ᐄᕕᓰᔨᓐ 5:5 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁵ ᒋᓂᑎᐙᔨᒥᑎᓈᐙᐤ ᒑ ᒌ ᒋᔅᒑᔨᐦᑎᒫᒄ ᐊᓐ ᐊᐙᓐ ᐐᓂᓱᐎᓂᐦᒡ ᑳ ᐄᔑ ᐱᒫᑎᓰᑦ ᑭᔮᐦ ᓂᑎᐐ ᒥᒄ ᑳᐦ ᑎᒃ ᑭᔮᐦ ᒨᔥ ᑳ ᒧᔥᑖᓈᔮᔨᐦᑎᐦᒃ ᒑᒀᔨᐤ ᒑ ᒌ ᐃᔮᑦ ᓂᒧᐃ ᒋᑭ ᒌ ᐐᒋᐦᐄᐙᐤ ᒋᔖᒥᓂᑑ ᑭᔮᐦ ᙭ ᐅᒋᐦᒋᐅᒋᒫᐎᓃᔨᒡ᙮ ᐊᓐ ᐊᐙᓐ ᒨᔥ ᓈᔥᒡ ᑳ ᒧᔥᑖᓈᔮᔨᐦᑎᐦᒃ ᒧᔮᒻ ᒥᓂᑑᐦᑳᓐ ᐋ ᐊᔨᒥᐦᐋᔅᑎᐙᑦ ᐃᓯᓈᑯᓂᔨᐤ ᐅᔮᔨᐤ ᐋᐦᑎᒃ᙮

ᐄᕕᓰᔨᓐ 5:5 Iomraidhean Croise

ᐋᐧᐹᔅᑎᓕᒡ 20:32

“ᐋᒄ ᒫᒃ ᐊᓅᐦᒡ ᒋᑎ ᐄᔑ ᐱᒋᔅᑎᔓᐙᑎᑎᓈᐙᐤ ᒋᔖᒥᓂᑑ ᐄᔑ ᐋᐦ ᑖᑦ ᒑ ᒥᔪ ᑭᓂᐙᔨᒥᑖᒄ ᑭᔮᐦ ᐅᑎᔨᒧᐎᓐᐦ ᒑ ᒋᔖᐙᑐᑖᑯᐙᒄ᙮ ᐅᒥᔪᐦᑳᒑᐎᓂᐦᒡ ᑭᔮᐦ ᐅᑎᔨᒧᐎᓂᐦᒡ ᐋᑯᑖᐦ ᒑ ᐅᐦᒋ ᒥᔪ ᓂᐦᑖᐅᒋᔮᒄ ᑭᔮᐦ ᐋᑯᑖᐦ ᒑ ᐅᐦᒋ ᐃᔮᔮᒄ ᐊᓂᔮᔨᐤ ᑖᓐ ᑳ ᐐᐦ ᐄᔑ ᒥᔮᑦ ᒋᔖᒥᓂᑑ ᐊᓂᔮᔨᐤᐦ ᐊᐙᔨᐤᐦ ᑳ ᐅᐙᔮᔨᒫᑦ ᒑ ᐅᑏᔨᔨᒥᑦ᙮

ᐋᐧᐹᔅᑎᓕᒡ 8:21

ᓂᒧᐃ ᒋᑭ ᒌ ᐐᒋᐋᐱᑎᓰᒥᓈᓐ, ᐙᔥ ᓂᒧᐃ ᑯᐃᔅᑯᓈᑯᓐ ᒌ ᐱᒫᑎᓰᐎᓐ ᐊᓂᑖᐦ ᒋᔖᒥᓂᑑ ᐋᐦ ᑖᑦ᙮

ᑳᓓᔑᔨᓐ 5:19

ᐱᔮᑭᔅᒡ ᓂᔅᑑᓈᑯᓂᔨᐤ ᑖᓐ ᐋᐦᑎᒃ ᐊᐙᓐ ᐋ ᒥᒋᐦᑐᑎᐦᒄ᙮ ᐋ ᐱᓯᒀᑎᓰᑦ, ᐋ ᐐᓂᓯᐤ ᐋ ᐃᐦᑎᒃ, ᐋ ᐐᓂᓯᐤ ᐱᒫᑎᓰᑦ, ᐋ ᐐᓂᓯᐤ ᒫᒥᑐᓈᔨᐦᑎᐦᒃ,

