ᐄᕕᓰᔨᓐ 4:16 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁶ ᐐᔨ ᑐᑎᐙᐤ ᒑ ᒌ ᒥᔪᐐᒑᐅᑐᔨᒡ ᐅᒫᒨᐊᔨᒥᐦᐋᐤ ᑭᔮᐦ ᒥᓯᐙ ᒑ ᒌ ᐄᔑ ᒥᔪᐱᔨᔨᒡ ᐊᓂᔮᔨᐤ ᐋᐦ ᐋᑎᓂᐦᑖᐅᒋᔨᒡ ᑭᔮᐦ ᐋᐦ ᐋᑎ ᒥᔥᑭᐎᑳᐳᐎᒡ ᐋ ᓵᒋᐦᐄᑐᔨᒡ ᐅᐦᒋ, ᒥᓯᐙ ᐊᐙᓐ ᐋᐦ ᑐᑎᐦᒃ ᐊᓂᔮᔨᐤ ᒑ ᑐᑎᒧᑯᐱᓈ᙮

ᐄᕕᓰᔨᓐ 4:16 Iomraidhean Croise

ᒫᔪᐦᐧᑖᑦ ᐧᒑᓐ 15:5

“ᓃᔨ ᐋᐅᒄ ᑳᐃᓯᒧᓯᐦᒡ ᒦᓂᓵᐦᑎᒄ ᐋᒄ ᒌᔨᐙᐤ ᐅᑎᐦᑯᓐ᙮ ᐊᓐ ᐊᐙᓐ ᐹᐦᒋᔅᑯᑦ ᑭᔮᐦ ᓃᔨ ᓂᐲᐦᒋᔅᑯᐙᐤ ᐋᐅᒄ ᐊᓐ ᒑ ᒥᔪ ᒦᓂᔓᐎᑦ, ᐙᔥ ᑖᐹ ᒥᑐᓐ ᒑᒀᓐ ᒋᑭ ᒋᑐᑖᓈᐙᐤ ᓂᓲᐙᒄ ᑖᔮᒀ᙮

ᐧᕌᒥᓐ 12:4

ᐹᔨᑯᓂᔨᐤ ᐊᐙᓐ ᐅᔨᐤ᙮ ᓂᓈᐦᑭᐤ ᒥᒄ ᐄᔑ ᐱᔅᒑᓰᐎᓃᔨᐎᔨᐤ ᐊᓂᔮᔨᐤ ᐅᔨᐤ᙮ ᑭᔮᐦ ᓂᓈᐦᑭᐤ ᐄᑖᐱᑎᓂᔨᐤ ᑖᓐ ᐋ ᐄᔑ ᐱᐱᔅᒑᓯᐎᓃᔨᒡ᙮

ᓃᔥᑎᒻ ᑯᕆᓐᕠᔨᓐ 10:17

ᒥᒄ ᐹᔨᑯᓯᐤ ᐊᓐ ᐋᐃᐦᑯᓈᐤ ᒥᓯᐙ ᐋ ᒨᐦᒄ ᐋᑦ ᐋ ᒥᐦᒑᑎᔨᐦᒄ᙮ ᐄᔥᐱᐦ ᒫᒃ ᐋ ᒨᐦᒄ ᐊᓐ ᐹᔨᒄ ᐋᐃᐦᑯᓈᐤ ᐹᔨᒄ ᒥᔨᐤ ᒋᑎᔑᓈᑯᓯᓈᓂᐤ᙮

ᓃᔥᑎᒻ ᑯᕆᓐᕠᔨᓐ 13:13

ᓂᔥᑐ ᒑᒀᓂᐦᐄ ᓂᒧᐃ ᓂᐦᑖ ᒋᑭ ᐅᐦᒋ ᐃᔅᒀᐱᔨᐤ, ᐋᔪᐎᑯᓐᐦ ᐅᐦᐄ᙮ ᑖᑆᔮᔨᐦᑎᒧᐎᓐ, ᐊᔅᐹᔨᒧᐎᓐ ᐋᒄ ᒫᒃ ᓵᒋᐦᐄᐙᐎᓐ᙮ ᐊᓐ ᒫᒃ ᒫᐅᒡ ᒑᔅᑖᔨᐦᑖᑯᐦᒡ ᐋᐅᒄ ᓵᒋᐦᐄᐙᐎᓐ᙮

