐅᐦᒋ ᒌᐦᑳᔮᔅᑖᔨᒡ᙮

ᑯᐧᓛᓯᔨᓐ 1:18

ᐐᔨ ᓃᑳᓂᔥᑭᐙᐤ ᐅᒫᒨᐊᔨᒥᐦᐋᐤ, ᐋᔪᐧᐃᒄ ᐋᓐ ᐅᔮᔨᐤ ᐐᔨᐤ᙮ ᐐᔨ ᒫᐅᒡ ᓃᔥᑎᒻ ᒌᐦ ᑖᐤ ᙭ ᑭᔮᐦ ᐐᔨ ᒫᐅᒡ ᓃᔥᑎᒻ ᒌ ᐎᓂᔥᑳᓈᑭᓂᐤ ᓂᐱᐎᓂᐦᒡ ᐅᐦᒋ, ᐋᒄ ᒫᒃ ᐋᓐ ᒥᓯᐙ ᒑᒀᓐ ᐋ ᐄᔑ ᑎᑯᐦᒡ ᐋᐅᒄ ᒫᐅᒡ ᐐᔨ ᓃᑳᓐ ᐄᑖᔨᐦᑖᑯᓯᐤ᙮

ᐦᐄᑉᕉ 2:9

ᒋᒋ ᐙᐱᐦᑖᓈᓂᐤ ᒫᒃ ᐋ ᒌ ᑎᐱᐱᔨᒡ ᒌᓴᔅ ᐅᐦᒋ, ᐙᔨᐱᔅᒌᔥ ᐊᑎᑎᐤ ᐋ ᒌ ᑎᐱᐦᑖᔨᐦᑖᑰᐦᐋᑭᓅᑦ ᐋᑖᔨᐦᑖᑯᓰᔨᒡ ᐋᓐᒋᓐ᙮ ᐋᑯᑎᐦ ᐅᑎᐦ ᐅᐦᒋ ᑳ ᓂᒋᔅᑳᐦᒃ ᓂᐱᐎᓂᔨᐤ᙮ ᒋᔖᒥᓂᑑ ᐆ ᒥᔪᐦᑳᒑᐎᓂᔨᐤ ᐄᔑ, ᒌ ᐳᓂᐱᒫᑎᓰᐤ ᒥᓯᐙ ᐄᔨᔨᐤ ᒑ ᒌ ᐱᒫᒋᐦᐋᑦ᙮ ᐊᔪᒃ ᐙᐦᒋ ᓈᔥᒡ ᐙᔪᒡ ᒥᔮᑭᓅᑦ ᒋᔅᑖᔨᐦᑖᑯᓯᐎᓂᔨᐤ ᒧᔮᒻ ᒋᐦᒋᐅᒋᒫᐦᒡ, ᐊᓂᔮᔨᐤ ᐅᐦᒋ ᐋ ᒌ ᓂᓈᐦᑳᑖᔨᒧᐦᐋᑭᓅᑦ ᑭᔮᐦ ᐋ ᒌ ᓂᐲᐦᐋᑭᓅᑦ,

ᐦᐄᑉᕉ 3:4

ᐙᔥ ᒥᓯᐙ ᐙᔅᑳᐦᐄᑭᓐ ᐋᐦ ᑎᑎᒡ ᑖᐤ ᐊᓐ ᐊᐙᓐ ᑳ ᐅᔑᐦᑖᑦ, ᒥᒄ ᒫᒃ ᐐᔨ ᒋᔖᒥᓂᑑ ᒥᓯᐙ ᒑᒀᔨᐤ ᒌ ᐅᔑᐦᑖᐤ᙮

ᐦᐄᑉᕉ 3:6

᙭ ᒫᒃ ᐋᔪᐎᒄ ᒋᔖᒥᓂᑑ ᑳ ᑖᑆᐅᒑᔨᐦᑖᑰᓰᔨᒡ ᐅᑯᓯᔅᐦ, ᐋ ᓃᑳᓂᔅᑳᒸᑦ ᐅᐦᑖᐐᐦ ᐆ ᐙᔅᑳᐦᐄᑭᓂᒥᔨᐤ᙮ ᑭᔮᐦ ᒌᔮᓂᐤ ᒫᒃ ᐋᑯᑎᐦ ᐋᔅᑎᒋᐦᑖᑯᓰᔨᐦᒄ ᐊᓂᑎᐦ ᐅᑎᔨᔨᒻᐦ ᐋᐦ ᑖᔨᒡ ᐊᓂᑎᐦ ᐅᐙᔅᑳᐦᐄᑭᓂᒦᐦᒡ, ᓲᐦᒋᑖᐦᐋᔨᐦᒀ ᑖᑆᔮᔨᐦᑎᒧᐎᓂᐦᒡ ᑭᔮᐦ ᓲᐦᒃ ᒥᒫᒋᑯᓂᒧᐦᒀ ᑖᓐ ᐋ ᐄᔑ ᐊᔅᐹᔨᒧᔨᐦᒄ᙮