ᐄᕕᓰᔨᓐ 6:12 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹² ᐙᔥ ᓂᒧᐃ ᓈᐦᐄᔨᐤ ᐄᔨᔨᐅᒡ ᒌ ᒫᓯᐦᐋᓅᒡ᙮ ᒥᒋᐊᐦᒑᐦᑯᒡ ᑳ ᑎᐹᔨᐦᒋᒑᒡ ᒫᒃ ᒌ ᒫᓯᐦᐋᓅᒡ ᑭᔮᐦ ᐊᓂᒌ ᓈᔥᒡ ᑳ ᓲᐦᒑᔨᐦᑖᑯᓯᒡ ᑭᔮᐦ ᐊᓂᒌ ᑳ ᓃᑳᓂᔥᑭᐦᒡ ᐊᐅᑳᔅᑖᐎᓂᔨᐤ ᐅᑎᐦ ᐊᔅᒌᐦᒡ ᑳᐦ ᑎᑯᓃᔨᒡ᙮ ᒌ ᒫᓯᐦᐋᓅᒡ ᑭᔮᐦ ᐊᓂᒌ ᒥᐦᒑᑐ ᒥᒋᐊᐦᒑᐦᑯᒡ ᐊᓂᑖᐦ ᐃᔥᐱᒥᐦᒡ ᑳᐦ ᑖᒡ᙮

ᐄᕕᓰᔨᓐ 6:12 Iomraidhean Croise

ᒫᔪᐦᐧᑖᑦ ᒫᕠᔫ 16:17

ᐋᒄ ᒌᓴᔅ ᑳᐦ ᐄᑖᑦ ᐊᓂᔮ ᐲᑎᕐᐦ, “ᒋᔑᐙᔨᐦᑖᑯᓯᓐ ᓵᐃᒥᓐ, ᒞᓐ ᐅᑯᓯᔅᐦ, ᐙᔥ ᐆ ᑳ ᐄᔑ ᒋᔅᒑᔨᒦᓐ, ᓂᒧᐃ ᐄᔨᔨᐤ ᑰᐦᒋ ᐐᐦᑎᒫᒄ, ᓅᐦᑖᐐ ᒋᐦᒋᒌᔑᑯᐦᒡ ᑳᐦ ᑖᑦ ᐋᑯᑖᐦ ᑳ ᐅᐦᒋ ᒥᔨᑯᐎᔨᓐ ᐆ ᒑ ᒌᐦ ᐄᔑ ᒋᔅᒑᔨᒦᓐ᙮

ᒫᔪᐦᐧᑖᑦ ᒫᕐᒃ 4:19

ᒥᒄ ᒫᒃ ᐊᓂᔮᔨᐤ ᓈᔥᒡ ᐋ ᒥᑯᔥᑳᑖᐦᔨᑎᒦᐦᐄᑯᐦᒡ ᒑᐧᑳᔨᐤ ᐆ ᐱᒫᑎᓰᐧᐃᓂᐧᐋᐦᒡ ᑭᔮᐦ ᓈᔥᒡ ᒥᒄ ᐋ ᐧᐄᐦ ᐅᔔᔮᓂᒥᒡ ᐋᐦ ᑎᒡ ᑭᔮᐦ ᐱᔑᔑᐦᒄ ᐋ ᒧᔥᑖᓂᐦᒡ ᒑᐧᑳᔨᐤ ᒑ ᒌ ᐃᔮᒡ ᐋᔪᐧᐃᒄ ᐅᔮᔨᐤ ᐧᐋᐦᒋ ᒑᒃ ᐋᑎ ᐧᐋᓈᑎᓃᔨᒡ ᐅᑖᑆᐦᑎᒧᐧᐃᓂᐧᐋᐤ᙮ ᐋᒄ ᒫᒃ ᓂᒧᐃ ᐅᐦᒋ ᒥᔪᓂᐦᑖᐅᒋᒡ ᐅᐱᒫᑎᓰᐧᐃᓂᐧᐋᐦᒡ᙮