ᑳᓓᔑᔨᓐ 5:21

ᐐᐦᒡ ᒧᔥᑖᓈᔨᐦᑎᒧᒡ, ᒨᔥ ᒌᔥᒀᐹᐅᒡ, ᒫᐅᓯᑯᒡ ᒑ ᒌ ᐐᓂᓯᐤ ᐊᔨᐦᑐᑖᑐᒡ, ᑭᔮᐦ ᒫᒫᐦᒡ ᐃᔨᐦᑎᒡ᙮ ᔖᔥ ᒋᒌ ᐃᔮᒀᒥᑎᓈᐙᐤ, ᒦᓐ ᒫᒃ ᒋᑭ ᐃᔮᒀᒥᑎᓈᐙᐤ, ᐊᓂᒌ ᐅᔮᔨᐤ ᑳ ᐄᔑ ᐱᒫᑎᓰᔨᒡ ᓂᒧᐃ ᒋᔖᒥᓂᑑ ᐅᒋᐦᒋᐅᒋᒫᐎᓃᔨᒡ ᒋᑭ ᐅᐦᒋ ᐋᔓᒥᔮᑭᓂᐎᒡ᙮

ᐄᕕᓰᔨᓐ 5:3

ᒌᔨᐙᐤ ᐋ ᑖᑆᐦᑎᒫᒄ ᓂᒧᐃ ᒥᑐᓐ ᒋᐱᐦ ᐅᐦᒋ ᑎᑯᓐ ᐐᓂᓱᐎᓐ ᐊᓂᑎᐦ ᐋᐦ ᑖᔮᒄ, ᐋᑦ ᒥᒄ ᐆ ᒑ ᒌ ᐄᔑ ᐋᔨᒧᒥᑯᐎᔮᒄ᙮ ᓂᒧᐃ ᑭᔮᐦ ᒋᐱᐦ ᐅᐦᒋ ᑎᑯᓐ ᓂᑎᐐ ᒥᒄ ᐃᔨᐦᑎᐎᓐ ᑭᔮᐦ ᒥᒋᒧᔥᑖᓈᔮᔨᐦᑎᒧᐎᓐ᙮

ᑯᐧᓛᓯᔨᓐ 1:13

ᓂᒌ ᐱᑯᐦᐄᑯᓈᓐ ᑖᓂᔮᔨᐤ ᑳ ᐄᔑ ᑎᐹᔨᒥᑰᒋᐦᑦ ᑳ ᓲᐦᒑᔨᐦᑖᑯᓃᔨᒡ ᐊᐅᑳᔅᑖᐎᓂᔨᐤ ᒦᔥᑯᒡ ᐊᓂᔮᔨᐤ ᓈᔥᒡ ᑳ ᓵᒋᐦᐋᑦ ᐅᑯᓯᔅᐦ ᐅᒋᐦᒋᐅᒋᒫᐎᓂᔨᐤ ᐊᐦᑎᑯᓃᔨᒡ ᑳ ᐄᑐᐦᑎᐦᐄᔨᒥᐦᑦ ᒋᔖᒥᓂᑑ᙮

