ᐄᕕᓰᔨᓐ 4:1 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹ ᐋ ᒌ ᐱᐹᐐᐦᑎᒧᒡ ᑎᐹᔨᐦᒋᒑᓯᐤ ᐅᒥᔻᒋᒧᐎᓐ ᐋᐅᒄ ᐙᐦᒋ ᒋᐱᐦᐅᑭᐎᔮᓐ᙮ ᓈᔥᒡ ᒋᓂᑎᐙᔨᒥᑎᓈᐙᐤ ᒑ ᒌ ᐄᔑ ᐱᒫᑎᓰᐙᒄ ᐋ ᑖᐱᒑᔨᐦᑖᑯᓯᔮᒄ ᒋᔖᒥᓂᑑ ᐅᑎᔨᔨᒻᐦ ᐊᓂᔮᔨᐤ ᑳ ᐅᐙᔮᐱᒫᑦ ᐐᔨ ᒑ ᒌ ᑎᐲᔨᐙᐆᓰᑦ᙮

ᐄᕕᓰᔨᓐ 4:1 Iomraidhean Croise

ᐋᐧᐹᔅᑎᓕᒡ 9:31

ᐊᓂᒌ ᒫᒃ ᐅᒫᒨᐊᔨᒥᐦᐋᐅᒡ ᒥᓯᐙ ᐊᓂᑖᐦ ᐊᓂᔮᔨᐤ ᐊᔅᒌ, ᒎᑏᔮ ᑭᔮᐦ ᑳᓕᓖ ᑭᔮᐦ ᓵᒫᕆᔮ ᑳ ᐃᔑᓂᐦᑳᑖᔨᒡ, ᑳᐦ ᑖᒡ, ᐙᐃᐱᔥᒌᔥ ᑳ ᐃᔮᒡ ᒋᔮᒫᔨᐦᑎᒧᐎᓂᔨᐤ ᓂᒧᐃ ᐅᐦᒋ ᓂᓈᐦᑳᒋᐦᐋᑭᓂᐎᒡ᙮ ᒌ ᒋᔅᑖᔨᒫᐅᒡ ᑎᐹᔨᐦᒋᒑᓯᐤ ᐅᒌ ᐄᔨᔨᐅᒡ ᑭᔮᐦ ᓈᓈᓂᒌᒻ ᒌ ᐋᑎ ᔮᐃᒋᑳᐳᐎᒡ ᑭᔮᐦ ᓈᓈᓂᒌᒻ ᒌ ᐋᑎ ᒥᐦᒑᑑᒡ ᐙᔥ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ ᒌ ᐐᒋᐦᐄᑯᒡ᙮

ᐧᕌᒥᓐ 11:29

ᑖᐹ ᓂᐦᑖ ᐄᒑᓈᐤ ᒋᔖᒥᓂᑑ ᐊᓂᔮᔨᐤ ᑳ ᐅᐙᔮᐱᒫᑦ᙮ ᑭᔮᐦ ᓂᒧᐃ ᓂᐦᑖ ᒦᓐ ᑳᐤ ᒌᐙ ᐅᑎᓂᒸᐤ ᑖᓂᔮᔨᐤ ᔖᔥ ᑳ ᐄᔑ ᒥᔮᑦ᙮

ᐧᕌᒥᓐ 12:1

ᐊᓂᔮᔨᐤ ᐋ ᐃᔥᐱᔥ ᒥᔖᔨᒡ ᒋᔖᒥᓂᑑ ᐅᒋᔅᑎᒫᒑᔨᐦᒌᒑᐎᓐ, ᐋᐅᒄ ᐙᐦ ᒌ ᓂᑎᐙᔨᒥᑎᑯᐦᒡ, ᓃᒋᔖᓂᑎᒄ, ᒑ ᒌ ᐱᒋᔥᑖᔨᐦᑎᒧᐙᒄ ᒋᔖᒥᓂᑑ ᒋᐱᒫᑎᓰᐎᓂᐙᐤ ᒧᔮᒻ ᐋ ᐱᒫᑎᐦᒡ ᒥᔨᐙᐎᓐ ᐋ ᐃᓯᓈᑯᐦᒡ, ᐋ ᐱᔮᐦᑭᐦᒡ ᑭᔮᐦ ᐋ ᓂᐦᐋᔨᐦᑎᒥᐦᐄᑯᑦ ᒋᔖᒥᓂᑑ᙮ ᐋᐅᒄ ᒋᐱᐦ ᑎᓈᐙᐤ ᒋᐦᒋᐙ ᒑ ᒌ ᐄᔑ ᐊᔨᒥᐦᐋᔥᑎᐙᐦᒄ ᒋᔖᒥᓂᑑ᙮