ᒫᔪᐦᐧᑖᑦ ᓘᒃ 13:24

“ᒥᐦᒑᑐ ᐄᔨᔨᐅᒡ ᒋᑭ ᑯᒋᐦᑖᐅᒡ ᒑ ᒌ ᐲᐦᒑᒡ ᐊᓂᑖᐦ ᒋᔖᒥᓂᑑ ᐅᒋᐦᒋᐅᒋᒫᐎᓃᔨᒡ, ᓂᒧᐃ ᒫᒃ ᑭᑎ ᒌᐦ ᑑᐎᒡ᙮ ᒌᔨᐙᐤ ᒫᒃ ᓲᐦᒃ ᑯᒋᐦᑖᒄ ᒑ ᒌ ᐲᐦᒑᔮᒄ ᐊᓂᑖᐦ ᐅᐦᒋ ᐊᓐ ᑳ ᔖᑯᐙᒡ ᐃᔥᒀᐦᑖᒻ᙮

ᒫᔪᐦᐧᑖᑦ ᓘᒃ 22:53

ᐋᑦ ᐋᔑᑯᒻ ᒌᔑᑳᐤᐦ ᐋ ᒌᐦ ᑖᔨᐦᒄ ᒋᔖᐊᔨᒥᐦᐋᐅᑭᒥᑯᐦᒡ ᓂᒧᐃ ᓂᐦᑖ ᑰᐦᒋ ᑯᒋᐦᑖᓈᐙᐤ ᒑ ᒌ ᐅᑎᓂᔮᒄ᙮ ᐋᒄ ᒫᒃ ᐙᑎᐦᒋᐱᔨᐦᒡ ᒑ ᒌ ᐄᐦᑐᑎᒫᒄ ᑖᓐ ᐙᐦ ᐄᐦᑐᑎᒫᒄ ᒫᒀᒡ ᐋ ᓲᐦᒑᔨᐦᑖᑯᐦᒡ ᐎᓂᑎᐱᔅᒋᓰᐎᓐ᙮”

ᒫᔪᐦᐧᑖᑦ ᐧᒑᓐ 12:31

ᐊᓅᐦᒡ ᐅᑎᐦᒋᐱᔨᐤ ᒑ ᒌ ᑎᐹᔅᑯᓈᑭᓂᐎᒡ ᐄᔨᔨᐅᒡ ᐅᑎᐦ ᐊᔅᒌᐦᒡ ᑳᐦ ᑖᒡ ᑭᔮᐦ ᐊᓅᐦᒡ ᐋᒄ ᐙᑎᐦᒋᐱᔨᔨᒡ ᒑ ᒌ ᐃᔥᐱᔑᐦᐋᑭᓅᑦ ᒥᒋᒥᓂᑑ, ᐊᓐ ᑳ ᑎᐹᔨᐦᒋᒑᑦ ᐅᑎᐦ ᐊᔅᒌᐦᒡ᙮

ᒫᔪᐦᐧᑖᑦ ᐧᒑᓐ 14:30

ᓂᒧᐃ ᔖᔥ ᓈᔥᒡ ᓈᐅᔥ ᒋᑭ ᒌ ᐊᔨᒥᐦᐄᑎᓈᐙᐤ, ᐙᔥ ᒥᒋᒥᓂᑑ, ᐊᓐ ᑳ ᐅᒋᒫᑳᑎᐦᒃ ᐅᔮᔨᐤ ᐊᔅᒌᔨᐤ ᔖᔥ ᐹᒋ ᐄᑐᐦᑖᐤ᙮ ᒥᒄ ᒫᒃ ᓂᒧᐃ ᒥᑐᓐ ᓂᑭ ᒌ ᐅᒋᒫᐦᑭᐦᑖᒄ,

ᒫᔪᐦᐧᑖᑦ ᐧᒑᓐ 16:11

ᐎᓂᐱᔫᒡ ᑖᓐ ᐋ ᐄᔑ ᑭᓂᐙᐱᐦᑎᐦᒡ ᒋᔖᒥᓂᑑ ᐅᐎᔮᔅᑯᓂᒑᐎᓂᔨᐤ ᐙᔥ ᒥᒋᒥᓂᑑ, ᐊᓐ ᑳ ᐅᒋᒫᑳᑎᐦᒃ ᐅᑎᐦ ᐊᔅᒌᐦᒡ, ᔖᔥ ᐐᔨ ᒌ ᑎᐹᔅᑯᓂᑰ ᒋᔖᒥᓂᑑᐦ᙮”

