ᐄᕕᓰᔨᓐ 6:10 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁰ ᐋᐅᒄ ᒫᐦᒑᔨ ᒑ ᐄᑎᑯᒡ ᒑᒀᓐ, ᓃᒋᔖᓂᑎᒄ᙮ ᐊᓂᑖᐦ ᑎᐹᔨᐦᒋᒑᓯᐤ ᐅᓲᐦᑳᑎᓰᐎᓂᐦᒡ ᑭᔮᐦ ᐅᒥᔅᑰᓰᐎᓂᐦᒡ ᐋᑯᑖᐦ ᐐᐦ ᐄᔑ ᐋᔨᒋᑳᐳᒄ᙮

ᐄᕕᓰᔨᓐ 6:10 Iomraidhean Croise

ᓃᔥᑎᒻ ᑯᕆᓐᕠᔨᓐ 16:13

ᔮᒀᒦᒄ, ᓲᐦᒃ ᐋᔨᒋᑳᐳᒄ ᑖᓐ ᐋ ᐄᔑ ᑖᑆᐦᑎᒫᒄ᙮ ᐊᑳᐐ ᑯᔥᑖᒋᒄ᙮ ᓲᐦᒃ ᓲᐦᒋᑳᐳᒄ᙮

ᓃᔓ ᑯᕆᓐᕠᔨᓐ 13:11

ᐋᒄ ᒫᒃ ᓃᒋᔖᓂᑎᒄ, ᐙᒋᔮ ᒋᐐᐦᑎᒫᑎᓈᐙᐤ᙮ ᓲᐦᒃ ᑯᒋᐦᑖᒄ ᓂᐦᐋᐤ ᒑ ᒌ ᐄᑖᔨᐦᑖᑯᓯᔮᒄ ᐋ ᐄᔑ ᓂᑎᐙᔨᒥᑖᒄ ᒋᔖᒥᓂᑑ ᒑ ᒌ ᐄᑖᔨᐦᑖᑯᓱᐙᒄ᙮ ᔮᒀᐦ ᓂᑐᐦᑎᒧᒄ ᑖᓐ ᐋ ᐄᔑ ᐋᔮᒥᐦᐄᑎᑯᒡ᙮ ᓲᐦᒃ ᐹᔨᑯᓂᐦᒡ ᐐᐦ ᐄᔑ ᐱᒫᑎᓰᒄ, ᐹᔨᒄ ᒥᑐᓈᔨᐦᒋᑭᓂᒡ᙮ ᓲᐦᒃ ᒥᔪ ᐐᒑᐅᑐᒄ᙮ ᒋᔖᒥᓂᑑ ᐊᓐ ᑳ ᓵᒋᐦᐄᐙᑦ ᑭᔮᐦ ᑳ ᐃᔮᑦ ᒋᔮᒫᔨᐦᑎᒧᐎᓂᔨᐤ ᒋᑭ ᐐᒑᐅᑯᐙᐤ᙮

ᐄᕕᓰᔨᓐ 1:19

ᑭᔮᐦ ᒑ ᒌ ᓂᔅᑐᐦᑎᒫᒄ ᐋ ᐃᔥᐱᔥ ᓲᐦᒑᔨᐦᑖᑯᓃᔨᒡ ᐊᓂᔮᔨᐤᐦ ᒋᔖᒥᓂᑑ ᐅᓲᐦᑳᑎᓰᐎᓐᐦ ᑳᐦ ᐋᐱᑎᓰᒥᑭᓃᔨᒡ ᐲᐦᒡ ᐋᐦᑖᐅᐦᒄ, ᒌᔮᓂᐤ ᑳ ᑖᑆᔮᔨᐦᑎᒧᒄ᙮