ᓃᔥᑎᒻ ᑯᕆᓐᕠᔨᓐ 4:16

ᐋᐅᒄ ᒫᒃ ᐙᐦᒋ ᓈᔥᒡ ᐱᑯᓵᔨᒥᑎᑯᒡ ᒑ ᒌ ᒋᔅᒋᓄᐙᐱᒥᔮᒄ᙮

ᓃᔓ ᑯᕆᓐᕠᔨᓐ 10:1

ᐋ ᐊᔨᒥᐦᐄᑎᑯᒡ ᓂᐐᐦ ᐄᑖᔨᐦᑖᑯᐦᐄᓱᐎᓐ ᐊᓂᔮᔨᐤ ᐋᑖᔨᐦᑖᑰᓯᑦ ᙭ ᐋ ᐃᔥᐱᔥ ᒋᔖᐙᑎᓰᑦ ᑭᔮᐦ ᐋ ᐃᔥᐱᔥ ᔪᔅᐱᓰᑦ, ᐋ ᓂᑎᐙᔨᒥᑎᑯᒡ ᒑ ᒌ ᒥᔨᐙᔮᒄ᙮ ᑖᐅᒡ ᐄᔨᔨᐅᒡ ᐋᐦ ᐃᔨᒡ ᓈᔥᒡ ᐋᐦᐋᑳ ᓵᐱᐦᑖᑯᓯᐎᒡ ᐊᓂᑎᐦ ᐋᐦᑖᐙᒄ ᐋᐦᑖᐅᒡ, ᒥᒄ ᐱᑎᔅ ᐊᓂᑖᐦ ᐃᔨᐦᒡ ᐋᐦᑖᐅᒡ ᐋ ᐅᐦᒋ ᓲᐦᒑᔨᐦᑖᑯᐦᐄᓱᒡ᙮

ᓃᔓ ᑯᕆᓐᕠᔨᓐ 5:20

ᐋᒄ ᒫᒃ ᑳ ᐹᒋ ᐄᑎᔑᐦᐅᔨᒥᐦᑦ ᒑ ᒌ ᐋᔨᒦᔥᑎᒧᐎᒋᐦᑦ ᙭, ᒋᔖᒥᓂᑑ ᓂᑖᐱᒋᐦᐄᑯᓈᓐ ᐋ ᓂᑑᒥᑖᒄ᙮ ᒌ ᐱᑯᓵᔨᒥᑎᓈᓐ ᐋᐦ ᐋᔨᒦᔥᑎᒧᐎᒋᐦᑦ ᙭ ᒑ ᒌ ᐅᑎᓂᒸᐦᒄ ᐊᓂᔮᔨᐤ ᒋᔖᒥᓂᑑ ᒫᔨᑖᒄ ᒑ ᒌ ᒥᔪᐐᒑᐙᒄ᙮

ᓃᔓ ᑯᕆᓐᕠᔨᓐ 6:1

ᐊᓐ ᒫᒃ ᐋ ᒫᒨ ᐋᐱᑎᔒᔥᑑᒋᐦᑦ ᒋᔖᒥᓂᑑ, ᒋᐋᔨᐦᑭᒥᑎᓈᓐ ᒑᐦ ᐋᑳ ᐃᓯᓈᑯᓱᔮᒄ ᐋᐦᐋᑳ ᐃᔮᐱᑖᔨᐦᑎᒸᒄ ᑖᓐ ᐋ ᐄᔑ ᒋᔖᐙᑐᑖᑖᒄ ᒋᔖᒥᓂᑑ᙮