ᑯᐧᓛᓯᔨᓐ 3:5

ᓂᔑᐎᓈᒋᐦᑖᒄ ᐊᔅᒌᐦᒡ ᒥᒑᑎᓰᐎᓐ ᑖᓐ ᐋ ᐄᔑ ᑎᑯᐦᒡ ᒌ ᐱᒫᑎᓰᐎᓂᐙᐦᒡ᙮ ᓂᔑᐎᓈᒋᐦᑖᒄ ᐐᓂᓯᐤ ᐱᒫᑎᓰᐎᓐ, ᐐᓂᓯᐤ ᒫᒥᑐᓈᔨᐦᑎᒧᐎᓐ, ᒥᒋᓂᑐᐙᔨᐦᑎᒧᐎᓐ, ᑭᔮᐦ ᒫᒃ ᐊᓐ ᐋ ᒧᔥᑖᓈᔮᔨᐦᑎᒫᒄ ᒑ ᒌ ᐙᔪᒡ ᐃᔮᔮᒄ ᒑᒀᓐ ᐅᑎᐦ ᐊᔅᒌᐦᒡ᙮ ᐊᓐ ᐊᐙᓐ ᒨᔥ ᑳ ᒧᔥᑖᓈᔮᔨᐦᑎᐦᒃ ᒑ ᒌ ᐙᔪᒡ ᐃᔮᑦ ᒑᒀᔨᐤ ᒧᔮᒻ ᐋ ᐅᒋᔖᒥᓂᑑᒥᑦ ᐊᓂᔮᔨᐤ ᒑᒀᔨᐤ ᐃᓯᓈᑯᓂᔨᐤ᙮

ᓃᔥᑎᒻ ᑎᒧᕢ 6:10

ᐙᔥ ᔓᐎᔮᓐ ᐋ ᓵᒋᐦᐋᑳᓅᑦ ᐋᑯᑖᐦ ᐙᐦᒋᐱᔨᔨᒡ ᓂᓈᐦᑭᐤ ᒥᒋᐦᑣᐎᓐ᙮ ᐙᐙᒡ ᐋᑯᑖᐦ ᑳ ᐅᐦᒋ ᐴᓃᒡ ᑯᑎᑭᒡ ᐋ ᑖᑆᐦᑎᐦᒡ ᑭᔮᐦ ᒫᒃ ᐋᑯᑖᐦ ᓈᔥᒡ ᐙᐦᒋ ᒫᒥᔑᒫᔨᐦᑎᒥᐦᐄᓱᒡ᙮

ᓃᔥᑎᒻ ᑎᒧᕢ 6:17

ᒌ ᓂᑎᐙᔨᒥᑎᓐ ᒫᒃ ᑎᒧᕢ, ᒑ ᒌ ᐐᐦᑎᒧᑣᐤ ᐊᓂᒌ ᑳ ᒥᓯᒋᓰᔨᒡ ᒑᐦ ᐋᑳ ᒥᒫᑖᑯᓯᐦᒡ ᐊᓂᔮᔨᐤ ᐋ ᒥᓯᒋᓰᔨᒡ ᑭᔮᐦ ᐋᑳ ᒑ ᒌ ᐊᔅᐹᔨᒧᑐᑎᐦᒡ ᐊᓂᔮᔨᐤ ᐋᑳ ᑳ ᒑᔥᑎᓈᑖᔮᔨᐦᑖᑯᓃᔨᒡ ᒦᓯᒋᓰᐎᓂᔨᐤ ᐅᑎᐦ ᐊᔅᒌᐦᒡ᙮ ᒋᔅᒋᓲᒥᒡ ᐊᐅᔅᑖ ᒋᔖᒥᓂᑑ ᒑ ᒌ ᐊᔅᐹᔨᒧᑎᐙᒡ ᐊᓐ ᑳ ᒥᔪ ᒥᔨᑎᐦᒄ ᒥᓯᐙ ᒑᒀᔨᐤ ᒑ ᒌ ᒥᔻᔨᐦᑎᒥᐦᐄᑯᐦᒄ᙮

ᐦᐄᑉᕉ 13:4

ᑭᔮᐦ ᒦᓐ ᑯᑎᒡ ᒑᒀᓐ ᒑ ᐄᑎᑯᒡ, ᒥᓯᐙ ᐊᐙᓐ ᒋᐱᐦ ᒋᔅᑖᔨᐦᑎᒥᐦᐄᑰ ᐐᒋᐦᑑᐎᓂᔨᐤ᙮ ᐊᓐ ᓈᐹᐤ ᑭᔮᐦ ᐐᐤᐦ ᒥᒄ ᐐᔨᐙᐤ ᒋᐱᐦ ᐐᒋᐱᒥᔓᒥᑑᐎᒡ᙮ ᓂᒧᐃ ᒋᐱᐦ ᐅᐦᒋ ᐱᓯᒀᑎᓯᐅᒡ᙮ ᐙᔥ ᒋᔖᒥᓂᑑ ᒑᔥᑎᓈᔥ ᑭᑎ ᑎᐹᔅᑯᓈᐤ ᐊᓂᔮᔨᐤ ᑳ ᐐᓂᓯᐙᑎᓰᔨᒡ ᑭᔮᐦ ᐊᓂᔮᔨᐤ ᑳ ᐱᓯᒀᑎᓰᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 21:8