ᐋᐧᐹᔅᑎᓕᒡ 26:18

ᒋᑎ ᐃᑎᔑᐦᐅᑎᓐ ᐊᓂᑖᐦ ᐋᐦ ᑖᒡ ᒑ ᒌ ᓂᔅᑐᐦᑎᒥᐦᐄᑣᐤ ᑖᓐ ᐋ ᐃᓯᓈᑯᓃᔨᔨᒡ ᐅᐱᒫᑎᓰᐎᓂᐙᐤ᙮ ᒋᔅᒑᔨᐦᑎᐦᒀᐙ ᒫᒃ ᐋᒄ ᒑ ᓂᑭᑎᐦᒡ ᐊᐅᑳᔥᑖᔮᐎᓂᔨᐤ ᐋᒄ ᐙᔥᑖᐎᓂᔨᐤ ᒑ ᓈᑎᐦᒡ᙮ ᑭᔮᐦ ᒫᒃ ᒑ ᓂᑭᑎᒸᒡ ᒥᒋᒥᓂᑑ ᐅᓲᐦᑳᑎᓰᐎᓂᔨᐤ ᐊᐅᔅᑖ ᒋᔖᒥᓂᑑ ᐅᓲᐦᑳᑎᓰᐎᓂᔨᐤ ᒑ ᒌ ᓈᑎᒸᒡ᙮ ᐋᒄ ᒫᒃ ᑖᑆᔮᔨᒥᑣᐙ ᒑ ᐙᐹᔨᐦᑎᒧᐙᑭᓂᐎᒡ ᐅᒥᒋᐦᑣᐎᓂᐙᐤ᙮ ᐋᒄ ᒫᒃ ᒑ ᒥᓯᓈᓱᒡ ᑭᔮᐦ ᐐᔨᐙᐤ ᐊᓂᑖᐦ ᒫᓯᓈᓱᔨᒡ ᒋᔖᒥᓂᑑ ᐅᑏᔨᔨᒥᔨᐤᐦ ᐊᓂᔮᔨᐤ ᑳ ᐅᐙᔮᐱᒫᑦ᙮’ ”

ᐧᕌᒥᓐ 8:38

ᓂᒑᔥᑎᓈᐦᐅᓐ ᐋᐦᐋᑳ ᒑᒀᓐ ᑎᑯᐦᒡ ᒑ ᒌ ᐄᒑᐦᑎᐦᐄᑯᔨᐦᒄ ᙭ ᐅᓵᒋᐦᐄᐙᐎᓂᐦᒡ ᐅᐦᒋ᙮ ᐴᓂᐱᒫᑎᓰᔮᒀ ᑭᔮᐦ ᒫᒃ ᒫᒀᒡ ᐋ ᐱᒫᑎᓰᔨᐦᒄ ᐊᔮᐱᒡ ᒋᓵᒋᐦᐄᑯᓂᐤ᙮ ᓂᒧᐃ ᐙᐙᒡ ᐋᓐᒋᓂᒡ ᑭᔮᐦ ᒫᒃ ᒥᒋᐊᐦᒑᐦᑯᐦᒡ ᒋᑭ ᒌ ᐄᒑᐦᑎᐦᐄᑯᓂᐎᒡ ᙭ ᐅᓵᒋᐦᐄᐙᐎᓃᔨᒡ ᐅᐦᒋ᙮ ᓂᒧᐃ ᒑᒀᓐ ᒋᑭ ᒌ ᐄᔅᐱᔨᐤ ᐊᓅᐦᒡ ᒫᒃ ᐊᓂᑖᐦ ᓃᔥᑖᒥᐦᒡ ᒑ ᒌ ᐄᒑᐦᑎᐦᐄᑯᔨᐦᒄ ᐅᓵᒋᐦᐄᐙᐎᓂᐦᒡ ᐅᐦᒋ᙮