ᑳᓓᔑᔨᓐ 4:12

ᓃᒋᔖᓂᑎᒄ, ᒋᓂᑐᑎᒫᑎᓈᐙᐤ ᑭᔮᐦ ᒌᔨᐙᐤ ᒑ ᒌ ᐄᔑ ᐱᒫᑎᓰᔮᒄ ᒧᔮᒻ ᐋ ᐄᔑ ᐙᐱᒥᔮᒄ ᓃᔨ ᐋ ᐄᔑ ᐱᒫᑎᓰᔮᓐ᙮ ᐋᐦᐋᑦ ᒎᐤ ᐋᐦ ᐄᑎᔅᑳᓈᓯᔮᓐ ᓂᒌ ᐄᔑ ᐱᒫᑎᓰᓐ ᐊᓐ ᒌᔨᐙᐤ ᐋ ᐄᔑ ᐱᒫᑎᓰᔮᒄ ᐊᓂᑖᐦ ᑳᐦ ᑖᔮᓐ ᐋᐦ ᑖᔮᒄ᙮ ᓂᒧᐃ ᐎᔮᔥ ᑯᐦᒋ ᐄᔑ ᐎᓂᑐᑖᑎᓈᐙᐤ᙮

ᐄᕕᓰᔨᓐ 2:10

ᐙᔥ ᐐᔨ ᒋᔖᒥᓂᑑ ᒋᒌ ᐅᔒᐦᐄᑯᓂᐤ ᐊᓂᔮᔨᐤ ᒑ ᒌ ᐃᑖᔨᐦᑖᑯᓲᐦᒄ, ᒋᒌ ᑐᑖᑭᓂᐤ ᒑ ᒌ ᑯᐃᔅᑯᓈᑯᓯᐅᐦᒄ ᐊᓂᔮᔨᐤ ᐅᐦᒋ ᑖᓐ ᑳᐦ ᑐᑎᒥᔨᒡ ᙭, ᐊᓂᑎᐦ ᐅᐦᒋ ᒑ ᒌ ᒫᒥᔪᑑᑎᒫᒥᐦᒄ, ᐙᔥ ᐋᔪᐎᒄ ᐅᔮᔨᐤ ᔖᔥ ᐊᓂᑖᐦ ᐙᔥᑭᒡ ᑳ ᐄᔑ ᐃᔮᔅᑭᐎᔥᑖᑦ ᒑ ᒌᐦ ᑐᑎᒥᐦᒄ᙮

ᐄᕕᓰᔨᓐ 3:1

ᓃᔨ ᑆᓪ, ᐋᐦ ᐋᐱᑎᔒᔥᑑᒄ ᙭ ᒌᓴᔅ ᐋᐅᒄ ᐙᐦᒋ ᑖᔮᓐ ᒋᐱᐦᐅᑑᑭᒥᑯᐦᒡ, ᒑ ᒌ ᐙᐐᒋᐦᐄᑎᑯᒡ ᒌᔨᐙᐤ ᐋᑳ ᑳ ᒎᐤ ᐄᑎᔅᑳᓈᓰᔮᒄ᙮

ᐄᕕᓰᔨᓐ 4:17

ᐆ ᒫᐦ ᒋᑎ ᐄᔑ ᐐᐦᑎᒫᑎᓈᐙᐤ ᑎᐹᔨᐦᒋᒑᓯᐤ ᐄᔑ ᐋᐦ ᑖᑦ ᐋ ᐃᔮᒀᒥᑎᑯᒡ ᔮᔨᑖᐃ ᒑᐦ ᐋᑳ ᐄᔑ ᐱᒫᑎᓰᔮᒄ ᑖᓐ ᐋ ᐄᔑ ᐱᒫᑎᓰᔨᒡ ᐊᓂᒌ ᐋᑳ ᑳ ᐃᔮᐱᑖᔨᒫᒡ ᒋᔖᒥᓂᑑ᙮ ᐙᔥ ᐊᓂᔮᔨᐤ ᑖᓐ ᐋ ᐄᔑ ᒫᒥᑐᓈᔨᐦᑎᐦᒡ ᓂᒧᐃ ᒥᑐᓐ ᐋᐱᑖᔨᐦᑖᑯᓂᔨᐤ,

