ᐄᕕᓰᔨᓐ 3:2 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

² ᒑᔥᑎᓈᔥ ᒋᒌ ᐹᐦᑖᓈᐙᒑ ᑖᓐ ᑳ ᐄᔑ ᐹᒋ ᒥᔪᑐᑎᒨᑦ ᒋᔖᒥᓂᑑ ᐋ ᒌ ᐅᐙᔮᐱᒥᑦ ᑖᓐ ᒑ ᒌ ᐄᔑ ᐋᐱᑎᓰᐎᒡ ᐊᓂᑎᐦ ᒑ ᒌ ᐅᐦᒋ ᐐᒋᐦᐄᑎᑯᒡ᙮

ᐄᕕᓰᔨᓐ 3:2 Iomraidhean Croise

ᐋᐧᐹᔅᑎᓕᒡ 13:2

ᒫᒀᒡ ᒫᒃ ᐊᓂᑎᐦ ᐋᐦᐋᑳ ᒦᒋᓱᒡ ᒥᒄ ᐋ ᒫᒨ ᐊᔨᒥᐦᐋᔥᑎᐙᒡ ᑎᐸᔨᐦᒋᒑᓯᐤᐦ, ᐋᑯᑖᐦ ᑳ ᐊᔨᒥᐦᐄᑯᒡ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ ᐋᐦ ᐄᑎᑯᒡ, “ᐹᒋ ᑎᐹᓂᐦᐋᐦᑯᒡ ᐹᕐᓂᐱᔅ ᑭᔮᐦ ᔂᓪ ᐙᔥ ᓂᒌ ᐎᔮᔨᒫᐅᒡ ᒑ ᒌᐦ ᑐᑎᒧᐎᒡ ᐋᐱᑎᓰᐎᓂᔨᐤ᙮”

ᐋᐧᐹᔅᑎᓕᒡ 13:46

ᒥᒄ ᒫᒃ ᑆᓪ ᑭᔮᐦ ᐹᕐᓂᐱᔅ ᐋᐦᒡ ᒌ ᓲᐦᒑᔨᒨᒡ ᐋᐦ ᐄᑖᒡ, “ᒋᔖᒥᓂᑑ ᓂᒌ ᓂᑎᐙᔨᒥᑯᓈᓐ ᒌᔨᐙᐤ ᒎᐤ ᐄᔨᔨᐅᒡ ᓃᔥᑎᒻ ᒑ ᒌ ᐐᐦᑎᒫᑖᐦᒡ ᐊᓂᔮᔨᐤ ᐅᑎᔨᒧᐎᓐᐦ᙮ ᒥᒄ ᒫᒃ ᐋᐦ ᐋᓍᔨᐦᑎᒫᒄ ᐋᑯᑖᐦ ᐙᐦᒋ ᓅᑯᐦᒡ ᐋᐦᐋᑳ ᑖᐱᒑᔨᐦᑖᑯᓯᔮᒄ ᒑ ᒌ ᐃᔮᔮᒄ ᑳᒋᒡ ᐱᒫᑎᓰᐎᓐ᙮ ᐋᒄ ᒫᒃ ᒑ ᓂᑭᑎᑖᐦᒡ ᓂᑭᑎᑐᐎᒡ, ᒑ ᓂᑑᐐᐦᑎᒧᐎᒋᐦᒡ ᒋᔖᒥᓂᑑ ᐅᑎᔨᒧᐎᓂᔨᐤᐦ ᐊᓂᒌ ᐋᑳ ᑳ ᒎᐤ ᐄᑎᔅᑳᓈᓯᒡ᙮

ᐋᐧᐹᔅᑎᓕᒡ 22:21

ᐋᒄ ᑳ ᐄᔑᑦ ᑎᐹᔨᐦᒋᒑᓯᐤ, ‘ᒫᒌᐦ ᐊᔮᐱᒡ ᐙᔥ ᐙᐦᔨᐤ ᒋᑭ ᐄᑎᔓᐦᐆᑎᓐ ᐊᓂᑖᐦ ᐊᓂᒌ ᐋᑳ ᑳ ᒎᐤ ᐄᑎᔅᑳᓈᓯᒡ ᐋᐦ ᑖᒡ᙮’ ”