ᒥᒄ ᒫᒃ ᐊᓂᒌ ᐄᔨᔨᐅᒡ ᐋᑳ ᑯᐃᔅᒄ ᐐᐦ ᑎᒡ ᐅᐦᒋ ᐊᓂᔮᔨᐤ ᐋᑰᔅᑖᒋᐦᒡ ᑭᔮᐦ ᐊᓂᒌ ᐋᑳ ᑖᑆᔮᔨᒫᒡ ᒌᓴᔅᐦ, ᑭᔮᐦ ᐊᓂᒌ ᓈᔥᒡ ᑳ ᒥᒑᑎᓯᒡ, ᑭᔮᐦ ᐊᓂᒌ ᑳ ᓂᐱᐦᐋᒡ ᐊᐙᔨᐤᐦ, ᑭᔮᐦ ᐊᓂᒌ ᓂᓈᐦᑭᐤ ᑳ ᐄᔑ ᐐᓂᓯᐤ ᐱᒫᑎᓰᔨᒡ, ᑭᔮᐦ ᐊᓂᒌ ᑳ ᒥᑖᐙᑎᓰᔨᒡ, ᑭᔮᐦ ᐊᓂᒌ ᑳ ᐊᔨᒥᐦᐋᔅᑎᐙᒡ ᒥᓂᑑᐦᑳᓐ ᑭᔮᐦ ᐊᓂᒌ ᑳ ᐐᐦᒋᓂᓂᑎᔨᒡ, ᐊᓂᑖᐦ ᒥᒋᔥᑯᑖᐤ ᓵᑭᐦᐄᑭᓂᐦᒡ ᒋᑭ ᐄᔑ ᐙᐱᓈᑭᓂᐎᒡ, ᐊᓂᑖᐦ ᐋ ᐃᔥᒀᑖᔨᒡ ᐋ ᐅᓵᐙᐱᐦᑖᔨᒡ ᒑᒀᔨᐤ ᓈᔥᒡ ᐋ ᐐᓂᒫᔅᑖᔨᒡ ᓵᓪᕗᕐ ᑳ ᐃᔑᓂᐦᑳᑖᑭᓂᐎᒡ᙮ ᐋᐅᒄ ᐆ ᓃᔓ ᐋᐦᑎᑯᐦᒡ ᓂᐱᐎᓐ᙮”

ᒋᔅᒑᔨᐦᑖᑯᐦᑖᒑᐧᐃᓐ 22:15

ᐎᔨᐐᑎᒫ ᒫᒃ ᑖᐅᒡ ᐊᓂᒌ ᒫᒃ ᑳ ᐐᓂᓯᐤ ᐱᒫᑎᓰᔨᒡ, ᐊᓂᒌ ᑳ ᒥᑖᐎᒡ, ᐊᓂᒌ ᐐᓂᓱᐎᓂᐦᒡ ᑳ ᐄᔑ ᐱᒦᐦᑯᐙᒡ ᐊᐙᔨᐤᐦ, ᐊᓂᒌ ᑳ ᓂᐱᐦᐄᐙᒡ ᑭᔮᐦ ᐊᓂᒌ ᑳ ᐊᔨᒥᐦᐋᔅᑎᐙᒡ ᒥᓂᑑᐦᑳᓐ, ᑭᔮᐦ ᐊᓂᒌ ᑳ ᐐᐦᒡ ᓂᓂᑎᔨᒡ ᓂᒧᐃ ᑭᑎ ᒌ ᐲᐦᒑᐅᒡ ᐊᓂᔮᔨᐤ ᐃᐦᑖᐎᓂᔨᐤ᙮