ᐄᕕᓰᔨᓐ 4:4

ᒥᓯᐙ ᐊᓂᒌ ᑳ ᑖᑆᔮᔨᒫᒡ ᒋᔖᒥᓂᑑ ᐹᔨᒄ ᒥᔨᐤ ᐃᓯᓈᑯᓯᐎᒡ᙮ ᑭᔮᐦ ᒫᒃ ᒥᒄ ᐹᔨᑯᓯᐤ ᑳ ᐱᔮᐦᒋᓰᑦ ᐊᐦᒑᐦᒄ᙮ ᐹᔨᑯᓐ ᑭᔮᐦ ᐊᔅᐹᔨᒧᐎᓐ, ᐊᓂᔮᔨᐤ ᒋᔖᒥᓂᑑ ᑳ ᒥᔨᑎᐦᒄ ᐄᔥᐱᐦ ᑳ ᐅᐙᔮᐱᒥᑎᐦᒄ᙮

ᐄᕕᓰᔨᓐ 5:2

ᓵᒋᐦᐋᐦᑯᒡ ᐄᔨᔨᐅᒡ, ᒧᔮᒻ ᑖᓐ ᑳ ᐃᔥᐱᔥ ᓵᒋᐦᐄᑎᐦᒄ ᙭᙮ ᑳ ᐱᒋᔅᑎᓂᐦᒃ ᐅᐱᒫᑎᓰᐎᓐ ᒌᔮᓂᐤ ᐅᐦᒋ ᒧᔮᒻ ᐋ ᐐᐦᒋᒫᔅᑖᔨᒡ ᐱᒋᔅᑎᓂᒑᐎᓂᔨᐤ ᑭᔮᐦ ᒧᒋᔥᑖᐦᐋᒫᐎᓂᔨᐤ, ᑳ ᓂᐦᐋᔨᐦᑎᒥᐦᐄᑯᔨᒡ ᒋᔖᒥᓂᑑ᙮

ᕕᓕᐱᔨᓐ 1:27

ᒥᒄ ᒫᒃ, ᔮᔨᑖᐃ ᒑ ᒌ ᐄᔑ ᐱᒫᑎᓰᔮᒄ ᑖᓐ ᐋᑎᔓᒧᑯᔮᐦᒄ ᙭ ᐆ ᒥᔻᒋᒧᐎᓐ᙮ ᐋᒄ ᒫᒃ ᐋᑦ ᐋᑳ ᒦᓐ ᒌ ᐙᐱᒥᑎᑯᒑ ᑭᔮᐦ ᒫᒃ ᓂᐦᐄᐱᔨᐦᒑ ᒦᓐ ᒑ ᒌ ᐙᐱᒥᑎᑯᒡ ᐋ ᐹᐦᑎᒫᓐ ᐋᐦ ᐋᔨᒋᑳᐳᔮᒄ, ᒥᓯᐙ ᐹᔨᑯᓂᐦᒡ ᐊᐦᒑᐦᑯᐎᓂᐦᒡ ᒫᒨ ᐋ ᐄᑖᔨᐦᑎᒫᒄ ᑖᓐ ᐙᐦ ᑎᔮᒄ ᑭᔮᐦ ᑖᑆᐦ ᐹᔨᑯᓂᐦᒡ ᐋ ᐄᔑ ᐱᑯᓵᔨᐦᑎᒫᒄ ᐋ ᒫᒨ ᐋᐦᒌᔥᑎᒫᒄ ᐋ ᐙᐐᐦᑎᒫᒄ ᒥᔻᒋᒧᐎᓐ᙮

ᕕᓕᐱᔨᓐ 3:14

ᒥᒄ ᐋᔥᐱᔑᔮᓐ ᓲᐦᒃ ᓂᐐ ᒌᔑᐦᑖᓐ ᒑ ᒌ ᐱᑯᐦᑎᒫᓱᔮᓐ ᐊᓐ ᑭᔅᒋᐦᐅᐎᓐ ᐊᓂᔮᔨᐤ ᑳ ᐄᔑ ᐃᔮᔅᑰᔥᑎᒨᑦ ᒋᔖᒥᓂᑑ ᒑ ᐃᔮᐅᒡ ᙭ ᒌᓴᔅᐦ ᐅᐦᒋ, ᐋᐅᒄ ᑳᒋᒡ ᐱᒫᑎᓰᐎᓐ᙮