ᐋᐧᐹᔅᑎᓕᒡ 9:15

ᐋᒄ ᐋᓂᓈᔮᔅ ᑳᐦ ᐄᑎᑯᑦ ᑎᐹᔨᐦᒋᒑᓯᐤ, “ᐄᑐᐦᑖ ᐊᔮᐱᒡ, ᐙᔥ ᓂᒌ ᐎᔮᔨᒫᐤ ᔂᓪ ᒑ ᒌ ᐹᒋ ᐋᐱᑎᔒᔥᑑᑦ, ᑭᔮᐦ ᒑ ᒌ ᐹᒋ ᒋᔅᒑᔨᐦᑖᑯᐦᐄᑦ ᐊᓂᑖᐦ ᒎᐄᔨᔨᐤ ᐋᐦ ᑖᔨᒡ ᑭᔮᐦ ᒫᒃ ᐊᓂᑖᐦ ᐋᑳ ᑳ ᒎᐤ ᐄᑎᔅᑳᓈᓰᔨᒡ ᐄᔨᔨᐤ, ᑭᔮᐦ ᒫᒃ ᒋᐦᒋᐅᒋᒫᐤ ᐋᐦ ᑖᔨᒡ᙮

ᐧᕌᒥᓐ 1:5

᙭ ᐅᐦᒋ ᒋᔖᒥᓂᑑ ᓂᒌ ᒥᔪᑐᑖᒄ ᐋ ᒌ ᐅᐙᔮᐱᒥᑦ ᑭᔮᐦ ᐋᑆᔅᑎᓪ ᒑ ᒌ ᐄᔑ ᐋᐱᑎᓰᔥᑎᐙᐦᒄ, ᒑ ᒌ ᐐᒋᐦᐄᒥᒡ ᒥᓯᐙ ᓂᓈᐦᑭᐤ ᐋ ᐄᑎᔅᑳᓈᓰᔨᒡ ᐊᐙᔨᐤᐦ ᒑ ᒌ ᐋᑎ ᑖᑆᔮᔨᒥᑯᑦ ᑭᔮᐦ ᒑ ᒌ ᐅᐦᒋ ᐋᑎ ᓂᓂᐦᐄᐦᑖᑯᑦ᙮

ᐧᕌᒥᓐ 11:13

ᐋᒄ ᒫᒃ ᒌᔨᐙᐤ ᐋᑳ ᑳ ᒎᐤ ᐄᑎᔅᑳᓈᓰᔮᒄ ᒑ ᐊᔨᒥᐦᐄᑎᑯᒡ᙮ ᐋᐅᒄ ᓃᔨ ᒋᑎᐹᔅᑎᓕᒧᐙᐤ᙮ ᒨᔥ ᒫᒃ ᓂᑭ ᒋᔅᑖᔨᐦᑎᒥᐦᐄᑯᓐ ᐆ ᐋᐱᑎᓰᐎᓐ᙮