ᓃᔥᑎᒻ ᑯᕆᓐᕠᔨᓐ 15:50

ᒫᐤ ᐙᐦ ᐄᔑ ᐐᐦᑎᒫᑎᑯᒡ ᓃᒋᔖᓂᑎᒄ᙮ ᐅᐦᐄ ᒌᔮᓅᐦ ᑳ ᐎᔮᓲᐦᒡ ᑭᔮᐦ ᑳ ᒥᐦᑰᐎᒡ ᓂᒧᐃ ᑭᑎ ᒌ ᑎᑯᓐ ᐊᓂᑖᐦ ᒋᔖᒥᓂᑑ ᐅᒋᐦᒋᐅᒋᒫᐎᓂᐦᒡ, ᑭᔮᐦ ᒫᒃ ᐊᓐ ᒑᒀᓐ ᒑ ᓂᐲᒥᑭᐦᒡ ᑳ ᐄᔑᐦᑖᑭᓂᐎᒡ ᓂᒧᐃ ᑳᒋᒡ ᑭᑎ ᒌ ᐱᒫᑎᓰᒥᑭᓐ᙮

ᓃᔓ ᑯᕆᓐᕠᔨᓐ 11:14

ᓂᒧᐃ ᒫᒃ ᒋᐱᐦ ᐅᐦᒋ ᒥᔅᑳᑖᔨᐦᑎᒥᐦᐄᑯᓈᓂᐤ ᐆ ᐙᔥ ᐙᐙᒡ ᒥᒋᒥᓂᑑ ᒧᔮᒻ ᐙᔥᑖᐤ ᐋᓐᒋᓐ ᒋᑭ ᒌ ᐃᓯᓈᑯᐦᐄᓯᐤ᙮

ᓃᔓ ᑯᕆᓐᕠᔨᓐ 4:4

ᓂᒧᐃ ᑖᑆᐦᑎᒧᒡ ᐙᔥ ᑖᔨᐤ ᐊᓂᔮᔨᐤ ᑳ ᒥᒋᒥᓂᑑᐎᔨᒡ ᑳ ᐅᒋᒫᐦᑭᐦᑎᒥᔨᒡ ᐅᔮᔨᐤ ᐊᔅᒌᔨᐤ᙮ ᐋᐅᑯᓐᐦ ᒫᒃ ᐊᓂᔮᔨᐤ ᐋᐦ ᑐᑖᑯᒡ ᐋᑳ ᒑ ᒌ ᐙᐱᐦᑎᐦᒡ ᐊᓂᔮᔨᐤ ᐙᔥᑖᐎᓂᔨᐤ ᐊᓂᑎᐦ ᒑ ᒌ ᐅᐦᒋ ᐱᒫᒋᐦᐅᒡ᙮ ᓂᒧᐃ ᒌ ᓂᔅᑐᐦᑎᒧᒡ ᐊᓂᔮᔨᐤ ᒥᔻᒋᒧᐎᓂᔨᐤ ᐊᓂᑎᐦ ᐙᐦᒋ ᐙᐱᐦᑎᔨᑭᐎᐦᒄ ᙭ ᐅᒋᔅᑖᔨᐦᑖᑯᓯᐎᓐ᙮ ᐙᔥ ᒧᔮᒻ ᐋ ᐄᔑ ᒋᔅᑖᔨᐦᑖᑯᓯᑦ ᒋᔖᒥᓂᑑ ᐋᐅᒄ ᒧᔮᒻ ᐋ ᐄᔑ ᒋᔅᑖᔨᐦᑖᑯᓯᑦ ᒌᓴᔅ᙮

ᑳᓓᔑᔨᓐ 1:16

ᒑ ᒌ ᒋᔅᒑᔨᒥᒡ ᐅᑯᓯᔅᐦ, ᐋᑎ ᒑ ᒌ ᐅᐦᒋ ᑳ ᒑᔅᒋᒥᒡ ᒥᔻᒋᒧᐎᓂᔨᐤ ᐊᓂᔮᔨᐤ ᐋᑳ ᑳ ᒎᐤ ᐄᑎᔅᑳᓈᓰᔨᒡ᙮ ᓂᒧᐃ ᐊᐙᓐ ᓅᐦᒋ ᑯᒀᒋᒫᐤ ᑖᓐ ᒑ ᑑᐎᒡ᙮