ᓃᔥᑎᒻ ᑯᕆᓐᕠᔨᓐ 8:1

ᐋᒄ ᒫᒃ ᒑ ᐋᔨᒨᑎᒫᑎᑯᒡ ᑖᓐ ᒋᐱᐦ ᐄᔑ ᑭᓂᐙᐱᐦᑖᑭᓂᐤ ᒦᒋᒻ ᒥᓂᑑᐦᑳᓂᒡ ᐋ ᒌ ᐱᒋᔅᑎᓂᒧᐙᑭᓂᐎᒡ᙮ ᐄᓈᓂᐤ ᒥᓯᐙ ᐊᐙᓐ ᐋ ᐃᔮᑦ ᒋᔅᒑᔨᐦᑎᒧᐎᓂᔨᐤ᙮ ᓈᔅᑖ ᐙᐦᑎᓂᔪ ᐊᐙᓐ ᒑ ᒌ ᑐᑖᑯᑦ ᒋᔅᒑᔨᐦᑎᒧᐎᓂᔨᐤ ᓈᔥᒡ ᒑ ᒌ ᐄᑖᔨᒦᓱᑦ᙮ ᒥᒄ ᒫᒃ ᐊᐙᓐ ᑳ ᐃᔮᑦ ᓵᒋᐦᐄᐙᐎᓂᔨᐤ ᑐᑎᐙᐤ ᑯᑎᒃ ᐊᐙᔨᐤᐦ ᒑ ᒌ ᒥᔥᑭᐎᑳᐳᐎᒡ᙮

ᑳᓓᔑᔨᓐ 5:22

ᐋᒄ ᒫᒃ ᐊᓐ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ ᑐᑎᒻ ᒑ ᒌ ᒥᔪᓂᐦᑖᐅᒋᐦᑖᑦ ᐋ ᒥᔻᔑᔨᒡ ᒑ ᒌ ᓅᑯᓃᔨᒡ ᒋᐱᒫᑎᓰᐎᓂᐙᐦᒡ, ᓵᒋᐦᐄᐙᐎᓂᔨᐤ, ᒨᒋᒑᔨᐦᑎᒧᐃᓂᔨᐤ, ᒋᔮᒫᔨᐦᑖᑯᓲᐎᓂᔨᐤ, ᓰᐱᔨᐙᓯᐎᓂᔨᐤ, ᒥᔻᔨᐦᑖᑯᓲᐎᓂᔨᐤ, ᒥᔪᑐᑎᒧᐎᓂᔨᐤ, ᑖᑆᐅᒑᔨᐦᑖᑯᓲᐎᓂᔨᐤ,

ᑳᓓᔑᔨᓐ 5:6

ᓂᒧᐃ ᐎᔮᔥ ᒑᔥᒋᓂᐙᐦᒋᔓᑯᐙᐦᒑ ᑭᔮᐦ ᒫᒃ ᐋᑳ ᒑᔅᒋᓂᐙᐦᒋᔓᑯᐙᐦᒑ ᐋ ᐐᒑᐅᒋᐦᒡ ᙭ ᒌᓴᔅ᙮ ᐊᓐ ᒫᐅᒡ ᒑᔅᑎᒫᐙᔨᐦᑖᑯᐦᒡ ᐋᐅᒄ ᒑ ᒌ ᐃᔮᔨᐦᒄ ᑖᑆᔮᔨᐦᑎᒧᐎᓐ ᐋ ᓄᑯᐦᒡ ᐋ ᓵᒋᐦᐄᑐᔨᐦᒄ᙮

ᐄᕕᓰᔨᓐ 1:4

ᐋᔥᒄ ᐋᒸᔮ ᐙᐙᒡ ᐅᐦᒋ ᐅᔑᐦᑖᑭᓂᐎᒡ ᐆ ᐊᔅᒌ, ᔖᔥ ᒋᒌ ᐅᐙᔮᐱᒥᑯᓂᐤ ᒋᔖᒥᓂᑑ ᐐᔨ ᒑ ᒌ ᐅᑏᔨᒥᑑᑖᑎᐦᒃ ᐊᓂᔮᔨᐤ ᐅᐦᒋ ᙭, ᒑ ᒌ ᐱᔮᐦᒋᓰᔪᐦᒄ ᒑᐦ ᐋᑳ ᑎᑯᐦᒡ ᒑ ᐄᔑ ᐊᑖᒫᔨᐦᑖᑯᓯᔨᐦᒄ ᒋᔖᒥᓂᑑ ᐄᔑ ᐋᐦ ᑖᑦ᙮