ᐧᕌᒥᓐ 12:3

ᒋᔖᒥᓂᑑ ᓂᒌ ᒋᔖᐙᑐᑖᒄ ᐋ ᒌ ᒥᔨᑦ ᒑ ᒌ ᐋᐱᑎᔒᔥᑑᒄ᙮ ᐋᐅᒄ ᒫᒃ ᐙᐦᒋ ᐄᑎᑯᒡ ᒥᓯᐙ ᐋ ᑎᔑᔮᒄ ᐋᑳ ᐊᐅᔅᑖ ᒑ ᐄᑖᔨᒦᓱᔮᒄ ᑖᓐ ᒋᑭ ᐄᑖᔨᒦᓱᑖᐙᐤ᙮ ᒥᒄ ᒫᒃ ᑯᐃᔅᒄ ᐐᐦ ᐄᔑ ᒫᒥᑐᓈᔨᒦᓱᒄ᙮ ᒥᓯᐙ ᐋ ᑎᔑᔮᒄ ᒋᑭ ᐎᔮᔨᐦᑖᓈᐙᐤ ᑖᓐ ᑖᑆᐦ ᒑ ᒌ ᐃᔨᐦᑐᑎᒫᒄ᙮ ᒋᑭ ᐐᐦ ᓂᓈᑭᑎᐙᔨᐦᑖᓈᐙᐤ ᑖᓐ ᑳ ᐃᔥᐱᔥ ᒥᔨᑖᒄ ᒋᔖᒥᓂᑑ ᑖᑆᔮᔨᐦᑎᒧᐎᓂᔨᐤ᙮

ᓃᔥᑎᒻ ᑯᕆᓐᕠᔨᓐ 4:1

᙭ ᐅᑖᐱᒋᐦᐋᑭᓐᐦ ᒋᐱᐦ ᐄᔑ ᑭᓂᐙᐱᒥᓈᓐ, ᐊᓂᒌ ᑳ ᒥᔮᑭᓂᐎᒡ ᒑ ᐋᔔ ᒋᔅᑯᑎᒫᒑᒡ ᐊᓂᔮᔨᐤ ᒑᒀᔨᐤ ᐋᔥᒄ ᐋᐦᐋᑳ ᐅᐦᒋ ᐐᐦᑖᑭᓂᐐᔨᒡ, ᐊᓂᔮᔨᐤ ᒋᔖᒥᓂᑑ ᐋᐦ ᑖᑦ ᑳ ᐅᐦᒋᐱᔨᔨᒡ᙮

ᑳᓓᔑᔨᓐ 1:13

ᒑᔥᑎᓈᔥ ᒋᒌ ᐹᐦᑖᓈᐙᒑ ᑖᓐ ᑳ ᐄᑖᑎᓰᔮᓐ ᐊᓂᑖᐦ ᐅᑖᐦᒡ ᐋᔥᒄ ᒎᐤ ᐅᑎᔨᒥᐦᐋᐎᓂᐙᐤ ᑭᔮᐦ ᐅᑎᔨᐦᑎᐎᓂᐙᐤ ᐋ ᒌ ᓅᔔᔥᑭᒫᓐ᙮ ᓄᐎᒡ ᓂᒌ ᓂᓈᐦᑳᑖᔨᒧᐦᐄᒫᔨᐤ ᒋᔖᒥᓂᑑ ᐅᑎᔨᔨᒻᐦ ᒌᓴᔅᐦ ᑳ ᑖᑆᔮᔨᒫᔨᒡ᙮ ᒥᒄ ᐋ ᐃᔥᐱᔥ ᒌᐦ ᑐᑎᒧᒡ ᓂᒌᐦ ᑐᑎᒸᓐ ᒑ ᒌ ᓂᔑᐎᓈᒋᐦᐄᒥᒡ

ᐄᕕᓰᔨᓐ 1:10

ᐅᑎᐦᒋᐱᔨᔨᒑ ᐊᓂᑎᐦ ᒑ ᑎᐱᐱᔨᒡ ᐊᓂᔮᔨᐤ ᑳ ᐐᐦ ᑐᑎᐦᒃ ᒋᔖᒥᓂᑑ ᑭᑎ ᒫᒨᓂᒻ ᒥᓯᐙ ᒑᒀᔨᐤ ᙭ ᒑ ᒌ ᐅᒋᒫᐦᑭᑎᒥᔨᒡ, ᒥᓯᐙ ᑖᓐ ᐋ ᐄᔑ ᑎᑯᓃᔨᒡ ᒋᐦᒋᒌᔑᑯᐦᒡ ᑭᔮᐦ ᐅᑎᐦ ᐊᔅᒌᐦᒡ᙮