ᑯᐧᓛᓯᔨᓐ 1:10

ᒑ ᒌ ᐄᔑ ᐱᒫᑎᓰᔮᒄ ᐋ ᒋᔅᑖᔨᒫᒄ ᑎᐹᔨᐦᒋᒑᓯᐤ ᑭᔮᐦ ᒥᑐᓐ ᒑ ᒌ ᓂᐦᐋᔨᐦᑎᒥᐦᐄᑯᑦ᙮ ᓂᓈᐦᑭᐤ ᒋᑭ ᐄᔑ ᒥᒥᔪᑑᑎᒧᐙᐙᐅᒡ ᐄᔨᔨᐅᒡ ᑭᔮᐦ ᓈᓈᓂᒌᒻ ᒋᑭ ᒥᔪ ᒋᔅᒑᔨᒫᐙᐤ ᒋᔖᒥᓂᑑ ᑖᓐ ᐋ ᐄᑖᔨᐦᑖᑯᓯᑦ᙮

ᑯᐧᓛᓯᔨᓐ 2:6

ᔖᔥ ᐋ ᒌ ᐅᑎᓈᒄ ᑎᐹᔨᐦᒋᒑᓯᐤ ᙭ ᒌᓴᔅ, ᐋ ᓅᔔᔥᑯᐙᐦᒄ ᒋᐱᒫᑎᓰᐎᓂᐙᐦᒡ᙮

ᑯᐧᓛᓯᔨᓐ 4:12

ᒦᓐ ᑯᑎᒃ ᐊᐙᓐ ᐋᐦ ᑖᔮᒄ ᐋ ᐅᐦᒌᑦ ᒋᐙᒋᔮᒥᑯᐙᐤ ᐋᐅᒄ ᐆ ᐁᐹᕝᕌᔅ᙮ ᑭᔮᐦ ᐐᔨ ᐋᐱᑎᓰᔅᑎᐙᐤ ᙭ ᒌᓴᔅᐦ᙮ ᒨᔥ ᓲᐦᒃ ᒋᑎᔨᒥᐦᐋᔥᑎᒫᑯᐙᐤ ᐋ ᓂᑐᑎᒧᐙᑦ ᒑ ᒌ ᐋᔨᒋᑳᐳᐦᐄᑎᔨᑖᐦᒄ ᒥᑐᓐ ᐋ ᓂᓂᐦᐄᐦᑎᒸᒄ ᒋᔖᒥᓂᑑ ᐅᑎᑖᔨᐦᑎᒧᐎᓂᔨᐤ ᒑ ᒌᔥ ᓂᐦᑖᐅᒋᔮᒄ ᑭᔮᐦ ᒥᑐᓐ ᒑ ᒌ ᑖᑆᔮᔨᒫᒄ ᒌᓴᔅᐦ᙮

ᓃᔥᑎᒻ ᕞᓵᐧᓛᓃᔨᓐ 2:12

ᓲᐦᒃ ᒋᒌ ᐋᔑᐦᒋᒥᑎᓈᓐ᙮ ᒋᒌ ᒥᔻᔨᒧᐦᐄᑎᓈᓐ ᑭᔮᐦ ᒋᒌ ᔒᐦᒋᒥᑎᓈᓐ ᒑ ᒌ ᐄᔑ ᐱᒫᑎᓰᔮᒄ ᑖᓐ ᐋ ᐄᔑ ᓂᐦᐋᔨᐦᑎᒥᐦᐄᑯᑦ ᒋᔖᒥᓂᑑ ᐋ ᐄᔑ ᐱᒫᑎᓰᓈᓂᐎᔨᒡ᙮ ᐙᔥ ᐐᔨ ᒋᔖᒥᓂᑑ ᒌ ᓂᑑᒥᑯᐙᐤ ᒑ ᒌ ᐐᒋᐦᐄᐙᔮᒄ ᐊᓂᑖᐦ ᑳ ᐅᒋᐦᒋᐅᒋᒫᐎᓂᐦᒡ ᑭᔮᐦ ᐅᒋᔅᑖᔨᐦᑖᑯᓯᐎᓂᒡ᙮