ᐄᕕᓰᔨᓐ 3:17

ᑭᔮᐦ ᒫᒃ ᓂᑐᑎᒧᐙᐤ ᙭ ᒑ ᒌ ᐱᒫᑎᓰᑦ ᒋᐦᑖᐦᐄᐙᐦᒡ ᐊᓐ ᐅᐦᒋ ᐋ ᑖᑆᔮᔨᐦᑎᒫᒄ, ᑭᔮᐦ ᒫᒃ ᒑ ᒌ ᐋᑎᒦᔫᓂᐦᑖᐅᒋᔮᒄ ᑭᔮᐦ ᒑ ᐋᑎ ᐋᔨᒋᑳᐳᔮᒄ ᐆ ᓵᒋᐦᐄᐙᐎᓂᐦᒡ ᐄᔑ᙮

ᐄᕕᓰᔨᓐ 3:7

ᓂᒌ ᒋᔖᐙᑐᑖᒄ ᒋᔖᒥᓂᑑ ᒑ ᒌ ᐱᐹᒧᐦᑖᐅᒡ ᐅᒥᔻᒋᒧᐎᓐ, ᓂᒌ ᒥᔨᒄ ᐅᓲᐦᑳᑎᓰᐎᓐ ᒑ ᒌᐦ ᑐᑎᒧᒡ ᐅᔮᔨᐤ ᐋᐱᑎᓰᐎᓂᔨᐤ᙮

ᐄᕕᓰᔨᓐ 4:12

ᒋᐱᐦ ᐋᔮᔅᑰᐐᔨᐦᑑᑎᐙᐅᒡ ᐊᓂᔮᔨᐤ ᒋᔖᒥᓂᑑ ᐅᑏᔨᔨᒥᔨᐤ ᒑ ᒌ ᐋᐱᑎᔒᔥᑑᐙᔨᒡ ᐊᓂᑎᐦ ᒫᒃ ᒑ ᒌ ᐅᐦᒋ ᓲᐦᒋᑳᐳᐎᒡ ᒫᒨ ᐊᐦᑎᓰᔨᒡ, ᒧᔮᒻ ᐊᓂᔮᔨᐤ ᐋᐦ ᐋᐐᒡ ᙭ ᐅᔨᐤ᙮

ᐄᕕᓰᔨᓐ 4:15

ᑎᔨᑯᒡ ᒫᒃ, ᓵᒋᐦᐄᐙᐎᓐ ᐋ ᓅᑯᐦᑖᔨᐦᒄ ᐋ ᐐᐦᑎᒥᐦᒄ ᑖᑆᐎᓐ, ᒥᑐᓐ ᒋᐱᐦ ᐄᔑ ᒥᔪ ᓂᐦᑖᐅᒋᓈᓂᐤ ᙭ ᐋᐦ ᑖᑦ ᐄᔑ, ᐐᔨ ᐙᒋᐦᒡ ᐋ ᓃᑳᓂᔥᑭᐙᑦ ᐅᒫᒨᐊᔨᒥᐦᐋᐤᐦ᙮

ᕕᓕᐱᔨᓐ 1:9

ᒋᑎᔨᒥᐦᐋᔥᑎᒫᑎᓈᐙᐤ ᐊᑎᑎᐤ ᒑ ᒌ ᐃᔮᔮᒄ ᒥᔥᑏᐦ ᓵᒋᐦᐄᐙᐎᓐ ᑭᔮᐦ ᒋᔅᒑᔨᐦᑎᒧᐎᓐ ᑭᔮᐦ ᒥᔪ ᓂᔅᑑᐦᑎᒧᓐ

ᑯᐧᓛᓯᔨᓐ 2:19

ᔖᔥ ᐱᐦᑳᓐ ᑖᐅᒡ ᐋᐦ ᑖᔨᒡ ᙭, ᐊᓂᔮᔨᐤ ᓈᑳᓂᔥᑯᐙᔨᒡ ᒥᓯᐙ ᐅᒫᒨᐊᔨᒥᐦᐋᐤ ᑳ ᑖᑆᔮᔨᐦᑎᒥᔨᒡ ᐊᓂᔮᔨᐤ ᐙᒑᐅᑯᔨᒡ᙮ ᐋᔪᐎᑯᓐ ᐊᓂᔮᔨᐤ ᒨᔮᒻ ᐅᔨᐤ, ᑭᔮᐦ ᐐᔨ ᓵᐲᐅᐦᐋᐤ᙮ ᑭᔮᐦ ᐋᐦᐋᑦ ᓈᓈᓂᒌᒻ ᐋᑦ ᒥᐦᒑᑎᔨᒡ ᐐᔨ ᒫᒨ ᑎᔮᐤ ᒑ ᒌ ᒥᔪᓂᐦᑖᐆᒋᔨᒡ ᒋᔖᒥᓂᑑ ᐋ ᐄᔑ ᓂᑎᐙᔨᐦᑎᒥᔨᒡ᙮