ᐄᕕᓰᔨᓐ 3:7

ᓂᒌ ᒋᔖᐙᑐᑖᒄ ᒋᔖᒥᓂᑑ ᒑ ᒌ ᐱᐹᒧᐦᑖᐅᒡ ᐅᒥᔻᒋᒧᐎᓐ, ᓂᒌ ᒥᔨᒄ ᐅᓲᐦᑳᑎᓰᐎᓐ ᒑ ᒌᐦ ᑐᑎᒧᒡ ᐅᔮᔨᐤ ᐋᐱᑎᓰᐎᓂᔨᐤ᙮

ᐄᕕᓰᔨᓐ 3:8

ᐋᑦ ᒫᒃ ᓃᔨ ᒫᐅᒡ ᓅᐦᑖᔮᔥ ᐋ ᐄᑖᔨᐦᑖᑯᓯᔮᓐ ᐋᑖᔨᐦᑖᑯᓯᒡ ᒋᔖᒥᓂᑑ ᐅᑎᔨᔨᒻᐦ, ᐊᔮᐱᒡ ᓃᔨ ᓂᒌ ᒋᔖᐙᑐᑖᒄ ᒋᔖᒥᓂᑑ ᐋ ᒌ ᒥᔨᑦ ᒑ ᒌ ᑭᒑᔅᒋᒥᒡ ᐊᓂᔮᔨᐤ ᐋᑳ ᑳ ᒎᐤ ᐄᑎᔅᑳᓈᓰᔨᒡ ᑖᓐ ᐋ ᐃᔥᐱᔥ ᓈᔥᒡ ᐙᔫᑎᓃᔨᒡ ᑭᔮᐦ ᐋ ᐃᔥᐱᔥ ᐋᑳ ᓂᐦᑖ ᐴᓂᐱᔨᔨᒡ ᑖᓐ ᐙᐦ ᐄᔑ ᒋᔖᐙᑐᑎᐎᑦ ᒋᔖᒥᓂᑑ ᙭ ᐋᐦ ᑖᔨᒡ ᐅᐦᒋ᙮

ᐄᕕᓰᔨᓐ 3:9

ᑭᔮᐦ ᒫᒃ, ᓃᔨ ᓂᒌ ᒥᔨᒄ ᒥᓯᐙ ᐊᐙᔨᐤᐦ ᒑ ᒌ ᒋᔅᒑᔨᐦᑎᒥᐦᐄᒥᒡ ᐊᓂᔮᔨᐤ ᒑᒀᔨᐤ ᐋᐦᐋᑳ ᐅᐦᒋ ᒋᔅᒑᔨᐦᑖᑯᓃᔨᒡ ᑳ ᐄᔑ ᐎᔮᔨᐦᑎᒥᐦᐄᑯᑯᐱᓈ ᐙᔅᑭᒡ ᔖᔥ ᒑ ᑐᑎᐦᒃ᙮ ᐊᓐ ᒥᓯᐙ ᑳ ᐅᔑᐦᑖᑦ ᒌ ᑭᓂᐙᔨᐦᑎᒧᑖᑯᐱᓐ ᐋᐦᐋᑳ ᒋᐐᐦ ᒋᔅᒑᔨᐦᑎᒨᐦᔨᐙᑦ ᐱᑦ ᐅᔮᔨᐤ ᑳ ᐄᔑ ᐎᔮᔨᐦᑎᒥᑯᐱᓈ ᒑ ᑐᑎᐦᒃ ᐊᓂᑖᐦ ᐄᔑ ᓃᔥᑖᒥᐦᒡ᙮