ᐄᕕᓰᔨᓐ 1:21

ᐐᔨ ᙭ ᐊᐅᔅᑖ ᐄᑖᔨᐦᑖᑯᓂᔨᐤ ᐅᑎᐹᔨᐦᒋᒑᐎᓐ ᐃᔥᐱᔥ ᐐ ᐊᓂᔮᔨᐤᐦ ᑳ ᐅᒋᒫᐎᔨᒡ, ᑳ ᑎᐹᔨᐦᒋᒑᓯᐎᔨᒡ, ᑳ ᓲᐦᑳᑎᓰᔨᒡ, ᑭᔮᐦ ᑳ ᓃᑳᓂᔒᔨᒡ᙮ ᐐᔨ ᐊᐅᔅᑖ ᐄᑖᔨᐦᑖᑯᓂᔨᐤ ᐅᑎᔑᓂᐦᑳᓱᐎᓐ ᐋ ᐄᑖᔨᐦᑖᑯᓃᔨᒡ ᑯᑎᒃ ᐊᐙᓐ ᐅᑎᔑᓂᐦᑳᓱᐎᓐ ᐊᓅᐦᒡ ᑭᔮᐦ ᐊᓂᑖᐦ ᓃᔥᑖᒥᐦᒡ᙮

ᐄᕕᓰᔨᓐ 1:3

ᒫᒥᐦᒋᒫᑖᐤ ᒋᔖᒥᓂᑑ, ᒋᑎᐹᔨᐦᒋᒑᓰᒥᓂᐤ ᒌᓴᔅ ᙭ ᐅᐦᑖᐐᐦ᙮ ᙭ ᐅᐦᒋ, ᒋᔖᒥᓂᑑ ᒋᒌ ᒋᔖᐙᑐᑖᑯᓂᐤ ᐋ ᒌ ᒥᔨᑎᐦᒄ ᒥᓯᐙ ᐊᐦᒑᐦᒄ ᒥᔪᑐᑎᒫᒑᐎᓐ ᑖᓐ ᐋ ᐄᔑ ᑎᑯᓃᔨᒡ ᐊᓂᑖᐦ ᒋᐦᒋᒌᔑᑯᐦᒡ᙮

ᐄᕕᓰᔨᓐ 2:2

ᐋᐅᒄ ᐊᓐ ᑳ ᐄᔑ ᐱᒫᑎᓰᔮᒄ ᐋᔥᒄ ᐋ ᒌ ᓅᔔᔥᑭᒫᒄ ᑖᓐ ᐋᐦ ᑎᓈᓂᐎᒡ ᐅᑎᐦ ᐊᔅᒌᐦᒡ ᑭᔮᐦ ᐋᔥᒄ ᐋ ᒌ ᓅᔔᔥᑯᐙᒄ ᐊᓐ ᑳ ᒥᒋᐅᒋᒫᐦᑭᐦᑎᐦᒃ ᐃᔥᐱᒥᐦᒡ, ᐊᓐ ᒥᒋᐊᐦᒑᐦᒄ ᑳ ᐄᔑ ᐋᐱᑎᓰᑦ ᐋ ᐲᐦᒋᔥᑯᐙᑦ ᐊᓂᔮᔨᐤᐦ ᐊᐙᔨᐤᐦ ᐋᑳ ᑳ ᓂᓂᐦᐄᐦᑐᐙᔨᒡ ᒋᔖᒥᓂᑑ᙮

ᐄᕕᓰᔨᓐ 3:10

ᐊᓅᐦᒡ ᒫᒃ ᐋᒄ ᒑᔅᒑᔨᐦᑖᑯᐦᑖᑦ ᒋᔖᒥᓂᑑ ᑖᓐ ᑳ ᐐᐦ ᑐᑎᐦᒃ, ᐋᔪᐎᒄ ᐅᔮᔨᐤ ᐊᓂᑖᐦ ᐅᒫᒨᐊᔨᒥᐦᐋᐤ ᐋᐦ ᑖᔨᒡ ᒑ ᒌ ᐅᐦᒋ ᒋᔅᒑᔨᐦᑎᒥᐦᐋᑦ ᐊᓂᔮᔨᐤ ᑳ ᑎᐹᔨᐦᒋᒑᓯᐎᔨᒡ ᑭᔮᐦ ᑳ ᓲᐦᒑᔨᐦᑖᑯᓰᔨᒡ ᐃᔥᐱᒥᐦᒡ ᑳᐦ ᑖᔨᒡ ᑖᓐ ᐋ ᐄᔑ ᓂᓈᐦᑭᐤ ᐄᑖᔨᐦᑖᑯᓃᔨᒡ ᐅᑭᒑᐦᑖᐙᔨᐦᑎᒧᐎᓐ᙮