ᑯᐧᓛᓯᔨᓐ 2:2

ᐋᐅᒄ ᐋᐦ ᑎᔮᓐ ᐋ ᐱᑯᓵᔨᒧᔮᓐ ᒑ ᒌ ᓲᐦᒋᑖᐦᐋᒡ ᑭᔮᐦ ᒫᒃ ᒑ ᒌ ᒫᒨᐱᔨᐦᐅᒡ ᐋ ᓵᒋᐦᐄᑐᒡ᙮ ᓂᑎᐙᔨᒫᐆᒡ ᒑ ᒌ ᒥᔪᒦᔮᑳᓂᐎᒡ ᒥᑐᓐ ᒑ ᒌ ᓂᔅᑐᐦᑎᐦᒡ ᒥᔻᒋᒧᓂᔨᐤ, ᒑ ᒌ ᒋᔅᒑᔨᐦᑎᐦᒡ ᐊᓂᔮᔨᐤ ᒋᔖᒥᓂᑑ ᐋᑳ ᐋᔥᒄ ᐅᐦᒋ ᒋᔅᒑᔨᐦᑖᑰᐦᑖᔨᒡ ᐋᔪᐎᑯᓐ ᐊᓂᔮᔨᐤ ᙭᙮

ᓃᔥᑎᒻ ᕞᓵᐧᓛᓃᔨᓐ 1:3

ᓂᒋᔥᒋᓯᓈᓐ ᐋ ᐊᔨᒥᐦᐄᒋᐦᑦ ᑰᐦᑖᐐᓂᐤ ᒋᔖᒥᓂᑑ ᑖᓐ ᐋ ᐄᔑ ᒥᔪ ᐋᐱᑎᔒᔥᑖᑐᔮᒄ ᐅᐦᒋ ᐋᓐ ᐋ ᑖᑆᔮᔨᒫᒄ ᑎᐹᔨᐦᒋᒑᓯᐤ ᑭᔮᐦ ᒥᔥᑏᐦ ᐋᐦ ᐋᐱᑎᔒᔥᑑᐙᒄ ᐅᐦᒋ ᐋᓐ ᐋ ᓵᒋᐦᐋᒄ ᒌᓴᔅ, ᑭᔮᐦ ᑖᓐ ᐋ ᐄᔑ ᓲᐦᒋᑳᐳᔮᒄ ᐅᐦᒋ ᐋᓐ ᐋ ᐊᔅᐹᔨᒧᑐᑎᐙᒄ ᒋᑎᐹᔨᐦᒋᒑᓰᒥᓂᐤ ᒌᓴᔅ ᙭᙮

ᓃᔥᑎᒻ ᕞᓵᐧᓛᓃᔨᓐ 2:13

ᒫᐤ ᒦᓐ ᐙᐦᒋ ᒨᔥ ᓂᓈᔅᑯᒥᒋᐦᑦ ᒋᔖᒥᓂᑑ᙮ ᐄᔥᐱᐦ ᑳ ᐹᒋ ᐙᐐᐦᑎᒫᑖᐦᒡ ᑖᓐ ᑳ ᐄᔑ ᒥᔨᒥᐦᑦ ᒋᔖᒥᓂᑑ ᒑ ᒌ ᐄᔑ ᐙᐐᐦᑎᒫᐦᒡ ᔮᒀᐦ ᒋᒌ ᓂᑑᐦᑖᓈᐙᐤ ᑭᔮᐦ ᒫᒃ ᒋᒌ ᑖᑆᐦᑖᓈᐙᐤ᙮ ᓂᒧᐃ ᑰᐦᒋ ᐄᑖᔨᐦᑎᓈᐙᐤ ᐋᐦ ᐋᐎᓃᔨᒡ ᐐᔨ ᓈᐹᐤ ᐅᑎᔨᒧᐎᓐᐦ, ᒥᒄ ᒋᔖᒥᓂᑑ ᐅᑎᔨᒧᐎᓐᐦ᙮ ᑖᑆᐦ ᒫᒃ ᒋᔖᒥᓂᑑ ᐅᔮᔨᐤ ᐅᑎᔨᒧᐎᓐᐦ, ᐋᐱᑎᓰᒥᑭᓐ ᑭᔮᐦ ᒌᔨᐙᐤ ᒋᐱᒫᑎᓰᐎᓂᐙᐦᒡ᙮