ᐄᕕᓰᔨᓐ 3:16

ᐊᓂᔮᔨᐤ ᐋ ᐙᔪᒡ ᐃᔮᑦ ᒋᔖᒥᓂᑑ ᑖᓐ ᒑ ᒌ ᐄᔑ ᒋᔖᐙᑐᑎᐙᑦ ᐊᐙᔨᐤᐦ ᓂᓂᑐᑎᒧᐙᐤ ᒑ ᒌ ᒥᔨᑖᒄ ᒥᔅᑭᐎᓰᐎᓂᔨᐤ ᐅᑎᐦᒑᐦᒄ ᐋᐦ ᑖᔨᒡ ᐋ ᐅᐦᒋᐱᔨᔨᒡ, ᒑ ᒌ ᒥᔥᑭᐎᑳᐳᐙᒄ ᐲᐦᒡ ᒌ ᐱᒫᑎᓰᐎᓂᐙᐦᒡ᙮

ᕕᓕᐱᔨᓐ 3:1

ᐋᒄ ᒫᒃ ᓃᒋᔖᓂᑎᒄ, ᐋᔥᒄ ᐋᐦᐋᑳ ᒌᔑᐦᑖᔮᓐ ᐆ ᑳ ᒥᓯᓂᐦᐋᒫᑎᑯᒡ ᒋᐐᐦ ᐄᑎᑎᓈᐙᐤ ᒑ ᒌ ᒥᔻᔨᐦᑎᒫᒄ ᑎᐹᔨᐦᒋᒑᓯᐤ ᐋ ᑎᐹᔨᒥᑖᒄ᙮ ᓂᒧᐃ ᐎᔮᔥ ᓂᑎᐄᑖᔨᐦᑖᓐ ᒦᓐ ᒑ ᒌ ᐋᔨᒨᑎᒫᑎᑯᒡ ᑖᓐ ᑳ ᐄᑎᓯᓂᐦᐊᒫᑎᑯᒡ ᐅᑎᐦ ᐅᑖᐦᒡ, ᐙᔥ ᒋᑭ ᑎᑯᓐ ᑖᓐ ᒑ ᐄᔑ ᐐᒋᐦᐄᑯᔮᒄ ᐆ᙮

ᕕᓕᐱᔨᓐ 4:13

ᑖᓐ ᒥᒄ ᒑ ᐄᔅᐱᔨᐙᓈ, ᒥᓯᐙ ᓂᑭ ᒌ ᔖᐳᔥᑳᓐ ᐙᔥ ᙭ ᓂᒥᔨᒄ ᓲᐦᑳᑎᓰᐎᓂᔨᐤ᙮

ᕕᓕᐱᔨᓐ 4:8

ᓃᒋᔖᓂᑎᒄ, ᐋᔥᒄ ᐋᐦᐋᑳ ᒌᔑᐦᑖᔮᓐ ᐋ ᒥᓯᓂᐦᐋᒫᑎᑯᒡ ᐹᔨᒄ ᒦᓐ ᒑᒀᓐ ᒋᑭ ᐐᐦᑎᒫᑎᓈᐙᐤ, ᓲᐦᒃ ᒨᔥ ᒫᒥᑐᓈᔨᐦᑎᒧᒄ ᐊᓂᐦᐄ ᒑᒀᓂᐦᐄ ᐋ ᑖᑆᒥᑭᐦᒡ ᑭᔮᐦ ᐋ ᒥᔻᔑᐦᒡ, ᐊᓂᐦᐄ ᑳ ᒥᒥᐦᒋᐦᐄᐙᐦᒡ, ᒧᔮᒻ ᒑᒀᓐ ᐋ ᑯᐃᔅᑯᓈᑯᐦᒡ, ᒑᒀᓐ ᐋ ᒋᔅᑖᔨᐦᑖᑯᐦᒡ, ᑭᔮᐦ ᑯᐃᔅᒄ ᐃᔨᐦᑎᐎᓐ, ᐱᔮᐦᒋ ᐱᒫᑎᓰᐎᓐ, ᒑᒀᓐ ᐋ ᓂᐦᐋᔨᐦᑎᒥᐦᐄᐙᒡ ᑭᔮᐦ ᒑᒀᓐ ᐋ ᒥᔪ ᑎᐹᑐᑖᒡ᙮