ᑯᐧᓛᓯᔨᓐ 1:13

ᓂᒌ ᐱᑯᐦᐄᑯᓈᓐ ᑖᓂᔮᔨᐤ ᑳ ᐄᔑ ᑎᐹᔨᒥᑰᒋᐦᑦ ᑳ ᓲᐦᒑᔨᐦᑖᑯᓃᔨᒡ ᐊᐅᑳᔅᑖᐎᓂᔨᐤ ᒦᔥᑯᒡ ᐊᓂᔮᔨᐤ ᓈᔥᒡ ᑳ ᓵᒋᐦᐋᑦ ᐅᑯᓯᔅᐦ ᐅᒋᐦᒋᐅᒋᒫᐎᓂᔨᐤ ᐊᐦᑎᑯᓃᔨᒡ ᑳ ᐄᑐᐦᑎᐦᐄᔨᒥᐦᑦ ᒋᔖᒥᓂᑑ᙮

ᑯᐧᓛᓯᔨᓐ 2:15

ᐊᓂᔮᔨᐤ ᐋᔑᑖᔮᐦᑎᑯᐦᒡ ᑳ ᐴᓂᐱᒫᑎᓰᑦ ᙭ ᐋᑯᑖᐦ ᒥᑐᓐ ᑳ ᓯᑯᒋᐦᐋᑦ ᒥᓯᐙ ᐊᓂᔮᔨᐤ ᐋ ᓃᑳᓈᔨᐦᑖᑯᓃᔨᒡ ᓲᐦᒑᔨᐦᑖᑯᓰᐎᓂᔨᐤ ᑭᔮᐦ ᑎᐹᔨᐦᒋᒑᐎᓂᔨᐤ ᑳ ᐃᔮᔨᒡ ᑭᔮᐦ ᒌ ᐙᐱᐦᑎᔮᐤ ᒥᓯᐙ ᐊᐙᔨᐤᐦ ᒥᑐᓐ ᐋ ᒌ ᓯᑯᒋᐦᐋᑦ ᒨᒑᔨᐦᑖᒨᐎᓂᒡ᙮

ᓃᔓ ᑎᒧᕢ 2:5

ᐄᔑ ᐱᒫᑎᓰᐦ ᑖᓐ ᐋ ᐄᔑ ᓂᑎᐙᔨᒥᔅᒃ ᒋᔖᒥᓂᑑ ᒑ ᒌ ᐄᔑ ᐱᒫᑎᓰᐎᑦ᙮ ᒧᔮᒻ ᐊᓯᓈᑯᓯᑦ ᐊᓐ ᐊᐙᓐ ᑳ ᐐᒋᐦᐄᐙᑦ ᐋ ᒋᐦᒋᐱᐦᐄᑐᓈᓂᐎᔨᒡ ᓂᒧᐃ ᒋᑭ ᒌ ᑭᔅᒋᐦᐆ ᐹᑎᔥ ᓈᑭᑎᐙᔨᐦᑎᐦᑳ ᐊᓂᔮᔨᐤ ᐐᔓᐙᐎᓐ ᑳ ᐎᔨᔅᑖᔨᒡ ᒑ ᐋᐱᑎᓃᔨᒡ ᐋ ᒋᐦᒋᐱᐦᐄᑐᓈᓂᐎᔨᒡ᙮