ᓃᔓ ᕞᓵᐧᓛᓃᔨᓐ 1:11

ᐋᐅᒄ ᒫᒃ ᐆ ᐙᐦᒋ ᒨᔥ ᐊᔨᒥᐦᐋᔥᑎᒫᑖᐦᒡ᙮ ᓂᓂᑐᑎᒧᐙᓈᓐ ᒋᔖᒥᓂᑑ ᒑ ᒌ ᑖᐱᒑᔨᐦᑖᑯᐦᐄᑯᔮᒄ ᒑ ᒌ ᐄᔑ ᐱᒫᑎᓰᔮᒄ ᐊᓂᔮᔨᐤ ᑳ ᐄᔑ ᓂᑎᐙᔨᒥᑖᒄ ᒑ ᒌ ᐄᔑ ᐱᒫᑎᓰᐙᒄ᙮ ᓂᓂᑐᑎᒧᐙᓈᓐ ᒑ ᒥᔨᑖᒄ ᓲᐦᑳᑎᓰᐎᓂᔨᐤ ᒑ ᒌᐦ ᑐᑎᒫᒄ ᒥᓯᐙ ᐊᓐ ᐋ ᒥᔻᓰᔨᒡ ᐙᐦᑐᑎᒫᒄ᙮ ᑭᔮᐦ ᒑ ᒌ ᐐᒋᐦᐄᑖᒄ ᒑ ᒌ ᒌᔑᑖᐙᒄ ᐊᓂᔮᔨᐤ ᒑᒀᔨᐤ ᐙᐦ ᑐᑎᒸᐦᒄ ᐋ ᑖᑆᔮᔨᐦᑎᒫᒄ᙮

ᓃᔓ ᑎᒧᕢ 1:9

ᒋᔖᒥᓂᑑ ᒋᒌ ᐱᒫᒋᐦᐄᑯᓂᐤ ᑭᔮᐦ ᒋᒌ ᑖᑆᑎᑯᓂᐤ ᒑ ᒌ ᐱᔮᐦᒋᓰᐅᒄ ᐋ ᐅᑏᔨᔨᒥᑖᑎᐦᒄ᙮ ᓂᒥᔮᔨᐤ ᐐᔨ ᐊᓂᔮᔨᐤ ᑖᓐ ᑳ ᐄᔑ ᐋᐱᑎᔒᔥᑑᒄ ᐙᐦᒋ ᑐᑖᑎᐦᒄ ᐅᔮᔨᐤ᙮ ᐋᔥᒄ ᐋᒸᔮ ᐅᐦᒋ ᑎᑯᓃᔨᒡ ᐅᔮᔨᐤ ᐊᔅᒌᔨᐤ ᔖᔥ ᒌ ᐎᔮᔨᐦᑎᒻ ᐅᔮᔨᐤ ᒑ ᑐᑖᑎᐦᒄ ᒋᔖᒥᓂᑑ᙮ ᒋᒌ ᐐᐦ ᐙᐱᐦᑎᔨᑯᓂᐤ ᐅᒋᔖᐙᑎᓰᐎᓐ ᙭ ᒌᓴᔅᐦ ᐋᐦ ᑖᔨᒡ ᐅᐦᒋ᙮

ᑖᐃᑎᔅ 2:10

ᑭᔮᐦ ᒫᒃ ᐋᑳ ᒑ ᑭᒑᒧᑎᒫᒡ᙮ ᒋᐱᐦ ᓅᑯᐦᑖᐅᒡ ᐋ ᐃᔥᐱᔥ ᑖᑆᒑᔨᐦᑖᑯᓯᒡ ᑭᔮᐦ ᐋ ᐃᔥᐱᔥ ᑯᐃᔅᒄ ᑎᒡ ᐋᒄ ᒫᒃ ᒑ ᒋᔅᑖᔨᐦᑖᑭᓂᐎᔨᒡ ᐊᓂᔮᔨᐤ ᑖᓐ ᐋ ᐄᔑ ᒋᔅᑯᑎᒫᒑᓂᐎᔨᒡ ᒋᔖᒥᓂᑑ ᒋᐱᒫᒋᐦᐄᐙᓯᒥᓂᐤ ᐋᐦ ᐋᔨᒨᒫᑭᓂᐎᒡ᙮