ᑯᐧᓛᓯᔨᓐ 1:11

ᓂᓂᑐᑎᒧᐙᐤ ᒑ ᒌ ᑐᑖᑖᒄ ᒥᑐᓐ ᒑ ᒌ ᒥᔅᑰᐦᐄᑯᔮᒄ ᐐᔨ ᑳ ᒋᔅᑖᔨᐦᑖᑯᓃᔨᒡ ᐅᓲᐦᑳᑎᓰᐎᓂᐦᒡ ᐅᐦᒋ᙮ ᐋᒄ ᒫᒃ ᒑ ᓰᐱᔨᐙᓯᔮᒄ ᒥᒄ ᑖᓐ ᒑ ᐄᔑ ᓂᒋᔥᑭᒧᐙᒀ ᐋ ᒨᒋᒑᔨᐦᑎᒫᒄ,

ᓃᔓ ᑎᒧᕢ 2:1

ᒌᔨ, ᓂᑯᓯᐦᑳᐎᓐ ᑎᒧᕢ, ᓲᐦᒃ ᐐᐦ ᓲᐦᒋᓰᐦ ᙭ ᒌᓴᔅ ᐅᒋᔖᐙᑎᓰᐎᓂᐦᒡ ᐅᐦᒋ᙮

ᓃᔓ ᑎᒧᕢ 4:17

ᒥᒄ ᒫᒃ ᑎᐹᔨᐦᒋᒑᓯᐤ ᓂᒌ ᐐᒋᑳᐳᔥᑖᒄ ᑭᔮᐦ ᐐᔨ ᓂᒌ ᒥᔨᒄ ᓲᐦᑳᑎᓰᐎᓂᔨᐤ᙮ ᒌ ᐄᔅᐱᔨᐤ ᒫᒃ ᐊᔮᐱᒡ ᒥᑐᓐ ᒑ ᒌ ᐙᐐᐦᑎᒧᒀᐤ ᐅᔮᔨᐤ ᒥᔻᒋᒧᐎᓂᔨᐤ ᑭᔮᐦ ᐊᓂᒌ ᐋᑳ ᒎᐤ ᐄᑎᔅᑳᓈᓯᒡ ᒑ ᒌ ᐅᐦᒋ ᐹᐦᑎᐦᒡ, ᑭᔮᐦ ᒫᒃ ᓂᒌ ᐱᐦᑯᐦᐄᑭᐎᓐ ᒑᐦ ᐋᑳ ᒌ ᓂᐱᐦᐄᑦ ᒥᔑᐱᔑᐤ᙮

ᓃᔥᑎᒻ ᐲᑎᕐ 3:8

ᐆ ᒫᒃ ᑳ ᐄᔑ ᐋᔨᒨᑎᒫᑎᑯᒡ, ᒥᓯᐙ ᐋ ᑎᔑᔮᒄ ᓲᐦᒃ ᐹᔨᑯᓂᐦᒡ ᐄᔑ ᒫᒥᑐᓈᔨᐦᑎᒧᒄ ᒑ ᒌ ᒥᔪ ᐐᒋᒥᑐᔮᒄ, ᐋ ᒋᔅᑎᒫᒑᔨᒥᑐᔮᒄ ᑭᔮᐦ ᓵᒋᐦᐄᑐᒃ ᒧᔮᒻ ᐋ ᐐᒋᔖᓂᐦᑐᔮᒄ ᑭᔮᐦ ᑭᒋᔖᐙᑐᑖᑐᒄ᙮ ᒨᔥ ᑎᐱᐦᑖᔨᒧᒄ᙮