ᐦᐄᑉᕉ 12:1

ᐋᔪᐎᒄ ᒫᒃ ᒑ ᐅᐦᒋ ᒫᒥᑐᓈᔨᒥᐦᑯᒡ ᐊᓂᒌ ᑳ ᒥᐦᒑᑎᒡ ᐄᔨᔨᐅᒡ ᓈᔥᒡ ᑳ ᐙᐱᐦᑎᔨᐙᒡ ᐋ ᑖᑆᔮᔨᒫᒡ ᒋᔖᒥᓂᑑ᙮ ᐋᒄ ᒫᒃ ᐱᒥᐱᐦᐄᑐᑖᐤ ᐊᓂᑖᐦ ᐋ ᑯᒀᒋᔅᑭᑐᓈᓂᐎᐦᒡ ᐊᓂᑎᐦ ᐊᓐ ᒨᔮᒻ ᓈᔥᒡ ᓂᔮᓈᑭᒋᐦᑖᒡ ᐊᓂᒌ ᐹᒋ ᐊᓂᑖᐦ ᑳ ᑖᑆᔨᒫᒡ ᒋᔖᒥᓂᑑ᙮ ᒨᔮᒻ ᐊᓐ ᐊᐙᓐ ᐋ ᐱᒥᐱᐦᑖᑦ ᐋᐦᑎᒃ, ᒌᔮᓂᐤ ᒫᒃ ᑭᔮᐦ ᒑ ᒌ ᒥᓂᒥᐦᒄ ᐊᓐ ᒑᒀᓐ ᒑ ᒥᒫᐦᒋᑯᓂᑯᔨᐦᒄ, ᑭᔮᐦ ᒫᒃ ᐊᓂᐦᐄ ᒋᒥᒋᐦᑣᐎᓂᐤ ᓈᔥᒡ ᐋ ᐙᐦᑎᐦᒡ ᒑ ᒌ ᐎᓈᒋᐦᐄᑯᔨᐦᒄ᙮ ᒨᔥ ᒫᒃ ᓲᐦᒃ ᐱᒥᐱᐦᐄᑐᑖᐤ ᐊᓂᑎᐦ ᒫᔅᑭᓈᐦᒡ ᒋᔖᒥᓂᑑ ᑳ ᐅᐙᔨᔅᑣᑎᐦᒄ᙮

ᐦᐄᑉᕉ 12:4

ᒋᒌ ᓂᔥᑰᔥᑖᓈᐙᐤ ᒥᒋᐦᑣᐎᓐ᙮ ᓂᒧᐃ ᐋᔥᒄ ᑰᐦᒋ ᐃᔥᐱᔥ ᓂᒋᔥᑳᓈᐙᐤ ᐋ ᓂᓈᐦᑳᑖᔨᒧᔮᒄ ᒑ ᒌ ᐃᓯᓈᑯᐦᒡ ᒥᑐᓐ ᒑ ᐐᐦ ᓂᐱᐦᐄᑯᐎᔮᒄ, ᐋ ᒌ ᓂᔥᑰᔥᑎᒫᒄ ᒥᒋᐦᑣᐎᓐ ᐅᐦᒋ᙮

ᓃᔥᑎᒻ ᐲᑎᕐ 3:22

ᐋᐅᒄ ᐆ ᙭ ᒋᐦᒋᒌᔑᑯᐦᒡ ᑳ ᐄᔑ ᐅᐦᐱᔅᑳᑦ ᑭᔮᐦ ᑳ ᐅᐙᔨᐱᐦᐄᑯᑦ ᒋᔖᒥᓂᑑ ᐅᓂᐦᐄᐎᓃᔨᐦᒡ ᐄᑖᐦᒑ ᐊᓂᑎᐦ ᒫᐅᒡ ᐋ ᒋᔅᑖᔨᐦᑖᑯᓃᔨᒡ ᒑ ᒌ ᐊᐱᑦ ᐊᐙᓐ᙮ ᐋᑯᑖᐦ ᒫᒃ ᑳ ᒥᔮᑭᓅᑦ ᒑ ᒌ ᐅᒋᒫᐦᑭᐦᑎᐙᑦ ᒥᓯᐙ ᐋᓐᒋᓐ, ᒥᓯᐙ ᒋᐦᒋᒌᔑᒄ ᑎᐹᔨᐦᒋᒑᐎᓂᔨᐤ ᑭᔮᐦ ᒥᓯᐙ ᓲᐦᑳᑎᓰᐎᓂᔨᐤ᙮