ᐄᕕᓰᔨᓐ 4:21

ᒑᔅᑎᓈᔅ ᒋᒌ ᐹᐦᑖᓈᐙᐤ ᑖᓐ ᑳ ᐄᔑ ᐋᔨᒨᒫᑭᓅᑦ, ᐋ ᓅᔔᔥᑯᐙᒄ ᒫᒃ ᒌᓴᔅ ᒋᒌ ᒋᔅᑯᑎᒫᑯᓈᐙᐤ ᐐᔨ ᐋᐦ ᑖᑦ ᒌᓴᔅ ᐊᓂᑖᐦ ᐋᐦᑎᑯᐦᒡ ᑖᑆᐎᓐ᙮

ᐄᕕᓰᔨᓐ 4:7

ᒥᒄ ᒫᒃ ᙭ ᑖᑎᐹᓐ ᒋᒌ ᒥᔨᑯᓂᐤ ᒥᔨᐙᐎᓐ ᐊᓂᔮᔨᐤ ᐐᔨ ᑳ ᐐᐦ ᐃᔥᐱᔥ ᒥᔨᑎᐦᒄ ᐋ ᒋᔖᐙᑐᑖᑎᐦᒄ᙮

ᑯᐧᓛᓯᔨᓐ 1:4

ᐙᔥ ᓂᒌ ᐹᐦᑖᓈᓐ ᑖᓐ ᐋ ᐄᔑ ᑖᑆᔮᔨᒫᒄ ᙭ ᒌᓴᔅ ᑭᔮᐦ ᓂᒌ ᐹᐦᑖᓈᓐ ᑖᓐ ᐋ ᐃᔥᐱᔥ ᓵᒋᐦᐋᐦᑯᒡ ᒥᓯᐙ ᐊᓂᒌ ᑳ ᑖᑆᔮᔨᐦᑎᐦᒡ᙮

ᑯᐧᓛᓯᔨᓐ 1:6

ᐆ ᒥᔻᒋᒧᐎᓐ ᑭᔮᐦ ᐋᔮᔅᒃ ᒥᔑᐦᑖᐱᔨᐤ ᐋ ᐙᐐᐦᑖᑭᓂᐎᒡ ᒥᓯᐙ ᐋᐦ ᐄᔥᐱᑎᔅᑭᒥᑳᒡ ᐅᑎᐦ ᐊᔅᒌᐦᒡ᙮ ᐋᐅᒄ ᑭᔮᐦ ᒫᒃ ᐋᑐᑖᒑᑦ ᑯᐃᔅᒄ ᒑ ᒌ ᐄᔑ ᐲᒫᑎᓰᔨᒡ ᐊᓂᒌ ᑎᔮᑆᐦᑎᐦᒡ᙮ ᐋᐅᒄ ᒫᒃ ᐋ ᐃᓯᓈᑯᐦᒡ ᒥᔻᒋᒧᐎᓐ ᐊᓂᑎᐦ ᑖᐙᔨᔥ ᐋᐦ ᑖᔮᒄ ᑭᔮᐦ ᐃᔥᑯᑎᒃ ᐅᔅᑭᒡ ᑳ ᐹᐦᑎᒫᒄ ᐋᐦ ᐋᔨᒨᑖᑭᓂᐎᔨᒡ ᒋᔖᒥᓂᑑ ᐅᒋᔖᐙᑎᓰᐎᓐ ᒑ ᒌ ᓂᔅᑐᐦᑎᒫᒄ ᐋ ᑖᑆᒥᑭᓃᔨᒡ᙮

ᓃᔥᑎᒻ ᑎᒧᕢ 1:11

ᐆ ᒋᔅᑯᑎᒫᒑᐎᓐ ᐊᓂᑖᐦ ᒥᔻᒋᒧᐎᓂᐦᒡ ᐅᐦᒋᐱᔨᐤ ᑳ ᒥᔨᑭᐎᔮᓐ ᒑ ᒌ ᐙᐐᐦᑎᒫᓐ᙮ ᐊᓂᑖᐦ ᒫᒃ ᐊᓐ ᑳ ᒋᔅᑖᔨᐦᑖᑯᓯᑦ ᑭᔮᐦ ᑳ ᔑᐙᔨᐦᑖᑯᓯᑦ ᒋᔖᒥᓂᑑ ᐋᐦ ᑖᑦ ᐋᑯᑖᐦ ᐙᐦᒋᐱᔨᔨᒡ᙮