ᓃᔥᑎᒻ ᐲᑎᕐ 4:11

ᐊᐙᓐ ᐋ ᒌ ᒥᔨᑯᑦ ᒋᔖᒥᓂᑑ ᒑ ᒌ ᐊᔨᒥᑦ ᒋᐱᐦ ᐊᔨᒨ ᑖᓂᔮᔨᐤ ᐋ ᐄᔑ ᒥᔨᑯᑦ ᒋᔖᒥᓂᑑ ᒑ ᒌ ᐄᔑ ᐊᔨᒥᑦ᙮ ᐊᓐ ᐊᐙᓐ ᑳ ᒥᔮᑭᓅᑦ ᑭᔅᒋᐦᐅᐎᓂᔨᐤ ᒑ ᒌ ᐐᒋᐦᐋᑦ ᑯᑎᒃ ᐊᐙᔨᐤᐦ ᑭᔨᑆ ᒋᐱᐦ ᐐᒋᐦᐋᐤ ᑖᓐ ᐋ ᐄᔑ ᒥᔨᑯᑦ ᒋᔖᒥᓂᑑ ᒥᔅᑯᓯᐆᓂᔨᐤ᙮ ᒥᓯᐙ ᒑᒀᓐ ᒋᑭ ᑐᑖᑭᓂᐤ ᐊᓂᑎᐦ ᒑ ᒌ ᐅᐦᒋ ᒫᒥᐦᒋᒫᑭᓅᑦ ᒋᔖᒥᓂᑑ ᐊᓂᑖᐦ ᐅᐦᒋ ᒌᓴᔅ ᙭᙮ ᐅᒋᔅᑖᔨᐦᑖᑯᓯᐎᓂᒡ ᑭᔮᐦ ᑳ ᓃᑳᓈᔮᔨᐦᑖᑯᓃᔨᒡ ᐆ ᓲᐦᑳᑎᓰᐎᓐ ᒨᔥ ᑳᒋᒡ ᒑ ᒌ ᑎᑯᓃᔨᒡ᙮ ᐋᒥᓐ᙮

ᓃᔥᑎᒻ ᐲᑎᕐ 5:10

ᐄᔥᐱᐦ ᒫᒃ ᒌᔥ ᓂᓈᐦᑳᑖᔨᒧᔮᒀ ᐙᐃᐱᔥᒌᔥ ᒋᑭ ᑐᑖᑯᐙᐤ ᒋᔖᒥᓂᑑ ᒦᓐ ᒑ ᒌ ᐎᔨᑳᐳᐙᒄ, ᒋᑭ ᒥᔨᑯᐙᐤ ᒥᔅᑭᐎᓰᐎᓂᔨᐤ, ᒋᑭ ᐋᔨᒋᑳᐳᐦᐄᑯᐙᐤ, ᑭᔮᐦ ᒋᑭ ᓯᑭᔅᒑᔨᒧᐦᐄᑯᐙᐤ᙮ ᒋᔖᒥᓂᑑ ᐊᓐ ᑳ ᐃᔮᑦ ᒥᓯᐙ ᒥᔪᐦᑳᒑᐎᓂᔨᐤ ᒌ ᓂᑑᒥᑯᓂᐤ ᐊᓂᑖᐦ ᑳᒋᒡ ᐅᒋᔅᑖᔨᐦᑖᑯᓯᐎᓂᐦᒡ ᙭ ᐋᐦ ᑖᔨᒡ ᐅᐦᒋ᙮

ᓃᔥᑎᒻ ᐧᒑᓐ 2:14

ᒋᒥᓯᓂᐦᐋᒫᑎᓈᐙᐤ, ᐅᐦᑖᐐᒫᑐᒄ, ᐋ ᒋᔅᒑᔨᒫᒄ ᐊᓐ ᔖᔥ ᑳᑖᑖᑰᐱᓐ ᐊᓂᑖᐦ ᒫᐅᒡ ᐅᔅᑭᒡ, ᐋᔥᒄ ᐋᒸᔮ ᒥᑐᓐ ᒑᒀᔨᐤ ᐅᐦᒋ ᐅᔑᐦᑖᑭᓂᐎᔨᒡ᙮ ᒋᒥᓯᓂᐦᐋᒫᑎᓈᐙᐤ ᐅᔅᒋᓃᒌᑐᒄ ᐙᔥ ᒋᓲᐦᒋᑳᐳᓈᐙᐤ, ᒋᔖᒥᓂᑑ ᐅᑎᔨᒧᐎᓐᐦ ᐋ ᐲᐦᒋᔥᑳᑯᐙᒄ, ᑭᔮᐦ ᒫᒃ ᐋ ᒌ ᐃᔥᐱᔑᐦᐋᒄ ᒥᒋᒥᓂᑑ᙮