ᐦᐄᑉᕉ 13:21

ᐙᔥ ᐊᓂᔮᔨᐤ ᒋᑎᐹᔨᐦᒋᒑᓯᒥᓂᐤ ᒌᓴᔅ ᐅᒥᐦᒄ, ᐊᓂᑎᐦ ᑳ ᐅᐦᒋ ᐅᔅᒋᐦᑖᑭᓅᒡ ᑳᒋᒡ ᓂᔅᑯᒧᐎᓐ, ᐊᓂᑎᐦ ᐅᐦᒋ ᐐᔨ ᑳᐦ ᑐᑖᐙᑦ ᒦᓐ ᒑ ᒌ ᐱᒫᑎᓰᔨᒡ᙮ ᐋᐦᐋᐎᔨᒡ ᒫᒃ ᐊᓂᔮᔨᐤ ᒫᐅᒡ ᑳ ᒋᔥᑖᔨᐦᑖᑰᓰᔨᒡ ᑳᓅᒫᓂᔅᒑᓂᔔᐙᓲ, ᐊᓂᔮᔨᐤ ᒑ ᑳᓂᐙᔨᒥᑏᑎᐦᒄ, ᒧᔮᒻ ᒫᓂᔥᒑᓂᔑᒡ᙮ ᑭᑎ ᒫᒥᐦᒋᒫᑳᓂᐤ ᒫᒃ ᒌᓴᔅ ᙭ ᑳᒋᒡ ᑭᔮᐦ ᑳᒋᒡ᙮ ᐋᒥᓐ᙮

ᐦᐄᑉᕉ 3:1

ᓃᒋᔖᓂᑎᒄ, ᒋᔖᒥᓂᑑ ᑳ ᐎᔮᔨᒥᑖᒄ ᒑ ᐱᔮᐦᒋᐱᒫᑎᓰᔮᒄ ᐋ ᐅᑏᔨᔨᒥᑐᑖᑎᐦᒄ᙮ ᒫᒥᑐᓈᔨᒫᐦᒄ ᒫᐦ ᒌᓴᔅ, ᐋᔨᐅᑯᓐ ᐅᔮᔨᐤ ᒋᔖᒥᓂᑑ ᑳ ᐹᒋ ᐄᑎᔑᐦᐙᑦ ᑭᔮᐦ ᒑ ᒌ ᓃᑳᓐ ᒋᔖᐊᔨᒥᐦᐋᐅᒋᒫᐐᒡ, ᐊᓐ ᐃᔮᔨᐦᒄ ᒑᔥᑎᓈᔥ ᐋ ᑖᑆᔮᔨᒫᐦᒄ᙮

ᓃᔥᑎᒻ ᐲᑎᕐ 2:11

ᓂᐐᒑᐙᑭᓂᑐᒃ ᑳ ᓵᒋᐦᐄᑎᑯᒡ, ᒥᒄ ᐙᔥ ᒋᒫᓂᑖᐅᓈᐙᐤ ᑭᔮᐦ ᒥᒄ ᒋᐱᐹᔨᐦᑖᓈᐙᐤ ᐅᑎᐦ ᐊᔅᒌᐦᒡ᙮ ᐋᐅᒄ ᒫᒃ ᐆ ᐙᐦᒋ ᐐᐦ ᔒᐦᒋᒥᑎᑯᒡ ᒑᐦ ᐋᑳ ᓈᔥᑎᔨᒡ ᐃᔮᐱᑖᔨᐦᑎᒥᐦᐄᑯᔮᒄ ᐊᓂᐦᐄ ᒥᒋᓂᑐᐙᔨᐦᑎᒧᐎᓐ ᒨᔥ ᒥᔮᔑᐦᐄᑯᔮᒄ ᒋᑎᐦᒑᐦᑯᐙᒡ᙮