ᓃᔥᑎᒻ ᑎᒧᕢ 1:4

ᐐᐦᑎᒨᒡ ᐋᑳ ᒑ ᐃᔮᐱᑖᔨᐦᑎᐦᒡ ᐙᔥᑭᒡ ᑎᐹᒋᒧᐎᓂᔨᐤ ᑭᔮᐦ ᐊᓂᔮᔨᐤ ᑖᓐ ᑳ ᐹᒋ ᐄᑎᔅᑳᑐᔨᒡ ᐅᐙᐦᑯᒫᑭᓂᐙᐤ ᐊᓂᑖᐦ ᐙᔥᑭᒡ ᒧᔮᒻ ᒑ ᒌ ᐄᑖᔨᐦᑎᐦᒡ ᐅᑎᐦᒑᐦᑰ ᐱᒫᑎᓰᐎᓂᐙᐦᒡ ᒑ ᒌ ᐐᒋᐦᐄᑯᒡ ᐅᔮᔨᐤᐦ ᒑᒀᔨᐤᐦ᙮ ᐋᑯᑖᐦ ᒑ ᒌ ᐅᐦᒋ ᒋᐦᒋᐱᔨᔨᒡ ᐋ ᑳᒌᐦᑳᒥᑐᒡ᙮ ᓂᒧᐃ ᒥᑐᓐ ᐐᒋᐦᑖᐅᒡ ᑖᓐ ᒑ ᒌ ᐄᔑ ᐋᐱᑎᔒᔥᑖᒫᑭᓅᐎᔨᒡ ᒋᔖᒥᓂᑑ᙮ ᑖᑆᔮᔨᐦᑎᒧᐎᓂᐦᒡ ᒫᒃ ᐋᑯᑖᐦ ᐋ ᐄᔑ ᐋᐱᑎᔒᔥᑑᐙᑭᓅᑦ ᒋᔖᒥᓂᑑ᙮

ᓃᔥᑎᒻ ᑎᒧᕢ 2:7

ᐙᔥ ᑖᑆᐦ ᓂᒌ ᐅᐙᔮᐱᒥᑭᐎᓐ ᒑ ᒌ ᐙᐐᐦᑎᒫᓐ ᒥᔻᒋᒧᐎᓐ ᑭᔮᐦ ᐋᑆᔅᑎᓪ ᒑ ᒌ ᐄᑖᐱᑎᓰᔮᓐ ᑭᔮᐦ ᒫᒃ ᒑ ᒌ ᒋᔅᑯᑎᒨᒀᐤ ᐊᓂᔮᔨᐤ ᑖᑆᐎᓂᔨᐤ ᒑ ᐄᔑ ᑖᑆᐦᑎᒧᐙᑯᐱᓈ ᐊᓂᒌ ᐋᑳ ᑳ ᒎᐤ ᐄᑎᔅᑳᓈᓯᒡ᙮ ᓂᒧᐃ ᒫᒃ ᓂᑎᐐ ᒥᒄ ᓂᔑᓐ ᐆ ᑳ ᐃᔮᓐ᙮

ᓃᔓ ᑎᒧᕢ 1:11

ᒋᔖᒥᓂᑑ ᓂᒌ ᐅᐙᔮᐱᒧᒄ ᒑ ᒌ ᐙᐐᐦᑎᒫᓐ ᐆ ᒥᔻᒋᒧᐎᓐ, ᑭᔮᐦ ᐋᑆᔅᑎᓪ ᒑ ᒌ ᐄᑖᐱᑎᓰᔮᓐ ᑭᔮᐦ ᒑ ᒌ ᒋᔅᑯᑎᒫᒑᔮᓐ ᐆ ᒥᔻᒋᒧᐎᓐ᙮