ᓃᔥᑎᒻ ᕞᓵᐧᓛᓃᔨᓐ 3:12

ᓂᓂᑐᑎᒧᐙᓈᓐ ᑎᐹᔨᐦᒋᒑᓯᐤ ᒑ ᒌ ᑐᑖᑖᒄ ᐋᔮᔅᒃ ᐊᑎᑎᐤ ᒥᔥᑎᐦ ᒑ ᒌ ᓵᒋᐦᐄᑐᐙᒄ ᑭᔮᐦ ᑯᑎᒃ ᐊᐙᔨᐤᐦ ᒑ ᒌ ᓵᒋᐦᐄᒫᒄ, ᒑ ᒌ ᐋᑎ ᐃᔥᐱᔥ ᓵᒋᐦᐄᑐᔮᒄ ᑭᔮᐦ ᒑ ᒌ ᐋᑎ ᐃᔥᐱᔥ ᓵᒋᐦᐋᐦᑯᒡ ᑯᑎᑭᒡ ᐄᔨᔨᐅᒡ ᒧᔮᒻ ᓃᔮᓐ ᐋ ᐃᔥᐱᔥ ᓵᒋᐦᐄᑖᐦᒡ᙮

ᓃᔓ ᕞᓵᐧᓛᓃᔨᓐ 1:3

ᓃᒋᔖᓈᓂᒡ, ᐄᑖᔨᐦᑖᑯᓐ ᒨᔥ ᒑ ᒌ ᓂᓈᔅᑯᒥᒋᐦᑦ ᒋᔖᒥᓂᑑ ᒌᔨᐙᐤ ᐅᐦᒋ, ᐙᔥ ᐊᑎᑎᐤ ᒋᑎ ᐋᑎ ᑖᑆᐅᒑᔨᒫᐙᐤ ᙭ ᑭᔮᐦ ᒫᒃ ᐋᔮᔅᒃ ᐊᑎᑎᐤ ᒋᓵᒋᐦᐄᑐᓈᐙᐤ᙮

ᓃᔥᑎᒻ ᑎᒧᕢ 1:5

ᐙᔥ ᐅᔮᔨᐤ ᐄᔑ ᒋᔅᑰᑎᒨᐙᑭᓄᑣᐙ ᐋᑯᑖᐦ ᒑ ᒌ ᐅᐦᒋ ᓵᒋᐦᐋᒡ ᐊᐙᔨᐤᐦ ᐋ ᐱᔮᐦᑭᓃᔨᔨᒡ ᐅᑖᐦᐄᐙᐤ ᑭᔮᐦ ᒑ ᒋᔅᒑᔨᐦᑎᐦᒡ ᑯᐃᔅᒄ ᐋᐦ ᑎᒡ ᑭᔮᐦ ᒋᐦᒋᐙ ᑖᑆᐎᓂᐦᒡ ᐅᐦᒋ᙮

ᓃᔥᑎᒻ ᐲᑎᕐ 1:22

ᐋ ᒌ ᐱᔮᐦᒋᐦᐄᓲᔮᒄ ᐊᓐ ᐅᐦᒋ ᐋ ᓂᓂᐦᐄᐦᑎᒫᒄ ᑖᑆᐎᓐ ᒋᐦᒋᐙ ᒫᒃ ᒑ ᓵᒋᐦᐋᐦᑯᒡ ᒌᒋᔖᓂᐙᐅᒡ, ᓲᐦᒃ ᓵᒋᐦᐄᑐᒃ ᒥᓯᐙ ᒋᑖᐦᐄᐙᐦᒡ ᐅᐦᒋ᙮

ᓃᔥᑎᒻ ᐧᒑᓐ 4:16

ᐋᒄ ᒫᒃ ᒑᔅᒑᔨᐦᑎᒥᐦᒄ ᑭᔮᐦ ᒋᑖᑆᐦᑖᓈᓂᐤ ᑖᑆᐦ ᐋ ᓵᒋᐦᐄᑎᐦᒄ ᒋᔖᒥᓂᑑ᙮ ᒋᔖᒥᓂᑑ ᐋᐅᒄ ᓵᒋᐦᐄᐙᐎᓐ᙮ ᐊᓐ ᐊᐙᓐ ᒨᔥ ᑳ ᓵᒋᐦᐄᐙᑦ, ᐱᒫᑎᓰᐙᐤ ᐲᐦᒡ ᒋᔖᒥᓂᑑᐦ ᐋᐦ ᑖᔨᒡ ᑭᔮᐦ ᒫᒃ ᐐᔨ ᐲᐦᒡ ᐱᒫᑎᓰᔨᐤᐦ ᒋᔖᒥᓂᑑᐦ ᐋᐦ ᑖᑦ᙮