ᓃᔥᑎᒻ ᐲᑎᕐ 3:9

ᐊᑳᐐ ᒋᐙᑎᐱᐦᐊᒫᓲᐦ ᐊᐙᓐ ᐋ ᐎᓂᑐᑖᔅᒃ ᑭᔮᐦ ᒫᒃ ᐋ ᒥᒫᔮᔨᒥᔅᒃ᙮ ᐊᔮᐱᒡ ᐊᐅᔅᑖ ᒥᔪᑐᑎᐤ ᑭᔮᐦ ᐊᔨᒥᐦᐋᐦ ᒑ ᒌ ᒋᔖᐙᑐᑖᑯᑦ ᒋᔖᒥᓂᑑ, ᐙᔥ ᐋᐅᒄ ᐆ ᑳ ᐄᔑ ᐅᐙᔮᐱᐦᑖᑭᓂᐎᒡ ᒌ ᐱᒫᑎᓰᐎᓐ ᒑ ᒌ ᐃᓯᓈᑯᐦᒡ᙮ ᐋᑯᑖᐦ ᒑ ᒌ ᐅᐦᒋ ᐋᓂᔅᒑ ᒥᔨᑯᐎᔨᓐ ᒥᔪᑐᑖᒑᐎᓐ᙮

ᓃᔥᑎᒻ ᐲᑎᕐ 5:10

ᐄᔥᐱᐦ ᒫᒃ ᒌᔥ ᓂᓈᐦᑳᑖᔨᒧᔮᒀ ᐙᐃᐱᔥᒌᔥ ᒋᑭ ᑐᑖᑯᐙᐤ ᒋᔖᒥᓂᑑ ᒦᓐ ᒑ ᒌ ᐎᔨᑳᐳᐙᒄ, ᒋᑭ ᒥᔨᑯᐙᐤ ᒥᔅᑭᐎᓰᐎᓂᔨᐤ, ᒋᑭ ᐋᔨᒋᑳᐳᐦᐄᑯᐙᐤ, ᑭᔮᐦ ᒋᑭ ᓯᑭᔅᒑᔨᒧᐦᐄᑯᐙᐤ᙮ ᒋᔖᒥᓂᑑ ᐊᓐ ᑳ ᐃᔮᑦ ᒥᓯᐙ ᒥᔪᐦᑳᒑᐎᓂᔨᐤ ᒌ ᓂᑑᒥᑯᓂᐤ ᐊᓂᑖᐦ ᑳᒋᒡ ᐅᒋᔅᑖᔨᐦᑖᑯᓯᐎᓂᐦᒡ ᙭ ᐋᐦ ᑖᔨᒡ ᐅᐦᒋ᙮

ᓃᔓ ᐲᑎᕐ 1:3

ᒥᓯᐙ ᒑᒀᓐ ᒋᑎᔮᓈᓂᐤ ᐊᓐ ᐋ ᐄᔑ ᓂᑎᐙᔨᐦᑖᑯᐦᒡ ᒑ ᒌ ᐄᔑ ᐱᒫᑎᓰᔨᐦᒄ ᐋ ᓂᓂᐦᐄᐙᐦᐄᑯᑦ ᒋᔖᒥᓂᑑ᙮ ᐋᑯᑎᐦ ᑳ ᐅᐦᒋ ᒥᔨᑯᔨᐦᒄ ᒋᔖᒥᓂᑑ ᐅᓲᐦᑳᑎᓯᐎᓂᐦᒡ ᐊᓂᔮᔨᐤ ᐅᐦᒋ ᐋ ᒋᔅᒑᔨᒫᒄ ᐋ ᒌ ᐎᔮᔨᒥᑎᐦᒄ ᐐᔨ ᐅᒋᔅᑖᔨᐦᑎᑯᓯᐎᓂᐦᒡ ᑭᔮᐦ ᐆ ᒦᔻᔨᐦᑖᑯᓯᐎᓂᐦᒡ᙮

ᓃᔓ ᐧᒑᓐ 1:5

ᐊᓅᐦᒡ ᒫᒃ ᓂᒧᐃ ᒋᒥᓯᓂᐦᐋᒫᑎᓈᐙᐤ ᒌᔨ ᐃᔅᒀᐤ, ᐋ ᐐᐦᑎᒫᑎᑯᒡ ᐋ ᐅᔅᑳᒡ ᐄᑎᔓᐙᐎᓐ᙮ ᒨᔥ ᒋᒌ ᐄᑎᑯᓈᓂᐤ ᐃᔥᑯᑎᒃ ᐅᔅᑭᒡ ᑳ ᐹᐦᑎᒥᐦᒄ ᒑ ᒌ ᓵᒋᐦᐄᑐᔨᐦᒄ᙮